Le Three (已結業)

觀塘出名多野食多野玩，平時黎多數去啲工廈隱世食堂，今次試返地舖西餐。伊間西餐廳係希臘風情，籃白愛琴海設計浪漫骨致。餐牌相當精緻，顯出老闆用心。先上是日餐湯，係南瓜忌廉湯。南瓜味唔算濃，但明顯係真材實料自家制，加埋忌廉入口好滑。如果啲湯再熱啲就好。跟住係煙三文魚藜麥沙律，入面有三種沙律菜，配沙律醋酸酸甜甜，藜麥煮得啱啱好，煙三文魚新鮮好味，食得開胃。主菜係柚子辣汁蟹肉意粉，估唔到柚子汁同辣味汁原來係可以咁夾，食落唔太辣但亦可以突出蟹肉既鮮甜味。餐廳亦都唔姑寒，意粉份量不少，配唔少白菇，仲有三隻蟹鉗。另一主菜係西冷牛扒，我地點佐六成熟，煮出黎唔會太韌，牛扒好香，份量十足。配上蘑菇汁味道絕配。伴碟仲有粉紅色既薯蓉和香煎翠肉瓜。值得一讚係店員好細，見到我流鼻水打乞嗤會問我要唔要熱水，好細心。埋單亦唔貴，誠意推介。

今日觀塘japjapjap之紀念日西餐😋驚多人，今次book早咗，入面有幾台，貪佢環境夠寧靜，拍拖夠曬浪漫🌹聖誕節🎄將近，都見到周圍有佈置氣氛今次揀咗兩個set dinner 🍽 B D餐，另加$40可升級配搭餐湯有濃郁嘅南瓜🎃湯，應該加上少少紅蘿蔔🥕更鮮甜其次到沙津，煙熏三文魚藜麥沙津，夠曬膳食纖維👍🏼醬汁幾特別，酸酸甜甜💛主食B，芝士龍蝦汁海鮮闊蛋麵，龍蝦汁夠濃郁🤩配上邪惡芝士👍🏼👍🏼👍🏼一開始以為海鮮🦞得幾粒，點知愈揾愈多😍鮮味十足下一個有D:西班牙黑豚豬鞍扒配蜜糖芥末汁👨‍🍳豬是全熟的🤤燒得岩岩好，有適當咬口容易切開，配上特配蜜糖芥末汁，帶少甜，更惹味，伴菜適量配搭餐飲叫咗凍 熱朱古力餐廳環境有情調，服務真係好好，令人有種舒適嘅感覺，岩曬情侶💑屋企人食飯😇

放假唔想煮，帶左老婆同仔仔出街食見到呢間餐廳藍色招牌好吸引，價錢實惠。餐廳裝修好有愛琴海風情，以藍白為主，望落都幾舒服😌餐湯係紅薯為主，老婆話紫按好夢幻😆味道甜甜地，好岩老婆口味👍🏼三色藜麥沙律🥗 好健康呀！而家好多人減肥都會用三色藜麥代左米飯，營養豐富👍🏼檸檬雞翼。岩岩炸起熱辣辣架😆好開胃👍🏼黑松露雞肉芝士香煎意大利飯。個飯煎到好似餅咁，外面有少少脆，仲有勁多芝士🤤美國西冷排。因為仔仔都要食，叫左8成熟，煎得岩岩好，無血水又唔會硬。不過個汁有啲甜，如果咸番少少就正🙈服務都唔錯，斟水斟得密，仲會問下我地對食物既意見😆

下年年頭約左好姊妹去希臘旅行，今晚我地約食飯傾下行程。上網無意中搵到依間餐廳，俾佢既裝修吸引，而且觀塘區又方便大家,一於黎試下。 宜安街餐廳附近的食店大多是一些大排檔/舊式的茶記，想不到這條大街中有一間別緻西餐廳。 裝修簡約舒適，牆上掛著希臘的相片及壁畫，播著輕鬆流行歌曲。餐牌也是用了希臘的風景畫，有種旅行氛圍感覺。-我們點了set dinner 當晚是日餐湯是青口薯蓉湯薯蓉湯質感濃稠，又不會太結身味道剛剛好，而且有青口粒增加口感。-煙三文魚藜麥沙律喝完湯之後 就奉上清新沙律。食材新鮮、賣相不俗。除了咸香味的煙三文魚，還有爽甜哈蜜瓜、superfood 藜麥及羽衣甘藍🥬。-香辣柚子蕃茄鱈場蟹鉗意粉 $148這款意粉口味挺特別，酸酸甜甜的蕃茄醬令人很開胃，而且每一口都有淡淡的柚子香；如果辣一點兒會再更好。鱈場蟹鉗肥嘟嘟有三隻，絲絲蟹肉鮮甜還有片片香菇，配料及意粉份量都多。-照燒厚切比目魚扒 $178厚切比目魚肉質幼滑、油香味在口腔回盪令人回味。骨少肉厚口感不錯。原汁原味有種鮮甜香，亦可點上醬汁。紅菜頭薯蓉夠特別又健康。-焦糖燉蛋布甸飯後甜點令人滿足燉蛋香滑微甜、加了雲呢拿籽，口味佳

星期六係觀塘區血拚完，行向牛頭角方向，俾一間以希臘愛琴海藍白色小屋為主題既餐廳吸引。佢係一眾小店中鶴立雞群，提供既西餐好有水準，值得再試「Le Three」。Set dinner可選飯，麵，扒，主餐牌既飯，意粉，主菜都可以加錢轉做set，非常多選擇。侍應提到，set dinner menu每兩個星期會轉一次，可見廚師精心製作餐單，唔怕客人食厭西餐。叫左個dinner set，特級西班牙黑豚肉眼扒($228)。小食炸蝦天婦羅($52)。肉眼扒好大碟，好多款配菜，令人食指大動。肉眼扒有兩大塊，有成2cm厚，好多汁，冇諗過黑豚肉眼扒可以咁鬆軟嫩滑，真係一試難忘。配菜有西葫蘆，薯蓉，蕃茄，茄子，金菇等等，每樣都有少少，一啖肉，一啖菜，食得好滿足。餐湯有忌廉紫薯湯，暖笠笠，好適合今日寒冷天氣下品嚐。原來餐湯盡量會日日轉款式，今晚餐廳就特登預備冬天時令既紫薯，有時會係南瓜，蘑菇，蜆肉湯等等，好有心思。沙律有Parma ham salad，沙律菜好新鮮，仲有大量藜麥，番茄同藍莓，配埋鹹香既Parma ham特別開胃。小食，炸蝦天婦羅有三大隻大蝦，炸粉配合咗小脆塊，食落特別鬆脆，蝦肉仲好鮮嫩。最後嘆番

今日同女朋友行完apm,想搵間有有特色既餐廳食個晚飯醫下肚仔咁，所以我地就黎左Le Three 度食。餐廳裝修簡約，有海邊碼頭餐廳既感覺。我地叫左兩個set dinner:餐湯有龍蝦湯，主食有紅菜頭忌廉汁雞肉鮮蝦闊蛋麵(HKD 148)同埋照燒厚切比目魚扒(HKD 188)，前菜就有煙三文魚藜麥沙律。而餐飲就有鮮雜果紅莓茶，甜品就叫左Creme Brûlée (套餐+HKD 28)。個龍蝦湯好好味，非常濃郁，個拉花真係唔錯，幾靚。個沙律份量幾大，煙三文魚好大塊，啖啖肉，啲藜麥又多。個比目魚扒肉質非常鮮嫩，又大塊，賣相唔錯，我個人幾鍾意佢既秘製醬汁。個紅茶頭意粉係粉紅色，賣相好靚，有好香忌廉味，而食落去就好滑，口感唔錯。雞肉肉質都唔錯。個紅莓茶好清新，有紅莓同藍莓食，如果想甜啲既，可以選擇落多少少糖漿。至於個甜品就賣相幾好，個面夠哂焦糖香味，而佢仲用左雲尼娜籽整既添。

今日去到觀塘影相，相約的地方牛頭角見到有間藍色門口的裝潢十分特別門口餐牌的食物都十分吸引，就入去試一試吃午餐。今次就和朋友一人一午餐再加一個沙律程和自己叫了一個熱飲，坐在這裡都舒服岩晒三五知已係度傾計。藜麥沙律好特別而菜十分新鮮，醬汁帶點微酸好開胃，口感豐富。而餐湯味濃郁又香而且配香脆蒜茸包十分好味。我叫的焗飯來到仲有沙沙聲的新鮮焗飯聲，上面仲有二片芝士好吸引。混和一齊已經十分香再有芝士𢇁好香，蕃茄不少仲有生果喺入面帶點香甜，雞柳好多而且口感嫩又入味，飯少少乾身岩岩好。朋友叫牛肝雜菌忌廉意粉。雖然係素，但係色香味絕不輸蝕。菇菌的天氣鮮，配以忌廉汁。很配！原來牛肝菌除左香仲好有益，吃一碟豐富的牛肝菌，把健康都吃進肚裡，很是滿足！二個午餐份量剛好，再配上熱飲檸檬水和好立克十分滿足。

本身好少黎開觀塘區食野，同朋友玩完攀石之後想食番餐西餐醫肚，行行下發現呢間西餐廳 Le Three 裝修幾吸引，入面係仿希臘風格，望埋餐牌發現食物幾啱口味，就決定入去試下啦😋我同朋友兩個人叫左兩個set dinner ，另外加左客吉列紫薯餅，沙律同埋甜品👍首先黎嘅係餐湯- 煙肉薯仔忌廉湯比想像中淡口少少，薯仔打成蓉加埋用黎調味嘅煙肉粒口感好順滑，味道唔會過濃影響之後嘅菜式👍然後就黎左三文魚藜麥沙律用料唔會好似出面一般西餐廳嘅沙律咁敷衍，菜類多，包括有羽衣甘藍，西生菜，火箭菜，蜜瓜，車厘茄等等，再加上主角三文魚同藜麥，配埋微酸嘅沙律汁好醒胃，感覺亦十分清新健康。跟住就到小食-吉列炸紫薯餅啦!總共有四塊，炸粉唔會過厚，紫薯味濃郁不膩，中間更加加左應該係栗子粒去增加口感，好快就清晒四舊!之後就到主菜啦!第一個係照燒汁厚切比目魚扒呢道菜十分有驚喜，因為魚扒處理得啱啱好，厚身得黎夠嫩滑亦完全無腥味，唔會話一部份唔夠熟另一部分過熟，皮煎得香脆，配上微甜嘅照燒汁吊吊味令人食指大動👍👍 配菜方面有微煎過嘅脆玉瓜，車厘茄，茄子等等，感覺清新。另一味主菜係紅菜頭汁雞肉鮮蝦闊蛋麵，之前好少食有紅菜頭元素嘅菜

朋友係附近返工，話呢間嘅lunch 好抵食又好味，於是嚟試下佢嘅晚餐～餐廳主色系藍白色，掛滿充滿希臘風格嘅裝飾，感覺幾舒服～連廁所嘅門、牆壁、天花都有貼牆紙同油油，貫徹翻主題，呢點令我幾欣賞～佢地嘅食物調味比一般西餐淡同健康d，好多醬汁都係廚師自己調配，刻意保留食物原材料嘅味道同質感，而且份量足味道好，幾唔錯～咁啱食嗰晚客人唔多，餐廳店員好熱情同有耐性咁講解菜式，食緊嘅時候見我咳就即刻換暖水俾我，好細心！！呢度嘅晚餐主菜加$40就有餐湯、沙律、飲品。再加$28就有甜品。煙肉薯蓉忌廉湯（每日不同）湯幾濃厚，有薯蓉粒，加上煙肉香味，質感唔錯，煙肉粒大粒d 會更加好。藜麥煙三文魚沙律三文魚鹹鹹地幾入味又唔腥～沙律嘅蔬果類型幾豐富，除左健康藜麥之外，仲有比較特別嘅係深綠色嘅羽衣甘藍，口感比較硬d實d幾得意，此外仲有番茄、哈密瓜、青瓜、娃娃菜等等～同平時食到嘅好唔同～而且個沙律汁係廚師自己調製，酸酸甜甜，味道幾特別。照燒厚切比目魚扒 $188本身我怕腥唔鍾意食魚，但係朋友點左呢個我就試下，入口真係驚訝左，成件扒咁厚都煮得好嫩好嫩，充滿魚油，魚皮脆脆地，而且完全一dd 腥味都冇，同鱈魚嘅質感味道都

同男朋友喺apm睇完戲，唔想咁悶又喺apm食飯。想食西餐，但附近觀塘工廠區啲西餐廳好多都係星期日休息，即刻上openrice search下附近有咩正嘢食，最後決定去apm附近嘅宜安街，呢條街距離apm 5-8分鐘左右，成條街都好多嘢食，今次我地試嘅呢間Le Three係充滿希臘風情嘅西餐廳。一入到餐廳，好鐘意呢個藍白色嘅配撘，仲好有心思有唔同嘅小裝飾。店員亦都好好笑容，我地一入座，即刻俾水同menu，同介紹今晚嘅set dinner。我地叫咗兩份set dinner，價錢已經包括埋湯，沙律，同餐飲，二百蚊都唔洗其實好抵食！龍蝦湯餐湯唔係普通羅宋湯同忌廉湯，係我最鐘意嘅龍蝦湯呀龍蝦湯香濃幼滑，配上靚靚拉花，係一個好好嘅開始煙三文魚藜麥沙律賣相精美，沙律菜/車厘茄/青瓜好新鮮，個sauce溝咗黑醋，酸酸甜甜，每一口都感覺好清新仲有煙三文魚，同藜麥，藜麥煮得好好，軟身得嚟有少少脆口，藜麥個汁一樣好醒胃紅菜頭忌廉汁雞肉鮮蝦闊蛋麵 $148一上枱已經俾個顏色吸引住，pinkpink少女色好吸睛😍店員話原來呢個忌廉汁，係師傅自己用紅菜頭打出嚟，所以成碟睇落都係粉紅色，係純天然。大大隻彈牙鮮蝦肉，

觀塘宜安街有唔少餐廳，吸引我黎Le Three食晚餐嘅係佢藍白格調嘅裝潢，簡潔得黎又不失高雅，令客人好似就係置身係外國嘅海邊休息緊~Set Dinner Menu每2個星期轉一次，今次我點咗紅菜頭忌廉汁雞肉鮮蝦闊蛋麵($148)，加$40升級做套餐，包餐湯、沙律、餐飲。是日餐湯係紫色嘅，令我好好奇係咩，侍應話係紫薯忌廉湯，真係第一次試~沙律除咗有沙律菜同蕃茄仔之外，仲有巴馬火腿、泥麥、藍莓作為配料，再灑上黑醋汁，巴馬火腿咸咸地，更加突出沙律嘅鮮甜味。以前淨係食過墨魚汁意粉，好難想像紅菜頭點樣可以同闊蛋麵一齊烹調出一道美食。上菜之後真係對視覺上嘅沖擊，闊蛋麵都沾上咗紅菜頭汁嘅顏色，食得出淡淡嘅紅菜頭味，好特別，而且一啲都唔覺得好膩。餐廳有提供唔少小食，我再點咗黑松露芝士薯條($45)，即叫即炸，所以係熱騰騰嘅。芝士非常濃郁，而且有拉芝嘅效果添~最後餐飲就叫咗熱檸茶作為總結。

今晚去探朋友，佢話牛頭角附近開左間新的西餐廳，食過翻尋味，帶我去見識一下！首先映入眼簾的是藍白色的天空磗，壁畫上的是愛琴海的風景名勝，感覺好舒服！我們揀左一個set和一個扒！餐湯有南瓜濃湯，個南瓜湯喝上去好滑好香！之後每人有個風乾巴馬火腿沙律，裡面有哈密瓜，青瓜，藜麥等，好新鮮，平時不食開沙律的我都食曬！飲完湯吃完沙律！個主菜來了，風乾巴馬火腿黑松露意大利云吞伴香草蒜蓉多士，上面鋪左巴馬火腿，菇，露筍，下面有包到好靚雲吞，咬一口，味道濃郁的黑松露加，簡直正到冇得頂，個蒜蓉多士又惹味！另外個牛扒要七成熟，做到十分好，而且個牛扒外脆肉嫩，是媲美貴格西餐廳，價錢超值！最後仲有個焦糖燉蛋同雪糕！個焦糖燉蛋好嫩滑，甜味適中，絕對岩曬女士們！P.S:無意閒聊中知道呢度老闆親自聽取客人意見和為食物作改善同親力親為落單！

今日嚟咗觀塘呢間叫Le three嘅小店食西餐，雖然餐廳嘅面積唔算好大，但係勝在裝修特別，有希臘式嘅藍白風格，所以我哋去到坐咗冇幾耐就已經全場爆滿，好彩有事前book定枱，如果唔係都未必食到呢度嘅室內裝修真係好靚好吸引連餐牌嘅封面都用咗愛琴海嘅相，突出呢間餐廳嘅主題呢度嘅set dinner餐牌會每兩個禮拜轉一次，所以下次你應該又可以食到唔同嘅嘢，充滿新鮮感啊首先嚟到嘅係餐湯，我哋嗰日飲嘅係蘑菇湯，湯既味道唔算係濃郁，但係都唔淡，加咗少少忌廉喺面頭裝飾之餘又可以豐富蘑菇湯嘅味道，而且湯入面嘅蘑菇說粒粒分明，又飲得又食得沙律用嘅菜同埋煙三文魚都好新鮮，仲配左啲酸酸地嘅醬汁幾開胃首先嚟到嘅就係燒春雞，係真係原隻嘅雞黎，份量絕對唔呃人，雞嘅肉質到幾鮮嫩，食起上嚟唔會有乾爭爭嘅感覺，點埋啲醬汁就更加惹味另外仲叫咗個意粉，用嘅忌廉汁好香濃，面嘅軟硬度適中，而且佢嘅份量都唔少㗎，所以我哋兩個係呢餐真係食到飽晒 Set dinner當然唔少得仲有兩杯嘢飲啦

來到宜安街街市附近一間餐廳，餐廳以海琴海為主題，牆上的裝飾以至餐牌封面上也有愛琴海的相片，給人旅行般的舒適感覺。晚餐有dinner set, 所有主菜只要加上$40即可轉成餐，有湯，沙律及飲品。朋友未食過意大利雲吞，我們點了一份轉成餐。首先來個跟餐蜆肉薯蓉湯，上面更以忌廉拉了花，好可愛。這湯味道做得很不錯，咸度剛好不會蓋過薯仔及蜆肉的味道！再來三文魚藜麥沙律。本身非常喜愛超級食物之一的藜麥，這裡的藜麥分開以沙律醬調過味，很易入口，另有幾片紅色皮的白蘿蔔及其他沙律菜，是個新鮮又開胃的沙律！主菜名字很長，風乾巴馬火腿黑松露意大利雲吞伴香草蒜茸多士。首先不得不提伴碟的多士，外面比較少吃到香草蒜茸醬，原來放在多士上味道很夾，好味！意大利雲吞有黑松露調和的醬汁，每一啖都很香濃，雲吞皮軟硬剛好，裡面的配料調味也不錯。另外點了三個小吃，價錢不貴。日本紫芋金栗薯餅$38外脆內軟，紫薯配栗子很香，有兩大件薯餅，可以沾沙律醬吃。水牛城雞翼$48四件雞翼，店員貼心提醒我們趁熱吃，皮仍然香脆沒有被外面醬汁沾軟了。芝士焗西蘭花$58我最愛的西蘭花，焗完出來聞到好香的西蘭花味（比芝士味還濃呢），吃上來也有濃濃的芝

平時經過牛頭角見到e間一直都想去食，今日終於有機會一入到去估唔到係呢個地區都會有間裝修咁靚嘅餐廳 完全睇得出係有用心裝修 營造一個好舒服嘅傾計環境 我哋坐低左之後叫完嘢食得好快上羅宋湯上級牛柳拼煙肉金菇露筍卷 一定要叫啊 第一，抵食 二，佢唔係平時普通餐廳的牛 唔係cheap cheap嘅牛 三，真係有返咁上下厚度,而且唔韌然後就算我唔點汁食都係夠味，建議汁唔好點太多，食番牛柳的味道配菜係煙肉包住蘆筍 有草味，好香口bbq豬仔髀配蜜糖芥末汁這間嘅豬排骨都好食嫁個豬仔脾首先係賣相一流 放得又靚醬汁好香，不過芥末汁味唔太重，又係唔好點太多汁，要食佢原本的味肉好容易就離開咗舊骨所以係好容易食嘅然後都唔韌啦日式醬油雞肉炒飯味道香濃 飯粒粒分明 雞肉好滑而且份量多