Kcal

营业中

休息中

有一排無黎，好似轉晒人，食物味道無以前咁好由於素食，選擇唔多，叫左一個飯一個意粉，以前好好會另外煮餐湯，而家無就唔轉餐，食物好快到，但係意粉無咩味道，飯都一般。最後唔想浪費食物就盡量食左個飯，意粉真係無味，決定包走返去重新煮下再調味

都有半年冇來了來到當然點..烤乳豬...直係冇得輸..依然keep到水準...脆皮..肉嫩...岩岩整起咁...正正正👍🏻👍🏻👍🏻再另叫有骨肉眼扒5成熟.好好做到5成.肉質細滑.不過就覺太多肥位或根位..肉位少左..好味就補番數丫甜品芝士蛋糕...一般.唔夠香味湯...雜菜湯...有料旦覺似罐頭記既味道沙律.個汁我個人唔喜咁酸總之會再來過..👍🏻👍🏻👍🏻👍🏻👍🏻

甚少到深井搵食, 今次中午來到, 發現這間外表不算起眼的西餐但內裡有不少人客(人流很多時都是信心的保證!)貌似老闆的人來幫我們落單, 特別推介Menu上的鱸魚抵食, 就一於試試佢.先來餐包與餐湯, 包有翻熱, 不是冰冷的(很多餐廳都漠視的), 吃落軟熟香口, 配上自家製雜菜湯, 唔錯!主菜係煎鱸魚帶子配意粉, 帶子煎得香口, 食落新鮮, 鱸魚亦同樣香口, 只是略微乾身, 配白汁意粉同樣不錯.另一樣主菜是鰻魚汁牛柳粒炒扁意粉, 特別的配搭, 卻出奇的配合, 少少西日式的感覺.然後仲有大大杯的餐飲, 加上一小件Moose Cake, 每位約$100, 抵食!

今日去咗深井朋友屋企探訪， 食埋午餐先上去，好耐之前都試過Kcal, 記得都唔錯，今次再黎試下。一坐底waiter就送上暖暖的餐飽，仲話係可以免費任食，個餐飽好鬆軟，有粟米包，黑糖包，仲有2款唔同既，老闆真係好有heart，我地每人食咗2個飽🤩🤩睇睇午餐牌，我和朋友也叫了西冷扒，西冷7成熟，煎得剛剛好， 肉汁juicy，好有牛味。美中不足係飯有點硬。朋友就跟意粉，她說意粉味道一般，西冷扒就唔錯。另一位朋友點了豬仔髀拼豬肉腸， 豬仔髀肉質嫩嫩的， 豬腸有啲似德國腸， 唔係平價貨式。飲品方便，佢唔只有普通咖啡奶茶，仲有特色飲品，我哋點了石榴汁，蘋果汁，鮮薑汁檸汁。朋友話鮮薑汁檸蜜，有齊甜酸苦辣之味道， 就好似人生一樣。最後，仲有一小件檸檬蛋糕。 蛋糕比較細件,唔係好試真個味道。 不過總括黎講整個午餐都完滿了。午餐黎講，這裏價錢都叫中上價，不過又真係俾番足d食物及質素顧客，是間不錯的餐廳， 難怪可以經營這麼多年。

其實每次入深井食飯都係食燒鵝，第一次係食燒鵝以外嘅嘢，今次同朋友gathering 佢提議嚟深井唔係食燒鵝大家都好奇怪，因為老實說深井沒有直接車到，我們都是揸車入嚟食，佢話好食所以大家都期待。首先餐廳前部份好像擴建一樣是搭棚出來的，燈光昏暗蠻有氣氛，餐廳裝修雖然不是豪裝但簡單得嚟感覺舒服。我們同行有一小朋友，餐廳安排自成一角位置給我們，服務幾貼心。至於食物方面，我地點左牛扒，穩穩陣陣大件又好食，賣相都唔錯。另外叫左個豬扒，一樣大件爽脆肉質彈口，不比牛扒遜色。

都有一段時間冇去了...！今次再去（晚餐）依舊咁好食.服務好好.我唔食芝士拼盤佢換左個冷盤蝦比我🙏🏽🙇🏻‍♂️龍蝦湯夠晒味👍🏻餐前包任食.熱辣辣😍半邊龍蝦.仲爽口彈牙👍🏻鮮果雪芭.涼透心👍🏻😍🥰A4和牛.鵝肝.😍😍😍😍😍😍😍😍😍👍🏻👍🏻👍🏻👍🏻👍🏻👍🏻👍🏻

當晚，跟男朋友及他媽媽一起到深井的 <Kcal>食西餐，他在大約一星期前 book 枱，我們在晚上 6:00入座，我們被安排到餐廳較入位置的卡位，鬆動舒適！(Book 枱時亦可要求卡位)晚餐百多元已有交易，包括：沙律、餐湯、主菜、飲品及甜品，相當豐富又抵食！而且，我第一次來，食物質素都不錯！麵包籃烘熱的麵包鬆軟富麥香，店員預先送上黑醋配橄欖油，提升口味！吞拿魚粟米忌廉湯呈糊狀的粟米忌廉湯質感濃稠，剛剛夠鹹！沙律橄欖油加檸檬汁，油潤而酸度溫和！一大塊火腿及新鮮爽脆的沙律菜，用料十足！晚餐 $168海䲞魚柳配牛油檸檬汁及高纖飯 $168海䲞魚有兩件，香煎至兩邊金黃色！調味恰到好處又不腥，唧上新鮮檸檬汁，倍感清新！配上的牛油檸檬汁香滑開胃不算油膩！香煎娜威三文魚扒配意粉 $168三文魚扒要求六成熟！師傅也做到這點，火候掌握準繩！而且，魚肉厚身，份量已交足貨！保持應有的魚脂及鮮香，意粉略為淡口！口感適中！蕃茄汁天使麵 $128 散叫蕃茄差一點，天使麵沾上蕃茄汁，均勻入味！凍石榴紅茶 酸甜有致，冰涼解渴！熱蜜桃紅茶香甜的蜜桃汁混和清香的紅茶，不錯喝！甜品 Tiramitsu味道及

今日係深井食lunch 想食西餐就去左kcal食係深井黎講價錢叫貴同較高級了叫左一個牛扒跟飯牛扒叫左七成但黎到應該係熟d不過不失個汁係黑椒所以都辣辣地味道還可以只係有少少熟得滯另外就烤豬加炸帶子跟意粉反而呢個有驚喜個豬好好味質感同味道都不錯帶子無驚喜係急凍平時一排個隻炸帶子不過我自己好鐘意食既另外意粉都係有味炒過的幾好幾好價錢唔算平但有野飲有甜品都ok野飲叫左水蜜桃紅茶同綠茶最鐘意佢係有真水蜜桃的但嫌個件芝士蛋糕太細件

今日慶祝結婚週年紀念，一早揀左呢間位於深井嘅Kcal，我地點左法國紅酒燴紐西蘭羊膝意粉同意式雜菌燴飯，前者套餐包括餐包，餐湯，飲品，甜品，後者要加$28就有齊以上4款。餐包熱辣辣，外脆內軟粟米忌廉湯粟米好甜，忌廉湯好滑好香法國紅酒燴紐西蘭羊膝意粉羊膝燴得好淋，紅酒汁同羊膝好夾意式雜菌燴飯味道幾好，但愈食就愈膩，不過燴飯都通常係咁水蜜桃柑桔，水蜜桃紅茶水蜜桃係鮮榨，飲到有果肉yummy藍莓芝士蛋糕蛋糕幼滑，配合藍莓果醬解膩，好夾啊芝士味雪糕好重嘅芝麻味，好特別總括黎講，餐廳室內環境舒適，侍應態度友善，食物質素高。

10年前住過深井，以前差不多每個月都會嚟食一次飯。 食物味道和份量都幾好，水準不差。 星期日約了家人入深井食飯，唔食燒鵝食西餐。一入門口已見老闆，笑臉迎人。餐牌上的食物變化不大，但種類亦算多。一坐下，還未點餐已有一籃餐包了點了西冷牛扒，七成熟，來到應該有八成熟，但也可以。黑松露蝦帶子炒天使麵，味道偏淡；反而蕃茄紅酒汁會雞皇高纖米很入味！焗芝士肉醬千層麵，味道同以前一樣。每個餐也有小甜品，多數是cheesecake, 但再加杯飲品就太飽了。 我比較喜愛Tiramisu, 細細件，無cheesecake 咁油膩～ Kcal 在深井十幾年，近這兩次再食，味道真的跟十年前差不多，但人情味依舊

這是一間不錯的餐廳，我試過他們的晚餐很不錯。今日食個午餐 西班牙黑毛豬扒配意粉燒汁，先講賣相很普通不太吸引，我叫了八成熟，切開也現粉紅色，但吃落比較硬身，肉味唔重，只是一般，我有少少失落。我朋友對自己選的套餐非常滿意，吃得津津有味。其實Kcal的餐湯及其他也不錯。

朋友相約由深井行入屯門，當然要吃飽飽才起行。先在KCAL享受一個愉快午餐，lunch set 已經有9個選擇，我要#2 黑椒汁紐西蘭一級超西冷扒配高纖米 和 雜菜湯。他們的雜菜湯很美味，有著淡淡的香草味，湯料豐富，健康之選。西冷扒雖然唔係好大塊，但好有肉味，醬汁加埋高纖米飯，足夠我長途步行前補充體力💪🏻甜品是精美的咖啡蛋糕，唔錯。原來凍嘅薑汁檸蜜係好好飲，好濃嘅薑汁味。整間餐廳坐滿客人，但他們的員工也把每一位客人招呼妥當，笑容滿面，忙得開心，合作愉快。值得比個‘ like ’

KCAL 深井優質西餐廳好多時約朋友到深井食午餐，我哋都會去KCAL，第一當然係佢嘅食物質素非常好，又有好多選擇，其他就係環境闊落，三五好友談天說地，坐多一會也感到舒適。今日我叫左一個 lunch set 椰香咖喱燴黑毛豬柳片蘑菇配飯，餐湯我選了忌廉粟米金寶湯。 我喜歡飲‘白湯’ 因爲這裡做的忌廉湯永遠都是濃滑的，粟米是甜甜脆脆的😋 餐包是自家出品，有幾種款式，上桌時還是暖暖的，如果想食多個，告訴他們便可👍🏻豬柳片飯的味道非常好，豬柳片稔滑、有肉味，配合咖哩及椰汁🥥，好好味。餐後仲有甜品，今日係咖啡蛋糕🍰，小小的一件，唔太甜。餐飲亦都好多選擇，我愛鮮榨薑汁檸蜜，薑汁份量好多，飲完便感到暖笠笠。KCAL 開業踏入16年，達指定消費金額可免費獲贈紅酒。我都要儲下單啦☺️

約左好耐無見既朋友，原本約左去尖沙咀，下晏突然問我去深井好唔好！佢車埋我入去當然好啦，我未試過係深井食飯！餐廳係發記附近，唔難搵。環境寬敞，雖然星期五晚，但都只有一兩枱客。巨型menu，選擇都唔少。先黎餐包同雜菜湯，餐包就較普通，反而雜菜湯好濃郁，應該唔係罐頭湯，not bad！黑毛豬肉丸焗意粉，豬肉丸都幾大粒，但朋友話有啲宜家傢私肉丸feel⋯⋯好味版！蕃紅花蟹肉燴飯，好一般，少蟹肉，較淡口。朋友介紹14安士肉眼扒，真係好大塊，都OK，依個價錢幾抵食！食完仲有杯自選飲品同甜品。餐飲仲有個小cookie。甜品可選雪糕或芝士蛋糕，正正常常。整體普普通通，係牛扒較出色同抵食。特登入來食就唔建議喇！送上超大full moon！

深井除咗燒鵝之外，其實仲有好多嘢可以選擇！例如呢間做咗十幾年間西餐茶座...Kcal，質素都唔錯架！我之前都幫襯過好幾次，記得八、九年前，佢一個set lunch加埋一都係只不過大概六十蚊左右！咁當然隔咗咁多年，依家啲價錢已經調整咗！我每次都會選擇中午時段去食佢嘅 set lunch，因為價錢比起夜晚食平好多！佢哋嘅 lunch Menu 大概有六、七個選擇，而每個 lunch set 既價錢都唔一樣！2號餐黑椒牛扒..幾乎係我每次必食之選！價錢都只係$78 再加一！個餐有兩個小麥包..唔係一般出邊麵包舖買嗰啲麥包喎！佢呢啲焗完出嚟..暖暖地..再點啲黑醋真係好好食！湯就有蕃茄雜菜湯同忌廉湯可以選擇，不過我都係鍾意飲佢個雜菜湯多啲！Main course 個黑椒牛扒我通常都會叫六成熟..原先佢個牛扒係跟燕麥飯，但係亦都可以要求改意粉、天使麵又或者跟薯菜，不另收費！至於甜品就唔係次次一樣！有時會係 tiramisu、有時會係 cheesecake、有時會係雪糕！時乎當日佢有乜！餐茶方面...有好多選擇呀！除咗一般咖啡、檸水、檸茶外，仲有檸蜜、薑蜜、石榴汁等等！而且唔係一般茶餐廳比嗰啲咁細