影片
以上资料只供参考，请与餐厅确认详情
我其实从来都唔写食评的，通常睇多，不过今次唔写系对唔住自己，亦希望其他食客可以从中汲取教训。星期日同另一半赶功课仔，佢话呢间Cafe静静哋环境，做嘢唔错。咁就辘落去试吓吖，北角我唔熟，一旧鸡咁。见到个门面装修同menu，几好㖞，价钱又合理，睇过吓openrice feedback几好评，心谂饮杯咖啡砌功课先，之后吔埋饭都得㖞。当时大约1830，得小猫几只，坐张四人枱，哗，个冷气乜事，以为自己死咗，入咗殓房，大佬得几个人，开咁大冷气为乜？一嚟唔环保，二嚟赶客都无客比你赶喇。之后陆续有啲客入嚟，大约半满左右，X，个冷气又再开大啲，痴线㗎？我杯热焦糖咖啡，用咗三分钟变冻咖啡，可想而知，个室温我估得十五、六度或更低。喇喇声做完嘢，嘢我哋都无饮哂就撇，之后过隔离街食越南嘢。我奉劝各位千奇唔好去，本身我好人好者，之后一病就成个星期发烧重感冒，痴线的。
继续阅读
因Openrice有网上订位，又见餐厅有优惠（惠顾满$600送德国咸猪手一只），所以就拣左呢度同阿仔庆祝（生日饭）。订左7:30pm，我地一行5人准时到达，餐厅环境舒适（工业风），食客不多（可能落雨），店员安排了一张8人台给我们，所以坐得好宽敞（可以放袋）。因婆婆食量比较细，所以我们只叫一个四人餐（仲有送猪手一只）$768+10%=$844，食物卖相虽然不错，但味道却一般般。而服务方面，可以做得好d。
继续阅读
有次行过北角见到哩间d野食好似几好，上OpenRice 睇原来有几间分店🤣仲以为系小店haha 今晚一行四人去食晚饭😛因为有两个老人家食唔到太多所以叫左一个set for 2 同一个A la carte share 但都饱到仲有带走一盒自备既食物盒(环保啊✌🏻)今晚食左好多肉😂发觉主菜既选择都系肉类比较多岩哂食肉兽既朋友仔 (对我黎讲都ok ，因为如果系淀粉质同蛋白质2简1我一定简肉🙈🙈🙈🙈)Overall 野食都ok 环境几好会再黎希望下次试其他野既时候有多d惊喜✌🏻
继续阅读
因一早起身想食班尼迪蛋，所以山长水远驾车去北角la kaffa，谂住叹一个all day breakfast ，点知希望越大，失望越大，卖相好靓，但一切，班尼蛋入面系干身的，食熟蛋一样，同职员讲，只补回一只较生的，但的明明有两只过熟班尼蛋，正常都全部一次换，废事烦，唔敢再问职员补多一只，是是旦旦咁食完就走，份早餐已经唔精神，仲全程听住隔离枱客sell保险，同签保险单，头都痛埋！想静静地食份靓早餐都唔得⋯⋯
继续阅读
顶级牛扒 环境舒适 大件托食 La Kaffa 闺密好友啱啱喺澳洲返嚟我哋就约咗出嚟食饭..谂嚟谂去都唔知食乜最终决定食西餐.佢话见到网上好多人介绍 La Kaffa 环境布置好似英国火车咁样食物又好味所以我哋就book咗位嚟呢度食嘢啦我哋叫咗个精选二人晚餐298蚊有齐前菜.小食.主菜.同埋甜品.餐饮.餐汤.沙律超抵食!前菜可以简单汤或者沙律我哋就一人叫咗一样嘢.小食有白酒忌廉烩蓝煮青口或者有趣摇滚鸡配薯角.闺蜜超级钟意食海鲜所以我哋就拣咗白酒忌廉烩蓝青口..主菜都有四个选择!烧香草法国春鸡全只配鱿鱼圈..或者招牌猪肋骨全分配薯角..仲有香煎法式鸭腿配辣肉肠及薯角..同埋8安士顶级西冷牛扒!配薯角或者薯蓉仲有得拣烧汁或者黑椒汁添!我哋拣咗烧香草法国春鸡全只配鱿鱼圈..同埋白安是顶级西冷牛扒配薯角我哋要咗七成熟! 甜品有时令鲜果奶冻同埋仙草莓奶冻我哋都系一人叫咗一个样样嘢都可以试齐晒呀嘛餐饮可以拣奶茶绿茶或者红茶我哋两个都要咗热柠水.另外可以加四蚊转宇治抹茶或者梳打系列等等加30蚊仲可以饮秘密花园水果茶添落完单之后唔使五分钟已经有餐汤同埋沙律送上枱.速度非常快.沙律好大碟.有生菜同埋蕃茄加咗少少橄榄油..餐汤系香草南瓜汤仲有烘底多士.个汤非常creamy好重南瓜味.多士香脆烘到啱啱好.两杯热柠水个杯都算大.唔会话细细杯一啖就饮晒𠮶啲杯仔..小食白酒忌廉烩蓝青口都系超级大跌超过十只蓝青口白酒忌廉汁好creamy仲有淡淡嘅白酒味食落口感丰富蓝青口非常新鲜烧香草法国春鸡全只配鱿鱼圈不得不说只烧春鸡真系劲大只一大只我哋睇到已经爆咁济.烧春鸡外脆内软啲鸡肉非常软滑.肉质鲜甜又软滑.炸到香脆可口.鱿鱼圈外脆内软. 唔会好油腻食啦啱啱好.仲有配到少少杂菜做伴碟8安士等级西冷牛扒真系正到晕我哋拣咗配薯角啲树干劲粗劲大条!每条大细都好均匀亦都唔会炸到好㶶啱啱好外脆内软上台嘅时候仲热辣辣!最后仲有两个甜品为今餐画上完美嘅句号时令鲜果奶冻底部系牛奶布甸中间有啲芒果汁上面仲有蓝莓火龙果奇异果同埋士多啤梨生果都算多元化..同埋仙草莓奶冻.牛奶布甸喺底.士多啤梨酱同埋新鲜士多啤梨粒喺上面食落口感丰富唔会太甜腻总括:餐厅环境舒适企理干净.设计中非常特别.充满英伦火车嘅感觉.朋友聚会.男女拍拖.影相真系一流.上菜速度快.食物品质高.份量真系大到估唔到.我哋真系食唔晒.298蚊有齐咁多样嘢真系超级抵食.员工服务态度都好贴心见我哋啲水饮晒都会主动帮我哋加水.唔洗咗吹又吹自己主动帮我哋加呢个服务态度真系100分.我会再来的.
继续阅读