Lucky•綠 (已結業)

呢日同偽韓仔出去上興趣班，老師讚佢有進步，獎勵佢飲手搖飲品😍呢間係旺角既茶飲店既飲品都係用新鮮水果做，真係好Fresh 好Green 呀💚仲有打卡位可以影靚相手打渣女入面有火龍果同水蜜桃🍑甜甜地，好清爽！飲到淡淡既茶香味，好清新，非常好飲😍偽韓仔飲到停唔到口呀😍生椰桃花西瓜新鮮西瓜🍉加埋椰汁🥥，冬天都飲到西瓜汁，真係好正！甜甜地，非常消暑😃仲有埋椰汁既香濃口感，唔飲奶既朋友仔可以一試👍🏻

前幾日黎到旺角呢間新開既茶飲店買野飲～～佢地主打用新鮮水果同蔗糖製成的茶飲🍹，好多選擇！另外仲有提供多款自家製小食，一次滿足你兩個願望😍😍🍑白桃雪山烏龍(L) $37✨烏龍茶底清香，每啖充滿白桃既香氣🍑！！面頭鋪滿一層cream，口感幼滑、重奶味～～而且大大杯，飲完好解渴！杯身設計仲好得意添❤️❤️🍢冷鍋串串✨串串有素同葷可以選擇，款式都幾多～～包括有腐皮、魚蛋、海帶、海蜇、蓮藕等，味道麻麻辣辣！好有四川風味🌶️🌶️自己想食幾多就拎幾多，味道都唔錯😋😋

Lucky 綠📍 No 543 Nathan Rd, Mong Kok😋 4.6/5🔸周街都係黑糖珍珠奶茶，成日都想試下d健康茶飲，今日同fd試左呢間主推用新鮮水果同埋庶糖調製既手調飲品鋪，覺得超級值得推介😎😎🔹熱情水果茶 $37呢杯水果茶用左我最愛既新鮮熱情果調製，仲食到一粒粒既熱情果籽，真係超級fresh❤️🔸洛神花茶 $21至於另一杯洛神花茶都幾出色，酸酸甜甜，啱曬食完邊爐飲一杯解膩，而且呢度用庶糖調製飲品，比起一般手搖飲品覺得更加健康🥰🔹脆皮年糕 $16呢度最特別係有好多款小食，我地就試左個年糕加紫菜，個醬汁有D似食緊章魚小丸子，但係個年糕新鮮即燒，外脆內軟糯，口感超正！值得一試！#hkfoodie #hkdrink #ymtdrink#freshfruittea #zoeinymt

平時翻工成日係出面食飯，有時想補充下啲蔬果但係就懶得去整，搞到一星期都唔知有無幾日係有攝取到纖維🥝不過最近俾我留意到可以係飲品到補番🤣又有藉口俾自己買野飲啦🥤。🐒滿杯火龍果(大)💰$29今次就嗌左滿杯火龍果，因為店舖出名就係各款新鮮水果而製成既手搖🍉全部都係新鮮生果去整，所以一開始我想嗌滿杯西柚走甜都會俾店員提醒會好苦😂所以就揀左滿杯火龍果。一杯份量就有半個火龍果，飲既時候都會飲到有果肉🍇而茶底就感覺係烏龍茶，因為嗌走甜，所以都飲到淡淡火龍果味，如果中意甜既朋友都唔洗擔心，因為係用左蔗糖，負擔都少啲🧃。另外店舖都有啲小食，涼麵，串串🌶️不過趕時間就無機會試，下次要再回訪啦🤪

🧋Lucky綠📍油麻地彌敦道525-543號寶寧大廈地下543號舖店舖環境很有格調，綠色篇幅比較多，如其店名相呼應。店鋪主打手搖飲品之外，仲有好多自家製小食，例如街知巷聞嘅冷鍋串串，而飲品都係用新鮮水果、蔗糖製成，茶味香濃，甜度適中🍜雞絲涼麵涼麵軟硬度適中，而且味道十分足夠，食落去清清涼涼，鹹鹹地好惹味，好啱夏天嘅時候食 而雞絲食落去亦都唔會好鞋🍇青提烏龍呢杯飲品別俱芳香🍬，消滯可口 。青提子味道帶酸甜，配合濃濃的烏龍茶味道，香氣清新提神☺️非常適合喜歡喝水果茶的我～🍼經典奶綠🍵清新綠茶搭配滑順的牛奶，調配出口感醇厚卻清爽不膩的味道😌🍬

🍀 lucky 綠環境都真係同佢個名都幾貼切，都幾多綠色😂估唔到一間手搖店整嘅冷鍋串串都幾正！爽😂唔算好辣，食到小辣嘅朋友都不妨可以一試❤️飲品用新鮮水果、蔗糖製成茶類都幾香唔會死甜仲有佢哋自己整嘅餃子都幾juicy架 😎真係皮薄餡多！五臟雖小麻雀俱全😗真係想食少少野有啲咬口嘅都可以選佢個年糕✅呢度又可以叫嘢飲又可以食啲小食一應俱全😉如果開party🥳或者宵夜都可以嚟呢度買定應該幾有滿足感😂

中午去咗現時點拎貨，午餐時間剩返唔多，所以就買少少嘢返公司食。地鐵站附近彌敦道有間茶飲店叫「Lucky綠」，用狗仔做招牌🐶，好可愛。小店主打各式飲品，主要分果茶、清茶同奶茶幾類🧋；另外估唔到佢仲有唔少小食賣呢！手工粒粒芋泥鮮奶($37/M)，🍠芋泥嘅芋頭香好突出，味道天然，口感略帶流沙感覺。佢同鮮奶好夾，飲落順滑🥛。黑糖珍珠鮮奶茶($30/M)，🍵珍奶茶底唔澀，由於加咗黑糖，所以偏甜，但成杯溝埋又OK。珍珠口感Q彈，好有咬口。雞絲涼麵($35)，🍜涼麵味道唔錯，店員會問清楚客人辣度🌶同口味，然後均勻地攪拌。麵條因此好清爽，並無漿埋一餅，而且中間夾雜住雞絲🐔、青瓜絲🥒、脆黃豆、菜脯同芫荽等，幾豐富呢！總括嚟講，喺油麻地行開街，都可以順路嚟買杯嘢飲嘅，或者食啲小食🙂。我見佢有麻辣燙串串同炸年糕等，幾有特色。

ʚ Lucky綠 ɞ出去行街當然要配埋杯手搖飲品😂，咁啱見到呢間新開茶飲店，見到有好多新奇搭配嘅飲品，仲有埋好多熟食，好吸引～ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 生椰桃花西瓜 $38桃花茶飲平時都好少見😂出於好奇試一試。以椰汁為底，加入大量西瓜果肉（切成條狀，飲管都吸到！），入口第一味道係西瓜清甜味，跟住椰汁味慢慢出黎，最後清香嘅桃花味慢慢回甘，雖然搭配新奇，但真係幾好飲！值得一試❀ 雪頂抹茶綠 $32店員推薦冬季限定抹茶系列，見menu好靚就試一試，奶味抹茶味都好濃郁呀，feel到佢地落足料😂表面嘅cream好香嘅奶油味，冬季限定大家快d去試一試啦❀ 手工餃子（粟米豬肉）$28店裡有好多熟食，作為餃子控見到即刻揀左餃子，6隻煎餃（粟米豬肉口味），餃子皮滑，邊緣煎得焦脆，粟米豬肉餡鮮甜美味，茶飲店都有咁嘅質素，值得稱讚👍🏻📍 Lucky綠 (油麻地)油麻地彌敦道525-543號寶寧大廈地下543號舖#hkfood#hongkongfoodie#hongkongfood#hkfoodie#foodiehk#foodstagram#instagood#foodli

《茶飲冷鍋串串🔥》———————————————#Lucky綠 🍀-早排陪男朋友去現時點行街睇玩具，行到攰攰哋就喺佢對面嘅茶飲店買杯野飲同小食抖吓😚 小店裝修簡單，走小清新路線💚-飲品方面，雖然水果茶同沙冰系列先係主打，但店員見凍凍哋都好細心咁推介我哋飲手工粒粒芋泥鮮奶茶同黑糖珍珠奶茶🧋芋泥好特別，係手工新鮮芋頭製成，香滑足料，兩杯嘅奶茶底都好香滑😝-冷鍋串串就有素同葷可以選擇，素菜$3/串，肉類就$5/串，款式都算幾多，例如海帶、魷魚、腐皮、鵪鶉蛋、雞翼尖、蓮藕等等，可以食幾多就拎幾多，幾抵食☺️ 麻辣幾惹味，充滿四川風味🌶️-⭐價錢參考：手工粒粒芋泥鮮奶茶：$34黑糖珍珠奶茶：$33素串：$3/串葷串：$5/串🍌抵deal 指數：7/10

超近油麻地地鐵站嘅手搖飲品Lucky，佢裏面嘅款式超多，仲有唔同嘅小食，包括有涼拌串串同脆皮年糕等，未到晚飯又有啲口痕所以走試吓呢間先我哋嗌咗一杯🧋多肉木瓜芝士$39，佢係沙冰嚟，有超多木瓜果肉，非常大杯，味道都濃郁，絕對冇偷工減料，價錢都合理另外一杯係🧋雲頂抹茶綠，佢可以轉熱飲，抹茶味非常濃郁，加上面層嘅cream，甜而不膩，抹茶味都非常香最後叫咗⭐️脆皮年糕，佢哋每一件$16，有香辣味同茄汁沙律醬堜，另外可以配紫菜，肉鬆同埋杏仁片都係加每樣$5，我就叫咗茄汁沙律醬味嘅肉鬆年糕串，咬落口感非常煙靭，外層少脆，裏面非常軟熟，另外材料配搭得都唔錯😆佢哋仲有自家製嘅餃子，餡料非常豐富，好似仲有幾多味，下次都可以試吓

行過見到呢間茶飲店個狗狗logo 🐶好得意, 所以就入咗去諗住試一試！《招牌香水檸檬系列》🍋🍵手打渣男 - 呢杯係香水檸檬配綠茶, 第一次聽香水檸檬🍋, 飲落無平時普通檸檬嗰種酸澀味, 手打香水檸檬有著獨特嘅果香, 散發出芳香同少少香茅味, 配以清新嘅綠茶茶底🍵, 飲落幾refreshing, 小清新之選👍🏻 🧋黑糖珍珠鮮奶茶 珍珠份量適中, 軟硬度啱啱好, 口感Q軟煙韌, 入口有陣陣黑糖味, 配埋鮮奶🥛, 飲落又香又滑~ 𓌈⸝⸝ 秘製涼麵涼麵軟硬度適中, 涼麵配料有蔥、青瓜絲、芫荽、花生🥜, 麵嘅份量都幾多, 揀咗少辣, 調味都唔錯~ 𓌈⸝⸝ 脆皮年糕 可以揀香辣味/茄汁沙律醬, 大大件年糕, 外層烤得脆脆的, 上面鋪滿茄汁沙律醬, 咬落煙煙韌韌, 呢個配搭幾創新~

霸氣不要提$34呢個係香水檸檬手大茶系列，香水檸檬味道香濃，與普通檸蜜不同，聞落帶點香芧味，飲落冇檸檬嘅酸澀味，我呢個仲加左玫瑰同青提，更加清甜爽口。雞絲涼麵$35因為唔太食辣，叫左小辣，涼麵軟硬度適中，份量都幾多。手工餃子$26韭菜雞蛋煎餃，即叫即煎，煎得好香脆，裡面都是滿滿的韭菜和雞蛋，做小食又唔會太過飽。脆皮年糕$16沙律醬+肉鬆+$5茄汁+紫菜芝麻+$5一大片年糕，外層烤得脆脆，上面鋪滿紫菜/肉鬆，呢種食法都有趣。

小店位於現時點對面，方便我速食完再慢慢行街睇玩具🥰。小店用上簡單既裝修，入面以灰色、編織藤和植物去營造小清新既感覺。另外，小店主打「手打茶飲」，而手打茶既主要材料係香水檸檬，比起平時既檸檬會香D之餘而且唔澀。 ⦁霸氣不要提 $34用上青提同玫瑰，唔會好甜，每啖都有果肉，好滿足！ ⦁熱情水果茶 $37茶底用左綠茶，好多新鮮水果，味道清香，整體感覺好fresh。 ⦁冷鍋串串冷鍋串串有素同葷可選擇，素菜就$3/串，肉類就$5/串款式都算幾多，食幾多拎幾多。食落唔算好辣，但好有四川風味。 ⦁脆皮年糕 $21即叫即整，先揀左香辣既醬汁，再加上最愛既肉鬆，而年糕外面烤得好脆，咬落去有年糕既軟糯口感，配埋肉鬆味道更香。btw果辣醬偏辣，怕辣就要注意‼️

【油麻地•Lucky綠 】————————————————————————台式飲品店愈來愈多，總有幾間喺附近，今次揀了間新店試。呢度仲有野食叫。小食有冷鍋串串、年糕、涼麵、雞皮卷、餃子、肉餡餅等等。🍯｜手打渣女｜HKD34手打茶香水檸檬系列之一，香水檸檬味道香濃，比起普通檸檬香氣更加清香，酸甜而不苦澀。需要經過捶打檸檬皮散發香味。少飲檸檬茶都表示喜歡🥰。🍯｜脆皮年糕｜HKD16有四款配料再加，加了肉鬆HKD5外皮香脆，肉裡煙煙韌韌，沙律醬同茄醬令年糕無咁乾身。🍯｜雞絲涼麵｜HKD35少少辣食落開胃，配料加上芫荽、蔥、雞絲同花生，睇落細細碗，其實都幾飽肚。

💛好味指數:4.8/5💛💜回頭指數:4.8/5💜油麻地地鐵站隔離有間新開嘅手搖飲品店，除咗飲品仲有多款小食🧋店內擺放咗蔬果架，水果茶都係用新鮮水果整成，見到個菠蘿好大隻，即刻想飲杯😆✅手打渣女$34見到啲名好搞笑，朋友叫咗呢款試下😆香水檸檬系列🍋味道清甜，完全無酸澀味，真係未試過咁好飲嘅檸檬😳😳😳平時我飲檸檬茶都好少吉檸檬怕酸，無諗到有一日竟然有個檸檬飲品打動到我💕選咗火龍果、水蜜桃味🍑主調主要都係檸檬味👍🏻✅滿杯菠蘿$34菠蘿味好重，用新鮮菠蘿製作而成，入面仲有啲菠蘿肉🍍✅餃子🥟韭菜雞蛋$26、白菜豬肉$28見到電視機播住餃子製作片，發現原來有餃子賣一盒有6件，餃子皮薄餡靚，有四款口味🥟即時/外賣返屋企煮都可以☺️🐻總結上網睇先知原來檸檬都有等級，呢個香水檸檬係特別好飲🍋🍋飲完想再飲😍📍Lucky綠 (油麻地)油麻地彌敦道525-543號寶寧大廈地下543號舖