影片
喺OpenRice见到啲留言话老板态度好差，所以做定心理准备去买外卖，感觉可能老板系韩国人，语言不通，俾人感觉好冷淡，不过落order嘅过程尚算OK，至少佢喺收银附近痴咗啲简单嘅中文字方便，我哋同佢沟通要辣定系唔辣最后我哋试咗最正路嘅紫菜包饭，同辣泡菜饼，原本以为叫咁少嘢会唔够食仲谂住买下其他，不过返嚟见到其实都几大份，尤其是𠮶个辣泡菜饼，真系好似Pizza咁大个size，加埋紫菜包饭成碗饭咁到最后我哋都食得好饱
继续阅读
唔知点形容，但真系好好食，好近似去韩国当地的味道，泡菜特别新鲜，几十蚊有交易，仲好食过过百蚊一个餐个啲餐厅。系个附送既汤啖左啲，lunch有杯麦茶送好特别。但我唔系咁想推，唔想咁多人同我争位😂
继续阅读
第一次嚟到呢间令人闻风丧胆嘅韩式小店，听讲呢间店的老板态度麻麻，我就入去试下午市堂食。今日老板的心情应该可以，起码冇大声闹人。入到去第一时间记得掩翻埋度趟门，如果唔系就比人闹喇。之后排队，堂食的话记得先嘟安心同针纸，我都差D唔记得嘟安心，好在老板只系唔耐烦，冇闹我。老板广东话麻麻，都听得明广东话，我用英文落单，讲number得喇，我听嘢都有小小困难，我点左蔬菜什锦饭，佢会问你要猪牛鸡，原来会加少少肉嘅，另外叫左玉竹茶，佢会问你热定冻，比完钱，佢会指你坐边,我会嘢食觉得够热，蔬菜丰富好食，觉得淡可以自己加D甜酱，记得快D加，如果有人黎食，佢之后会你未食完会收番支酱㗎！整体食物价钱ok，可以认识唔同文化都系好，希望大家嚟到都少D误会，可以多D沟通，享受韩国美食！
继续阅读
一位见人就闹就发脾气的韩国人老板，今日同一位伤健人士一入到，就比佢喝住叫关门，之后因为伤健人士行动不便，佢都唔会有小小良心，比多少少时间佢行埋一边，系呼喝佢，仲怀疑如果行迟半步会比佢一手推开！我为求保护友人我即刻走为上著！之后有另一位友人讲开，话佢难食，唔算平，态度最差，今日系发现最衰系跌埋个良心！！坦白讲，态度真系因人而异，但系良心跌咗就真系无，佢系谂住个个都顶得顺佢嘅气佢就错，好彩上嚟呢度见到好多劣评心理都平衡啲！我完全唔明白嘅正评系点样嚟，而大家又可以咁样去将一个咁样嘅餐厅做正评，系咪都系跌咗个良心？
继续阅读
未试过去韩国餐厅食饭，老板态度可以咁差，入紧既时候已经叫我地快啲快啲要闩门，跟住我地叫左餐坐低后提出想转位置，但𠮶个韩国老板即刻超大声呼喝叫我地坐系原位唔可以转，当时系有空位唔系多人，但佢就超大声系全部客人面前叫坐系到坐系到唔可以转😓跟住黑面口噏噏话我地，其实唔俾转都可以同我地讲声，而唔系一黎就呼喝我地啰，声线大到全间餐厅啲人都望住，请问点解要受你气呢？当啲客系咩？态度超级差，以后唔会帮衬真心！影衰哂韩国人
继续阅读