影片
港铁湾仔站 B2 出口, 步行约6分钟
继续阅读
营业时间
星期一至五
07:00 - 20:30
星期六至日
08:00 - 20:30
公众假期
08:00 - 20:30
以上资料只供参考，请与餐厅确认详情
好難飲嘅咖啡 冇心沖咖啡嘅服務員咁啱見到呢間Coffee Shop汁左，諗番起今年三月去過呢間咖啡店買Takeaway Mocha。見到間舖裝修正常，又唔洗等，所以想好快咁買杯咖啡拎走。首先，講番服務員真係好唔專業，成間Coffee Shop得一個食客坐低，同我一個人買一杯Mocha。落完單心諗5分鐘都搞掂，點知個女服務員係咁同個食客傾計，聽內容應該似係佢朋友。你一度傾，一度沖都唔緊要。佢似係multi tasking唔到，然後沖緊咖啡停咗係度傾計，一杯mocha冇拉花等咗我十分鐘。🙂 然後飲落去，係百街都有得買嘅個隻朱古力粉味。四十幾蚊杯Mocha咁嘅質素真係垃圾😂，飲完成日咩心情都冇埋。
继续阅读
係一個風和日麗嘅中午，經過一間裝修感覺唔錯嘅咖啡店。平時其實都鍾意試吓唔同咖啡店，抱住一是無妨嘅心態就叫咗一杯鮮奶咖啡。 咖啡店店面唔係好大，只有兩枱位置，我叫外賣咖啡，等左十幾分鐘，原因係店員話我哋張單之前有四杯咖啡沖緊—— 唔緊要！好嘢係要等嘅！ 首先我哋目睹咗我哋前一張單出爐嘅一杯Dirty。飲過Dirty 都知道，一杯正常嘅Dirty 就係上層深啡色嘅expresso，下層鮮奶。而我哋見到嘅係，一杯淺啡色嘅混合物。嗰個時候我哋已經心知不妙。大家都係等咗一陣，我哋見到其中個店員走咗出嚟。發生咩事？原來coffee shop用晒啲牛奶！但係都唔緊要嘅，起碼我哋個杯咖啡都仲沖到！再過多5分鐘，我哋嘅咖啡終於出嚟喇。一接到杯咖啡，嘩好熱！辣手㗎！果然係熱咖啡。首先打開杯蓋，諗住欣賞下個拉花先。話晒都叫Specialty coffee，應該都有驚喜比到我哋嘅。咦？冇嘅？唔緊要！外表係唔重要，最重要係內涵呀嘛！所以我哋都冇特別在意上面好似岩洞咁粗嘅奶泡，懷着戰戰兢兢嘅心態就飲咗第一啖。嘩，係中藥嘅味道！箇中苦澀，實在難以形容。唔通沖咖啡嘅人，經歷過啲乜嘢事情？飲咗大概三分之一杯，越飲越覺得唔妥，再打開杯過一望望，見到細細粒嘅油脂。呢一啲係我哋飲咗咁多年鮮奶咖啡都未見過嘅物體。我哋不禁喺度猜測，到底佢哋係過期咖啡豆所造成？定係打奶嘅奶嘴長期冇清洗所造成？係猜測嘅過程，我哋經過左一個垃圾桶，就將大半杯冇辦法入口嘅咖啡送咗比佢。經過呢件事口，我好多謝呢間咖啡店俾咗一個歡樂嘅30分鐘我哋。最後我勸告店主，你，不如去學下沖咖啡先。
继续阅读
話說同友人們食完蛋包飯後，大家都意猶未盡，決定搵間cafe 繼續坐正當未決定去邊間cafe 之際，經過見到呢間小小cafe，被佢嘅門面吸引咗…飲品選擇算多，當然少不了咖啡，我同朋友各自點了一杯Latte 同 Flat white再加一份cheesecake咖啡味比較濃，有別於一般cafe 嘅Latte 同Flat white，牛奶同咖啡會比較平均一點，聽女店員講老闆對咖啡嘅要求頗高Basque burnt Cheesecake 同樣出色，雖然小小一件，但已經食得出濃厚嘅芝士味店舖雖小，只得2張細枱，但裝修格局給人感覺舒服，加上女店員閒時亦跟客人交換咖啡心得，感覺份外親切，有時間一定會再來！
继续阅读
灣仔一家舒適寧靜的cafe，食物和咖啡都非常出色。他們的牛油果三明治和basque burnt cheesecake是必試的！Sandwich用上整個牛油果！牛油果控表示非常驚喜。ت Cheesecake是自家出品，比外面吃到的濕潤creamy，非常高質。至於咖啡，espresso house blend用了哥倫比亞、蘇門答臘和巴西水洗咖啡豆，帶有黑巧克力、焦糖和甘蔗味。 確實很不錯。 還有不同豆子的手沖咖啡，今次選了日曬巴西豆Ipanema，入口有雲尼拿味，中段有焦糖味，以巧克力味作結。甜度高，愈飲愈順。
继续阅读
在近期新cafe 崛起的灣仔區，竟然會有一間不隨波逐流，堅守信念不花巧，不靠打卡位的一間啡店，靠口碑做熟客生意。咖啡豆全都是自家烘焙。試了兩款手沖： 巴拿馬fruity 豆，陣陣果香味帶微酸。巴西nutty 豆，呷一口已經充滿層次及濃烈口感，濃醇但不帶苦澀。✧手沖咖啡 全都是用日本天然礦物質水沖煮✧Latte $38✧三款必食推介✨✨✨ ✨日本伊賀純種和牛三文治 $138 獨家代理伊賀和牛，每一啖都有爆汁爆油的牛肉 ✨煙燻加拿大野生雪魚三文治 $118 選材高質而且多餡 ✨日式芝士蛋糕 $60 甜度非常適中非一般平時食到的 new York cheese cake，芝士和奶味都很香Bagel with cream cheese $35法式牛角包 $22
继续阅读