Lab 66 (已結業)

難得今日可以放早，最適合約相熟同事吹吹水，食食飯，飲飲酒揀了位於黑布街的Lab66，一來因為已經幫襯過幾次，質素有保證，二來離公司又近，真係最適合不過。食完會變嗚嘴嘴的帶子墨魚汁意粉帶子好肥美呀～還有三文魚子，意粉又幾彈牙雖然要一邊食一邊抹嘴（實在太黑啦，食完真的不能約男朋友）豬不理沙律坦白講完全不清楚菜名跟材料有什麼關系不過我真是很喜歡食蕃茄跟豬頸肉，再加上芝士，都幾特別Ribs個醬汁好濃，肉好嫰，食完會不停吮手指重口味的我表示非常啱食可惜他的出場在串燒，意粉，沙律，薯條之後......胃已經沒有空間......最後一定要食甜品滿足

今日夜左收工,就係旺角搵下野食,見到周圍都係打邊爐串燒，唯一呢間係食西餐又未關門，就入左去食裝修又幾特別，一入到去就有姐白兵歡迎你，成間店都幾工業feel，有心思我地四個人叫左幾樣野蜜糖柚子雞翼，芝士薯條，卡邦尼意粉配溫泉蛋，兩杯鮮榨果汁估吾個雞翼又幾出色，炸得好脆，原來柚子蜜糖又幾夾芝士薯條，香濃可口，薯條又熱又夠脆，好食卡邦尼都好難會整得吾好食，所以都okay ah我朋友叫左杯 果汁叫。紅。係將所有紅色嘅水果榨成汁，我個friend 吾飲紅菜頭，佢地可以走紅菜頭，呢下又幾貼心wo

旺角作為香港的中心點～餐廳當然十分多～今次來到一間室內裝修帶點工業風餐廳分兩層, 餐廳坐位唔算太多但空間感十足的Lab66首先要推介甜品🤣開心果手工雪糕～～平時好少食開心果味雪糕～～佢內有果仁所以口感唔錯, 自家制雪糕真的可一試哦帆立貝黑汁意粉勁緊張呀～墨魚汁呀～好驚食到成咀黑🤣好大隻帆立貝呀, 配上少少蟹子意粉硬度適中, 有彈性, 芒果軟殼蟹卷好正, 薄皮包住淋有芒果汁既軟殼蟹同沙津菜沙津菜夠清新, 芒果汁同軟殼蟹好夾來到必叫 so fresh薑汁芥蘭忌廉湯可自行選擇加入薑汁, 加後有少少辣味,芥蘭味唔太出, 但忌廉湯口感唔錯,都幾好飲

今日同女友係旺角食飯，想食得Hip d, 所以去左黑布街搵食，而家呢一邊多左好多餐廳同cafe. 去到本來想食來來但因為要等位所以去左對面間Lab 66 睇下，見到佢有好多雜誌介紹而下一張枱就到我地，所以決定試新野。餐廳有兩層，我地被安排坐在地下。地下以高枱為主。雖然餐桌有點細但勝在枱與枱之間有空間，裝修是工業風，feel cool. Menu好簡單連drink list, 3 頁但佢成個menu 都好啱食。首先叫左一個沙律，兩個小食一杯飲品，睇下大唔大份先再order. 餐廳出野都算快，飲品方面叫左66 punch 有vodka and rum 好standard. 因為第二日要返工，要求virgin 少酒精都無問題。當飲品送上時因為杯飲品真係好大，忍不住同經理搭訕了兩句才知道杯punch 係由新鮮生果打成棄用酒吧常用的糖水仲有大粒果肉，好抵飲。首先來個軟殼蟹沙律，原隻軟殼蟹上，炸得剛好不太油。沙律菜則略嫌太多醋太多汁，一般般。小食其中一個是單骨Buffalo Wing 有點 Chinese 味道，食得出係用鎮江醋，幾特別又唔熱氣，好好食。小食二係墨魚串(成4串)好厚身好大份，街外少

放學 同幾個朋友食個晚飯 順便傾下project 經過油麻地 就見到lab66就入左去試下咸牛肉芝士吐司配薯條：厚厚既脆吐司夾住咸牛肉 味道吾錯 薯條炸得外脆內軟，點埋醬汁 令人食不停口炸魷魚鬚：外層炸得好香脆 魷魚剛熟吾會靭，小食首選芒果軟殼蟹卷：好特別既一款墨西哥卷 芒果夾埋少量既沙律菜 感覺好fresh 軟殼蟹系脆口 但份量為少 原條芝士鰻魚鐵窩飯：依道菜大力推薦大家食用，厚厚既鰻魚cover晒整個飯 而且夾開鰻魚仲有不少芝士夾系中間 還做到拉司效果 連埋一齊食 非常正 鰻魚吾乾身 份量好多 岩晒幾個人分享！青蘋果提子沙冰：大大杯 而且好甜 吾會有藥水味道，值得推薦！

旺角區除了是外國旅遊書中推介必到購物之地外，其實這裡是美食之區，也可算是最集中之其一，只要說得出，多款國家的菜式也有。逛街購物後，總會周圍找地方進食。最好之處就是總有一間在附近。這夜到了良久沒來的黑布街，找找美食之店，看到這裡門外時，還以為是酒吧，霓虹光管的顏色，以至外觀裝潢也極似，還有人在門外坐著高椅等待著。看看餐牌，原來是西式餐廳，還加入了某排隊遠距離取位系統，太方便了，一邊排一邊繼續購物，節省了不少時間。不過一會已有座位入座，在等待間已想好美食飲品，所以不消一會，飲品已先來一步，只看相片的話，看似只是普通不過的飲品，但其實杯子是比平常的飲品大一倍的，內裡生果當然也多一倍的份量，味道也很特別，最吸引是左邊的66 Punch，主要有Pineapple ，Orange 及Strawberry 混合Vodka ，酒味雖重但沒有掩蓋生果的甜味。太特別了。凱撒沙律可算是最難以做到不好吃的，但也是我最愛吃的，這裡還有燒雞肉做主角，雞肉整件燒後才切件，所以肉汁還很多，配以新鮮沙律菜，也不失鮮味。再點了芒果軟殼蟹卷，卷皮薄薄的，包著沙律菜，中間的芒果肉也沒有欺場多多的份量，而玄學蟹肉更是香脆美味，

Menu都幾多選擇，每款都好吸引！很喜歡這個沙律，加了一些柚子碎，食落好fresh~ 朋友都說這個好食！呢個蛋黃很沙很有鹹香，都幾好味配蒜蓉包好正，包好香好脆，蒜蓉好入味，食完好想encore 啊！芒果！係芒果啊，是我的最愛~ 很juicy，不錯！牛扒上的芥末是重點，超好味！！牛扒肉質也不錯，好腍好juicy串燒有雞，牛，豬我覺得牛最好味雞翼是單骨的，食得好方便，幾細心墨魚汁味道好濃，帶子超大粒，正！係蛋啊！流心真係好邪惡！

雖然我朋友不多，但勝在好友總是非常暖心，為我這個小吃貨到處尋美食！這天好友帶我來增磅>_< 一入場就發現小姐～食咩呀？（白兵侍應先生？!）原來手工啤酒也是這裡的招牌～不過甜品怪（本人）還是離不開巧克力和奶油的喇！Dark Choco $68下層是香濃的朱古力奶，上層是滿到溢出的奶油和朱古力醬，灑上橙皮和曲奇碎! 邪惡程度達100分～好在不算太甜，味道適中。但我建議2人點1杯就足夠了，真的超大杯，跟姐的大臉差不多大耶～鰻魚芝士鐵窩飯 $148大大條鰻魚、滿滿芝士、粒粒晶瑩珍珠米！！邪惡程度90分～鰻魚咬落肉汁滿滿、燒汁香甜不膩～值得一贊！可惜有少少骨未去清，如果去清魚骨會更勝一籌。芝士量足，看著拉絲，口水都流出來了。芝士、燒汁和飯粒都是絕配好嗎！！我們兩個女生（飯桶？）居然把飯都吃光光。低溫漫煮安格斯肉眼扒 $218低溫漫煮的料理最近都好流行，這款肉眼扒，上菜時不是熱騰騰的，心裏有點好奇又怕牛扒會血淋淋的。但完來低溫漫煮是不會煮不熟的，OK是我見識少～切開可以看到，肉肉熟的非常平均，而且肉質嫩滑。可能因為漫煮的概念，肉肉非常入味。牛香配合絲絲咸香及點點黑椒的辛辣～蒜蓉芝士

為左慶祝朋友生日而黎呢，見到咁多好評，本來滿心期待。點知個個失望而回，每樣食物都落好重調味，好咸，要不停飲水。叫左個好多人推薦既芝士鰻魚飯，外表好似好正咁，其實係劣食之選，以為所有野加芝士都好味!!同朋友一致認為最好食就係炸薯條，好陰公!!咸蛋黃配魷魚，咸到hihi~大排檔又抵又好食過佢多多聲!捲餅乾到冇朋友~仲有甜酸雞翼，一d都唔match~而且服務態度真係差到一個點，要叫斟水先會幫你斟，把刀又差d整到我朋友!呢篇絕對唔係行家惡意中傷，而係真既客人真金白銀，俾左千幾蚊食d咁既野而有感而發!!!最後食淨好多作無聲抗!究竟我地食左d咩!!!!

芝士蕃茄醬黑豚肉🐷豬柳芝士份量超多, 有成塊肉咁大蕃茄醬有用上新鮮蕃茄, 微微帶甜, 唔係一味得蕃茄醬嘅酸黑豚肉好腍, 好好食, 本身唔鍾意食豬嘅我, 就係因為見到餐牌上的黑豚肉, 所以選擇呢個整體嚟講幾好, 最估唔到係伴碟的薯角會令人失望 ~ 凍架! 點解薯角會凍架! 仲要係已經淋晒.....

放工約係旺角食飯時常識吧！朋友揀了這間餐廳，很多選擇，又有Combo set!我地一行四人，叫左四個combo set share~~~A+B+C （$168） 首先A類是頭盤，款式選擇很多！芝士焗西蘭花，配埋芝士夠曬惹味！炸魷魚鬚，份量頗多，外皮香脆，超香魷魚香！水牛單骨雞，甜辣可口，好開胃，d肉又滑！生菜肉碎包，與泰式的有點差異，但味道也很好！炒得很香，色香味俱全！主菜同樣吸引！ 卡邦尼意粉配溫泉蛋，每條意粉充滿卡邦尼汁，味道濃郁，加上流心溫泉蛋，令意粉更為出色。 帆立貝墨汁意粉，帆立貝鮮味十足，墨魚汁，又濃孜香，意粉爽滑！不錯牛肉鐵窩飯 鐵窩飯有層厚厚的芝士，配上牛肉和熱燙燙的飯好味道啊！ 66自家漢堡，牛肉鮮嫩。麵包鬆軟，配埋脆卜卜薯條，無得彈！

今日約左幾個平時都勁難約嘅好姊妹放工一齊出黎食野~諗黎諗去都係旺角最方便大家~其中有一位姊妹就話呢間lab66唔錯~坐的舒服好適合我地聚會~所以就揀左呢間好誇張~我地叫左成抬野食~有卡邦尼意粉~意粉口感啱啱好~配上忌廉洋蔥同煙肉~滿足我呢個卡邦尼fans嘅願望仲有帆立貝墨汁意粉~清香嘅墨汁加上原汁原味嘅海鮮~整體都可以~碎肉生菜包：同泰國嘅碎肉生菜包味道有啲唔同~呢個版本味道比較淡~唔辣~加上生菜食~口感很清新~炸魷魚酥：火候炸得啱啱好~外脆里嫩~配上茄醬食，酸酸甜甜勁開胃芝士焗西蘭花：芝士控毫無抵抗力~芝士味好香~而西蘭花都好新鮮~水牛單骨雞亦：最推薦呢道菜~味道夠濃郁~酸甜味又適中~炸得又香脆~好食！不過空間好寬敞~有兩層樓~真係好適合姊妹淘一齊聚會傾計~d野食亦不過不失~屬於走小清新路線~如果鐘意食重口味野嘅就要諗諗啦~

自從上次試過Lab66後，之後朋友約旺角食飯的餐廳名單就多咗一間。今年，朋友就為Lab66點燈，話覺得佢的菜式好得意，好想試。芒果軟殼蟹卷，外層用較厚的薄餅皮包住，而裏面就放滿了沙律菜、芒果同軟殼蟹。各種配料的份量控制適中，因為沙律菜可去除炸軟殼蟹的油膩感，再加上芒果和沙律醬，味道很Fresh。鍋仔廣島蠔餅，朋友話見呢道菜好紅，點都要試試。上枱時，從視覺和聽覺都感受到個鍋仔的熱氣，見佢咁吸引，馬上快口試一試，點知，好熱呀！！試落去，呢個蠔餅一啲都唔失禮，用料足，仲要係厚切版，唔怪得係呢間餐廳的人氣之選。黑豚肉柳配茄汁吞拿魚長通粉，大家對於叫唔叫呢道菜，猶豫咗好耐，點解？咪因為面頭果塊大大大芝士，真係超爆魔鬼的誘惑。長通粉的口感是偏硬身的，剛好是我喜歡的口感。黑牛，大家童年的回憶，既然已經走入魔道，都不在乎一杯黑牛，最驚喜的是那個朱古力雪糕球，勁爆朱古力味。其實Lab66的手功雪糕，一直都是這店的賣點之一。

套餐a+c+d $168主食 Lab66推介鐵窩飯 v3.0(beef with gravy)好食指數: 6/10抵食指數: 6/10鐵窩上枱仲係好熱 芝士量亦十分多除左面個啲未溶之外 下面有大量溶左但牛肉量偏少 芝士味偏淡口 不過不失芝士西蘭花好食指數: 6/10抵食指數: 6/10西蘭花成座山咁高 芝士份量好多但略嫌味道比較淡 不過作為小食亦都好清新66punch $78好食指數: 6/10抵食指數: 6/10有幾種果汁整成嘅cocktail 甜甜酸酸都幾開胃大大杯非常低飲

朋友介紹黎食！就試下。。。我坐地下嗰層！叫完野食！轉頭就黎！快到。。。一個點。。。枱超級細。。。放完一個同野飲以。經無位。。。第二個又即刻到。。。店員就咁放係則邊。。。之後要我地自己諗點擺。。明明見到無位放都唔幫我地hold住d食物唔好出住。。。要我地自己叫。。。店員無野做就(i)晒喺度傾計。。。仲要講得大聲過啲客。。。都算。。。仲要有個人問點解有碟野係到。。。勁大聲話個客話無位擺喎。。。等我地食得勁急勁快。。。再上其他野係凍嘅。。。即係我地叫唔好上住。。佢地就咁放出黎。。。由佢吹凍曬。。。仲要整包個呀姐又食野。。。食完又攞返隻手去整包。。。仲要唔帶手套。。。一路食野一路整野食就唔好整open kitchen 比D客見到晒啦！雖然唔係咩特別貴嘅餐廳。。。但最基本一間餐廳要有嘅水平同態度都無。。。食物再好食都唔會再黎！