Kaleido Coffee

营业中

休息中

悠閑下午最嘆就係喺coffee shop傾下計，品味咖啡☕️今日黎屯門搵朋友行過見呢間coffee shop好日系，所以就入左去飲杯野Matcha Latte🍵: 呢杯matcha latte同出面唔同嘅係特別加入左日本京都「宇治小山園」嘅抹茶粉沖泡，茶味濃郁，今次仲order咗soy milk底，啱晒抹茶控！Latte☕️: 朋友叫左一杯latte提提神，知道呢到用嘅係優質奶，所以試左oat milk底，帶有淡淡麥香，比一般牛奶沖泡嘅咖啡更加健康開胃Plain Croissant: 剛剛烘起嘅牛角包🥐真係好香，咬落非常鬆脆，一啲都唔油，而且大大件，飽足一個下午Burnt Cheese Cake:最近大熱嘅巴斯克芝士蛋糕都可以係到搵到～當然要試下，表層唔會烘到太黑，入面仲有少少流心芝士，烘得岩岩好，入口順滑，風味十足配埋日系裝修，享受慢活生活😌

自從有個屯門朋友帶過我喺屯門四圍搵好野食之後，我就不時會留意下屯門有咩特色店舖，一有時間就去屯門行下食下野，今日去到置樂嗰邊，記得之前喺附近試過印度咖喱，但冇留意到原來隔離有間隱世coffee shop「Kaleido Coffee」，就喺圓玄小學對面，一於坐低歎一歎咖啡☕️☕️Mocha Expresso, steamed milk and chocolate 三者嘅比例恰到好處，入落既有咖啡甘香又有朱古力味，而且入口順滑，係一杯高水準嘅mocha。不過最最最最鍾意都係個拉花，真係靚到唔捨得飲📸😍😍🥧Chicken and mushroom pie 飲咖啡好適合配埋pastry，今次揀咗個熱辣辣嘅雞肉蘑菇批，外層酥脆，如果想食甜點亦有croissant, muffin, cheese cake, cookie可以選擇，飲緊咖啡嘅時候見到唔少嚟買咖啡嘅人都會買埋pastry, 所以質素應該都唔錯🥧🍪🥐🍰Coffee shop以灰色和白色為主調，座位、餐牌、餐具等亦貫徹文青簡約風，給人一種簡潔的感覺，自己一個或者同朋友嚟放鬆下都唔錯😌

今日入屯門一日遊，專門去搵左幾間小店chill下~第一站黎到Kaleido coffee😆呢度地方細細，係地舖黎既，面向馬路仔，好光猛！朋友要左一杯Syphon coffee，揀左nutty d既Elsalvador，我就要左杯Dirty (Oat milk)另外要左一個Chocolate muffin同Plain croissant 同朋友share黎食。叫得Dirty，一定要好好捕捉開始果一刻影相！送到黎果一刻好香咖啡味，同Oat milk一齊飲，好smooth😋Chocolate muffin 同croissant都放過入去焗爐加熱先送上，2樣送到黎面前都好香！Chocolate muffin 有好香濃既朱古力味，但唔會太甜，表面既朱古力粒亦都好脆！😋croissant超香牛油味！亦都好鬆脆！層層分明🤩店入面寧靜既氣氛令到我哋都好放鬆☺️

急速既生活之下找個寧靜舒適既環境好好放空都係生活享受之一，這間鄰近屯門市中心既置樂咖啡店不經不覺經已開業大半年☕️裝修以白色為主感覺文青🍁座位唔多勝在坐得夠舒服🖤Mocha $40黎到有靚靚既拉花，朱古力咖啡並沒有被朱古力蓋過咖啡味道，入口順滑有水準☕Chicken & Mushroom Pie $32熱辣辣送上既雞肉磨菇批好香！外皮脆口好足料🥧喺屯門要搵呢類特色咖啡店實在唔多，下次再試埋其他咖啡先😊

住係屯門嘅我已經bookmark左嚟間cafe好耐~ 但係無奈屯門咁大又唔係住得近所以一直都未有機會幫襯~今日朋友山長水遠入屯門去試，咁啱又見到Kaleido係蘋果落左廣告，不知幾驚會多人到買唔到。好彩我哋入到去等左5分鐘就有位坐🥰我叫左杯dirty，原來係熱辣辣嘅expresso係凍冰冰嘅奶上面☺️ 杯咖啡好似一幅水墨畫。一眼就睇得出同平時涷latte唔一樣😆整體嚟講，咖啡高質。感覺上唔係一般咖啡師可以沖到嘅水準

「香港篇 - 屯門」“Kaleido 🍵” 🌟🌟🌟🌟/5最近疫情嚴峻 除左多左home cafe🏠仲多左鐘意發掘自己區內既coffee shop☕️🔻Latte ☕️ ($38)我鐘意試真d人地杯☕️就鐘意普普通通叫latte😚依杯latte奶泡綿密☁️入口順滑😋咖啡幾香🥰不會過酸或澀💯🔻Iced matcha latte {to oat milk} 🍵 ($64)抹茶味的確幾濃🍃叫左少甜 抹茶仲甘d👍🏻Oat milk 就少左陣奶香 但都幾match👍🏻有oat milk/ soy milk/ almond milk choices岩哂乳糖不耐症/愛健康既你😜🔻Chicken & Mushroom pie 🥧 ($32) 🌟🌟🌟🌟個🥧唔係連鎖店既hea貨🥰個酥皮好香 脆脆地😋入面係滿滿既🍄同🐓餡🤤絕對唔係一pat pat🤣🔻 Chocolate muffin 🧁 ($25) 🌟🌟🌟🌟依個焗完超香🤤🤤佈滿朱古力粒🍫焗完又半流心 蛋糕體又濃🍫味🥰正🤤💁🏻‍♀️佢d bakery係幾出眾💯👍🏻咖啡因為飲過N1 coffee & co. 就有少少比較🙈

翻查食物照片 發現呢間咖啡店 幾個月內已經光顧三次 印象幾好 最近 work from home 比較休閒 就動手寫食評 第一次光顧咖啡精朋友帶路 想試試屯門精品咖啡店 行到門口已經畀白色咖啡機吸引 意大利出品高質咖啡機 睇得出老闆有誠意做好出品點咗Ice Americano 同Flat White 自家炒豆 Ice Americano 帶nutty flavor Flat White 醇香有水準 咖啡同牛奶比例 恰到好處 拉花漂亮 第二次光顧 店舖滿人 我哋企bar枱 順便同咖啡師閒聊 睇下 menu 原來有牛奶 杏仁奶 燕麥奶 荳奶 可以揀先係老板👍今次 點咗燕麥奶 flat white 朋友就揀咖啡師推介 gin tonic espresso+ 白蘭花酒flat white 同 之前一樣 保持水準朋友杯 coffee cocktail 有驚喜 味道出奇協調 有層次 先飲到咖啡嘅香濃再慢慢喺口腔入面滲出酒既餘香花香 一種好清新嘅感覺 第三次光顧去三聖食海鮮之前 見有時間 近近哋揸車過去一轉 有上次 coffee cocktail經驗 今次 繼續咖啡師推介 Irish coffee

窺探屯門社區灰白主調的咖啡小店🌟小食嚟講，Chicken & Mushroom Pie幾好食😋超鍾意食pie〰️牛油味好香好重💛一直想試Flat White 感受跟Latte的分別：泡量較薄較少 咖啡味比牛奶較重 更甘香～.🔹Chicken & Mushroom Pie🔸Chocolate Muffin🔸Flat White🔹Iced Mocha.值得一提Kaleido有豆奶或燕麥奶提供。對牛奶敏感人士有福了！

是日產檢完，老公帶我到一間有點遠的cafe吃個茶點，休息下再出去血拼。*Matcha Latte ($55)看著師傅即時新鮮打起宇治小山園抹茶粉，可見其對抹茶牛奶的一份認真；不是求求其其用即沖的綠茶粉；抹茶和奶，再加少量糖，完全不覺甜，但就令抹茶可能有的苦澀味去掉。*Chocolate （$45)朱古力看似普通，但口味正合我們；朱古力和奶的比例剛好；味道又不會太甜，讚呀！*Chocolate muffin ($25）朱古力鬆餅比起連鎖店的更濃朱古力味；只看蛋糕面的朱古力碎已經知道有多足料；鬆餅翻熱後，外脆內軟；蛋糕的質感亦很鬆軟。*Chicken and mushroom pie ($32)男士都是不愛甜食的，所以點了唯一的咸點；因為連鎖吃過兩次都覺得很難食，所以未食已有少少抗拒；但一切開，是真的看到一粒粒的雞肉和磨菇，有驚喜！

炎熱既夏天,要係屯門搵間咖啡小店嘆下咖啡有點難度，好彩有朋友住係屯門，叫我去Kaleido Coffee Shop 試下....甘我就搵下呢間小店啦......行到門口，望下入去，好彩仲有一張枱，唔冼等位！🤣我地叫左一杯Ice Latte + 一杯Ice MochaOrder 完幾分鐘，咖啡好快已沖好....Ice Latte 咖啡豆好香，濃度適中....Ice Mocha 朱古力味並沒有蓋過咖啡味，層次分明.....令外值得一讚既小食(雞批), 酥皮十分鬆脆,雞肉味道都唔不錯，配上磨菇，味道十分夾，烘熱左既雞批，超正!😋令外食左朱古力Muffin，外面放滿了朱古力粒粒，鬆餅內朱古力味濃郁，值得一試！😋環境唔錯，夠寧靜，好有文青的感覺⋯⋯😙下次再黎食下野先！

今日放假 同家姐特登黎到屯門置樂呢間隱世咖啡小店，店舖座位唔多，時間咁早都爆曬，都要等左一陣位，主打深焙咖啡同有d簡單輕食！同埋重點冷氣夠勁，依家天氣真係好熱啊😂先係前台落左order,坐低等一陣d咖啡同野食好快到，店員好親切咁會送過黎比我地！Meau上見到呢到仲有手沖咖啡tim,下次一定要試試！但估唔到仲有酒精類飲品😮不過時間尚早，下次夜d黎再試下啦🤣呢到環境好日本feel 白雪雪既設計 加上陽光照射入黎，真係有一刻幻想自己係外地啊！講返咖啡先，我叫左flat white$38 同chocolate muffin $25，朋友叫左piccolo$38同chicken and mushroom pie$32！聽講呢到係用澳洲鮮奶既，成本好高啊，但換來既係咖啡十分幼滑，加上比較濃既espresso ，真係令人精神曬！所以真係好正！ 另一杯piccolo就再勁d啦，奶既比例更少，所以鐘意飲深焙同濃厚咖啡既朋友唔好錯過！講下野食先，chocolate muffin加熱左好香朱古力味，入面好濕潤好軟熟，好好食！另外一個chicken and mushroom pie皮脆內軟，內面既料都足，好食

係屯門搵到一間cafe小店。呢間店舖嘅裝修好簡約，以黑、白、灰為主，我覺得環境真係好舒服。叫左兩杯野飲同兩個小食😋然後坐左左係到，傾左陣傾，好悠閑呀！張甜品嘅Meun好靚，睇得出老闆好心機去設計！同埋店員都好warm，我地臨走之前，佢會主動問下啲飲品岩唔岩我地口味！勁細心呀！我叫左杯Chocolate。見到個杯好特別，好靚，所以即刻打下卡先。杯Chocolate嘅甜到適中，而且朱古力味好香濃！好飲！好飲！我朋友叫左杯Matcha  Latte，朋友話好適合佢嘅口味。佢話佢平時飲Matcha  Latte都鐘意飲少甜，先飲到Matcha嘅原味，而呢杯Matcha  Latte唔會太甜甜，所以出到好清香嘅Matcha味！我地仲叫左 Chocolate Muffin 同Chicken  &  Mushroom  Pie。焗熱左嘅Chocolate Muffin特別好食，特別香，而且個 Muffin 面有好多朱古力粒粒！另外，Chicken  &  Mushroom  Pie 個皮好鬆脆，入面有好足料嘅雞肉同蘑菇！推薦！推薦！

路過時選擇了這家不錯的咖啡店。裝修簡單但舒適。非常喜歡這裡的環境。我的朋友點了白咖啡，味道不會很苦，我的是熱巧克力chocolate味道不會太甜。巧克力鬆餅〜外面酥脆，但是內部柔軟👍🏻必須嘗試一下雞肉和蘑菇餡餅，很多肉價格ok 有下次

屯門舊區嘆咖啡☕去完友愛 Yo Mart 📸，行過去彩華花園hea一hea 嘆☕ 實行舊區新貌逐個睇👀👀這間 cafe 想去好耐，終於有空閒約埋啡友👭一齊品味☕全店設計簡單，以白、灰色為主， 座位唔算多屬小店經營，但也覺得放鬆及舒服😊餐牌設計簡略,有幾種奶類可供客人選擇飲☕，及幾款輕食🥧🍪🥐Dirty (Espresso and cold milk)第一次飲，感覺好好喎👍因本身麻麻地飲有奶類嘅嘢， 這可算是新嘗試😚入口香滑， espresso shot做得好好， 完全唔苦澀， 香濃有回甘味👍 很對我的口味 ,終於搵到我杯奶啡😚white Coffee (Cafe latte)口味正常👌chocolate Muffin唔係太甜，粒粒脆脆朱古力碎❤❤chicken and mushroom pie賣相幾吸引，酥皮唔會太油，餡料除咗雞肉、還有洋蔥、粒粒蘑菇， 冇市面上咁多汁醬， 感覺冇咁heavy，飽飽濟濟👍☕🥧🍪☕🥧🍪☕🥧🍪☕🥧🍪☕🥧🍪雖然得一個人負責全店，但維持良好服務，值得支持💪💪💪溫馨提示🤭 唔好咁晏去呀，唔係🥐🍪🥧賣曬就冇呀😆

«620»大西北都有呢類精品咖啡小店喇～🖤🤍﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷Cappuccino $38▶Cafe Latte $38▷Flat White $38▶Plain Croissant $22﹣驟眼以為港島精品cafe估唔到就係屯門～見唔少屯門牛去過都話唔錯，專登去想試下伯爵茶bagel（又係🥯）但太早未出爐又食白果🤡 得牛角包都照食，又平又大舊，都做到外脆內軟～而主角咖啡都好高水準，我自己飲Flat White好香滑～ 偷飲咗啖Cappuccino覺得仲出色！咖啡味好濃🤎店內設計用色行簡約風格，有自然光照入黎個陣好舒服，咁靚嘅環境靜靜地飲杯野聽下歌，個人頓時放鬆晒～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣Kaleido Coffee屯門青山公路351號彩華花園地下21號舖