LIFETASTIC Patisserie (Fashion Walk)

营业中

休息中

行過銅鑼灣fashion walk 見到好靚既櫃面忍不住買了件估唔到😱呢啲蛋糕好睇又好食🤫🥰 真的新鮮無花果特別鮮甜上下層竹炭蛋糕好軟綿 有好多氣孔幕絲好幼滑 而且唔會好甜試完下次可以正正式式訂個生日蛋糕啦！🎂🥳———————————————————————————— #hktravel #hkfoodie #hkfoodieblogger #foodiehk #hongkong #cwb #causewaybay #causewaybayfood #xake #dessert #hkdessert #hkdessertshop #sweet #無花果 #fig #figs #竹碳 #lifetastic

淨係要咗西瓜蛋糕打算比較吓澳洲食到嘅正品，即時比個服務員問：「得一件？」態度勁差。只可以話，整得幾似，但......上面層令面啫喱未免太厚了吧？再睇埋其他款式，可以唔洗有咩期待，因為全部都係一樣嘅糕體，大不了加啲色素變成另一個口味。中間嘅cream都係一樣，同一個recipe換吓唔同口味，感覺上就好似食ladyX咁，只係口味有變化，款式無變化，唔需要每樣都去試因為基本上都係一樣嘅嘢。總括嚟講完全唔特別，只係copy cat，用別人的明星商品當作自家招牌似乎不太恰當。你以為無人去過澳洲食過正宗嘅咩？！抄得唔好咁明顯啦

The watermelon strawberry cake was so refreshing with some rose and nuts taste. Yummy! 名乎其實港女蛋糕, looks beautiful and delicious.The chocolate banana cake was good but not as surprising as the watermelon. The shop is in the shopping mall. Good that they offer seats but need to sit at the corridor.

好耐之前已經喺電視睇過話呢款西瓜蛋糕喺澳洲好出名，當時仲覺得將西瓜放入蛋糕感覺好怪。😂但今日一個經好中意周圍食嘢嘅朋友高度推介，就終於試食咗呢個草莓西瓜蛋糕，然後竟然出奇地夾仲好好食！😋個蛋糕最頂嗰層有啲士多啤梨同玫瑰花瓣，睇返個介紹發現原來仲有開心果，不過食唔係好到，因為個玫瑰味好濃。雖然係濃，但又唔會好假，連平時唔太好花味嘅我都覺得好味。啲士多啤梨唔算好甜，甚至有一粒酸酸地，但同下面甜甜的cream夾埋一齊食又ok。然後，夾喺cream與cream之間嘅餅底又係另一個驚喜，佢有好多一粒粒杏仁碎喺入面，好香口，又為個蛋糕增添咗一個特別嘅口感，脆脆地嘅同時又保持到濕潤。再落一層就係戲肉，西瓜🍉！個西瓜食落係有西瓜爽爽地嘅口感，但個味又唔係好西瓜，而係好重玫瑰味（甚至有諗過佢係咪用玫瑰露浸過嚿西瓜😂）。$65一件小蛋糕唔可以話平，但個蛋糕嘅精緻同好味程度絕對令佢值回票價！

同男朋友出銅鑼灣食飯，行行吓覺得攰，就去咗食一件蛋糕！之前已經喺尖沙咀試過西瓜蛋糕，今日就想試吓其他口味！發覺無論味道、賣相都係非常之好嘅👍🏼👍🏼👍🏼反而我覺得其他蛋糕比佢招牌西瓜蛋糕更加做得出色👍🏼👍🏼👍🏼😀😀❤️❤️❤️❤️❤️我揀咗個無花果蛋糕，無花果加竹炭蛋糕，原來咁嘅配搭又幾好味👍🏼👍🏼👍🏼👍🏼👍🏼❤️❤️❤️❤️❤️❤️男朋友就揀咗抹茶紅豆蛋糕，好香濃嘅綠茶味，值得一讚👍🏼👍🏼👍🏼👍🏼

人大在，大家工作忙碌，成日都好難約得齊見面，今次其中一位姊妹生日，終於可以約齊曬五位聚埋一齊嚟個姊妹聚會。我呢負責買蛋糕，難得可以見面，想食得特別啲，行銅鑼灣睇下有咩蛋糕舖適合，見到呢間好靚嘅西瓜蛋糕，係悉尼食過一試難忘心所以諗都唔使諗就即刻買咗啦。我都有試過上蛋糕堂去學整呢個蛋糕，但係自己整完出嚟係失敗，唉，個西瓜係咁出水搞到成個蛋糕都好多水。但呢個食完，完全有喺悉尼食嘅味道一模一樣！一共有六層，望住呢個蛋糕係一件賞心悅目嘅事，姊妹們見到蛋糕個個都心花怒放，一齊攞電話出嚟係甘影。第一層係滿滿嘅士多啤梨生果啫喱加上玫瑰花瓣同開心果仁碎。士多啤梨全部都係甜甜的。下面係蛋糕，忌廉，西瓜，忌廉，蛋糕。用忌廉阻隔左西瓜，以防整濕蛋糕，令蛋糕依然可以保持到乾身嘅杏仁蛋白餅。忌廉企身得嚟亦滑口，甜度適中，完全冇膩感覺。到底要點先可張一塊多汁嘅西瓜放係蛋糕入面，而唔會令佢係蛋糕入面出水，呢一件事的確好神奇。但仲要保留到入口都仲有西瓜汁，散發出淡淡玫瑰花嘅味道。西瓜蛋糕不愧為王牌蛋糕！下一次再有慶祝，又有籍口可以買西瓜蛋糕食！

Lifetastic 蛋糕以杏仁粉代替麵粉，比較健康，食落口感比較紮實，不錯😊Fig & 🧀Cheese Charcoal Layer Cake無花果芝士竹炭蛋糕 💰$58hkd新鮮無花果好大粒😍 蛋糕面同餡入邊都有(但係又冇乜味)忌廉口感有啲似mousse啫喱但係又帶出淡淡的芝士同乳酪味，雖然竹炭冇乜特別嘅味道，會有淡淡炭味😆但竹炭嘅味道令到成個蛋糕增添層次同冇咁甜，是一個要細味品嘗嘅蛋糕。Matcha 🍵Red Bean Layer Cake抹茶紅豆蛋糕💰$58hkd好香嘅抹茶味道再加上紅豆呢個配搭一定係天衣無縫，就係因為Perfect match嘅關係食落沒太大驚喜，紅豆亦不夠飽滿，可以一試但不會難忘。荔枝玫瑰蛋糕 💰$58hkd 我無試到，不予置評，但賣相吸引👍🏻

情人節點都要食啲甜野，開心下既點知正方形size 好快賣曬lu 我就揀左個西瓜士多啤梨cake 同熱情果味cake! 真係無令人失望呀！一打開個盒，個西瓜士多啤梨蛋糕傳來陣陣玫瑰花香味，再配埋啲西瓜，真係好fresh 無諗過可以咁match!

友人向我推薦這個草莓、西瓜蛋糕 ... , 聽起來覺得奇怪，因為西瓜多汁，覺得蛋糕很快便會很濕。蛋糕很有層次，有差不多5、6層。一層層的忌廉、蛋糕和西瓜，上面還有滿滿的草苺和乾玫瑰花瓣，很漂亮。原來他們用忌廉分隔西瓜和蛋糕，令其不會被弄濕。蛋糕的最底層的是一層有脆脆的底。暫時未辨認出內裡有什麼材料，但蠻好味。咬落下薄薄的蛋糕層好像有碎開心果或杏仁，令蛋糕增加了質感。再咬下去，西瓜汁便出來，令整個蛋糕的味道變得很清新，感覺不錯。細嚼下還感受到濃濃的玫瑰花🌹的香味 ... 感覺浪漫 ...(我們買了一個$210，應該夠4人吃的小蛋糕，因饞嘴的友人說他要吃兩塊 (一塊$65)。我還打包了一塊蛋糕回家)

同事買左六舊蛋糕五個味道推薦俾大家試吓。 其中當然有出名既 西瓜草莓味。 其他分別係 栗子味🌰，芒果味，抹茶紅豆味🍵，同荔枝味。每種味道都突出左新鮮生果既味道，就連cream都融合左refreshing 既新鮮甜生果味。 每一舊蛋糕都有新鮮果肉做餡。三個女仔食晒六舊，都無咩太甜或者係太膩既感覺。最正當然係 西瓜草莓蛋糕，由上至下可以味蕾可以清楚taste到 玫瑰花瓣，草莓， cream以及西瓜味。係嘴入面融合左之後又會驚嘆與呢個巧妙結合。另一款個人覺得特別既係 芒果味，混入左百香果之後有酸酸甜甜既特別滋味。特別想講既係攤到室溫就唔好食啦。

今年生日，食咗好多蛋糕，竟然有重複 😂。就是這個西瓜蛋糕，只不過是兩個不同size. 一個正方，一個長方。真係有新意，因為西瓜應該很難做，會出水，但佢整得好好，吾會有濕嘅感覺。面有士多啤梨同一啲花瓣。好靚。味道方面，花瓣好香，士多啤梨同西瓜都好甜，好好味，忌廉吾肥膩，吾太甜。整體有好大驚喜，好耐冇食過咁好食嘅蛋糕。雖然係第二次食，仍然都覺得好好食。希望不久將來又有朋友生日可以食到呢個蛋糕。🎂🎂🎂。😂😂😂

買過兩次佢嘅西瓜蛋糕，真係好岩我，唔會過甜，好清新👍🏻佢面頭舖左玫瑰花乾同開心果碎，好香第一層係士多啤梨加啫喱，夠甜唔酸之後幾層蛋糕同cream ,中間夾塊西瓜真係估唔到咁match , 原全中和了蛋糕的甜度，正👍🏻👍🏻

LIFETASTIC草莓西瓜蛋糕我終於試到喇🍉🍰一層cream一層西瓜肉仲有士多啤梨同玫瑰花瓣係面第一啖已經充滿玫瑰花香味士多啤梨唔算甜🍓但加上西瓜🍉整體都幾match個味係幾新鮮既🤗初初以為個餅底係脆既點知口感係煙煙靭靭，似杏仁穀物個種味道但我都係鐘情lady m既海鹽焦糖千層蛋糕😂😋

西瓜蛋糕呢樣嘢, 以前諗都未諗過, 不過上次去澳洲時曾經research見過, 有介紹, 可惜我當時去墨爾本pop up store已經冇咗, 咁就冇機會試, 今次行過銅鑼灣fashion walk 見到即刻走咗去買, 可能因為太夜, 已經選擇不多, 只係淨返幾款，我哋揀咗西瓜蛋糕, 班蘭蛋糕, 熱情果芒果蛋糕同藍莓蛋糕, D色好靚😍😍😍坐一個鐘車返屋企仲keep得到, 因為佢入面有個冰種, 西瓜蛋糕好清新, 好juicy, 上面士多啤梨好甜, 下面配合得好好, 仲有少少 nuts彈喺上面, 呢個真係冇得彈, 🤤🤤🤤不過另外嗰三個就一般, 班蘭蛋糕入面有啲紫米, 班蘭味好重, 味道唔差, 藍莓蛋糕入邊就有一粒粒藍莓, 而芒果熱情果就冇特別, 但係呢間蛋糕店蛋糕感覺好似麵包 而啲cream亦都係好傑, 比較肥仔cream, 所以呢隻cream配 士多啤梨加西瓜蛋糕就好match, 但另外嗰三隻就一般, 如果多啲生果係另外嗰三個蛋糕度應該會好好多, 再有機會食嘅我應該會揀買個大size嘅士多啤梨西瓜蛋糕, 西瓜蛋糕真係值得一再食👍🏻

lifetastic 佢嘅士多啤梨西瓜蛋我就聽得多 今次我終於試到啦 佢嘅好評實在太多所以我對佢嘅期望好高 所以有少少失望一放入口就食到佢好香嘅玫瑰味 佢中間個層cream系玫瑰味我超鐘意但佢嘅蛋糕我就覺得有啲乾同硬左小小 而佢個西瓜都吾甜仲要系無乜味嫁 如果尼個價錢我下次會去睇二間☹️