影片
港铁将军澳站 A2 出口, 步行约5分钟
继续阅读
开饭介绍
由前日本领事馆家厨坐镇，主打当代和洋料理。餐厅装潢时尚，设有VIP房外，室外用餐区更可带同宠物入座。
继续阅读
营业时间
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
呢幾年眼見將軍澳不斷發展，有好多好chill既餐廳、咖啡店出現。今次試食咗呢間位於park side既K.O.I.。佢個主食醬油漬吞拿魚天使意粉令人眼前一亮喎😍份量比較精緻，而且個sause好夾，令到成個意粉更加creamy，配左吞拿魚，即刻fushion晒！另外，試左兩款小食，包括鹽燒牛舌同埋博多特色燒飯團🍙，呢兩味就不過不失，燒得都夠香。環境方面，間餐廳有少少bar既感覺，座位較市區既餐廳寬敞舒適。
继续阅读
第一次試呢間餐廳，發現餐牌同食評講既食物完全唔同，但係勁驚喜，因為性價比高左超級多！！！炸雞窩夫（$88）炸雞份量超級多，仲要有兩大塊窩夫，兩個人食都夠😂😂 炸雞炸得好脆但keep住juicy！但係我更鍾意個窩夫，係外脆內軟，又有蛋香🥰Cookies and cream窩夫（$78）佢個賣相好歡樂(?)，因為勁多七彩朱古力碎🤣 窩夫繼續外脆內軟同充滿蛋香😅 cookies and cream雪糕冇咩特別，下次可能試吓其他味我覺得都幾值得再嚟，尤其係炸雞窩夫超級抵食😂 下次可能試埋佢啲意粉PS間餐廳有波波池比小朋友玩，感覺好啱一家大細食😌 雖然我有啲怕餐廳環境太嘈，不過呢間餐廳都幾闊落，坐得遠啲就聽唔到小朋友叫聲，幾舒服幾啱傾計
继续阅读
今次餐廳相當吸引同有特色😝有和牛、鵝肝同牛舌等引入西餐fusion!馬上帶大家體驗豪華之旅😜首先前菜有牛舌沙律！沙律菜非常爽口新鮮！最特別係佢既秘製醬汁😝酸酸地又好惹味❤️加埋牛舌簡直perfect match!再黎A4 宮崎黃牛三文治！和牛入口即溶😍配上軟滑cream cheese！每一啖都回味無窮呀☺️之後有黑椒汁炸雞配燻醃白蘿蔔他他醬😝炸皮又薄又脆！醬汁簡直係畫龍點睛！帶出炸雞既可口之餘又唔會太膩💕原隻天婦羅虎蝦辣卷夠晒噱頭😚大大粒天婦羅虎蝦包入去壽司入面😳夠晒大排場！意想不到好好食👍🏻最後有照燒汁鵝肝鍋飯！冇諗過鵝肝同煲仔飯可以Mix and match😍仲有最好食既飯焦啊！鵝肝配飯一啲都唔漏💕撈埋一齊食勁好味😍野飲叫晒佢既無酒精雞尾酒😍呢杯roseberry fizzy賣相好清新啊！佢用嘅係蜂蜜糖漿所以飲落去唔會好甜☺️岩晒keep fit人士😆 將軍澳朋友可以去試！出示住戶證仲有九折架！
继续阅读
生蠔creamy肥美，加埋個碎洋蔥&牛油sauce出奇地夾，食咗兩round另一round 燒蠔係唔食生嘅好選擇，一樣肥美芝士蟹肉波波 外脆內軟燒雞翼香口 送酒一流蜆肉意粉正常鵝肝飯好味到不得了 Free flow sparkling wine 另叫一支辛口sake 飲飽食醉每碟都有驚喜🤩服務好好店員細心安排額外椅放手袋每張枱有足夠空間距離 唔會同隔籬枱太近酒吧位放滿一支支酒做成酒牆 少少燈光效果 打卡一流下次試吓晚餐先
继续阅读
最近係將軍澳發現間好chill餐廳係一間和洋料理餐廳 夏日仲推出左薈萃創意菜式每款都好精緻吸引😆餐廳仲有戶外用餐區可以帶埋🐶竉物係到用餐🔸梅子漬蕃茄🔸麻油清酒燒生蠔🔸博多地雞一夜干雞翼🔸韓式泡菜軟殼蟹燴飯🔸照燒汁鴨肝飯🔸日式芝士餅配醬油焦糖🔸紅豆枝豆糰子🔸Matcha Zest🔸Strawberry Pina-Koi-Lada漬🍅蕃茄係全素架！蕃茄內含蘋果粒、蔬青瓜、紫洋蔥、橙皮，梅子汁，酸酸甜甜好fresh好岩夏天食，作為前菜非常適合。麻油清酒燒生蠔燒得好香濃，有淡淡嘅清酒味，配有香蔥係面頭。一夜干雞翼外層酥脆，內層肉嫩，作為小食唔錯。最有驚喜係韓式泡菜軟殼蟹🦀燴飯，燴飯濕潤，混合左芝士，配埋泡菜甜甜地又辣辣地，成個配搭都好完美！仲有香脆軟殼蟹，賣相好吸引！照燒汁鴨肝飯用鐵鍋上檯，做到煲仔飯嘅飯焦效果，鴨肝油脂香濃，配有照燒汁更惹味。甜品方面，日式芝士餅配醬油焦糖好creamy，紅豆枝豆糰子非常Q軟。兩杯飲品都岩晒夏日消暑。Matcha Zest係將綠茶混合左honey同青檸汁，好fresh！呢杯Strawberry Pina-Koi-Lada呈兩層顏色，由椰奶、菠蘿汁、糖漿、士多啤梨混合而成，有好重椰奶味，而且飲到粒粒🍓士多啤梨。✴️將軍澳住戶限定優惠 顧客凡於用餐前出示將軍澳區住宅的住戶證，即可享全單九折優惠。
继续阅读