Kcal

营业中

休息中

我住在深井已一年,在Kcal已吃過數十次但自今天起,我決定不再到這吃了現在食物質素已十分強差人意,而員工已不及舊時的那麼親切希望老闆見到此留言改善一下啦(已少了我是長期Fans喇)

今日入左深井...棄燒鵝試新西式野....一坐低就黎左三個熱辣辣既麵包仔...唔錯! 跟住同老公叫左一個普羅旺斯set dinner...分別係魚湯...好似龍蝦湯既味道..但係太稀同埋太鹹! Main course 要Paella....西班牙炒飯...未食過咁濕既paella...唔得! 另一個單叫左...黑松露菌炒天使麵, 好怪...話明係炒又係好濕! 最後既甜品係芒果芝士蛋糕(免焗), 芝士味唔濃同埋有食冰粒既感覺! 飲品係薑汁柑桔...普通啦...隔離仲有咩..Ciao...亞貓...and David...呢間試一次已夠了! 環境太迫...又嘈...隔離個女仔想叫paella...我真係想同佢講....唔好呀!

0岩0岩早幾日同個fd入左深井食飯，試下呢間餐廳，但係都係發覺一般，一開始黎個D面包同野飲都ok，但一到主菜就唔係咁理想，入去之前，佢右話個羅宋湯好好飲，但我飲既時候就好淡同無里味道，到試下個意粉既時候，D意粉爛pet pet.. 一D都唔好食。真失望。

我住係附近的，有時下午都會去下樓下呢類型嘅餐廳食嘢。set lunch 其實都算豐富，起碼開頭個包都幾好口感，而且同其他餐廳比嘅普通多士特別，個人嚟講我幾buy。個湯都ok，清清地，唔太濃，款式雖然都離不開紅白二湯，但味道卻不落俗套。主菜方面，叫咗一個肉醫意粉，味道ok，但我嫌洋蔥(and其他配菜)太多。另一碟係牛扒飯，我哋明明要八成熟，但塊牛扒我諗只有六成熟，飯亦太腍。環境本來不錯，但他們採用開放式，坐出面果d無冷氣，好鬼熱。價錢還可接受，最平的兩款$38 each, 仲有d $48, $58的，但作為一個午餐都係略貴了點。

住係附近都冇咩落到去餐廳食野!今日累所以係附近食,但又想食好d啵~~咁今次我就揀左kcal!!!我覺得門口個人介紹得唔錯,雖然我bf話佢好煩!入去就有人介紹食咩燒豬,我心諗我bf岩食呢個!我就揀左好悶的牛扒意,因為我唔想食野,所以求其揀!比左湯&包,好似好特別咁!!都唔錯丫^^我睇到人地食個d野食好好味咁,但係唔知咩黎??我自己飲完個湯都飽喇~~so我都唔理自己個碟好唔好味!但我bf狂話個豬豬好好味!!!不過睇落真係幾得意!個waiter頭先介紹得好pro~所以我真係好滿意佢地d服務!!!我只係留意佢地個甜品---雪糕!好味呀^^~~想用杯野飲換多杯因為我唔想飲野,可惜佢地唔比!=.=算啦~我都知多數唔比!係我貪心.........>.<我bf見到佢地有好多酒,又問人地有冇咩咩咩(佢都係麻煩架喇~~)個waiter好認真好詳細咁同佢講!我心諗唔好阻住人啦~~~我的麻煩男友....唉~~~佢地d芝士粉係用舊芝士削係你面前比你!我未見過架!比較少見識^^"食左3百幾!好滿意呀~我地仲成日都提呢晚食d野tim~~~唉~~我唔想比較但係我覺得我之後食另一間又係深井餐廳時,我真係

父親節,我諗住近近地掹間野食下啦,點知行行下就見到個女仔叫我試下,話D野好正,我都唔會話睇下有咩野食,諗住求求其其咪算囉.入到去,唔好講話咩,連坐都坐得唔好,我地張桌同人地果張差不多係一齊的=.=不過都唔緊要,佢果個咩牛扒,要3成就比左個十成我,重要係落單果時唔問我要幾成,要我問先有......之後又話D包係自己整=.=點知一睇,好明顯就係嘉X麵包公司的硬包.......不過都唔緊要,我食到佢果個咩白酒咩咩咩咩(話送果個)又冇味,又唔好食=.=之後食主菜唔使講,話幫我轉返,轉完都係果件=.=最後,食甜品果時,佢地話咩自己整,點知我覺得佢地又氖同麵包公司買的,你送就送啦,又要同人地講話自己整,大家都唔好信佢地呀,都唔知佢地邊句真邊句假

尋日父親節, 我同我老公帶我爸爸專程揸車入去深井KCAL 意大利餐廳食DINNER(我朋友推介), 但真係好唔掂!1)環境差可能因為父親節特別人多, 餐廳安排左我地坐露天雅座o既最開個位, , 其實都無所謂, 但係最唔好就係佢地唔會話有什麼屏障分隔開等位o既地方, 我地一路食, 等位o既人(有成十幾人)就企正張檯隔離, 又近路邊行人路, 青山公路車來車往, 比我感覺有如在路邊開餐, 好唔自在! 2)食物差我點左美國頂級牛柳配天使麵, 我要五成熟, 但就整左九成, o趙到口都軟埋,! 天使麵就求其白烚連汁都欠缺, 放係o舊石頭牛柳隔離, 原本好肚餓o既我都無晒食慾!老公點左鹿肉扒配墨魚汁麵, 要七成熟, 但係就離譜到煮全熟, 連据開舊扒都有困難, 點擺入口?平時我公已經叫做唔奄尖, 咩都唔會話唔好食, 但係佢今次都頂唔順!結果叫左個可能係Manager o既人話比佢聽D野好難o趙吞唔到落口, 佢地就比我地揀過第二樣主菜, 我地揀左三文魚扒(諗住魚都唔會硬得去邊), 但係原來真係連魚扒都可以煮到鞋烚烚, 簡直失望! 不過餐湯就好味。我爸爸就無咩特別comment, 只是話d味道好淡,

兩人食﹕1.自製麵包(送)2.白酒煮螺(送)3.帶子天使麵4.甜品﹕芝士蛋糕+香蕉蛋糕(送)食評﹕1.好好味，又熱又較，點黑醋食，可以添食。2.無酒味，但螺肉尚算鮮甜。3.味道太淡，無咩汁。4.自家製的水準，免費就可以一食。環境﹕整潔泊車﹕深井有個露天收費停車場，與出九龍巴士站並排，$10/小時。

4月14日1行4人2狗去食晚飯,原本訂左牛仔餐廳,但我地早左去未開工,而呢間D人又向我地招手,咁就試下啦.叫左4個set dinner(1) 乳豬跟墨魚麵,(2) 黑毛豬跟飯,(3) 安康魚跟黃薑飯,(4) 羊跟墨魚麵,有沙律,餐湯+包,餐飲同甜品.包包好好味,而且佢地對99都好好,重比左D粟米包99食.而我就覺得羊最好食,乳豬同黑毛豬都不錯,魚就冇味,但跟魚的黃薑飯就好濃味,有D怪.飲品同甜品都麻麻地,的確如之前的食評,芝士蛋糕似雪糕多D.不過,總括而言,印象也算不錯,有時為了帶埋狗狗出街搵野食,真係好難,我隻重要係大大地嘅狗.

I live in sham tseng for at least 10 years. In this 2 years it had many new restaurant opened. I can understand they have to do everything to catch anyone pass by to make more business. But I think this KCAL is doing too much!! The waiter is so disturbing!! even they knew I am not interesting for their restaurant, but they will not let u go, they will block the road, keep holding thier hand any willing u will stay!!I always belive, ppl will come to u if they wants to, but pls never try to force

星期六去咗深井食lunch,一落車佢地就標榜自己d食物全用橄欖油好健康, 咁我同男友就揀咗呢間坐底.我地叫咗2個set lunch.麵包(好軟熟,好好味!)忌廉湯(好味)羅宋湯(普通)三文魚蘑菇天使麵,田螺茄汁天使麵(唔夠味, 要加調味料)TCBY雪芭(一般)以四十幾蚊既價錢,有咁既質數,算唔錯!

尋晚同bf諗住去深井食飯~~之就又一時諗唔到去邊間~~近近地就入左依間餐廳~~~起初諗住坐卡位,但又冇曬,一間餐廳得3格卡位太少了~~~之後入面太嘈~就坐左出面,方便傾計~~~我地叫左一個帶子黑松露天使面、T骨扒,我既天使面就冇乜味~~D帶子又好腥~而T骨扒就好靭,又乾~~真係一D都唔好食~~~下次都未必再黎~~~

難得去到深井,當然要試多D唔同o既野,今次又係食扒餐,叫個西冷扒天使麵.通常喱D餐只可以選飯,意粉同薯菜,而佢仲可以選天使麵同通粉,幾有驚喜.頭盤方面,麵包任食.今次有普通法式小麵包同玉米包,全部都熱辣辣,尤其特別鐘意食玉米包,有淡淡的玉米味道,牛油亦已解凍,非常好!紅湯用左番茄湯,番茄味勁農,令人懷疑係用左番茄醬,但實在有番茄肉係裡面.主菜方面,西冷扒上檯時已經熟透,而且有一大舊肥肉係度,佔左成塊扒同o既五分之一,實在太多.肉質都算ok,唔會起渣.天使麵炒得比較乾身,口感較硬及鞋口.其他配菜有西蘭花,椰菜花等.甜品有雪糕同朱古力mousse可選,唔錯!連加一$42,算ok!

今日聽我男朋友個五姨話呢間野好好食，同埋我男朋友想去滿記食甜品，咪特登搭車去羅！去到見到個場面，幾鬼多人，附近果幾間就靜now now ，諗住無介紹錯啦！入到去，我地叫左個和牛(10安士)同神戶牛柳(4安士)：-(1)我果個南瓜湯：勁難飲、勁啖！都唔知溝左幾多次水，人地D南瓜湯會"傑傑"地，佢就好似水咁，合埋眼飲仲意埋係水黎既！男朋友仔飲左個吞拿魚忌廉湯，比起我果個好飲好多！(即係比起飲水既話會有味羅！但都係唔好味，好淡！)(2)沙律：我係芝士沙律，本人對油同醋既物體勁唔鍾意，佢個沙律落左勁多橄欖油，好似唔駛錢咁！我食左兩啖之後俾左我男朋友食！佢果個係鴨胸沙律，我無食過，所以唔知好唔好食！(3)我食神戶牛柳跟天使麵：佢係用鐵板上，一黎到己經見到D油滿到瀉，個店小二仲想"琳"D汁上去，未"琳"D油已經係咁彈下彈下，再"琳"汁既話我真係不敢想像塊鐵板會點，所以我就叫佢唔好"琳"啦！食果陣真係好辛苦，張檯己經細，D油又係咁彈，完全唔係一種享受！塊牛真係唔錯，但佢地個汁勁唔掂！(苦嫁！你試過點牛肉既汁苦未？)塊鐵板太熱啦！D菇呀、蕃茄呀全部焦晒！我係一個蕃茄獸黎既，都可以放棄佢，真係可想而知！

可能因為連日大雨, 可能是患上了SAD (Seasonal Affected Disorder/Depression), 心情一直麻麻地. 幸得同事安慰, 老公亦不敢怠慢, 馬上與我出街食飯, 近近地又去深井.Kcal是晚老闆不在, 但侍應們照舊非常落力介紹新套餐. 我選了羊仔柳雜菌燴天使麵, 老公選"普羅旺斯精選"之馬賽海鮮飯, 包括:法式魚湯- 先用叉拮住一舊蒜頭, 沾上黃色汁, 塗在法包上, 上加芝士碎. 然後將此法包沾湯吃. 我掛住睇頭頂電視的"奪命真夫", 求求其亂食. 湯有好重蝦殼味, 我鍾意!羊仔柳雜菌燴天使麵- 好掂! 用牛油與洋蔥開鑊, 加大量奶油煮成. 個汁唔會太杰, 好正!馬賽海鮮飯- 加Saffron煮成, 侍應說是"世界上最貴的香料"? 我只係聽聞孕婦不宜食Saffron, 可能會小產! 飯好甜, 甚至是太甜了點. 海鮮就唔錯, 三隻大碼游水蝦係彈牙o既, 多隻藍貝, 新鮮墨魚仔, 好過好多求其用包裝雪藏海鮮的西餐廳.甜品- 美式cheesecake, 青檸雪芭, 黑白雪糕三揀一. 味道天天轉. 我選青檸雪芭, 都幾"奶"...太飽食唔哂添!食完飯搭車返屋