La Vache!

营业中

休息中

本身呢日係想食PICI😂不過因為無位，臨時轉陣過咗對面食～但呢間餐廳都係我想試好耐嘅餐廳！一路無試，係因為唔算太鍾意食薯條，對「任食薯條」有啲保留😌飛雲終於機會嚟喇！餐廳當晚其實都好full，好彩我哋早去，仲要坐近門口靠窗位置無咁焗促，餐廳愈入，啲檯愈迫🙊呢度只有簡單餐單：🥖Bread 🥗Green salad with walnuts🥩Trimmed entrecote steak with special house sauce🍟French fries$398/人個包跟嘅牛油幾好食，沙律個汁酸酸哋好開胃～#牛扒 係 #肉眼，要咗5成熟~嚟到粉嫩嫩色剛剛好，個面有少少焦香，唔錯～個盤底仲要有火暖住，唔怕凍咗唔好食～啲薯條任食，成盤倒落嚟個碟，好豪爽😂酒叫咗Chateau des Laurents Saint $888/支之後唔夠😂再叫咗3杯餐廳同名嘅house wine $98/杯其實3條女已經飲飽食醉，不過見到職員推住木造嘅甜品餐車，#檸檸撻 （$128/件）好似好好味，最後叫咗試吓～ 味道酸酸哋唔錯，本身已經飽，酸酸哋食落無咁撐肚😆👍

呢間身邊好多朋友推薦嘅法式扒房只有一個招牌套餐，決定完牛扒幾成熟後（我地揀左medium)就可以等食😋侍應會先提供沙律同麵包，新鮮沙律菜加上醋汁和核桃嘅香味，很清新；然後上牛扒，牛扒表面煎得微微焦香，切開後有鮮嫩的肉汁流出，口感滑嫩又帶點嚼勁，對比平時的medium略為熟少許但不會太韌，加上店家特製的牛排醬，整體啖啖都好滿足。加上呢間嘅薯條是可以無限任fill, 薯條炸得金黃酥脆，還未吃完店員已經多次詢問需不需要添加薯條，十分勤快，而且每次薯條都係熱辣辣的非常香口 十分適合薯條控的我❤️甜品方面，因為在openrice訂座所以有一份免費甜品 （店員會推來甜品車介紹當日的甜品，我們選了檸檬蛋白撻，仲可以寫字😍打卡一流😆 我）。檸檬撻味覺剛好，不會太酸，份量上我覺得兩人share也正剛好；大家有需要仲可以叫額外的甜品/飲品； 場內不時都會聽到店員唱生日歌跟客人慶祝生日，氣氛很好🎶總結今次我們埋單不用$900，2個套餐包括了牛扒、沙拉、甜品和無限薯條，個人認爲作為紀念日慶祝性價比高👍🏻👍🏻👍🏻也會encore😁

經open rice訂枱食lunch，事前已經剔咗慶祝生日同揀咗送甜品嘅優惠訂咗2pm，入座時職員都有同我哋確認同餐時間去到3pm，食物一如既往好食，沙律菜量多，牛扒薯條ok，唯一古怪係職員上甜品時上面寫住Happy Anniversary，少少錯愕，蛋糕少少硬，不過免費就唔作評論喇其實訂枱時都揀咗生日，同埋我同媽媽去兩位女性一齊食，應該唔會搞錯，即使唔確認可以問多聲，可能趕住3pm落場，其實職員2:35請我哋揀甜品，都有足夠時間再確認同用餐（最後我哋2:48已經用完餐離開餐廳）

慶祝妹的生日，預訂了她選的這家的La Vache! 扒房。提前個多星期在openrice訂座，只預訂到8:30pm的時段。這家扒房很適合選擇困難症人士，因為主菜獨沽一味，只有Ribeye，客人只需要選擇喜好的生熟程度。$398/位，每人有一份肉眼扒、麵包、沙律配無限任添的薯條。餐廳將其餐點內容印在餐紙上，不過只提供英文版及法文版。餐紙的印刷好可愛！麵包外層微硬，內裡軟熟，爸媽的牙力都仍咬得到的程度。店員先送上沙律，是合桃沙律 (Green Salad with Walnuts)，生菜質感不是爽脆，反而是柔軟輕盈，配合香氣十足的合桃，口感豐富。簡簡單單的黑醋橄欖油，微酸開胃。牛扒碟底下有蠟燭，微溫燭火令牛扒一直保持溫暖。牛扒採用USDA Prime Ribeye，上桌前已切好，方便大家享用。雖然平時多選5成熟medium熟度，但既然這家餐廳只售牛扒，我們也點了3成熟的medium rare一嚐！牛扒燒得微焦，肉味濃。能接受到生肉較多，必定要試medium rare，牛扒會鮮嫩許多。牛扒配上秘製醬汁，淡黃色的醬汁是法式Béarnaise sauce，又香又幼滑，蘸點醬汁來吃，滋味十足。薯條

餐廳燈光偏暗💡，同朋友以及另一半來吃也挺有氣氛的，不過尖沙咀分店門口位置比較窄，出面泊滿車👀👉🏻Trimmed entrecote steak $398餐廳只有一個餐，只需要選擇牛扒熟度，和朋友一個選了Medium rare，一個選了Medium。點餐後就送上餐包及沙律，餐包挺香口，搽完牛油很香，而且沙律菜也新鮮~肉眼扒顏色粉嫩，表面有微微烤焦，而且已幫我們切了一件件，方便客人吃👍🏻。🥩有牛味，不會太多筋，🔥火候控制得不錯，吃得出medium rare的肉質更軟滑，我和朋友更喜歡😚配上特製醬汁，醬汁黑椒味香濃，和肉眼很撘。薯條幼身，乾而不油膩，有預先調味(類似BBQ口味)。🥔可以無限refill~waitress經過見我吃得7788都有主動問我要唔要refill👍🏻和朋友叫了一杯紅酒和白酒🥂Openrice訂座晚餐會送一款基本甜品，我們選了朱古力紅莓蛋糕，如果想選拿破崙要另外加錢。朱古力紅莓蛋糕的質地偏實，中間有幾層紅莓醬，酸酸甜甜的，即使吃飽後也不會太膩。有點驚喜的是，這個蛋糕和紅白酒挺有化學作用🤣吃一口蛋糕再喝酒，帶出了蛋糕其他的味道。慶祝生日的話可以預早告訴職員，他們會唱着生日歌

🥩🍟🥗La Vache! 尖沙咀/金鐘 牛扒配特色醬汁及任添薯條和核桃沙律 HK$438/1位入到餐廳基本上每人都係食一份牛扒薯條同沙律 要揀既係牛扒熟度另外有飲品 有酒有汽水咖啡茶之類 有still/sparking water最後就係甜品 每次個薯條都係太岀色食太食飽 已經冇咩空間擺甜品首先會上沙律前菜同麵包 新鮮正常味之後重點就係個暖盤牛扒 我地就叫Medium 就咁食將牛扒切細食已經食得岀好有牛味 個牛係側重肉既質感配少少肉汁同油脂 牛扒做左少量咸味做提升 伴碟有茄汁同松露牛油醬 醬就唔算十分岀色 點少少食下就OK 點太多會蓋住牛味另一個岀色位係炸薯條 薯條炸好後侍應就會拎岀黎主動問客人要唔要 每次拎埋黎都會感受到個薯條既熱力 薯條係幼薯條 入面係滿載薯肉 外脆內滿薯味而唔乾 稍微加左鹽同黑椒做調味飲品飲過Ginger Ale,熱咖啡同house wine 味道正常 相比之下食物特別岀色其實食過幾次 La Vache!不論係尖沙咀定金鐘分店都好岀色 由沙律到牛扒薯條都水準穩定 係差甜單未試 而甜品係每日都擺係甜品車度 好有吸引力 另外侍應服務態度都好環境衛生: 🌕🌕🌕🌕🌕食物味

今天是我的20歲生日，因為小時候媽咪常帶我來吃薯條放題，所以依家揾到錢也要來吃。本來是約了朋友吃飯，但全部都飛機了，所以一個人怒吃3塊牛扒和薯條，3成是最佳的選擇！

雖然只係獨沽一味一個餐，但真係好好味，怪不得唔需要太多選擇，環境舒適，侍應服務很有禮貌喺OpenRice讚好，仲有甜品送，估唔到食塊10安士嘅肉眼扒都可以咁高質素，原汁原味，薯條一路食都一路好脆好脆，幸好係中午嚟食，所以唔使等位，亦都坐得好舒服，真係要推介大家嚟食吓

慶祝生日，會播生日歌和侍應會親身埋枱說Happy Birthday，感覺不錯。食物方面就有d失望，主菜牛扒叫了Medium Rare，在外面餐廳從來沒試過上碟時成碟血水，感覺不好。牛味還可以，Rib-eye正常應該比較軟諗，但肉質明顯較實，我以為自己食緊Roast Beef。任添薯條當然這Gimmick不錯，但薯條質素只是比M記好一些，這餐廳價錢比M記貴幾多？ 餐前麵包和Salad都是正常貨式沒有驚喜，甜品是free，朋友很喜歡，提一提雖然是送，但加一服務費這蛋糕是要收取的。服務方面，水和薯條好勤力refill，但不知為何要refill茄汁，叫了第4次才送來。總結，CP值不高，不會回頭。

因為鍾意食牛扒，好耐之前突然間見到呢間餐廳於是去咗嘗試。店舖環境好好，不過好多時都要book位，如果唔係都好full。餐廳淨係提供牛扒，一坐低就會問要幾成熟，唔使諗要食啲乜。

食物一如既往不錯 選擇單一適合唔想選擇既朋友薯條任食很好，甜品種類建議增加。不過呢一間服務認真麻麻 侍應都無笑容一路黑面，好多次見無水都唔幫手加 比起其他分店呢一間有好大進步空間

初頭諗住好多好評，同埋話晒好似係專食牛扒諗住實唔會差得去邊，點知。。除咗着白色恤衫最後生嗰位侍應稍為好啲招呼之外，所有侍應全程黑面黑到最尾，仲係好似啱啱瞓醒咁🤷🏻‍♀️ 啲扒無論叫 medium rare or medium 都極度乾，似擦子膠。咁嘅價錢求其去一間茶餐廳啲扒都好過佢，茶餐廳啲侍應態度亦都一定會比得上！ 真係好好奇點解咁多好嘅評語？？？最尾叫埋單，拍完卡個侍應講咗一 句 ‘sign’ ，我終於忍唔住同佢講 ’it would be nicer if you’d said please?’ 佢個反應有啲怪，我都唔知佢聽得明唔明我係話緊佢嘅服務態度差 🤦🏻‍♀️絕對冇下次！ 大家千祈唔好俾佢其他好評而中伏 🥺😭 咁就嘥咗千幾蚊係間垃圾餐廳☹️

好彩有book位 閒日去到夜晚八點都係full晒第一次食 得一個餐可以叫 全部人都係食嗰個餐首先上咗麵包 麵包烘完暖暖地好鬆軟 個麵包外皮唔會太硬 都係軟綿綿 搽上牛油慢慢溶化喺麵包上面 好香沙律一人一碟 最簡單嘅olive oil同醋已經好開胃而且啲沙律好新鮮 啲菜一咬好爽脆 仲有洋蔥片同合桃 好豐富主角 牛扒 叫咗一個medium 一個medium wellMedium well牛扒 一開始食啲牛好香 牛嘅肉汁噴晒口腔裏面 但因為佢有個蠟燭仔放喺牛扒下面heat住 所以食到後面 牛扒會變成well done 就好韌好難咬反而medium 一開始食牛味唔係好重 食到後面開始變medium well 就好香薯條就任食 侍應見到你個碟冇咩薯條嘅時候佢就會過嚟幫你fill似係啱啱炸起嘅薯條 佢啲薯條係幼身 熱辣辣 好脆 食落啲薯條好香牛嘅油味😋😋😋應該係用牛扒嘅油去撈呢個薯條 OpenRice訂位會有甜品送 我哋揀咗個檸檬批就正正常常唔會太酸 個批曲奇皮 檸檬批上面會有cream 好滑幾香

計埋今次嘅話，已經係我第五次食la vache今次試咗嗌三成熟 平時都係食開medium三成熟都幾好食，啲🥩嫩啲同埋佢嘅有個火會keep住喺度燒，所以三成熟其實係啱啱好因為今次係喺OpenRice度訂嘅，所以佢會送埋個檸檬撻 檸檬撻真係超好食，佢下便係酸嘅，但係上面嗰層cream係甜甜地 所以食落去兩種味道中和咗 側邊仲有一個更加甜嘅cream牛肉更加唔使講啦，一向都係咁出色最好食都係佢啲薯條 薯條有陣肉味不過如果佢可以唔好咁鹹就好啦

今日嚟到尖沙咀呢間出名嘅扒今日嚟到尖沙咀呢間出名嘅扒房，因為本身今日啱啱打完風，以為唔會好多人啦，點知去到6:30諗住Walk in已經剩返幾個位。不過因為都係好想試，所以坐咗喺吧枱嗰邊。嗌咗個Daily Menu，首先上會係個包同埋牛油，個牛油同埋個包非常之夾好有香味，跟住上嘅就係一碟沙律，都係大路嘢，食完之後Water都好醒目冇耐就即刻上牛扒同埋薯條，呢度嘅薯條係任食，基本上每一個人都會refill兩三次。全部都係啱啱炸出嚟，牛扒我哋就嗌咗三成熟下面仲會有個火keep住牛扒嘅暖度，有牛味嘅同時又唔會整得過火。非常出色