影片
开饭介绍
座落於赤柱廣場美利樓的德國餐廳一直廣受當地居民和遊客愛戴。尖沙咀分店正式投入服務，交通方便之餘，味道依然保留傳統的德國特色。全新的現代搖滾樂隊每晚現場表演，令你能在樂與樂之中享受美食。
继续阅读
营业时间
星期一至四及公眾假期: 11:00-01:00; 星期五、六及公眾假期前夕 11:00-02:00
以上资料只供参考，请与餐厅确认详情
招牌菜
今日難得齊人，一齊去食個豪啲嘅lunch,呢間喺合和下面嘅徳國餐廳，我都去過幾次，次次都食得好happy午餐set由$90-115不等，包咗個任食頭一盤同沙律，其實淨食頭盤都夠飽，哈哈任食頭盤有沙律啦，有啲泰式嘅，有生果，羅馬生菜嗰啲，推介有個蛋批，同埋一個好似法包樣，但係好軟熟，好好味嘅包仔👍湯方面係一個忌廉湯，不過呢個唔係一個普通嘅忌廉湯，係有啤酒味，出奇地match,正！主菜我揀咗慢燒牛扒，女仔嚟講，份量好夠，似燒牛肉，肉味略略少咗啲，不過加埋個汁都唔錯，其實枱上面除咗芥辣之外仲有個甜甜酸酸嘅醬，有芥辣子係入面，夾埋個牛都幾好食😍最後仲有⋯其實食完個牛我已經覺得好飽，仲驚個甜品會好滯，點知，原來個朱古力蛋糕底上面係番石留味mousse啫喱，食完仲覺得好fresh,好味，完美嘅午餐👍
继续阅读
今日除夕, 灣仔要搵到地方食午餐又好食既都已經滿晒, 唯有訂1點半改遲少少食希望有枱.早到左10分鐘, 所以都係要等一等, 1行7人傾住等又唔係真係等好耐. 終於1點半左右有枱, 入內真係高朋滿座. 因為第一次食呢間一直想試既餐廳, 所以都有留意佢地既UNLIMITED SALAR BAR同餐湯, 7人叫了4個跟主菜既餐HK$175+10%SHARE食, 另3位叫唔跟主菜既HK$125+10%.自助吧實在太好味, 有煙三文魚同另一款白魚不過都係三文正得多, 有2款德國腸, 沙律, 哈密瓜密瓜, PIZZA, COLD CUT2款, 小麵包, 唔多但都好充實, 由侍應送上餐湯(什菜湯), 好味道, 食左2ROUND已經有6-7成飽, 真係後悔叫左4個MAIN COURSES添, 第2輪既粟米CREAM湯要自己落單, 我叫左不過埋單都未到, 所以無試到, 但有飲既同事都話好滑好好飲仲好多粟米添.4個主菜係 : 肉眼扒, 雖然全熟但唔UN, 有肉汁喎 / 豬後頸肉2片薄薄既, 肉質幾滑又彈, 唔錯 / 魚拼2隻炸蝦跟墨魚麵, 魚都OK, 但未至於好好味, 蝦我無份食唔知 / 最後係個春雞, 肉好鞋唔JUICY, 最差都算係佢. 主菜既SIDE DISHES奶油煮薯仔, 炸薯仔, 薯蓉都好好味, 我食到好飽肚.跟住仲有甜品: 芒果布甸杯跟奶凍1件, 不過可能食完布甸就覺得奶凍唔甜, 同埋本身唔鐘意個奶凍下面既椰絲底. 個凍檸茶係最弱, 不過食物太好味或者下次都係叫咖啡比較穏振. 全餐飯大家都食得好開心, 如果唔係NEW YEAR價錢加左價, 平時好似係100樓下SALAR BAR+SOUP一定會ENCORE.
继续阅读
舊同學響灣仔返工，所以我陪佢食lunch。佢提意去呢間半自助餐廳。因為一早book咗位，所以唔駛等，即刻有位坐。我哋兩個都係叫咗肉眼扒，然後飲埋個餐湯，再去攞沙律(任食)，都好多款式。食完個沙律，主菜已經放響我面前，原來係3塊薄切嘅肉眼扒，口感唔錯，睇到流口水。雖然個汁偏鹹，但我接受到。最後，再攞多一轉沙律，飲埋個餐飲。嘩！原來仲有甜品，好似叫做蘋果酥，真係飽到嘔。
继续阅读
約了同事食午餐.由於要由觀塘出發,去到灣仔己經一點半.而這個半自助午餐是由十二點半開始,結束時間是兩點半,所以只可以吃一個鐘.由於時間緊迫,一去到便出去望下有甚麼好吃…我和同事選了湯和沙律任食的$88再加10%.出面的沙律有菜,粟米,生果.白磨菇,德國腸還有好多唔同的麵包…粉類有己撈好的蝴蝶粉,還有好快就唔見了的螺…最後取了麵包,磨菇沙律菜,我最愛的牛仔腸.沙律菜新鮮.洗得乾淨…德國腸煎得夠火路很香口,至於磨菇無煮過生生地,我唔太鐘意…湯只有一個選擇,是紅蘿白洋蔥仔腸…湯夠CREAMY,夠熱.只是加了腸仔酸酸味不太喜歡..甜品是每人一款,原本有黑森林蛋糕,由於去到太遲關係,到我吃時己沒有了,後來換了法式布甸…布甸很幼滑,又唔太甜啱啱好,我很喜歡…餐飲一杯,要了檸水,正正常常我覺得這個半自助餐都好抵.除了我吃這個餐外.仲有可選意粉扒類.可是,我怕太飽,最後只選了這個有湯和沙律的自助餐這兒服務也不錯,收碟快.在臨收沙律前己有提醒收快取,唔會因為夠鐘就收埋.讚雖然地方遠了點,如果有機會都會再來….不過,會早點來,因為太遲的話好多食物己沒有了
继续阅读
Salad Bar 自助沙律吧有很多新鮮的粟米, 蕃茄, 生菜, 西蘭花, 而且還有甜甜蜜瓜粒和紅菜頭, 十分fresh, 而肉類小食有德國香腸, 有幾款麵包, 有類似pizza的包, 是日餐是粟米湯, 好creamy, 好滑, 熱騰騰, 這是一個很好, 很fresh 的 light lunch. 激讚.
继续阅读