LM Cafe (已結業)

成日都經過觀塘呢間CAFE都幾多好評, 之前終於食過覺得幾抵食, 點知已經執左...不過既然係飲食誌, 執左都紀錄一下啦地方都幾闊落呀, 不過可能有D難搵所以冇乜人...全日早餐都幾健康, 有烤菇又有腸仔同三文魚, 最欣賞佢地個炒蛋係炒得好滑嫁!超大份既炒蛋意粉! 又係好滑溜既炒蛋, 同埋意粉, 雖然唔係好多野, 係好有質素呀!生菜就咁烚熟有D唔靚, 不過分開左豉油上都幾聰明既~服務其實都好好, 因為侍應都好有禮貌, 會照顧你既需要~

好久沒來過這餐廳吃飯，近日又經過，一年分別，發現餐廳的價位仍然未變，都是６—７０，但就有一份很大的套餐，所以我又多來一次了。非常抵食的餐廳，而且完全沒有犧牲食品質素，所以我一個人來觀塘工幹的話，首選ＬＭ　ＣＡＦＥ。他們的英式早餐除了那煎得滑溜又不會油膩的滑蛋外，還有一大隻非常香濃菇味的磨菇，加些煙三文魚，跟茄汁豆，沒什麼可以挑剔的質素，外面同款的應該在賣１００大元吧！樣子不很好，但份量十足！最愛吃生菜的我竟然可以吃到那麼多去補充我最需要的纖維，加上蠔油跟豉油非常細心，我就比較喜歡蠔油，很有在家吃的感覺～

朋友最近在觀塘附近的廠廈，開設了寫字樓，咁啱行走附近，就上左他的寫字樓聊下天。時間真是過得好快，由中午傾下計，唔覺就開左幾小時了，大家都感到有點餓，那就起行到附近食晚餐。看到這間餐廳內都有不少食客，必然有返咁上下，見到餐牌的食物，價錢都好相宜，那就行入去食吧！見到餐牌的食物，的確是好邪惡，樣樣都好吸引，都唔知食得邊樣？鐵板黑椒牛扒炸蝦配薯菜，牛扒都好大件，肉質稔身，一點都唔靱，炸蝦薄脆，蝦肉爽彈，有鮮甜味，薯條鬆化，黑椒汁香濃又有點辣，是牛扒的好拍檔。蒜蓉汁西冷牛扒香草汁腸配意粉，份量好大，牛扒大件又低食，牛扒肉質鮮嫩，一點都唔騷，香腸爽肥又有嚼著，意粉軟硬適中，入口滑溜。黑松露焗雜菌時蔬，平日我都好少食蔬菜的，今日見到有咁吸引的蔬菜，點可以唔叫返一碟，一上檯，就嗅到彈彈黑松露的香氣撲鼻，加上香濃的芝士，就更加吸引我的胃口，雜菌、西蘭花焗得剛好，唔乾身，一口食落，黑松露、芝士，菇香味即湧出來，在口裹散發，難忘！

行完apm，又要諗食乜，去到駿業街熟食街市對面有個小中心，望落都有好幾間食肆，點指冰冰就揀咗呢間LM CAFE望落好大間，好多位，侍應安排咗張卡位俾我地，坐得好舒服裝修佈置都唔錯，幾有溫馨嘅感覺點咗個鐵板餐附送羅宋湯照燒汁雞扒滑蛋飯呢個飯個重點響舊蛋度，舊蛋好滑好夠味，食落都似係加咗奶黎整雞扒不過不失，配照燒汁正正常常鐵板西冷扒香草腸蒜蓉汁，薯菜鐵板滋滋聲上枱，即刻趁熱食咗幾條薯條條脆皮腸唔錯，肉汁豐富，有粒粒口感而西冷就略嫌難切了點蜜糖雞翼塗上蜜糖，甜甜嘅外皮，咬落去搭埋香嫩雞肉全日最好食熱檸茶飲埋杯熱檸茶，感嘆下呢餐份量叫得剛剛好呢間餐廳勝在坐得舒適，食物選擇多，大件又抵食想同朋友吹水食飯唔洗俾侍應黑面趕走然後倒飯落胃呢間就最啱

放工約咗朋友食飯因為好攰唔想出太遠所以去咗附近餐廳到食我朋友叫咗個芝士玉子雞翼撈丁，其實個玉子原本係有咸牛肉/吞拿魚/黑松露揀但我fd想食淨芝士玉子，個撈丁係配類似瑞士汁個類偏甜既汁(都幾開胃)而唔係傳說中係遊客榜出哂名既芝士撈丁(再加芝士應該會爆血管😂)，以為咁樣啲雞翼就會係瑞士雞翼?少年們太簡單了，其實佢係微炸雞翼黎，唔會炸得太焦，但個皮係脆脆地!雞翼係半肥瘦個隻，唔會炸得太乾都唔係啖啖油。而個面就偏乾身個配埋個汁都ok,只係個朋友重口味，多少少汁就更好。講返個玉子，睇唔知大家睇唔睇到，係拉到絲嫁，好邪惡，芝士味唔太濃，但勝在加強左個蛋既口感，而個玉子就係半熟個隻，有少少流心。食完好飽肚，口再大都唔怕食窮郎呀我再叫多個番茄濃湯通粉加上3.6北海道牛乳炒蛋同鮑片火腿真係超飽本身想叫個地中海戀人既花茶試下，貪佢個名夠特別(好膚淺)但可惜唔知係咪太好賣竟然無哂店家推薦另一款大吉嶺紅茶。大家睇下套杯具，好match呢款傳染英式茶。唔知係咪飲開中式紅茶定食啲野濃味得濟，呢款茶飲落偏淡，如果配三文治應該岩岩好，但佢就唔怕泡太耐會太濃啦。如果有重口味既朋友可以加少少糖吊味。食完熱野又想飲凍野，再

托左親友在老家攞左些手信回港，趁著放工，有點時間，順便就約左親友出來晚飯。她又來開觀塘附近，就約她在我工作附近的餐廳等，因在附近都多在好多餐廳，聽聞都好抵食又大份。餐廳好寬闊，又整齊乾淨。我叫左個三重滋味茶餐：奶醬窩夫：窩夫餅底烘烤有些硬身，賣相一般。咖哩牛腩飯：雖然是寫上是迷你主食，但都好大碗，以一個女士來食是足夠的。咖哩味濃，微辣，牛腩炆煮得適中，入口香濃稔滑，配上米飯，好惹味。瑞士雞脾：大大隻，好入味，雞肉嫩滑，味香濃。吉列豬扒香草腸配韓式鐵鍋珍珠飯，咖哩汁：脆炸豬扒，脆卜卜，豬扒肉質稔，一點都不靭，好鬆化，香草腸彈牙爽脆，咖啡味濃，珍珠米軟熟米香濃。

上個月去觀塘晚善，經過日昇中心見到好多美食，昨日有假同朋去完觀塘泳池游水，好鬼肚餓，所以就行去日昇搵下食，揀左呢間龍門冰室，本身好餓想鋸個扒，但當時未只係5點幾，未有晚餐，所以叫左其他野啦！我係食肉獸，揀左個韓式炸雞，新鮮熱辣，雖然味道方面好明顯係港式化左，但返而啱我口味，因為正宗韓式就太甜又太辣了，朋友中意食菜，叫左個黑松露芝士焗雜菌西蘭花，但我都好buy,因為d菇好新鮮，爽脆，另外我地怕唔夠飽仲叫左個卡邦尼意粉，本身想叫個朱古力綠茶pancake做甜品，但佢地冇哂雪糕，所以只叫左杯木糠布丁，好彩冇叫到pancake,因為西蘭花同卡邦尼都好大碟，所以啱晒d大胃王黎食呀！ 本來已好飽，但木糠布丁都超好味，超滑，又食哂，整體服務同食物味道都不錯，下次再來晚餐食扒先

多選擇餐廳🤔  ---  心血來潮事件簿(20)🤤咁啱黎到觀塘，但係本尊又唔太知有咩好食，見好多人話依間好食，就黎試下😶本尊叫左個香蒜牛油帶子意粉，跟餐有個沙律，本尊覺得沙律嘅酸味幾好，可以幫助開胃，不過朋友覺得同預期的有少少不同🤔餐湯係紅湯，帶辣，落左不少黑椒同有少少辣椒油的味，都一向飲開的有少少不同🤔食落個意粉幾好，好有蒜味，但係本身可能有蒜，比較乾身🤔朋友就叫左白酒蜆肉意粉，佢覺得個意粉同上面個個差唔多，可能酒本身融入左海鮮，所以同原本食開嘅有少少不同🤔之後跟餐叫左一杯綠茶鮮奶Latte同招牌朱古力，唔需要特別加錢👍最後食甜品叫左一個木糠布甸同Tiramisu

之前見open rice有唔少人推薦LM Cafe，見佢又近地鐵站，於是就揀咗佢同朋友一邊吹水一邊食飯。我地7點左右嚟到，見到餐廳都坐不少人，睇嚟依間餐廳都幾受歡迎，staff安排咗卡位俾我地坐，勁闊落，坐得好舒服。一坐低staff就放低咗兩本勁厚嘅menu，睇落無論飲品定野食都有唔少嘅選擇。我地最後揀咗黑椒香蒜牛扒拼炸蝦鐵板餐、黑松露蘑菇意粉同綠茶窩夫。跟餐嘅飲品可以免費轉做latte同其他咖啡，又或者可以+$22轉特色茶，我朋友就揀咗轉做Green tea latte。Green tea latte(跟餐免費)依杯係朋友叫嘅，佢話好香綠茶味，而且奶泡打得幾好。黑松露蘑菇意粉($78）依個餐跟飲品、餐湯同沙律。餐湯係羅宋湯，好重蕃茄味，而且帶少少辣，好惹味。沙律加咗黑醋，食落好開胃。意粉好香黑松露同忌廉味，仲要加咗唔少菇，d菇食到尾都仲有。意粉嘅份量都唔少，但係食到最尾都唔覺膩，我同朋友都非常推薦。黑椒香蒜牛扒拼炸蝦鐵板餐($80)佢依個係跟餐湯同飲品(凍飲+$2)，可以揀配薯菜、飯或者意粉，我地揀咗薯菜。而醬汁方面亦都有好多選擇，我地就揀咗比較少見嘅龍蝦汁。一嚟到staff就提我地

今日係觀塘既LM Cafe 食晚餐，環境幾闊落和有些精美佈置。餐廳有各式各樣既套餐，我地揀左一個爵士西冷扒拼香草腸、一個黑松露雜菌玉子燒餐。我地仲有叫左兩個小食，分別係蜜糖雞翼和黑松露芝士焗雜菌西蘭花。另外仲叫左一凍一熱既招牌朱古力飲。西冷扒既分量好足，黑椒汁埋上去一齊食好正玉子燒餐我地選左配撈丁，玉子燒一切開，香濃既黑松露味雜菌就好香！蜜糖雞翼既外皮蘸滿左蜜糖好好味黑松露芝士焗雜菌西蘭花既味味道都好好，黑松露同芝士既味同西蘭花好夾！招牌朱古力既朱古力味都夠濃厚我地最後叫左個窩夫做甜品。佢有不同味道既窩夫，原味、朱古力味、芝士味和綠茶味。我地最後選左綠茶味，窩夫亦都會配雪糕，但係我地叫既時候冇曬雪糕，最後用木糠布丁代替。窩夫醬料和配料分別選左榛子朱古力和士多啤梨。綠茶窩夫既綠茶味十足，和朱古力醬好夾！木糠布丁既奶味好足

今日去觀塘上堂，都要醫醫肚先，真係要快靚正先得！今日揀呢間絕對係揀得好啱。地點都幾就腳，好容易搵到，餐廳都好大，坐得都幾舒服。我地叫左一個照燒汁雞扒滑蛋飯，一個香蒜牛油帶子意粉，配忌廉磨菇湯同沙律，再加多個pancake餐。照燒汁雞扒滑蛋飯真係好大碟，細食既要叫少飯，塊雞扒煎到啱啱好，仲係好juicy，配埋個燒汁真係送飯一流，$46仲包埋野飲，抵！香蒜牛油帶子意粉，先上沙律同餐湯，大大碗，個意粉都煮得好到位，蒜香味十足，亦有粒粒帶子，呢個一人份剛剛好。Pancake餐既pancake唔係熱香餅，係好厚實既，但絕對唔乾，配上蜜糖，食多幾塊都無問題，因為雪糕賣哂，所以可以揀木糠布丁，唔太甜，好creamy，我仲用黎配pancake食，又好搭。每個菜都送埋飲品，真係好唔錯，食到好飽好滿足❤️

放工後，諗住同朋友食個晚餐，行經LM cafe, 見到餐牌有幾多野食揀同埋價錢好抵，所以入去一試。 餐廳環境都唔錯，坐得都舒服😆😆坐低之後梗係要揀野食啦🤤🤤，有鐵板套餐、意粉set dinner, 我地最後揀咗香蒜牛油帶子意粉同雞扒飯😊😊上菜速度好快👍🏻👍🏻套餐包飲品、湯同沙律。之後，到主菜出場啦！😊😊 整體都意粉都唔錯，帶子數量算多，牛油味重。再黎雞扒飯啦！ 雞扒肉都好容易入口😀，飯嘅份量係好多，飽到食唔曬😂😂。總括黎講，都算好抵食嘅。

同frd去觀塘海濱公園行完 就去附近搵間餐廳食晚飯 見到呢間餐廳餐牌多選擇而且價錢非常合理 所以就入咗去試下 餐廳環境唔錯 空間比較大 坐得都舒服 可以慢慢同frd傾偈 另外欣賞佢會播好多唔同嘅廣東歌 支持本地音樂！講返正題 揭開個餐牌有好多嘢都想食 因為本人非常喜愛食滑蛋、奄列、蛋捲之類嘅菜式 最後我揀咗吞拿魚芝士玉子燒 忍痛放棄咗流心奄列系 而我個frd就揀咗個英式早餐 貪佢包埋沙律同蘑菇湯 首先黎嘅蘑菇湯令人非常令人驚喜 冇唸過係普通餐廳都可以飲到咁香濃嘅蘑菇湯 如果可以打滑佢就更好 之後食埋個沙律令到把口清新唒主菜黎喇！個流心奄列十分大份 啲料爆唒出黎 有勁多吞拿魚 配埋個燒汁 好好味 嗰幾粒炸帶子香口之餘味道亦唔錯 至於港英式早餐亦非常豐富 我最鍾意就係個炒滑蛋同大蘑菇 煙三文魚同埋腸就比較鹹 配埋個方包食呢就啱啱好到甜品喇！本來想叫個窩夫但係怕太大份食唔曬 所以最尾加少少錢叫咗個木糠布甸同terimisu 木糠布甸的忌廉唔會太甜 配埋個餅碎食剛剛好 不過個terimisu對我嚟講就甜咗少少 食到尾有啲腻 總括嚟講呢餐非常唔錯 喺觀塘可以用呢個價錢食曬前菜主菜甜品加

成日喺觀塘做野既我，時時都要搵野食，有日經過依間店覺得環境闊落，同朋友食個晚餐傾下計都唔錯，而且仲可以叫啤酒，就一於試試！我自己點左黑松露玉子燒配炸蝦撈丁 $551664 BLANC $48玉子裡面佈滿黑松露雜菌，蛋滑裡面仲保留到蛋汁，好味！炸蝦係即炸，脆身，粉漿唔厚，唔錯！撈丁有少量汁唔會乾爭爭，整體不錯呀👍🏻價錢算抵食,好味又大大碟，飲埋啤酒真係超級飽！其實見到Meun甜品賣相好吸引，但真係飽到食唔落，唯有下次再試啦！會再想返黎食既一間Cafe❤️（店內服務態度都很好，喜歡有禮）

今週四找到 L & M 食 Tea，路過了門口都不知，原來他的中文名叫龍門冰室，寬敞的六人卡位，坐得舒服，侍應妹妹又樂意回答我們的查詢，還通知我們下午茶時段最後落單，最驚喜是Tea set 的味道不會因價錢平宜而打節扣，賣相不俗，值得加分。絕對是可一去再去的Tea 場！Tea Set menu -無敵價。其實看餐牌，晚上的套餐價錢也相宜，希望他們客似雲來，讓更多人食到平正抵的餐！ $26.-叉燒湯通粉 + 炒蛋+油占多+熱檸檬水叉燒多且淋，通粉中size 有坑紋，比無坑紋通粉較有咬口，看樣子通粉不足，但進食了一會他是發漲少少啲。蛋自選煎蛋，炒蛋， 河飽蛋，多士可選任味道。$27.- 自選迷李肉醬意粉 配 雞脾，意粉不會過乾或不夠汁，亦不會只有酸味，配上大雞脾，價錢吸引。$27.-自選紅豆朱古力醬西多半份 加 雞脾， 西多賣相出色，食完雞脾再食西多，加杯熱檸檬水，非常滿足。$32.- 燒汁雞翼撈一丁，雞翼有味道啲，麵放了一會也沒發漲，證明炒的乾身，因同學仔有事會過了下午茶時段才到達，先為他先下單，飲品可以等他來到後加，凍飲用上保温杯，細心啊! 同學仔說味道也ok。