LAB ZERÕ

营业中

休息中

前幾日去既時候都有好多位，諗住兩個人去坐得舒服啲，問下可唔可以沙發位，都唔洗排隊，點知佢點都唔比沙發位，完全唔知咩原因，我地兩個人又叫得多野食，但明明果幾個沙發位無人，真係食得唔開心，如果有人坐左，無得坐就話，但都無人😤真係成肚氣，以後都唔會再去，幾靚都好，態度真係好差😤啲野食賣相係靚，但都其實普通，啲員工態度令到我食咩都唔開心，本身諗住幾靚幾chill, 諗住今日得閒去打下卡，但都真心全程都心情唔好！

夏日炎炎，最岩去食冰啦，今日就黎左尖沙咀呢間雲朶打卡 cafe 啦。餐廳開 12 點，我地大概幾 1 點左右黎到，離遠已經見到有人龍啦。排隊係露天位置，好彩都冇太陽曬住，人龍都郁得快，等左 40 分鐘就入得啦。餐廳空間比想像中大，門口已經係打卡位，擺放左雲朶梳發，小茶几同幾種植物，色系就行北歐風，比較自然同舒服。餐廳除左甜品外亦有提供正餐咸食，未食晏嘅我地就岩曬啦。為左留返肚仔空間食甜品，咸食都唔敢叫太多，所以揀左一個意粉同一個薯條。蒜香明太子櫻花蝦珍寶帶子意粉意粉有兩粒大大粒既帶子，明太子同蒜味都濃，而且有別平時食明太子忌廉嘅味道，整體煮得比較乾身，食曬成碟都唔會飽飽滯滯。配料仲有煙肉，令成個意粉更加惹味。辣肉腸薯條薯條道揀左個清清地，有辣肉腸片同薯條，薯條熱辣辣脆卜卜，條條肥美冇炸空氣。Canele Affogato又想食 canele 又想食雪糕，呢個甜品就可以一次過滿足曬兩個願望啦。Canele 份量都幾多，外脆內軟煙煙韌韌，雪糕有香濃牛奶味，加埋咖啡嘅少少苦味，整體配合都好好。芋頭牛奶冰平時好似好少見到芋頭冰，所以今次就試試佢。紫色既芋泥配香雪雪嘅牛奶冰，放上枱面又靚又吸引，

喺IG見到好多人讚呢間新Cafe，所以放假就約朋友去食好西打卡！呢間真係好推介，家嫂已經想encore 😍我上次星期六1140去到，第一輪就可以入場啦，強烈建議大家早啲去😍以下呢幾款食物家嫂大推！#爆碳假期 🍧芋泥芋圓牛乳刨冰 $98係LAB ZERÕ 同THE BAKERISM 聯乘嘅甜品！刨冰加咗調製牛乳醬，creamy 又有奶香！Bakerism 嘅芋泥做得超好！口感綿密帶少少粒粒，同埋芋泥應該加咗少少鹽，所以提升咗芋泥嘅香味，我都學到野呀😍另外仲有好多個唔同口味嘅刨冰，絕對可以encore! @thebakerism 🍦可麗露意式咖啡雪糕 呢個組合配搭100分，係必食！THE BAKERISM做嘅可麗露充滿雲呢拿同焦糖香，雪凍咗所以口感紮實，最驚喜嘅係浸咗入雪糕入面10分鐘都仲係脆！牛乳雪糕比芝麻味更加軟滑，最後加shot espresso 增添香氣嘅層次！三樣嘢加埋，口感同香味都好完美，可麗露浸咗咖啡好好食好香🥹🥹🥪大阪燒酸種麵包 $138家嫂好鍾意食大阪燒同酸種麵包，所以一定試呢個😂啲醬汁同配料真係有大阪燒嘅影子，仲有大大隻天婦羅蝦同燒帶子做topping，加多隻太陽蛋超

最近經常看到有人來打卡，Iby 終於被吸引到慕名前來了啦～到底會不會名不符實呢？😋 芝士咖哩和牛肉醬薯條 🌕🌕🌕🌕🌗 68hkd薯條超級酥脆，上面的咖哩醬味道較為平凡，但竟然還吃得出是和牛，整體十分美味。😋 水牛城雞翼 🌕🌕🌕🌕🌕 78hkd外脆內嫩，而且醬汁調味不錯：甜、酸、辣平衡。旁邊的並非藍芝士，而是改用了Iby鼠很喜歡的忌廉芝士，變得更美味了。😋 浦燒鰻魚堡🌕🌕🌕🌕🌑 148hkd包體味道極為普通：不脆、味道又淡，包身更是普通餐包。鰻魚味道平凡，不過中間的和牛漢堡扒燒得剛剛好，油脂豐腴還吃得出是和牛。下邊採用火箭菜而非生菜，勇氣可嘉，幸而蕃茄及火箭菜都十分新鮮。搭配的薯條雖然是帶皮粗薯條，卻是非常酥脆，調味也不錯，吃起來像脆薯格。😋 北海道雪糕筒-8.0牛乳雪糕筒 🌕🌕🌕🌕🌕 28hkd果然是Lab，竟然做出看起來這麼實在的軟雪糕！吃起來是正常的軟雪糕，而且牛奶味濃郁：偏煉奶，帶點奶羶味，質感軟滑而creamy，沒有絲毫碎冰。下面的芝麻Cone芝麻味重，而且又薄又脆。非常完美！😞 草莓芝士蛋糕刨冰 🌕🌕🌗🌑🌑 118hkd其實就是綿綿冰：新鮮士多啤梨醬、士多啤梨，芝士蛋糕、Cr

討論到非常高嘅雲朵CAFE ☁️☁️☁️天花板吊住左好多雲仔有啲仲會識上下升降增加視覺美感用灰色牆色為主色 仲有仙人掌做點綴 打卡感十足⚡️•草莓芝士蛋糕刨冰🍧刨冰綿密度還好 可以再綿密啲酸甜士多啤梨醬食到中間有消化餅脆脆同芝士蛋糕 味道還好 用黎打卡就一流•北海道雪糕筒-牛乳加芝麻味🍦賣相岩哂打卡 呢個係比刨冰出色啲食到牛乳味但個芝麻味非常濃同出位質地就比較易溶 所以食時記得要食快少少 個筒都係黑色條紋造成感十足 筒身都脆 整體上呢個雪糕都值得再一食🖤

🇭🇰Lab Zero - 排隊刨冰尖沙咀Cafe口味：4/5服務：4/5環境：4/5性價比：4/5推薦？：😋裝修不錯 - 工業風裝修以灰色為主調，天花板掛有一朵朵會自動升降既雲朵燈，加上特登畫左位出黎有個影相位比人打卡，感覺都幾Chill。位置尖東近紅磡 - 新開張，門口都幾多人排隊。位置黎講係韓國街果邊，唔近地鐵站都要行一段路。星期日下晏呢啲放假時間都排左半個鐘左右。口味清新 - 甜品overall質素都好好，唔港排隊既應該會再黎😋1. 芋泥芋圓牛乳刨冰🍧 - 日式刨冰食落既口感細膩綿密！平時成日都好驚食刨冰會又凍又介口，但呢度既刨冰就冇呢個問題！加上芋泥佢地都整得幾滑好Smooth，一食落掘開刨冰入邊好多芋泥芋圓，好足料好飽肚。2. 蜂蜜焦糖脆脆北海道雪糕杯🍦 - 雪糕本身其實都幾香幾重牛奶味🥛但係焦糖脆脆食落雖然好食但真係比較甜。同雪糕分開食口感會好好多！3. 咖啡 - 老實講就真係飲唔出佢杯Americano用左啲咩靚豆，不過合格唔難飲既！價錢 - ～HKD270地址：尖沙咀金巴利道 68 號地下 B 舖

繼續忙裏偷閑系列，嗰日同朋友去咗尖沙咀新開嘅日式刨冰cafe🥰除咗刨冰之外，仲食咗好多精美嘅鹹點😋由環境到餐點都好賞心悅目，去完成個人會超級滿足！🥰新店嚟講佢都算非常旺場，嗰日我去係平日下午，而且仲落緊雨但見到佢嘅門口都keep住有好多人排隊等入嚟幫襯，睇嚟大家都好想快啲試吓呢間新嘅Cafe！😝而且佢個空間幾大我諗都有差唔多成千呎，裝修係走簡約時尚工業風路線，成個場好闊落好舒服，除咗主要用餐區，佢仲有一個打咭區可以等你係度打卡，鍾意享受美食兼打卡嘅人應該都幾鍾意呢度嘅環境🙆🏻‍♂️嘢食方面，我哋先叫咗幾個鹹點，有鹹點嘅安排啱晒我呢啲要食鹹嘢嘅胃，陣間食刨冰屬於甜品係另一個胃嚟呀哈哈😜佢嘅鹹嘢全部都好特別，而且走fusion嘅路線😋1️⃣大阪燒酸種吐司🥪佢喺酸種吐司上面鋪滿大阪燒嘅材料好似椰菜，木魚絲等，再加埋天婦羅炸蝦，煎帶子同埋煎蛋，最後淋上埋神來之筆大阪燒醬汁，成個擺盤好精緻，食落去就好有大阪燒嘅味道，fusion 出色😆2️⃣腐乳卡邦尼意粉🍝呢個真係超特別，我冇諗過可以將腐乳加落去整卡邦尼意粉，但係出奇地夾喎👍好有驚喜3️⃣芝士咖喱牛肉薯條同埋芝士黑松露薯條🍟前者嘅味道好特別，好少食到呢隻味，

六月初去過一次門口，不過見到太多人喺室外排隊，當時仲要係下午一點到兩點嘅時間，所以就離開咗，再搵時間嚟食🍽️ 終於終於完咗一個project可以放假，趁星期一晨晝2點前去😎 雖然已經無咁多人，但都要係室內得多10-15分鐘左右🕒.第一次係被IG嘅food blogger介紹💩形雪糕吸引咗，仲可以食冰🍧 所以即刻叫埋豬爸一齊去打卡📍.去到鋪內，好似入咗去雲層入面，好多雲係天花板上面，仲可以升降添☁️ 門口嘅位置只可以用作打卡使用，各位女士記得要著靚靚去打卡啊👗.Lab Zerõ不設網上及電話booking☎️ 所以大家最好揀家日子同時間去用膳，如果唔係就要好似啲人咁係門口掛隊啦☝🏻❤️尖沙咀必打卡網紅店❤️芝士咖哩和牛肉醬薯條 $68醬汁非常特別，鍾意食薯條嘅我好欣賞呢款醬汁嘅薯條，咖喱唔會好辣，連唔食得辣嘅豬爸都話好食🍟蒜香明太子櫻花蝦配珍寶帶子意粉 $138起一碟珍寶帶子意粉只有兩粒珍寶帶子，而味道非常之香又容易入口，好好食😋 兩個人share食就啱啱好香水檸檬梳打-凍 $40普通嘅一杯檸檬梳打，不過呢一杯梳打水特別多汽，名為香水檸檬梳打，係可以飲得出有一陣香甜嘅味道喺入面Hone

之前已經聽過唔少人話呢個嘅甜品好好食，今日終於去到試（要排隊），不過排都值得，因為真係好好食呀。我一心係諗住芋頭去的，我係芋頭迷，但坊間好多芋頭冰都勁大香精味，又無乜芋頭味，唔好話芋頭，就算係其他味嘅刨冰，出面嘅刨冰好多都係得啲好藥水味嘅糖水.....今日個芋頭冰嚟到嗰陣好有驚喜，賣相係紫色同白色好靚，面層有芋頭同一埋芋頭蓉，我已經覺得好驚喜，係真正嘅芋頭蓉，好香好滑。食到下面，啲牛奶冰都好有驚喜，好滑好綿，而且好香好香，食得出係用好好嘅牛奶去做，唔係用奶精，食到停唔到口，雖然係咁，但一個冰成100蚊本身都覺得算貴，直至我食到中間⋯⋯中間竟然有好大好大舊芋泥！係真正嘅芋泥！我喺第二到食芋頭冰甚至係台灣都未試過咁足料，最後我地兩個女仔食晒份量超大嘅芋頭冰，好滿足，希望下次再去試下其他甜品！

呢間cafe近期好hit，事關佢嘅裝修都幾特別。一入門口，就會見到打卡區，個邊佈置幾靚，有灰色嘅泡泡梳發供客人坐，周圍圍繞住仙人掌等各種熱帶植物，而頭上有嚿緩緩升降嘅雲朵燈，成個畫面睇，的確幾美觀，令人爆發少女心，好啱打卡ᵒ̴̶̷̤ꈊ˂̶̤̀ 唔怪得之咁多人慕名而來。可惜我哋去嘅當天，岀面好多人排隊，我哋都只好拿拿臨影完食完就算，廢事阻到其他人，所以影唔到好多靚相৹ᵒ̴̶̷᷄́ฅᵒ̴̶̷᷅৹不過嘢食質素都算唔錯，滿載而歸～✎ 蒜香明太子櫻花蝦配珍寶帶子意粉 明太子味同蒜味濃，令到成碟好惹味。當中有充滿咬口嘅煙肉片同滑嫩而好厚身嘅帶子，而麵條嘅口感都好彈牙，整體十分高質！✎ 炸海苔魷魚炸到幾脆，而炸粉唔算多，味道似鹹蛋味加紫菜味，食落幾香口！沾埋芥末醬食，一流！✎ 凍青提梳打少少酸，青提同梳打味濃，食到最底仲有爽口嘅青提肉同埋啫喱。

今日排隊40分鐘，前提係，只係7-8個人係我地前面，差不多排到嘅時候，見到內面竟然有3張二人檯冇人坐，因為最前面排隊係三位顧客⋯⋯有顧客建議可以比兩位嘅坐先，被拒絕🤣🤣話三位顧客未坐，就要繼續等，姐係只要三位顧客冇位，其他人就永遠要一直排隊，明明可以擺多一張凳比人，就可以大家歡喜，但個個服務員都真係打份工嘅心態，黑口黑面工具人咁！唔知老闆係度嘅時候班工具人係咩狀態！講返杯嘢飲，希望只係失手，雖然係青檸，但酸到苦澀！！！結果排隊40分鐘，坐左10分鐘走人！但客觀的講，裝修的幾好！仲有希望培訓下員工抹乾淨張檯係最基本啦！

朋友話尖沙咀新開了一間Cafe，跟住平日下晝時間去試吓，可能係新開去到都有啲人，但係不需要排隊，直接就可以入座。環境方便，除咗門口有一個打卡位，其他一啲好嘅景都冇，同買都好吵，所以試吓嘢食，食物方面都算ok, 都係Cafe嘅價錢，偏貴咗少少唔算抵食，嗰個價錢大把Cafe可以選擇最後就係侍應的態度，特別係一個長頭髮女侍應態度特別差，好禮貌咁問少少野都黑口黑面，連朋友都話侍應態度麻麻，朋友已經係冇咩要求嘅人，真心態度差真係以後唔會再食！試一次就夠！

即興去朝個聖打個卡，啲野食一般，服務都一般，我地無訂位，同埋好似無得訂位，門口排左大約30-45分鐘就入座，入座無限時。我地兩個女仔，叫左兩個主食，一個甜品，兩杯飲品經典漢堡&蒜香帶子意粉，漢堡普普通通，意粉蒜味都夠，幾好食海鹽焦糖刨冰，啲鹽落得唔夠均勻，帶幾個部分特別鹹薄荷朱古力+牛乳雪糕，薄荷味好淡，個雪糕唧得好醜呢個係打卡位，比人排隊輪流影相，張凳好矮好林好凹，我朋友佢正常人都難坐，大肚既我表示我坐低左起唔返身😂

最近真的比這家 𝐝𝐞𝐬𝐬𝐞𝐫𝐭 𝐜𝐚𝐟𝐞 鋪天蓋地洗版本來我是喜歡等熱潮過去才去探店的人（沒在管流量密碼這件事 (๑˃́ꇴ˂̀๑)但意外地看到很多非廣告真．好評（？）而且還有與 @bakerism 聯乘的甜品所以決定去訪一訪是不是又美又好吃！12:00 開門 我 12:10 到達已經剩下最後一張桌子了而且菜還未上齊 門外已經一條大長龍所以我吃的很趕 拍也很趕 避免阻人用餐 ( 〃 ˙꒫˙ 〃 )☞ 芝士和牛肉醬意粉 𝘞𝘢𝘨𝘺𝘶 𝘊𝘩𝘦𝘦𝘴𝘦 𝘚𝘱𝘢𝘨𝘩𝘦𝘵𝘵𝘪 𝘉𝘰𝘭𝘰𝘨𝘯𝘦𝘴𝘦 $118醬汁開胃有誠意 味道咸香 意粉軟硬適中 不錯吃！☞ 蒜香明太子櫻花蝦配珍寶帶子意粉 $68𝘔𝘦𝘪𝘵𝘢𝘪𝘬𝘰 𝘚𝘦𝘳𝘨𝘦𝘴𝘵𝘪𝘥 𝘚𝘩𝘳𝘪𝘮𝘱 𝘸𝘪𝘵𝘩 𝘑𝘶𝘮𝘣𝘰 𝘚𝘤𝘢𝘭𝘭𝘰𝘱 𝘗𝘢𝘴𝘵𝘢帶子有驚喜 新鮮且口感十足 同行者好喜歡 ⁺⸜(●˙▾˙●)⸝⁺☞ 芝士黑松露薯條 𝘊𝘩𝘦𝘦𝘴𝘦 𝘍𝘳𝘪𝘦𝘴 𝘸𝘪𝘵𝘩 𝘉𝘭𝘢𝘤𝘬 𝘛𝘳𝘶𝘧𝘧𝘭𝘦 $68因為上菜有點慢 人也真的有點多幸好他們先上這個解決我的餓感 ˃̣̣̥᷄⌓˂̣̣̥᷅ 不過不失 ～☞ 芋泥芋圓牛乳刨冰 𝘔𝘪𝘭𝘬𝘺 𝘛𝘰𝘳𝘰 𝘒𝘢𝘬𝘪𝘨𝘰𝘳𝘪 $98相對正餐，甜品出色

講到近期最HIT嘅cafe一定係呢間！連平日晏晝到訪都要排一個鐘。餐廳店面幾大，樓底夠高幾寛敞舒適，門口仲有個仙人掌伴漂浮雲朵打卡位。除左主打嘅日式刨冰、聯乘THE BAKERISM嘅獨家限定甜品，鹹點小食亦係誠意之作。絕對係回頭之選！▪️芋泥芋圓牛乳刨冰 $98完全係為左呢個冰而黎！面頭有一大pat芋泥，入口幾香芋頭味，保留左啲芋頭蓉同芋頭粒，不過質地較黏稠 唔似平時個啲咁順滑。估唔到食到中間都仲有芋圓同芋泥！芋圓意外都唔會變到好硬，相當煙韌，不過芋香偏淡。刨冰以日本直送冰磚製成，口感綿密，每一啖都好香甜，唔會話食到底就無晒味~▪️特級濃厚黑芝麻刨冰 $128估唔到呢個更有驚喜！食到中間竟然有軟滑濃郁嘅黑芝麻雪糕！由頭食到尾都好重黑芝麻味！入面仲有蕨餅增添口感，有咬口得黎唔會太韌。▪️大阪燒 酸種麵包 $138酸種麵包烘得超酥脆，配埋椰菜絲、酸甜醬汁同沙律醬，味道十足大阪燒！面頭兩粒帶子超大超厚肉，煎得岩岩好，口感軟嫩。炸蝦香脆唔油膩，唯獨粉漿偏厚。想打卡仲可以加$15要隻太陽蛋~▪️腐乳卡邦尼意粉 $118呢款就相對失色，食落比較似一般有加忌廉嘅carbonara，腐乳味較淡。勝在意粉軟硬