影片
相关文章
早排食完饭走去周围行，入咗无限极广场上咗2楼，发现呢间外卖便当，营养好似好好好均衡，好够蛋白质咁，就走去试佢有好多个选择拣，又有鸡、有鱼、有牛、有猪，有成10几款选择，我最终拣咗食牛，因叫完外卖，等咗几分钟，就有得拎。拣好多餐都系七十零蚊，加两蚊又有嘢饮。第一次叫呢个外卖，返到公司一打开，有惊喜！ ！ ！蔬菜颜色好新鲜，肉嘅份量好够，下边亦都系一个红米饭，好健康，最重要系有我最爱嘅辣椒。呢个价钱系属于健康两𩠌饭之选，即刻将佢放入名单，可以经常去帮衬
继续阅读
其实呢间已经食过好多次，今日心血来潮写下食评。自从第一次朋友介绍照烧鸡扒配野菜便当($78)，我就每一次都系食呢一个，今日先试另一款泰式咖喱鸡配野菜便当($78)。便当整体嚟讲份量都好足够，基本上系唔会食得晒啲饭，建议女仔可以叫少饭。首先，啲饭加咗红米，感觉好健康，鸡扒唔会太肥，而且味道够足，真心好食。野菜份量基本上系便当嘅一半，有不同种类的菜。但今日食嘅泰式咖喱鸡就一般，鸡肉够淋，但味道较淡，而且今日嘅饭比较湿。下次都系继续食返鸡扒饭
继续阅读
如果要买外卖，但又唔想食肥腻两𩠌饭，我会推介依间日式便当外卖专门店🍱有猪肉、牛肉、鸡肉，鱼同素食选择，大路个个都啱食✨✴️烧牛柳便当✴️牛柳够瘦，但食落唔会干柴难咬，仲系好软熟👍🏻调味上系简单盐烧，唔会有重口味烧汁～菜量同饭量各占一半，佢啲菜系用水煮系落油，加咗少少盐调味，食落唔会好寡🥦加上佢啲菜无奇怪味，依然青翠爽脆，十分啱健康人士💪🏻✴️靖鱼便当✴️靖鱼都算厚肉，带有微微鱼油，入口甘香，配饭食一流⭐️
继续阅读
我系第二次食，今次就叫左个烧汁鸡扒便当。 基于上一次既经验，我今次叫左少饭同埋走菇，因为我对菇类过敏，食唔到又系要dum。店员姐姐都好配合我既要求，虽然佢听到我走菇既要求之后有d兀突，不过我都好感激佢。（有位sister系食评提过女仔叫少饭都食唔哂，但系我唔信🙄，结果自己攞黎受）当我攞个便当返公司之后，先见到有咁多块鸡扒！ 哗，好在我叫少饭都咋，如果唔系真系食唔哂。我先食蔬菜，有几片萝卜同好多椰菜。口感好爽脆，水份唔多，仲可以食得到蔬菜本身既味道。跟住就系鸡扒啦，同我之前食既豚肉便当一样，都系撒上左芝麻粒。不过我一放入口，先至发觉d鸡扒落左黑椒......我本身唔食得辣，连黑椒都顶唔到，佢menu冇写到。但系我买左返黎，就唯有硬着头皮食左佢。呢个位我扣左分，因为黑椒影响左我品尝鸡扒既心情。鸡扒好嫩口，完全唔干身👍🏻。溏心蛋白比较稔，依稀见到小小蛋白桨？腌得唔太咸，我ok。白饭好有咬口，唔会太湿。整体黎讲，成个便当既食材比例配合得好均衡，而第一日食既豚肉便当令我回味左成个下昼。系鸡扒上面有黑椒令我失望，希望贵店可以系menu上提及埋。
继续阅读
减肥有时间准备lunch box🫠外卖食得健康啲就得啦！最近经过呢间 「Kauri Bento」佢地既便当以「健康轻盈」为主，使用少盐、少油、少糖😎烹饪方式站，为客人提供家庭料理的餐食~~便当有齐牛、鸡、猪、鱼同素菜等选择，实有款啱心水啱啱月头出粮，咁当然要对自己好啲啦，我就拣咗呢一个烧三文鱼扒便当🍱里面有萝卜，西兰花，椰菜花等等，仲有糖心蛋半只有丰富嘅营养。鱼都几滑，如果再带晒啲我仲开心🤣淀粉质方面系糙米饭🙏🏻店员讲薯仔牛柳便当都系热卖之一，所以同事就试咗呢一款🤭果然牛柳粒薯仔都好入味😘#上环美食#中环美食 #便当
继续阅读