Lab Made 分子雪糕專門店 (已結業)

對於經常推出估佢唔到嘅口味嘅LAB MADE 分子雪糕，我每季都期待有咩新口味。知道新概念店LAB MADE CAFE喺荃灣開咗，一有時間即刻嚟試吓。 新店除咗雪糕，仲有飲品選擇。朱古力火山$88識得食一定食呢啲。金字塔形「火山」，喺火山口放咗啲好似粗鹽咁大嘅食用乾冰粒，之後將蜜糖醬倒入去，激烈嘅化學反應,令「火山」口冒泡同噴出大量白煙 ，IT'S REALLY AMAZING!!      一分鐘左右一切歸於平靜，原來火山係朱古力蛋糕，裝乾冰位係用杏仁味軟糕做，所以成個火山都可以食         其實侍應表示呢款甜品新推出，都未定正式名稱，而且睇匀所有MENU同店內佈置都見唔到相關資料，要好留意先知有呢樣新產品。而且每日只準備少量，售完即止。        另外雪糕我哋叫咗椰絲班蘭蛋糕$44同腐竹雞蛋糖水$44。         班蘭雪糕灑滿椰絲，味道極之像真微甜清新。       腐竹雞蛋糖水係我至愛，估唔到LAB MADE出呢件口味😆雪糕成型後店員放一小堆芡實喺面，可謂畫龍點睛！👍👍啖啖腐竹香加表面嘅雞蛋漿，真係好似食緊腐竹雞蛋糖水😋又一次滿足視覺同味覺嘅體驗。

上星期喺荃灣Dinner後經過翻新中嘅城市中心，見到Lab Made喺呢度開咗，就緊喺要試吓啦！堂食嘅位置唔多，索性買完邊行邊食！呢4款都未試過，款款都心思思想食，最後揀咗“腐竹雞蛋糖水”，睇吓中式糖水同西式手法嘅Crossover效果！等咗10分鐘，登登登登。。。。一球半嘅份量，加上薏仁做topping，賣相唔錯！食落煙煙硬硬，值得一讚嘅係甜度唔太過份，食完感覺清新，唔會成個口甜耶耶要即刻飲水！GOOD每杯盛為$44大銀，如果遇到心儀嘅口味，都算值得一試嘅

唔喺第一次幫襯Lab Made，但新開嘅荃灣店應該最就腳，事關喺小弟出沒較多嘅地區之一。不過，是日嚟到，感覺有好多唔同，原來……荃灣店已進化為Café，分子雪糕當然唔少得，更賣埋件裝蛋糕及飲品，實在啱晒我哋啲甜品迷，下午茶又多個選擇，周六、日有時間可以過嚟迤吓 ！由於店子晌商場中間位，由千色店天橋一直走過嚟就見，啱啱扶手電梯對下，唔難搵。而且，地方頗闊落，有十零個座位供堂食 。從餅櫃所見，因為話喺試業關係，暫時蛋糕款式唔多，但做得精緻，配搭特別，例如：烤白朱古力海鹽蛋糕及香蕉吉士蛋糕，此外，又有啲天然低卡鮮果汽水，都喺下次要一試嘅目標。今期嘅分子雪糕口味有夢之薑餅人、樹頭蛋糕、聖誕雪人及希臘乳酪雪糕配紅酒煮無花果醬，明顯前3者都喺為聖誕而推出嘅限定 ，最為欣賞喺Lab Made標榜用料全天然，適合現代人講求健康。另外，冬日呈獻，更推出兩款熱飲：Lab Made特選Valrhona 熱朱古力及薑汁好立克 。 夢之薑餅人 $44 以英式蛋諾雪糕配肉桂同薑餅人，咩叫蛋諾（Egg Nog）?小弟都要請教一下店員，原喺喺蛋酒，不過，既然叫得非酒精嘅蛋諾，當以取其概念，唔會食到酒味。

久聞Lab Made大名，知道那裡有着很多口味的分子雪糕，卻找不到機會一試……今今天經過荃灣，知道開了分店！所以決定一嚐他們期間限定的雪糕'夢之薑餅人'！先買，等待叫號碼……好快就拎得~很可愛的薑餅人和小士的！討好的裝飾！未食已經好開心好聖誕！真的十分期待這小杯的雪糕有幾薑！薑味是有的，但是不太重，雪糕上面有薑餅碎，而最底下有苺醬……減少了膩既感覺，雪糕少許椰香味，好creamy~有機會一定會再試下其他味道！

平安夜快樂！來到終於爸爸也放假了，嫲嫲也由鄉下回來，可以一家人甜蜜過節了～ 另外今天下午甜魔媽媽與囝囝還特別到訪了荃灣新開的 Lab Made Cafe，令這天更加甜蜜！Lab Made 很厲害，短短兩年間由大坑、尖沙咀，慢慢擴充至北角、屯門、淺水灣，今天荃灣店也在佳節前夕開張了，現時共有七間分店。新開的荃灣店是 Cafe，比一般雪糕店多了甜餅、熱飲等選擇，還設有少量座位，就算在嚴冬之下，也適合甜魔們去聚首、宵夜。這天遲了到場，抵達之時不少食友已經吃得如火如荼！甜魔家的平安夜午餐吃得很飽（遲些再分享），飽得蛋糕只試了這 烤白朱古力海鹽蛋糕，質感輕柔、味道豐富，的確不錯。大家信不信也好，「雪糕消滯法」對於甜魔媽媽真的很 work，快快點杯雪糕來消滯吧！ 來到聖誕週店方特別推出四款充滿節日色彩的雪糕，分別是：A – 夢之薑餅人 by CLOT B – 樹頭蛋糕 (法式栗子雪糕配迷你朱古力樹頭蛋糕) C – 聖誕雪人 (白朱古力乳酪雪人配椰子紅桑子批) D – 希臘乳酪雪糕配紅酒煮無花果醬 聖誕版雪糕均一定價 $44，供應期只至 12月31日。另外又有自家製的全天然、不含香精 Valrhon

全港首家 Lab Made Cafe 剛剛進行試業, 是晚「檸茶」有幸率先到訪, 除了必吃的多款分子雪糕外, 更品嚐了多款只在 Cafe 供應的蛋糕甜品和尚未推出的全新產品。Lab Made Cafe 位於荃灣城市廣場一期二樓全新裝修的美食廣場內, 並位於貼近行人電梯的當眼處, 是個人流甚高的位置。Lab Made 特選 Valrhona 熱朱古力 ($38) 是最具驚喜的全新產品, 配方以 Valrhona 等多款名牌朱古力混合而成的, 味道與別不同, 甜度卻剛剛好, 質感甚為豐厚, 在這個寒冬裡品嚐, 實在暖在心頭。* 暫時只於 Lab Made Cafe 供應, 稍後會於即將開幕的第二家 Lab Made Cafe (銅鑼灣) 和 Lab Made 尖沙咀分店推出。薑汁好立克 ($31) 是尚未推出的全新飲品, 薑粒具一定辣味, 有點刺激, 卻有保暖作用, 混以好立克來喝, 其甜度卻能夠中和薑粒的辣味, 是個不錯的冬日選擇。除了飲品外, 這裡還有蛋糕出售, 現時共有三款, 包括 紅莓芝士蛋糕 ($38)、香蕉吉士蛋糕 ($38)、 烤白朱古力海鹽蛋糕 ($38), 三款蛋糕均含有