Kaleido Coffee

营业中

休息中

小妹從台灣回來，兩人一起想去嘆個早餐，一路走一路走，平時只在門外經過的咖啡店，今日就黎個試食，店鋪外觀內觀都一樣整齊悠閒，好有心意的手作餐牌，用心介紹食材，order 完食物，我都再攞個餐牌嚟慢慢睇。我哋兩個都點咗all day breakfast （有我最喜愛嘅大啡菇好食），小妹飲latte （小妹話個咖啡偏苦），我就飲cappuccino （我覺得正常好味），上菜時間正常沒有要等很久，兩人一路嘆咖啡，慢慢食早餐，慢慢傾計，是一個好地方。

✡️ 招牌日式海老意粉蟹籽同埋海老份量好多，意粉好掛汁，個 醬汁又十分滋味。蕃茄仔好鮮甜，冇草青味，唔知下次可唔可以要求加多d 呢😜✡️ 我就揀左杯 賞心悅目嘅..斑斕椰香燕麥奶先飲一啖，嚐一嚐個咖啡味☕然後攪拌，再飲一啖，香濃嘅椰香味🥥滲出來，再有淡淡嘅斑斕味💚，味道好有層次。仲有好貼心，真係可以做到少冰🧊如加配指定飲品：熱 美式咖啡 +＄20熱 鮮奶咖啡 +＄25 （凍飲+＄3）🔹見到隔離枱 ordered 18個月風乾火腿 配牛油果意大利三文治，wow，眼見仍 keep 到高質素，好多牛油果🥑職員雖然唔係話好熱情嗰種但一定係友善同埋有禮現場氣氛輕鬆愉快平日中午時段，坐滿8成支持小店

每日都不知忙乜，總是沒有讓自己停下來，所以今日決定在探爸媽之前找間咖啡店坐一坐，停一停。店子唔算大，但有齊專業的工具，而感覺亦簡約舒適，令我輕鬆自在。食品選擇唔少，分別有三文治、貝果、牛角包、全日早餐、小食、意粉、烘焙食品和甜品。見張相好吸引，所以揀咗份18個月風乾火腿配牛油果意大利三文治（$45)，夾滿饀料，好豐富！意大利包烤得香脆可口，配上柔軟油潤嘅鹹香風乾火腿、香滑嘅牛油果、清新嘅蕃茄和沙律菜，淋上黑醋汁，配搭美味！大啖咬，好滋味！飲品都好多選擇，有黑咖啡、白咖啡、滴濾咖啡、特品、梳打、無咖啡食品等。天時暑熱，就要杯冰斑蘭椰香燕麥奶咖啡（$55）。層次分明，很美！先拌勻，椰香、斑蘭香、咖啡香集於一身，香甜而不膩，配搭吸引，很好喝！

Kaleido coffee 位於屯門，一間相當Cozy的cafe，坐低飲杯咖啡睇下書開部laptop做下野，非常適合文青或者上班一族～但係今次唔得閒慢慢坐，所以安排咗外賣，食物同飲品嘅質素都非常之高！點左一杯iced mocha 同creamy black，mocha 朱古力味好香濃，岩岩好 balance 到咖啡嘅香味，唔會太霸道撩蓋左咖啡味～latte方面都係，濃郁奶味襯托住上等咖啡豆沖出嘅base，咖啡嘅香味永遠都係咁特別咁出眾，兩者比例調得恰到好處😋食物方面試咗兩款包，第一款蛋黃脆蝦沙律牛角包，個croissant 做得超好超脆皮，薄薄地又唔會太硬，裏面嘅沙律蔬菜好fresh，最正係個蛋黃蝦，真係啖啖蝦肉絕不欺場，必試推介！另一款燒牛肉車打芝士拖鞋包都好出色，牛肉燒得好香好juicy，夾埋香滑芝士，成個texture好豐富味道好有層次，但係大個都幾飽肚，食個包都夠一餐正餐～總括而言，kaleido cafe可以滿足想嘆杯咖啡慢慢坐嘅朋友，如果你以為佢係咖啡店嘢食會較遜色就錯了！肚餓行過當正餐都絕對冇問題，各適其適任君選擇，推介大家有時間不妨試吓😍

見到OpenRice評價咁好去試吓 點知兩杯咖啡都只係得六成滿 凍嘅咖啡冰都冇 熱咖啡又唔夠熱 凍咖啡又唔夠凍 飲管又無 熱嘅咖啡拉花都冇 仲特登去 非常失望 OpenRice第一間就出現呢間仲以為好好 極度不推薦

🥰 start a GOOD DAY#香噴噴嘅烘焙味 🥯#陣陣誘人嘅咖啡味 ☕#愉快輕鬆嘅音樂 🎼 1️⃣意大利三文治🥪🔸牛油果🥑賞心悅目😍，成熟情度剛好，口感 creamy，面頭仲有mixed seasonings，配 肉質柔軟嘅Parma Ham🥓 一齊食，味道好 match。🔸包外脆內軟，內搽有 cream cheese，配上蕃茄🍅 十分鮮甜，唔會有草青味，而生菜🥬都好新鮮，整體味道豐富及有層次感👍🏻2️⃣Dirty ☕鍾意佢由上到下都好有層次，睇落好治癒。飲落去由濃到淡😋，溫度由熱到凍👍🏻，呢個咖啡味好啱我🥰食物有 heart女職員友善環境舒適休閒

今日約左朋友一齊去cafe chill 下，平時好少行開置樂呢邊，今次就專程去發掘下呢頭嘅特色小店。今次去嘅呢間其實都幾多人推薦過，係行精品咖啡店路線。 舖頭雖然唔係好大，但格局令我坐得舒服，唔會逼夾。裝修就行簡約清新風，成個vibe 係幾chill，好啱約朋友黎傾吓偈或者帶部電腦嚟做吓嘢。今次就嗌左兩杯嘢飲同埋兩份食物。順帶一提，呢度嘅Staff都好友善同sincere。*經典意大利朱古力☕️超級濃郁，口感極Creamy，同平時出邊普通飲到嘅熱朱古力一啲都唔同，rich同滑好多👍🏿有驚喜*京都抹茶鮮奶🍵抹茶味出，唔會過甜又或者有種好假嘅抹茶糖漿味，加埋有心思嘅拉花，睇得又飲得。*煙三文魚沙律菜貝果🥯貝果有咬口，亦都做到有少少外脆內軟嘅感覺。加埋煙三文魚沙律菜嘅配搭，食落好夾，好食。*日式碎蛋沙律三文治🥪一擺上枱面，極大份，兩個女仔一齊食都好夠飽。個麵包係口吐絲，好鬆軟唔會話好硬好乾，而入邊嘅碎蛋沙律調味都啱啱，好食落好清新同健康。整體嚟講，我覺得呢間Cafe係高質嘅，亦都值得再回頭到訪試下佢其他嘢。

呢間小店位於屯門置樂花園，開張應該有差不多一年終於搵個機會去試吓。座位不多大約有10幾個座位，由幾個年輕人做主理。食物選擇有意粉及三文治及蛋糕，今次我order了海膽汁雞翼意粉，croissant,一杯焙茶鮮奶咖啡和一杯Flat white。意粉做得很出色，濃郁的海膽龍蝦汁，掛在每一條意粉上，味道剛好 ，賣相精緻 。最近愛上了學焙茶鮮奶咖啡，但不是每間Cafe都有，這間店有我當然點了一杯試吓 。焙茶味很濃郁，沒有被奶味蓋過，恰到好處 。至於Flat white,味道很濃郁，我個人比我喜歡喝熱咖啡，這裏的咖啡溫度很夠熱👍🏻難得在屯門置樂有這些休閒小店我定必會再幫襯❤️

🌟Japanese Lobster Pottage Pasta 🍝(招牌日式海老汁意粉）🔹Wow！果然係招牌意粉！意粉入口 海老味超濃，非常掛汁。雞槌（drumsticks）🍗外層 好 crunchy，裏面肉質 好嫩滑。🔹好有心思！今期係雞槌🍗，上一期係蝦🦐，每期係唔同的，好期待下次去食究竟係咩呢😜🌟Lotus Biscoff Cheese Cake🍰🔹top 嘅焦糖面層口感好幼滑，配埋成個芝士蛋糕食，味道好夾，口感輕巧，配咖啡最啱！ 整體味道冇想像中咁甜😊🌟Dirty🔹一見視覺上已好療癒。先飲一啖，品嚐香濃而溫暖嘅咖啡味道，然後係凍奶。多重視覺、溫度、味道嘅享受❗地方 唔大，但係座位唔會擠逼。設計 文青、簡約，感覺休閑、舒服。職員態度 友善殷勤。

估唔到置樂附近都有高質cafe，見網上評語唔差，所以去試下，飲下咖啡，又有熱食，竟然有驚喜添。去到咁岩二人枱full晒，得返兩張bar枱，諗住都係飲杯咖啡，食少少輕食，冇所謂啦，照坐。我地兩個人，叫左Espresso Tonic，Cafe latte，松露炒蛋bagel，蘑菇雞肉批。杯Espresso Tonic好有驚喜，之前飲過幾間cafe，今次係最好飲！Tonic唔會搶左咖啡味，平衡得好好，同埋好夠凍。Cafe latte一般水準，都知道唔會有太大差落。松露炒蛋bagel，好香松露味，蛋夠滑，不過bagel略嫌硬左啲，唔夠口感。蘑菇雞肉批個饀好正，夠豐富，批皮夠脆口，不過甜左啲。下次去開置樂既街坊，可以黎試下，價錢親民，食物質素中上。

週末是很想躺平的心情，修修煩惱絲調整思緒，以咖啡讓自己抖擻精神。Kaleido依然是那初相識的咖啡小店，純白無印風格，座位不多。每每週末來到，客人不多倒也挺安靜。平日較鍾情Latte，今次選澳式Flat White($38)，能嚐出兩者分別，Nutty基底顯得更醇香濃厚，奶泡綿滑畀Latte更順口，當然是對店方出品有信心，才作新的嘗試。由於是這區唯一較舒適的咖啡店，另一家白羊咖啡只數外帶，如此文迪便收起三心兩意，是偶爾會到訪的咖啡店。

在屯門置樂小區的一間咖啡店，經常都會去光顧，因為附近有咪錶泊車位非常方便。這間小店外觀簡潔讓人覺得舒服輕鬆，內裏坐位雖然不太多，門口有高腳枱櫈別具心思的設計。我大多在閒日前往，客人不太多，在店內用餐感覺非常寧靜舒服。最喜愛他們的黑松露bagel，配上精美的咖啡或抹茶飲品，有時趕時間也會買外賣。他們多種三文治和咖啡也非常美味，很有特色。這間小店是我口袋裏的早午餐店必選之一。最近他們也加了早午餐和意粉類的餐點，下次有機會一定要試試。

之前經過已經好想過嚟試吓，佢哋招牌logo好靚☺️設計有心思，今日中午去嘅時候爆曬場，睇嚟呢間Cafe係呢區口碑唔錯。焙茶鮮奶 $51本身都好鍾意焙茶嗰種香味，飲落有奶香，底部仲有少少焙茶粉😗茶味香。嘢飲冇額外加糖已經好好味，可以放心飲！鮮蝦沙律三文治$32餡料好多好豐富，沙律除咗有蝦之外，仲有粟米同少少黑椒調味幾香口。真係好多蝦，每一粒都晶瑩剔透，整得好靚。三文治係即時烘所以食嘅時候脆脆地，成份三文治好大份。食咗一半同埋飲埋杯嘢已經好飽，所以剩低一半打包返屋企做下午茶☺️

今日去等緊做facial前，見到隔離就有間好靚靚既cafe，諗住反正都係等，不如就嘆住啡咁慢慢等啦☕️果然係無選擇錯，又俾我揾到間高質Cafe🥪仲食到好豐富既厚吐司🍞 。🐒日式碎蛋沙律三文治💰$30👉🏻Flat White+$25👉🏻soy milk+$5呢間咖啡店係好簡單，但反而俾到我一種好舒服既感覺🐚白色嘅空間令我特別放鬆，而當日都有唔少人係嗌外賣翻去🥡而當日去到店員都有介紹下佢地既豆，我就揀左nutty既豆🌰中意dark roast少少苦啲既豆另外佢地呢個set都好抵，因為份三文治勁厚😍而個餡亦夠cover件toast😋每啖都好滿足

今日端午節 一大清早做完yoga 去左附近食早餐 呢間cafe平時行置樂都有經過 難得今天放假得閒 自己一個去飲杯咖啡chill一下Shrimp Salad Sandwich 蝦沙律三文治$32做完yoga好肚餓呀 點左個三文治黎食 份量好足夠 料都十分足 d蝦沙律多到爆出黎 講番個蝦沙律 好夾 好多蝦同粟米 好好味 好推介 Dirty 髒髒咖啡$45今日實在太熱喇 想飲番杯凍ge咖啡 所以揀左Dirty 而我自己本身都好鍾意飲Dirty 呢杯整得好好  飲到個層次感 呢度ge環境簡約又舒服 店員又好nice 咖啡同三文治都高質 推介推介 下次想試下其他咖啡同三文治 見都d蛋糕／scone／雞批都好吸引好好食咁 下次一定會帶埋朋友再黎試試先 難得屋企附近有咁高質ge cafe