Lava 燒

营业中

休息中

難得開開心心同朋友們，傾計食飯飲野，5個人共消費都過千元，竟比職員問交返枱台出野，果刻好嬲囉，有2張枱早我過我地，唔早佢地叫我地，我地消費比人低？佢地仲有野叫？ 不是，同我地一樣飯後傾吓計，我地不是大大聲聲野蠻態度差客人自問，同其他無異，做生意係長做，咁對客人，客人唔會有第二次，亦會同其他人幫你地宣傳，仲有，一盤虾條仿似卡樂B要$50！！你地去搶啦！！不過我地唔介意，出黎同朋友開開心心聚舊，唔會介意叫左4盤共$200仿似卡樂B虾條, 真得不愉快的聚舊！！

聖誕夜唔想迫，老公突然話想食串燒。就OpenRice 一下，選擇不多見臨時book又book到。所以試一試。整體食物質素一般，荀太乾。串類食物味道偏淡，但茄子同埋扇貝（唔記得影相）太太太咸。整晚食物亮點 炸蠔 。（右面）飲左2杯Stella 埋單$7xx。

又黎到happy Friday ,係時候relax 一下，約左朋友們happy hours 順便食下野吹下水,酒吧食物比較抵食,而且質素唔差價錢合理門口好開揚,可適合吸煙人士串燒多種類一坐低第一件事先黎杯啤酒先解解渴,消消暑韭菜一大份燒冬菇，好香又大隻，仲好juicy 多汁雞肉串，雞肉好滑，好夠味，吾會太淋雞肉棒，好好口感，外面燒焦了，脆脆地，正墨魚咀好彈牙，好好味芝士大菇，用車打芝士，芝士味好濃郁，可以拉絲

有朋自遠方來，帶佢出去食吓好嘢招呼一下，聚下舊就最開心，近近地唔使去到太遠，太子都大把酒吧，同埋好餐廳！Lava 呢個牌子係我心目中都幾有印象，有個土瓜灣嗰間餐廳食到過來太子，比我印象都幾唔錯，今次佢開咗串燒店，又可以食飽飽，又可以飲酒，幾唔錯！地方都係坐得幾舒服嘅，今晚冇咩人，靜靜地，不過我哋自己都六七個人一台，已經夠晒氣氛！估唔到呢度串燒嘅種類咁多選擇！呢碟野出現時，大家嘅反應都係哇一聲，單係賣相同埋香味已經把我哋吸引住金菇肥牛卷係我最愛！仲叫啲燒蘆筍、同埋燒韭菜，一齊食仲正。醬汁都幾夠味，有少少甜甜地，好滋味。第二round，要在encore金菇肥牛卷，加對雞翼！雞翼燒得好透，火候掌握得好好。冬菇都幾唔錯喎！啲菇燒到林林的，裏邊有少少juicy 添呢串嘢超正，牛柳好香牛味，口感幾彈牙。食串燒，配啤酒係最佳選擇，飲支嘉士伯先。

一年只見2-3次既同學👨🏻‍🎓，通常都會約去一d沒有限時的餐廳食飯，我地一聚埋就會雞啄唔斷，今次搵左太子一間的酒吧，飲下啤酒，順便食下串燒同學未到齊，先黎Happy hour 盡情飲，配埋燒雞泡魚干送下啤酒🍻我地都叫得好瘋狂，安格斯牛肉串叫左幾次，成班好似同牛過唔去咁！ 嘻嘻😁 芝士磨菇簡直不得了，芝士味濃郁；釀雞翼都唔錯，啖啖肉，皮脆燒菜都燒得好香，唔太油，尤其韮菜，出色！但食物都等得耐，第一輪要點多少少

太子西洋菜北街向來酒吧林立，放工來小酙兩杯總不乏地方。Happy Hour 酒水例平當然是基本，但友人經已吃厭佐酒的 finger food 如薯條洋蔥圈雞中翼，略嫌太 mainstream。搜索下，覓得這間 Lava 燒能夠以肉送酒，確實令人光是想像已經垂涎。餐牌上的燒物選擇眾多，豬牛羊雞魚蝦蟹扇貝，當然不乏烤蔬菜。不求飽肚，只為解嘴饞，二人點了牛肉串、牛舌心、燒羊架、烤鯖魚、粟米、韭菜娃娃菜等。酒，當然點 draught beer，bottled beer 是讓你買回家飲的。點好的燒物沒有分盤送上，而是整盤呈現於眼前，感覺蠻豐盛的。每款串燒都帶有輕微調味，微辣惹味下不會蓋過原本食材香味的風頭，而整體來說火候控制亦合格，沒有一道肉類被烤至過火而硬身。我個人偏好肉味比較強烈的牛舌心與燒羊架：牛舌心肉味頗香濃，經咀嚼後的油香後勁十足；而燒羊架本身並沒有令人討厭的羶味，油脂算是足夠，咬落肉汁 juicy 卻不油膩。另外，燒栗米經開邊處理，表層再加以芝士和其他調味料理，味美之餘亦比起原條方便食用。

每個星期五都係happy firday ,點都要搵節目,今個星期五就約左舊同事食串燒三個月無見特別多野傾,串燒飲啤酒是常識~好冰涼~先黎個串燒明太子雞翼先,皮脆肉嫩好多明太子,好好味北海道墨汁豚肉腸成條黑色好有趣,肉味重,少肥和風燒青魚,好香,皮脆脆地肉都好滑朋友最愛茄子,好厚肉,多汁燒芝士夾心漢堡芝士係中間流出黎,好正司華力腸,一睇都知皮好脆青椒都好爽口雞肉都OK幾個人一路傾計一硌啤酒,一樂也~

朋友想搵個地方傾吓計又咁啱經過太子又唔想去普通酒吧咁dry所以 就搵咗間又有得飲嘢就有得食嘢嘅地方坐低呢度都有我最鍾意嘅Hoegaarden Rosee咁我哋就叫咗幾款嘅肉類蔬菜啦肉類方面就叫咗燒雞皮，牛柳同牛舌牛舌真係好好食 之後仲叫咗燒冬菇燒玉子同燒墨魚汁腸個燒墨魚汁腸都幾特別而燒玉子加左少少蜜糖甜甜地幾好食最後仲叫咗燒北海道帶子 同燒鰻魚好正 燒北海道太子唔會太熟煮得啱啱好而且條鰻魚都燒得好香 好正好好味

雞翼燒得好香，雞肉嫩滑又juicy, 加埋明太子的甘香，送酒一流。海鮮有金銀絲扇，扇貝大大隻，味道十分鮮美，肉質嫩滑，配上帶黑椒香味的燒汁同軟滑粉絲，正！蔗蝦，細細件，以蝦膠包住小甘蔗，口感彈牙。蟹膏珍寶松葉蟹棒真是巨型！有成五六吋長，認真可以大啖大啖食認真和味。軟殼蟹半隻這軟殼蟹的炸衣透薄，炸得鬆化脆口，蟹肉味道鮮甜。整體味道唔錯。以每人$150左右可以大吃串燒吃到飽，感覺真爽。其中的明太子雞翼及金銀絲扇貝實在不錯，是相約兩三知己把酒暢談的好選擇。

早幾日係openrice睇下有咩串燒食，發現這間位於太子西洋菜街的串燒店。之前無聽過既，於是膽粗粗同honey入內試試。這兒的串燒有成五十八款，分別有燒肉、海鮮同蔬菜，大部份串燒的價錢也只不過是$13-$28。而燒帶子或整條特大蒲燒鰻魚，都只是$40-$98，都算抵食！點左串椒串牛柳，以青椒牛柳相間串成，牛柳肉質軟稔，有肉味，雖然比較熟，但也不會鞋囗。再黎金銀絲扇貝，煮得啱啱好，好正呀！重點推明太子雞翼！！這雞翼脹卜卜，已經去骨，而且釀入明太子，心思十足

同事介紹呢間吧傾計飲野唔錯 所以放工就黎輕鬆一下飲品我就點左Fruit Punch 同事揀左lemon Squash當然點左好多串燒當晚餐食埋 邊傾計邊食呢到以串燒為主 所以點左幾多野食Menu都幾多款揀 最後叫左多春魚、泰式魚餅、櫻花蝦餅、燒雞腎、孜然羊架同埋金菇肥牛全部燒起一次過上碟 好似拼盤咁我最中意係個櫻花蝦餅同埋魚餅 魚餅就比較林 有小小彈牙食落好香魚肉味 而櫻花蝦餅就好脆 入面仲洋蔥同埋蝦肉混合 所以食落特別香羊架就唔會太蘇 都燒得岩岩好林叫左兩杯野食幾款串燒坐低傾左幾個鐘計埋單都唔使300，抵到癲係好好既吹水場

同外國朋友到太子的酒吧區搵食，佢想試吓西餐以外的東西，但又想飲杯啤酒。俾我哋搵搵下，又見到一間主打grill的酒吧，啱晒佢要求。店內環境都幾舒服，有輕音樂。啤酒同各式酒類飲品都唔少，就好似典型的西式酒吧咁。最有趣的是，食物唔係炸薯條等等的佐酒小食，以係一系列的串燒。食物選擇都算係幾多，足兩頁紙。師傅做好後，擺得靚靚先呈上。滿滿的一大盤燒烤食物，令人食指大動。除咗一般的串燒外，亦不乏比較特別的食材。我就覺得燒鯖魚最抵食，只係廿幾蚊，就有長長的一條鯖魚，而且燒得香脆入味。外國朋友仔就鍾意食呢款大啡菇，覺得佢juicy得來口感又豐富。金菇肥牛亦都係當晚其中一款最喜愛的食物，師傅非常重手地厚厚地卷上兩層肥牛，金菇同肥牛的肉質配合得好好，非常惹味。蔬菜方面，露荀較為出色，清新得來又無渣。整體食物都算做得唔錯，醬汁香料都幾惹味。可以食住串燒又咁舒服的環境飲杯啤酒，確係一大樂事。

太子酒吧街原來有間又有得食串燒、又有得飲酒既餐廳🤩唔係有住太子既朋友帶我去都真係唔知！餐廳裝修唔錯，燭光晚餐，個杯係Jack Daniels好有feel ar!行到興合合...整番杯fruit punch先即調架好夠凍好飲！朋友叫左lemon squash因為佢怕甜等左大約10分鐘，就燒好曬，一次過上碟！燒久菜：燒鯖魚：燒牛舌：芝士漢堡：玉子燒：燒明太子雞翼：金菇肥牛：燒墨魚咀：燒雞全翼：燒羊架：燒菠蘿：脆米芝士波波：總括黎講，lava燒晚野食質素不錯，環境又靚，坐成晚飲野傾計都得呀！下次一定要飲酒，因為今次渣左車冇得飲下次再黎！！

自己比較少飲酒，但如果講起飲酒，最好莫過於食住花生、薯片、小食等等，邊飲邊食，邊吹水邊睇電視，但太嘈又唔得，所以老蘭呢啲地方唔太岩我，通常都會去太子既酒吧街，會坐得舒服啲。今日唔係Happy Birthday，但朋友係附近收工，所以就相約呢度，餐牌上只係有串物同飲品，冇主食，明顯就係為朋友間傾計而設既Bar。呢到就唔係一碟碟上，係一次過一盤上哂，我幾中意咁樣，唔洗食下等下，可以邊食邊傾計脆炸杏片松葉蟹鉗 $18/份我最中意呢個！杏片裹住蟹鉗，外脆內軟，蟹鉗肉質還可以，而且價錢比較上划算，不過留意一份都係指一隻燒牛肉金茹　$26/串一串有兩卷，配上燒汁，牛肉入味，但略有點乾身和韌韓燒豬五花  $26/串肥膏瘦肉參半，燒得夠哂火喉燒香草羊架  $26/隻Size適中，唔太羶，帶點肥肉，香草味再出啲更好軟殼蟹(半隻)  $40/份比較貴，半份都係好細隻，不過味道夠，有經過調醃明太子雞翼  $18/隻釀左明太子係入面，雞翼脹卜卜，明太子本身冇咩味道，但增加左咬口北海道墨汁豚肉腸  $18/條唔記得影近照，所以係大圖CUT近比大家望清楚啲。好得意既味道，唔知係因為灑係上面既辣粉定本身腸既味道，係

放工後當然想輕輕鬆鬆嘆一嘆，今次來這間位於太子串燒酒吧。店舖裝修有格調，環境及燈光都是偏暗，可於室內或室內就坐餐牌有不同款式的串燒，如肉類、海鮮、蔬菜等，還可自選要求全部串燒辣或不辣，由於我們不太吃辣，所以點了全部不辣。等了一會兒全部串燒一齊上菜！椒串牛柳牛柳肉質鮮嫩，容易咀嚼，煙韌有咬口，推介！燒雞全翼這個一定要點！肉質鮮嫩，而且燒得剛好，外脆內軟，非常juicy!明太子雞翼這個也是必點的！沒想到明太子餡料頗多的，亦是外脆內軟，啖啖明太子！烤雞皮朋友說這個也不錯！（我不吃雞皮的）鹽燒多春魚這個有點令我驚喜，平時我不太吃多春魚，但這個燒得很好，脆脆的，十分香口！蟹膏珍寶松葉蟹棒平時很少吃蟹棒的我另眼相看！這個蟹棒真的有很多的蟹膏，而且口感不錯，每一口都充滿着蟹味！櫻花蝦餅外表炸得金黃鬆脆，內裡的蝦滑爽口彈牙，但沒有什麼櫻花味金銀絲扇貝上菜時已經感受到濃郁的蒜蓉香味，扇貝的鮮味已經很足夠，再加上惹味的醬汁被粉絲吸收，十分不錯軟殼蟹軟殼蟹炸得剛好，不會過火而且保留了軟殼蟹的鮮味，外脆而且啖啖肉，很juicy燒魷魚串魷魚口感剛好，不會太韌大蔥雞串這也是我的至愛！大蔥的爽甜加上雞肉的滑溜鮮味，