LCB express (已結業)

外國流行既Yogurt Bowl終於黎到香港🥰早排見openrice訂座有折扣，就約埋朋友一齊去食店內座位不多，但環境舒服，建議訂左座先去菜式1. Coco Nuts Yogurt 4/5 👍🏻2. 水波蛋卡邦尼意粉 3.5/5本人很喜歡食朱古力，每一啖加埋麥片、堅果、香蕉非常滿足，兩個女仔share食就剛剛好，輕食健康可以一試意粉煮得剛剛好，但分量不多，自己一個都可以食得哂⭐️當日同朋友慶祝生日，店舖好貼心在蛋糕碟上寫上Happy Birthday，並送了一份小禮物給我們🎁好驚喜

這店的名有實驗室的意思，我就想這店是吃分子料理的嗎，好奇心驅使下就入了這店。𨋢門一打開就是食肆，環境很舒適給人放鬆的感覺，食店設計值得一讚。乳酪的樣子最為吸引就先點了這個Ocean Blue，這個用上椰殼上枱的使人感覺非常環保，最重要是他的顏色是藍色的，店員說這不是色素造成而是使用了海藻粉，藍莓香蕉跟乳酪異常地夾，燕麥亦都非常香脆可口。再來黑毛豬泡菜有機五穀飯，泡菜辣辣的配上五穀飯裏面的大麥感覺入味，而大麥煙煙靭靭很有咬口。迷你彩虹素漢堡，用上素食豬肉，感覺健康，第一啖的豬兩覺給我的感覺是正在吃豬肉一樣，但再細心吃下來就發現有一點點的冬菇味道。味道: 沒有罪惡感的一餐環境: 裝修漂亮衛生: 整潔服務: 尚可價錢: 食物質素跟價格成正比

環境有室內和露天，室內的枱和枱貼近。侍應態度不錯。黑毛豬泡菜有幾五穀飯泡菜味不太濃，豬肉有少許韌，五穀飯口感豐富，有長型，短身，米飯不覺得生和硬。迷你彩虹素漢堡Beyond Burger聽得多，都是第一次吃的。麵包純粹是令人感覺色彩，沒有味道，豬肉口感和真的豬肉甚似，而味道是菇味，其他蔬菜新鮮。Ocean blue亞麻籽、奇亞籽和脆片很脆口，提子乾，香蕉，藍莓混在一起超好吃，一個人吃會太飽，兩個人吃又不夠。

之前book錯日期食唔到，今日臨時出cwb食飯，所以食番呢間先。上到去店舖細細地，但比人感覺幾舒服唔錯。食物質素方面，先叫左三樣野食（牛油果沙律、明太子水波蛋意粉、牛排），本身驚兩個人食唔晒，點知最後食得晒仲可以食多個乳酪做甜品。食物份量都正常，唔太油膩，食落幾新鮮。牛排本身叫左7成熟，上到黎好似太生，叫佢再幫手煮熟啲都冇問題，啲配菜都好鮮甜。意粉個蛋唔想食溫泉蛋，又幫我地煮熟佢🥰跟住見到隔離枱好似有人生日有禮物收，問完店員都好樂意送上禮物🥰最大驚喜係上乳酪時店員仲主動幫手係碟上寫上「happy birthday」同插上蠟燭🥰好有心🥰今餐飯食得太開心，忍唔住要上黎比番個好評佢，平時都係食完就算😂

8月11日星期日我用手機訂了位星期三中午，呢間我黎過兩次，超鍾意個salad bar,決定介紹朋友過黎食，兩位朋友都興致勃勃的由金鐘同灣仔走過黎食lunch。我個朋友先到，我叫佢坐底等我，點知佢發msg話得個室外位，我話我book window seat, 咁我覺得奇怪就打左個電話比舖頭，我話我book window seat, 就算冇，你都唔駛32度比張室外檯比我。對方話今日比較full, 其他都係6-8人檯，人地都有book㗎，我聽到火都黎埋！如果你唔夠檯，你都可以預先講左先，我可以決定黎唔黎！平日我真係唔寫負評，而且呢間我都真係覺得食物唔錯，但係你地同事的態度同管理一定要改。

一直崇尚健康飲食主義，LCB個yogurt bowl已經吸引咗我，好健康好靚啊！加埋宜家訂座有折，襯生日去試下！試咗佢地推介既燒蠔，味道好新鮮！有驚喜菠菜汁大蝦五穀飯，好有口感，唔鐘意食白飯既我，都覺得好好食牛扒，叫咗五成熟，好香好稔，但因為偏薄，做唔到5成熟，整體幾好食，係有啲啲貴。最後梗係食yogurt bowl! 健康，乳酪係原味底，甜味來自水果同穀麥，因為事前訂座有交低係生日book檯，估唔到店主好細心做埋伴碟比我，所以好開心整體環境舒適，食物好吃，份量偏細份，不過有折所好抵食！

朋友用一個app 有平均75折優惠，於是我地4個就去試，加上係銅鑼灣地點都方便。我地叫左3個主食、一個yogurt、一個小食，分享下先！主食：1. 南瓜汁燒帶子五穀飯* 帶子鮮甜多汁 * 南瓜好夾五穀飯2. 鮮茄汁雞肉有機五穀飯* 鮮茄味濃* 雞肉足料3. 黑毛豬青椒扁意粉* 豬外脆多汁Yogurt:1. LCB yolo*粉藍色夢幻*入面好多健康材料小食：1. 蜜糖蒜香雞翼* 有9隻* 外脆內有肉汁服務唔錯，同事友善，環境都舒服平均每人$120 左右，下次再試其他

話說今年都好興食呢隻yogurt bowl😆咁岩又見到openrice有個40% off既優惠呢就立即去試下啦😃😃😃呢隻yogurt bowl應該都係佢地signature既菜式 我簡呢隻berries同banana為主既 原價$98 6折即係60幾蚊倒 都okay啦味道正常 不過係幾靚 打卡一流🥰🥰🥰

在網上見到這餐廳有不錯食評，加上有75折提供，一於上去試試，果然有驚喜。 那個另加$30 便可享用之任食沙律同甜品bar ，雖然款式不是多得很誇張那類型，但勝在用料新鮮，真係見到都開心! 今日餐湯是洋蔥薯蓉湯，質感非常清甜幼滑，之後輪到主菜出場，點了一份意粉同意大利飯，份量好足之餘味道也好好。 甜品選了奶凍丶蛋白燉奶同焦糖燉蛋各一跟朋友分享，也是那句好好味（看餐牌，一份奶凍/ 燉奶單點也要$38，現在$30 已全包仲要任吃真的超級優惠）。 最後由一杯香滑咖啡完結了這個自制之5-courses meal 真的令我們非常滿足，一定會再來！

今日專誠想試下藍藻yoghurt - Ocean Blue- 顏色幾靚加埋新鮮藍莓, 香蕉, 味道清新仲有亞麻籽, 脆脆等令口感更加豐富, 雖然有加蜜糖但唔覺好甜份量適中另點了一份鮮茄汁雞肉五穀飯, 雖然雞肉有點過火, 但味道唔錯, 除咗新鮮蕃茄外仲加咗三色椒同洋蔥碎, 整體尚可以openrice 65折價錢就非常扺:下次會試吓晚D

LCB express 位於銅鑼灣駱克駅3樓的樓上空間開拓優閒咖啡店，主打輕食及西餐。LCB取其英文店名Le Cléret Brasserie的頭三個字母，新店（eExpress）再注入新生含義 － Love（愛）、Creative（創意）和Beneficence（慈善）。下午MENU都有很多選擇，但這裡特別的在於他們有乳酪SET，不止飽肚那麼簡單，而且賣相吸引(不論顏色、食物、價錢)都令人想試一下。乳酪顏色特別的地方：黃黃 (CoCo Nuts)、綠綠 (Gnarly Green)、藍藍 (Ocean Blue)，利用不同的健康食品(合桃、奇亞籽、栗米脆等等...)，打做出一系列的健康乳酪。而午餐都有8款套餐可供選擇，如卡邦尼意粉、五殼飯、西冷排扒、比目魚等等...特別推介：南瓜帶子意大利飯：不用多說，大大粒帶子已非常吸引 - $158特別推介乳酪：鑽石，聽名字都知道食物是食物的種類更多，食材更新鮮。南瓜湯 -  但南瓜味道清甜，口感綿軟，配上少許忌廉讓整個湯更滑。香煎西冷排配紅酒汁伴時蔬 - 牛扒五成熟剛剛好，而肉質不會太韌。卡邦尼意粉味道適中，不會太咸，但醬汁較乾身。

食物質素好好，令我個Happy Friday 好happy，男侍應服務、態度100分，希望可以保持，想下次結婚週年係呢度既露台坐位慶祝，會再幫襯！我食左Yourt, 黑松露帶子意大利飯帶子唔腥食得岀新鮮，墨西哥跪片果然係招牌菜平時老公唔食芝士都話好食問我係咩黎咁好食🤣我都想問咩芝士等我買黎比我煮其他嘢食，餐湯就飲左黑松露忌廉湯，但我自己鍾意無粒同可以再creamy 啲會更好，係個湯有啲失色。環境方面，睇得岀有用心裝飾，坐位有點窄麻單6折後$248

何謂食環服？就是食物、環境與服務是也店員都令你感到舒服又滿意!雖然已預早幾日用 apps 訂位，但因太多人的關係，只剩下電梯口的二人枱，否則便要搭枱！由於是日約了朋友短聚午餐，故不想與陌生人太親密，唯有坐電梯...口的二人枱這裡的午餐價錢合理，大約 $80以上包餐湯加飲品，如想再加沙律及甜品，亦只需加 $30。由於朋友會遲一點來，故我只點了自己的食物，當店員送餐湯來時，細心的問是否需要遲一點才出餐; 當我之後再為朋友點餐時，另一店員又問我是否需要遲一點才送餐，這裡的店員真是貼心又窩心！餐廳佈置舒服這應該是綠豆蓉湯吧，雖是餐湯，但落足料我點了卡邦尼意粉，好 creamy ，而且有好多煙肉及蘑菇，以前一般吃兩三口便只剩下意粉，但這次卻沒這情況出現咖啡配熱奶 （燙手果種），熱咖啡不會變暖咖啡朋友點了香辣手撕雞茄醬意粉，真係有點辣，但好味

其實仲有一碟飯，飯嘅分量好足夠，味道都好好。其實唔記得叫嘅系咩，不過overall 試過三款，三款我都好滿意。最驚喜是，我覺得佢地嘅飯，keep到唔油膩、分量足夠今次試佢地嘅新嘢，好似叫“藍寶石”，賣相來說，都值得打卡，咁當然同menu上面嘅圖有d差距，不過都算系咁，我收貨味道而言，不過不失，唔會死甜，其實我可以接受。如果中意食谷麥Lee D，比較鬼佬嘅食嘢style，系ok的，食得出入面D 谷麥，應該唔系咩太cheap嘅嘢然而價格都算貴，因為88蚊，咁樣一碗，女仔黎講，減肥的話，系夠，不過男仔，就一定唔夠。因為2個人食，我地都叫左3碟！試左佢地嘅pancake！幾特別，味道可以接受，不過真係唔好攞傳統嘅pancake做比較，因為系唔會話特別甜定點。真係中意嘅會中意，唔中意嘅會覺得古怪。我自己接受到比較新奇嘅食法，所以，我覺得整體而言，lee個pancake 對女仔而言，唔會太飽肚，不過絕對話用黎做健康的食物系足夠的。男仔黎講，就可能未必夠啦！除非你系細食嘅男仔~

好想試呢間出名嘅yogurt bowl, 好colorful又健康，好吸引我，今日又約朋友食飯，要係港島區，啱晒我可以試啦！因為今早好遲食早餐，所以只叫左一個berry barrel , 朋友點左推介嘅彩虹五穀飯伴香煎帶子。個yogurt 係用椰子殼做bowl, 連個匙羹都係，但係份量吾多，味道老實講係一般。 試左幾啖朋友點嘅彩虹五穀飯伴香煎帶子，真係好好味喎，但應該好高卡路里，因為勁香牛油同芝士味，無點飲品，侍應不停加水。雖然今日落雨，但露天枱係有大帳篷，所以照可享受露天嘅用餐feel