JK Kitchen (已結業)

從來無打過食評，但今次真係忍唔住，因為真係好難食！ 口痕痕想食越南野，見到依間好似OK多好評就諗住去試下。入到去鬼影都無，心諗可能閒日少D人，跟住問攞menu，咩都無，得返個午餐menu，仲好似話做緊特價咁，晚餐有得叫午餐menu咁。跟住叫咩無咩！我叫左海南雞飯，朋友叫左豬頸肉飯，兩樣都好難食，加上份量超少！真係唔知做咩，完全唔明點解之前可以咁多好評。所以真係忍唔住要打我第一篇食評，唔想佢再昆到人去食。

話說今日lunch同同事黎呢間餐廳食，叫左個豬頸肉飯，見到碟飯簡直下巴跌左落地下，4塊超薄切豬頸肉加一碗仔白飯，你不如直接俾碗白飯我算啦🤬🤬🤬咁既質素，你不如唔好開門做生意啦，間餐廳平時上去食飯都唔見有d咩客，仲要整d咁既野俾人食，唔怪得之無客！！！

下午茶$38蚊嘅燒豬頸肉飯+$5蚊凍飲果5片豬頸肉 加埋都冇一塊叉燒咁大......................中途仲上錯左個香茅雞亦飯，都係得兩隻雞亦，但目測多肉過我果5片豬頸肉....

忙碌的一天又過完了，緊係去食翻個豐富的dinner慰勞下自已。聽朋友講呢間JK KitchenD越南菜式都幾好味，餐廳環境好優雅，裝修精緻，座位也比較寬敞生熟牛肉河肥牛片肉質好鮮美 肥瘦均一帶有甜味 原來係雙拼 裡面有埋牛腩肉 口感好豐滿 啲 湯底清甜不油膩 全部飲曬哈哈哈哈越式紙米卷每一舊紙米卷都由煙韌同薄既米紙包住好多的米粉，蝦同菜，蘸上酸甜既汁，好好味，值得品嘗。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

昨日，同事介绍一家上樓餐廳午膳，首先一講這餐廳坐得舒服，装修很浪漫，我點了一份海南雞午餐48元包熱飲品，食物質數可以算ok，重要在銅鑼灣區午膳有甘好環境甘價錢，真不敢想象日後這家越泰菜餐廳變了我私人飯堂!

今日下午同朋友係銅鑼灣行見到啲阿姐派傳單跟住見到呢間啲野食都幾OK所以黎試吓都幾好食環境又優美三個人黎叫左個海南雞飯，良野媽咪醬雞球飯，馬搵咖哩牛腩飯，小食拼盤，啲海南雞又唔鞋，個雞球飯啲雞球炸得又夠趣啲醬又咸又甜幾好食，啲咖喱唔算太辣牛腩都好淋，小食拼盤有夠多小食

今天第一次去這間餐廳，落單時有兩個午餐牌，分別四款及兩款食物，我和朋友點了其中三款，結果飲品到了才知道全部冇得供應，原來只有兩款食物，結果我們立刻離開！實在太差的服務！

朋友推薦，但真的好失望，之前的菜單都換了，午市只有兩個兩個選擇，一個海南雞飯，一個叻沙，平均等候時間40分鐘。海南雞飯味道正常，叻沙味道很一般。但明明有另一張菜單，男服務員並沒有拿過來。可能是因為廚師只有一位？但午餐時間準備如此不充分實在說不過去但餐廳整體環境還是很不錯的，色調簡明，座位非常寬，一點都不會覺得窄。我們一行人去的很早，但下午1點左右，人慢慢變多。可能餐廳最近在研究新的菜單？雖然今天體驗不太好，但之後還想嘗試更豐富的菜品

同朋友2個人係銅鑼灣行完街想揾啲野食醫下肚仔，但又唔想食太普通嘅菜式，就上網揾左呢間越南菜試下！點知食物竟然令我地都意想不到，食到非常飽先走！我地2個首先叫左個越式春卷撈檬，佢春卷炸得非常脆口，但唔油膩，好食！撈檬醬汁另外提供，加埋檬粉一齊食，酸酸甜甜，最岩做開胃菜！講到越南野，當然離唔開牛油雞翼啦！我地都叫左一份雞翼，半煎炸加上脆蒜，非常惹味！一份5隻，同朋友每人有2隻左右，做小食最岩！主菜我地叫左個越南老闆娘炒米，見佢個名幾得意，就叫一個黎試下！味道適中，唔會太咸太油，幾好食！野飲我同朋友一個叫左杯龍眼冰，一個叫左杯珍珠奶茶，2杯味道都唔會太甜，唔錯！

忽然想食越南嘢，就拉佐同事陪我去试试，間餐廳位於銅鑼灣，餐廳不大，但環境舒適 ，溫馨 ，坐得舒服不侷位置还算方便。這裡的肥牛片優質一，上菜就聞到了香味肥瘦均一帶有甜味原來係雙拼裡面有埋牛腩肉如果嫩翻少少會好啲湯底清甜不油膩全部飲曬哈哈哈哈燒牛肉撈檬牛肉賣相還算精緻，燒得好香 牛肉味濃配上撈檬酸酸甜甜 ，感覺挺特別的。价格：價格總體還算可以，下次還會來。總括來說，我同朋友都覺得還可以，服務員態度可以再好一點點。

生熟牛肉河肥牛片優質肥瘦均一帶有甜味原來係雙拼裡面有埋牛腩肉但係可惜腩肉過硬有點柴如果嫩翻少少會好啲湯底清甜不油膩全部飲曬哈哈哈哈服務態度優良問佢攞額外辣椒粒時候好細心咁問到底要辣椒醬定辣椒粒而且extra嘅分量都多當然我都無浪費啦另外炒飯分量相當充足欖菜同醬料嘅味道都炒曬入去味道濃郁 可惜肉碎分量非常少爭咁少少咬口overall非常唔錯而且lunch時段包一杯熱飲凍飲另外加兩蚊另外順帶一提就係環境幽靜都適合傾計

晚餐諗唔到食咩就search openrice，見到幾多好評，就揀呢間，去到冇乜人，叫左小食拼盤，蕃茄蟹檬同Jk Special嘅雜錦湯檬。上菜個下已經覺得中中地伏，個小食拼盤勁hea，下面求其有幾條椰菜絲墊底，未食，反轉春卷全部都係燶哂，炸到硬哂，爛到啲餡跌哂出嚟，淨係睇到個樣都已經唔想食… 最後都決定試下，一食落去一陣怪味，啲燶位又硬又苦啲魚露汁正常應該酸甜，點知啲度又咸又唔酸，超奇怪試拼盤啲雞翼，又冇牛油味，又有怪味整體嚟講就係全部野都冇佢應有嘅味然後上左雜錦湯檬(牛腩，雞絲，札肉，肥牛)，一睇，又中伏，所謂牛腩多渣冇牛肉味，湯底淡如水，雞絲似雪櫃隔夜攞出嚟，札肉又薄又hea，肥牛有渣最後上蕃茄湯檬，一睇，又再中伏，個兩片札肉hea到一個點，啲蕃茄又有啲怪味，肉丸似大陸啲肉丸，真係食到口都wei埋收咁嘅價錢，俾啲咁嘅野客人食，性價比極低 極失望

登龍街有好多嘢食，呢間要上樓，好易被人忽略，加上今日星期一，同友人幾個靜靜地舒舒服服咁坐到人哋要閂門。小食拼盤，雖然我唔食蝦，只係食咗春卷同雞翼，我覺得調味唔錯，春卷話係舖頭自己包嘅，我唔知有咩饀，但口感幾好，雞肉又夠滑，而且都係新鮮炸起嘅。個生牛河呢，個湯味道OK，飲完唔覺口乾，河粉又好"雪"，牛肉肉質都唔錯，唔韌。整體來講，整餐飯食得好高興，傾得好開心，掛住傾都唔知幾點，坐咗成晚都無被人催埋單。

又到星期五, 今日得返一隻飯腳, 兩個人易話為一於試d未食過嘅餐廳😁 揾到銅鑼灣登龍街嘅樓上越南餐廳! 到達時餐廳滿左六成, 待應得一個, 點菜, 上菜都比較慢, 當日空調仲壞左😓..好彩唔算等得太耐我最愛嘅牛河!!個湯都幾入味, 牛都好食, 正😋 同行飯腳叫的撈檬亦不錯, 佢邊食邊讚仲話下次要帶埋其他飯腳嚟😂 唯一唔好嘅就係炎夏外面三十幾度仲要食住熱辣辣湯河先嚟壞冷氣... 真係揀啱時候... 😞 希望下次再嚟冷氣冇問題啦!

首次幫襯，感到相當驚喜。不過是平凡普通的越南菜式，竟然令人覺得如此美味。豬頸肉撈檬：豬頸肉偏瘦，燒得香口，吃著有淡淡的一種香料味道，魚露醬汁調較得比坊間一般餐廳淡口，卻不致淡而無味，整體感覺清新。蝦柚子青瓜沙律：木瓜比想像中少，柚子才是主角，但整體口感爽脆，沙律汁也好味，煎香了的蝦更是錦上添花。炸物拼盤：最驚喜是蔗蝦，吃著竟有蔗香！原本最想吃的牛油雞翼不夠牛油香，有點失望。蝦卷和魚餅一般。春卷包生菜吃也不錯。店子裝修平實，服務十分有禮。唯一是當日只收現金，跟OP資料不符。