Lucy Coffee n Food (已搬遷) 新店位置

< 紫薯雪球 $25 >又新一天！呢間 cafe 真係有令人回頭既魔力，今次就試試佢地既紫薯曲奇！紫薯味唔重但亦唔會過輕，食落去覺得有少少紫薯蓉既口感，可能幻覺黎既姐，嚇我唔到既！不過味道食落去唔夠濃厚，滿足唔到紫薯控既重口味，如果落多啲紫薯粉或者改善一下就真係會好好多！建議食法唔好就咁一粒啪落個口到食，我一開始食左粒黑加倫子味然後連續兩次就咁啪粒紫薯味落口都食唔到紫薯味，可能比黑加倫子個味蓋住左，飲啖水先，咬半粒，認真細嚼就會食到紫薯甘香既味道，我都好喜歡，假若紫薯味可以再濃啲既話，就完美了！

< 黑加倫子雪球 >唔係好食得出黑加倫子既味道，有待改善，食落去反而覺得係少少酸酸地既莓味，但係食落係唔錯幾開胃幾唔錯既，但係對比其他雪球對手真係差一段距離，佢地既雪球真係幾好味既！😋

上星期6 同3個好耐冇見既朋友聚餐 見大家都係荃灣友 就簡咗哩間係openrice食評唔錯既cafe一試 點知...首先講下地點 cafe位於工廠區 我地由寶石大廈行過去都差唔多10分鐘 路就算係幾易搵不過就沿途冇遮冇擋 行過去都流咗唔少汗上到去 望入去間餐廳 比我想像中細好多 入到去1點幾 成個場都滿哂人 我地4個人都等位等咗差唔多20分鐘就有位坐 座位設計麻麻我地個張枱仲矮過d櫈 坐落去真係唔多舒服之後睇下Menu 發現原來冇飯同意粉 只係得一個凍螺絲粉配煙三文魚 想叫今日精選既南瓜野菌燉飯 不過原來星期六，日係冇得嗌最後我地嗌咗下面個三位野同一款甜品整體黎講 我地覺得餐廳過於走 健康路線飲品無糖 飲落超淡 burger包身好硬 舊肉好dry好唔juicy 螺絲粉就唔多夠特色 不過佢既甜品就認真一流 嗌咗件dirty chocolate cake 配dryer icecream 我地4個一致都覺得好好食 下次有機會我地覺得外賣蛋糕就可以

荃灣區的工廈cafe，網上看到環境優雅，應該是一個周末好去處！地處荃灣工廠區，其實離地鐵站也頗遠，不太方便！不熟識的人很難找到。走進去，眼前一亮，沒想過工廈內有如此舒適的cafe，cafe內每張枱都不同，我到達時，所有梳化及有背的椅子已經有人坐了，只可選擇一張長椅坐，可惜枱及椅子的高度不配合，進食時不方便，而椅子又沒有椅背，不太舒適！今天試了自製黑豆全麥漢堡配烤手切薯條，十分健康，麵包軟軟的，漢堡由豬肉及蔬菜做，感覺清新，手切薯條除了薯仔外，還有紫薯，愛紫薯的我十分like飲品選了latte,咖啡帶甘，沒有酸味，奶泡適中，可惜用了玻璃杯，開始時十分燙手，但是很快便冷卻，還是傳統的厚身咖啡杯好！

來到週末，悠閒一番，於網上找尋了這間，位置也蠻不方便的，當上到工廠大廈內時，舖門口只見一個open的掛牌，門面一點裝飾也沒友，心想奇怪時，推門卻另一番景象，彷彿去到一個小園林的茶座，很幸運地，我們選了店內唯一的梳化位，還可望著整個舖面。我們點了凍螺絲粉和全麥漢堡，螺絲粉不單裝碟漂亮，吃下去也很出色，不像某些cafe般，淡而無味吃環境漢堡卻沒大出色，個伴碟的烤薯卻很好吃軟軟的而且很有薯味，面上還灑了點鹽，更為提味至於咖啡方面，還不是我喜歡的味道xd 再尋找吧

其實呢間晌火炭時已經好想去，不過因為某啲原因，去到人哋搬咗都去唔成。講真，其實火炭店嘅環境比荃灣店大同多啲自然光，我係鍾意火炭店多啲。不過好彩去嗰日唔係多人嘅時段，同埋佢本身啲位都唔會排得太迫、係有少少距離嗰種，整體環境唔錯。好想食佢啲甜品，最後都勒住自己，只係買咗杯Latte，個拉花都幾幼細，飲落奶滑而帶微微甘香。

網上全是正面食評, 但吃了後不會再去,是那些只會去一次的餐廳。中肯D講食物評價還可以但其他方面太差。下刪百字遠、重工業、有狗等等，只談食物吧！首先第一食物不差，fast food炸薯條香口,但價錢不便宜,burge近百飲品近半百！在沒門口沒水牌有油漆味隔離有惡犬的工廠, 價格自行評定吧~~~第二手作咖啡飲品是靈魂，但看了不少其他客的拉花出品也都是千篇一律，比這好的大有人在，不需要surprise聚聚腳無妨。花茶坦白說係好自然,因為純綷浸住...係幾健康。喝過別的,只起碼有花甜或香氣,這沒有....走進比工廠更工廠的食店, 除食物賣相還好，但配汁無，薯菜配不到茄醬(最基本沒有提供), 也沒有自製醬, 乾噎是十分難得的經驗。特別寫:~食物的味道: 還可以, 油炸食物夠熱,香口, 但說不出特別(不遠有門常開廁所, 別有風味)。 ~食物賣相K的, typical 美式快餐的擺設, 餐具上碟特別, 算是吸引(惟多數檯都好矮,曲腰吃吧)~食物熱度:焗爐即加熱, 夠熱~食物選擇:相對較少 ....~食物衛生:看到製作過程, 整體看是不錯(除左檯上有上手食物殘渣 ,椅子有D食物碎)無帶位,下午茶時段吃

果日行程比較趕 但又想試下佢地既曲奇 所以買左take away 食小小曲奇 買左三種味試下 包括有抹茶、紫薯同伯爵茶味 其實三種味都吾錯 係好食的！個人最喜歡紫薯味 好甜 好鬆化 正！😋 不過$25 得四小粒 就貴左d 另外，買左呢個焙茶戚風蛋糕 好鬆軟！軟棉棉的 但味道比較淡

看到這些工廠咖啡店想必定有其特別之處，或是味美茶香，又或濃厚文化氣息。地㸃雖遠但沒所謂，反正尋找到優店，怎麼也值得。然而除了失望和惡心外，也就真找不到其他形容。位處的工廠是真工廠，樓下已見堆疊起的建築廢料及刺鼻的油漆料。升降機應該是經常負載重物，地台不平。到達該層後，沒看到鮮明水牌，只有製造業的格局。最慘是旁邊的工業單位養了惡犬，有人途經便亂吠，未吃已怕嚇壞了！相信不只我們遭殃，因為有些客人進來後也拍拍心口有點花容失色，也許給嚇壞了。進店後還滿有人氣，也許都不差。但廚及咖啡師兼樓面招待，所以忙的時候只能呆等。店內有數檯四人檯大檯及bar檯，幾乎全都沒有椅背，很不舒服。說穿檯也只不過是木板堆疊，而且頗矮，吃東西是需大幅度曲身。環顧全場只有最裏面的沙發最像樣，我們也有幸坐到。坐下時已發現檯布沒換的，不難看到上手用餐痕跡，而他們收拾求其，在檯面沙發上竟有蛋碎及醬汁。這也算罷，最惡心的是原來隔一椅子的距離就是廁所，門口看進去可見坐塔而且摺門不自動關，客人又多沒品，坐了二十分鐘也替人關了幾次門。作為食店咖啡室，這真讓我無法接受。食物咖啡坦言只是一般，如以約四十元的咖啡及近百元的漢堡包餐來享用，我

星期日去工廈覓食，估唔到 Lucy 可以 offer 到唔少 vegetarian choices! (素食者對 cafe 都好大需求㗎) 無論係burger 定 sandwich，其實個包嘅角色都好重，手工黑麥包，鹹味啱啱好，上菜又會整返熱，夠曬鬆軟！

最近老婆話減肥，唔食咁多野喎！咁我點？！咁同老婆試下去食輕食囉！見食評話呢間D咖啡唔錯，有 Burger 食，咁來嘆下啦！好采預先睇左食評黎，唔係真係搵唔到！大堂個門口真係好易錯過。坐底睇下個 menu，大部份都係輕食，主打係自家制麵包。我地叫左，自制黑豆全麥漢堡+烤手切薯條、烤大磨菇沙律配手造香草包、Latte 和 Hand Drip Coffee自制黑豆全麥漢堡+烤手切薯條，個包真係幾好味，自家制果然唔同D，至於個漢堡豬肉是用黑豆，雜菜及豬肉做成，唔係幾濃豬肉味，因為溝左雜菜粒，食落清清地，幾有減肥 feel！我比較欣賞D薯條，紫薯和黃薯本身薯仔靚，好好味！因為係烤嘅，所以唔肥。老婆食烤大磨菇沙律配手造香草包，磨菇沙律度度食都係咁嘅味架啦！所以唔講喇！件香草包就好好味。呢度D包真係好好味，直得推介！ Latte 和 Hand Drip 都做得好好，咖啡豆新鮮，坐底嘆一嘆，心情都輕鬆D。老實，D輕食餐對我來講真係輕左D，加兩件 cake 就剛好。我比較喜欣賞件綠茶，綠茶味濃，件cake 唔乾，鬆鬆地，Good！紅莓cake 比較潤但唔太濕，酸酸地都幾好味！自家制麵包和法式蛋糕直得推

一早和兩位女同事約定星期六要到這裡吃午餐及"Girls Talk"~致電來餐廳問過，沒有訂位服務，所以我便準時來到這裡等開門...剛開門時人不多，我們可以挑一張大檯，再慢慢看餐牌~這裡的環境真是一流，檯不多，裝飾很簡約，天花吊了不少植物，令人覺得很舒服。餐牌上望要都以輕食為主，有漢堡，三文治及沙律。雖然選擇不算很多，但都是健康用心之作。我選擇至少要30分鐘製作的自製黑豆全麥漢堡及烤手切條 ($88)。由於這店只有星期二至五的午餐時段才有咖啡送，今天我們要另外點咖啡了。我點了一杯意式泡沫咖啡 ($34)，到櫃台付款完就聊著天等待美食~意式泡沫咖啡先到，拉花算是不錯，味道也很香濃。可是我的那杯奶泡打得不算非常幼細，過了一會樣子就變了...自製黑豆全麥漢堡及烤手切條卻沒有令我失望，賣相非常漂亮!!!先試一口烤薯條，果然非常入味，真的不用配茄汁味道也非常出眾!!!除了薯仔做的薯條，還有紫心蕃薯做的烤薯條，甜甜的非常美味，不過我個人還是較喜歡薯仔做的那個~而且這裡的薯條是用烤的，一點都不油膩。用很可愛的"菜刀"把漢堡切開時，已經感覺到全麥麵包的鬆軟，是有回彈力的那種!!!這個麵包的質感我真的沒有

呢間Cafe位於荃灣嘅工廈入面，出面睇落完全唔覺得係適合文青嘅地方黎 但係入到去，就會發現完全同外面係兩個世界黎 !!內裡嘅裝飾好有悠閒嘅感覺，除咗有木椅之外，仲有梳發啊~~由於下午茶時段唔係好多人，所以我同友人就霸咗張梳發坐 一入黎時就會經過玻璃櫃，入面擺滿唔同類型嘅麵包同蛋糕等，不過呢啲包同蛋糕就無Menu，相信係因為Cafe隔幾日先自訂整咩包同蛋糕係啊，啲焗嘅麵包同蛋糕都係Cafe自家出品嫁 !!!我仲見到佢地不斷出爐啲製成品 其實選擇就唔係好多，都係一啲普遍Cafe會有嘅野食，甜品嗰啲都無係menu到列出雖然我係幾鍾意去Cafe，但係我唔鍾意飲咖啡 所以次次都會嗌花茶 一杯係水蜜桃果粒茶，而另一杯就係菊花杞子茶，水蜜桃嗰杯啲味唔係太出，有啲淡 ，而杯菊花杞子茶就有少少似飲緊中式嘅茶 ，不過都幾細杯，睇個價錢仲以為係一壺 呢到上菜有點兒慢 可能因為好多野都係即製掛。等咗15分鐘到，終於有得食喇 !呢個班尼迪蛋配手造歐式包，上面有兩隻大大隻嘅水煮蛋，再加上自家荷蘭醬同灑啲Parika係上面 中間仲有煙三文魚，增加咗少少嘅煙薰味一

荃灣★Lucy Coffee & Food難得行山行到好日都唔去一次既荃灣，梗係把握機會覓食喇！好彩不至於行到太晏，黎到餐廳只係4點幾，距離６點閂鋪仲有時間嘆下！不過黎到既時侯都坐滿人咁濟，又好彩張大枱仲分得出個２人位比我地選址工廈係唔同ｄ，空間比一般cafe寬敞好多～全店大約只係容納到大約２５人，好欣賞佢地無為左可以坐多ｄ客而放多幾張枱！座位之間既距離夠大，令每枱客都可以真正係度享受專屬既小小私人空間（除左入面有一張10人大枱會share位）。cafe既裝潢走簡約型格風，石屎地白磚牆配搭唔同類型唔同高度既木枱櫈。貫徹前身係火炭秘密花園既形象，室內放置左唔少綠色植物，成個氣氛好放鬆，入到黎就覺得要慢活一下。去到盡頭有好吸引既梳化！哈哈～不過搶手梳乎位只有２個，坐唔坐到就睇彩數啦。我地就好彩5點左右成功移師左過去挨下（不過個位係正洗手間隔離嫁，如果不幸遇上有人開大就。。哈哈）搵食時間可能成個感覺太治癒，一開始仲誤會左佢係一間素食店，原來係以健康為旗號。食物選擇唔算多，但勝在menu會不時更換，而且每樣食物都係即叫即整，尤其麵包同蛋糕都係每日新鮮製造抱住"We love healthy f

是日年廿九，去之前打去想book，但冇得book，於是就博一博照上去，位於工廠區既cafe黎講唔算難搵，由荃灣西鐵路站行去大約15分鐘到。入到去有大約三分一地方係open kitchen，見到店員係到整麵包、曲奇，個廚房好靚好乾淨。店員會向你旋件介紹每件餅既口感，成份。呢個烤大啡菇沙律配手造香草包，配既羅勒醬好新鮮加好多分。手造香草包都好軟熟，唔會好乾。菊花杞子茶 鮮奶咖啡（咖啡好香但有點酸 喜歡飲齋啡的應該會覺得好好飲，小提示：呢到冇咖啡糖提供的。）煙三文魚牛油果比高包 Green Tea cake 呢款係比較濕的cake，好好味！綠茶味好濃但又唔會苦！＄39！檸檬蛋糕入面加左檸檬皮碎 好香！！呢到環境好大，有6－7枱左右，枱同枱之間有足夠空間比人傾計。有獨立洗手間，環境好乾淨、有少量家品賣，店裡的擺設好有心思，食物有水準！支持這種樓上cafe！！