K2 Kitchen (已結業)

朋友生日...前一日網上訂枱過黎慶祝食生日飯一坐底已經送上一份小食 每次都會唔同 今次係青瓜三文魚小食Lunch set選擇幾多下 觀塘工廠大廈黎講價錢相算合理 前菜：沙律/ 蘑菇湯沙律好新鮮 上面鋪左好多塊芝士蘑菇湯飲湯粒粒蘑菇蓉 唔係罐頭貨色 好好味主菜：阿拉斯加蟹肉檸檬意大利飯上面鋪滿蟹肉 飯係糙米 再加左少少檸檬汁 食落幾開胃得黎又健康香煎紅立魚柳忌廉汁 好大塊魚柳 而伴碟整得好有心機2樣都煮得好出色 侍應都好有禮貌 可以再試

難得放早,早收工就出去搵好嘢食約咗朋友喺觀塘食飯, 但係又唔想去啲連鎖店度迫,所以就去搵下觀塘工廠區有咩西餐好食**之前聽過朋友介紹係apm後面嘅k2 kitchen 西餐唔錯。位置非常近，好容易搵到。餐廳環境闊落，而且好有西餐Feel！Lunch menu 都有好多唔同選擇，而且有不同價錢，俾客人選擇。一坐低就已經準備好麵包條同前菜，我地揀左雜菜湯，湯非常足料。我主食揀左澳洲牛配飯。$108份量十足，好有厚度，入口好有咬感。至於我朋友就係另一款牛柳配虎蝦，朋友話件牛柳都算“林”嘅，無乜根，都易入口，個汁都幾好味。最後叫埋飲品同加左$10食埋個甜品，係cheese cake，重好有心思添。

觀磄西餐首選前菜、餐湯、主菜、甜品加drink$100左右，仲要坐得舒服，傾得開心，差不多個個月都要去兩三次。食物方面，前菜的餅乾條，可能放得耐，入口有一點點水氣，但當附送點心來看，也沒所謂。主菜的意大利飯，軟硬適中，份量看似很少，但因為有芝士關係，所以好飽肚。而牛扒方面，有點點over cook,如果食七成的，最好要五成。總結是，食物質素ok,環境又舒服，間中都會去。但記得一定要book位，walk in 去通常都唔駛諗

全部意粉 ，飯，扒都可以加$58變set係真心吾錯價錢公道北海道帆立貝黑松露意粉好出色 ，尤其係汁方面而另外有叫到紐西蘭肉眼扒 亦很出色,好多肉汁的確係高水準既餐廳但係去到大概十點有位感覺似經理既女員工過黎並好無禮貌咁搖晃住個帳單語氣好差咁一直講要埋數,亦無直接講要埋單比錢先，其實佢語氣好啲講句要埋數麻煩埋單先就已經好好，真係吾明點解佢一直只係講要埋數姨兩隻字本來好出色既晚餐都比佢破壞曬

聖誕正日食飯俾人擋就預左啦，不過對食物質素同個別員工服務有失望。首先講頭盤，鴨肝，覺得都唔錯，可以再煎得脆口小小。龍蝦湯有蝦用，咸左小小。重點羊架，五成熟切出嚟似三成，佢話係慢煮，唔香口，似烚羊肉多，切開叫佢再煎過都唔香口，好失望。甜品唔好食。其中一個女員工黑口黑面，放餐具求其放，我地食完d 龍蝦攞喺枱佢冇清理不特止，上個甜品就咁放喺d 龍蝦殻上面就算，食個晚飯五舊水換呢d 服務實在失望。不過有個男員工服務態度都唔錯，見我地對份羊架唔滿意都主動提出問我地洗唔洗點過其他主菜。

觀塘區工廈的高質西餐廳k2 kitchen 是我常到的西餐廳，今天又來吃lunch 了。今之點了照燒加拿大小牛排及鮮三文魚彩椒意大利飯，試試新野!三文魚白汁意大利飯(Kim 子推介指數8/10)什菜湯將蕃茄打成熔，加入大量蔬菜和豆類煮成，真材實料，沒有加入任何茄醬或茄膏，是非常開胃的一道熱湯。主菜的白汁三文魚意大利飯，吸收了滿滿的忌廉白汁，混和表面的芝士碎，令意大利飯充滿香滑的口感。而三文魚則切成細粒，並煮至剛好熟，吃下去是嫩滑的口感，並於飯中加入薯仔粒和什菜粒，令整個白汁飯取得平衡。照燒加拿大小牛排 $103 (Kim 子推介指數9/10)牛小排牛味濃郁，7成熟，肉質細嫩，滿口油香，一點也沒有鞋口。照燒汁相當惹味，卻一點也沒有搶味，配搭不錯。每款菜下面均有一種獨特的醬汁，有紅菜頭汁、南瓜汁及豆汁，誠意十足！

近排需要返PART-TIME 所以去觀塘工廈食LUNCH ，時間又比較彈性 所以12點左右去左呢間位於13樓K2 KITCHEN 食晏，因之前已經留左位，所以去到店員都可以安排到位置比我地。 店舖雖然在十幾張枱，每張座位都舒適及乾淨。 杯上已放左麵包條 味道咸咸的配湯一流 來到熱熱又香又脆既迷你蛋撻，中間配有小帶子肉，味道很香的小食。 午餐有A-H 共有8款選擇，由HK$63- $153，配上餐湯/沙律及飲品 選擇款式夠特別 是日餐湯是甘筍湯 甘筍湯幼滑香氣十足質感濃厚，每一口都很幼滑味道好 兩個套餐一個跟飯，一個跟蔬菜 酥皮焗深海石斑伴牛油檸檬汁 因為幾特別又有酥皮食落有口感，個汁味都唔太重配上魚一起食非常之夾。 切開一半賣相跟味道一樣很好，食起來酥脆又同時可以吃到滿滿的石斑魚肉 厚切美國黑安格斯肉眼 因我非常怕食得生所以點選就要全熟 來到亦好驚喜食落剛剛好不會覺得咬唔開，脂肪分佈得均勻，每一口食都有牛味道，充滿左肉汁很滋味。 餐飲凍檸茶 服務態度方面都不錯，環境衛生都夠乾淨 入到黎像高級餐廳個佈置，價格中等款式都夠全面。

今次由觀塘番工嘅朋友仔帶我覓食，係隱藏於工廈嘅西餐。燒有機紅菜頭伴羊奶芝士。北海道帆立貝。檸檬泡沫 (前菜)賣相好有趣，紅菜頭加檸檬好開胃，帆立貝亦。蟹肉粟米蓉湯通常岀面都係忌廉湯，粟米湯比較少有。幾香濃，甜甜地，唔錯wo。酥皮釀煆鵝肝紐西蘭羊柳賣相好靚呀！好traditional 嘅菜式，酥皮同羊柳之間塗了一層鵝肝醬。好香呀羊柳都幾嫩，再配埋個蜜糖芥末籽醬，成個組合好正！藍苺芝士蛋糕最後食番個cheese cake甜一甜，太滿足了

又係觀塘樓上cafe，有搵到新發現，呢間以黑色裝修為主，好有情調cafe，都未點野食，先來餐前小食，十足食法國菜般，而且係用Parma ham卷麵包條，好高檔次，之後叫了三個set lunch ,先來鮮打蘑菇蓉湯，非常香濃，啖啖蘑菇肉，另一個餐叫了沙律，有幾大片的芝士，主菜紐西蘭黑安格斯肉眼$103上枱個賣相已好吸引，有伴碟裝飾，好有誠意，而且係不同醬汁，有南瓜蓉，青豆蓉。叫了五成熟，見到中間透紅，外面煎得香脆, 入口好多肉汁, 感覺到濃濃的牛肉香味, 呢個價錢食到咁靚既牛扒超值，配上特色雜菜，仲有雲耳添。香煎美國極黑豬肉眼配法國白桃汁$153外面香脆金黃色, 肉質唔會太硬太鞋, 點埋個白桃汁, 配上黑豬肉眼更帶出鮮甜味, 松子仁醬烤三文魚柳$103，呢個配飯食，三文魚柳超厚身，魚皮煎至香脆。最後叫埋餐茶，非常高質素的一餐。

觀塘工廈有太多隱世餐廳,食極都食唔完，今次就同朋友放工試左呢間工廈西餐。可能8點先食，唔駛等位就有得入坐。餐廳裝修簡約得來又好舒服，坐位唔逼同唔嘈，最適合靜靜地傾計。Menu就有分set dinner同單點，見價錢唔差得遠，就同朋友一人一d個set, 仲加多個輕煎刺身帶子。前菜係焗車打芝士煙肉大啡菇，鋪左勁多煙肉同芝士，焗得好香，一切開仲有好多汁！另一個係紅菜頭 羊奶芝士帆立貝，上面鋪左檸檬泡泡，賣相好靚。set仲有跟餐湯，點左栗米蟹肉湯，估唔到好濃仲有好多蟹肉添！至於主菜就點左紅茄燴牛仔膝，好大份，d肉好腍好入味。臨尾仲有甜品，藍莓cheese cake, 雖然好飽，但都忍唔住食曬成個！好飽又滿足既一餐。

活在喺呢個咁急促既都市，乜都要快，工作要快，行路要快，連食個晏都要快！美味子近排實在太忙，太多搞作，今日又嚟食個快飯，約左肥占傾下㊙️密計。室內環境- 餐廳內以黑白色格調為主，感覺似去高級餐廳，座位都好新淨同整齊。梳化都好新淨，如果有興趣發掘下新餐廳既朋友仔可以嚟試下，不過就要預返時間等𨋢，因為佢係13/F, 而d𨋢係貨𨋢，所以都要d耐牲等。Lunch Menu硏究完一輪，見到隔離枱d野食幾好味咁，肥占同我美味子分別叫左午餐H同G，感覺最吸引😋😋。Drink menu前菜係Parma ham加麵包條。羅宋湯沙律🥗午餐H - 香煎美國極黑豬肉眼配白桃汁。肥占話估唔到又幾好味，個桃醬係凍凍地，肥占呢d老一輩就話一凍一熱唔係幾受得，美味子我一聽到就覺得好正喎！下次都試下先👍🏻午餐G- 香草松子仁醬烤焗三文魚柳。又係有驚喜，一食第一啖，嘩！層魚皮咁香脆既？！但魚肉又軟熟架喎！好味喎！😋個lunch set d presentation 都有板有眼，而且仲要叫完差唔多10mins內有，真係快、靚、正👍🏻美味子以後又多一個地方搵食啦！🤩

觀塘好多樓上cafe，今日午餐就去左呢間高質cafe，雖然喺工厦，但環境及裝修一點也不差，乾淨企理，食物質素好煙肉薯仔湯呢個係set lunch嘅是日餐湯, 一啲都唔馬虎, 薯仔蓉湯非常香甜，配埋煙肉粒, 好惹味紐西蘭黑安格斯肉眼, 燒汁外面煎得香脆, 入口不韌而且肉汁豐富, 感覺到濃濃的牛肉的味道, 性價比高, 廚師都放左好多心機喺擺盤上面, 上枱個賣相禁不住講一聲好靚呀香煎美國極黑豬肉眼配法國白桃汁同樣煎得香脆, 肉質細嫩無腥味, 加埋個白桃汁, 提升左黑豬肉眼嘅甜味, 加埋個靚靚嘅賣相, 真係色香味俱全

觀塘一向都有好多好食嘅西餐呢間都唔例外啱曬喺觀塘返工嘅各位同同事嚟聚會， 今次叫左個牛肩甲配薯蓉， 牛肩胛嘅肉質非常好， 配上餐廳獨有嘅醬汁， 帶出咗嗰陣牛味， 牛肉嘅汁同餐廳嘅醬汁都混合咗落個薯蓉度非常之有味同好食但係想提提大家記得一定要book位， 過咗十二點半之後餐廳就好多人㗎啦

今日miss.K 約我食飯，一於去觀塘等她放工，聽佢安排搵食。今次跟上工廈食飯，室內裝修都唔錯，用餐氣氛輕鬆！最喜歡係光線浪漫下進餐。價錢一啲都唔貴，$200 至$300 已經有一個美味可口嘅晚餐，我第一眼就喜歡上鹿兒島有骨黑豚豬鞍伴楓糖芥末籽, 青蘋果蓉 $210。追加$58就可以轉套餐，咁我就可以 enjoy 埋頭盤啦!湯啦!甜品啦!同埋餐茶啦!首先係頭盤，有得揀嘅、我就揀咗帆立貝，鮮甜有肉厚。一上枱就見到好多泡泡，原來係檸檬味泡沫. 真係一啲都唔簡單因為仲有燒有機紅菜頭搬羊奶芝士!餐湯都好美味，粟米蓉湯好 creamy 而且仲有好多蟹肉添!正！主菜鹿兒島有骨黑豚豬鞍，我個人就特別喜歡日本嘅出口食品，一般來講品質都好有保證！大大件豬鞍好有份量，果然豚肉肉味濃郁，鮮嫩多汁，質感柔軟幼滑。伴以楓糖芥末籽 & 青蘋果蓉 ，味道就更加豐富啦！套餐嘅甜品係蛋糕，口感軟綿綿，甜味適中，值得讚下！最後要返杯熱檸水清一清油膩感覺，品嚐了圓滿的一餐！

今日同朋友出觀塘決定順便去工業大廈覓下食係APM後門行出去冇耐就見到而家K2 kitchen係食西餐嘅 於是就諗住同朋友入去慢慢食一餐順便吹下水餐廳內部環境都幾大 黑色格調為主都幾適合慢慢食餐飯傾吓計下晝有lunch set 我哋每人叫咗一個set肉眼扒配雜菜肉眼扒七成熟肉質軟綿 面上有磨菇 配上汁 好好味同友人都覺得有驚喜雜菜種類多 有淡淡牛油香味帶子意大利飯好多帶子粒 又鮮又軟味道好特別 同友人都覺得好味道飯粒粒都沾上汁嘢食好食之餘環境都好推薦