Luna Bar & Restaurant

营业中

休息中

尖東方向麼地道附近有間位置比較隱蔽嘅天地泰國餐廳同埋酒吧入到去覺得啲音樂好啱聽，仲有個大螢幕餐廳裝潢係新式嘅泰國酒吧感覺燈光、裝修、餐具等等氛圍到感覺好好仲會有啲植物點綴見到有outdoor位置，狗狗friendly仲有啲VIP房，但入面大唔大就唔清楚啦有得掟鏢🎯又有得飲酒🍸 見到冇特別嘅套餐咁我就分開散叫食物了泰式木瓜沙律鍾意呢度嘅青木瓜沙律青木瓜非常之新鮮唔會太辣，啱啱好，適合香港人嘅口味泰式串燒呢一款係豬牛羊各兩串份量都真係唔少啊泰式家鄉煎蠔仔蛋呢個反而喺香港比較少食估唔到泰式嘅家鄉係會煎蠔仔蛋㗎🤣蛋香比較濃 而且蠔嘅份量非常之多粒粒大大粒配搭佢嘅泰國味道特色辣椒醬，超正注意，呢個份量非常之大！最後我哋係食唔晒㗎🥹原個菠蘿海鮮炒飯完個菠蘿炒飯，菠蘿燒到好軟熟師傅工架十足，炒飯炒到粒粒分明配料好足料！提子、肉鬆、腰果等等飲品方最近因為戒飲咗酒，所以點咗泰式奶茶泰式奶茶喺水準以上下次一班人聚會，我覺得可以過嚟呢度食物幾好，真正relax，又坐得幾舒服

位於尖沙咀麼地道近尖東，新張不久的泰國餐廳「Luna Bar & Restaurant」，由泰國當地出名五星級酒店餐廳主厨主理，食物質素在短時間已獲得相當多好評，餐廳環境亦相當不錯，滿滿泰式風情，設有室內內座位，非常適合一邊食飯，一邊飲酒傾偈🫶另外還設有多種娛樂設施，包括飛鏢機和卡拉OK等，讓客人在用餐的同時，也能享受到娛樂的樂趣🍤▪️Thai Style Raw Shrimp 泰式生蝦 $ 138賣相相當有心思，以六隻小杯擺盤，生蝦非常大隻，口感彈牙，每隻蝦更配有薄荷葉、蒜頭和辣椒，配上兩種不同口味的泰式醬汁，酸酸辣辣好開胃🍢▪️Thai Skewers 泰式串燒 $ 108（雞肉、牛肉、豬肉 各2串）三款肉質非常唔錯，每串相當厚肉，特別喜歡豬肉的彈牙口感，另外有兩款沾醬可以配搭，分別是花生沙嗲醬和泰式酸辣汁，仲有蔬菜可以包住一齊食，增添風味🐔▪️Thai Hainanese Chicken 泰式海南雞 $ 108🍚▪️Plain Chicken Rice 油飯 $ 28必食推介，超高質的海南雞，雞皮香脆，肉質細滑，而且夠入味，滿滿油香，沾上薑蓉和泰式香辣汁，超美味，當然梗係要配一碗雞油飯

放工約左朋友食個飯chill下，嚟左呢間喺尖沙咀嘅bar restaurant! 個位置都有啲隱蔽，喺大街見到啲signage先知道點街入嚟坐得舒服，幾好vibe見到有啲包廂有得唱k, 都有得擲飛標每日去到8點前都有happy hour! 紅酒白酒sparkling買一送一！都好吸引以上係餐牌有咩選擇～由於第二日要返工，就唔飲酒啦，嗌左杯凍泰奶試一試呢個串燒拼盤有牛、雞、豬，啖啖肉幾好味！配上啲沙嗲汁好惹味叫左個辣椒膏炒花甲，個碟好fancy🤣花甲都幾新鮮，個汁都好啱攞嚟撈飯～呢個叫做醉貓炒河，我地揀左雞肉！雖然唔知點解佢叫醉貓，但個河粉都炒得幾入味，唔會太油，配上少少辣椒去吊味，好惹味-總結：一間幾隱蔽嘅bar restaurant, 感覺幾適合一班frd嚟聚餐～

地理位置方便，裝潢悠閒優雅，還有live band 及掟鏢和beer pong等飲酒遊戲，氣氛一流！更提供包房，價錢由人均300-500元起。特別適合同朋友一齊去放鬆下。Happy hour 時段是每天的三點至八點。有買一送一優惠哦！ 食物方面，份量也很大！性價比超高，會不定期更新菜單，是不是有新驚喜。食品推介泰式串燒：1 set 有隻豬牛羊三種口味，肉質嫩滑，醬料香辣過癮，串燒仲帶咗啲泰式香料，食落好有驚喜。泰式豬頸肉炒芥蘭：豬頸肉入味，炒得剛剛好，芥蘭保持住啲脆度，兩者結合食落好有層次感。泰式乾炒牛河：呢個係驚喜！牛肉炒得靚嫩，河粉吸滿香料味，雖然係乾炒，但一D唔會乾，也不會很油膩。泰式牛油果香芒沙律：好夏天！牛油果同芒果嘅鮮甜，配合泰式醬料，酸甜適中，仲有啲脆口嘅西芹同洋蔥，一個清新嘅選擇。

今日係我同男朋友嘅拍拖紀念日，所以我揀咗一間尖沙咀嘅泰式酒吧慶祝，呢度環境靚，氣氛非常好，啱啱好適合我哋慶祝呢個特別嘅日子。入到去之後，服務員態度好好，仲主動幫我介紹菜單。餐廳嘅選擇真係好多，我哋兩個人最後決定叫四款食物！我哋叫咗牛肉串燒、大蝦炒金邊粉、黃咖喱雞配蒜蓉包同埋泰式燒雞。首先上嚟嘅係牛肉串燒，牛肉串燒香氣四溢，肉質嫩滑，燒得啱啱好，外面有一層微微焦脆，裡面又多汁，食落去真係好滿足。配上少少酸辣醬，味道更加出色！接著就係大蝦炒金邊粉，呢道菜色澤金黃，蝦肉新鮮，炒得香味撲鼻。金邊粉滑順，搭配上蝦肉同埋蔬菜，味道都好均衡，食落去有種幸福感。然後就嚟到黃咖喱雞配蒜蓉包，呢個組合真係好特別！黃咖喱味道濃郁，雞肉煮得好入味，咖喱醬香濃，搭配上蒜蓉包，真係好好味！蒜蓉包外脆內軟，吸收咗咖喱醬，食落去又香又滑，實在太好味！最後上嚟嘅係泰式燒雞，呢道菜色香味俱全，雞肉燒得外脆內嫩，味道咸香，搭配上特製嘅醬汁，正！🤤🤤而且雞肉冇腥味，完全可以感受到新鮮嘅食材質素，真係好過癮！雖然我哋叫咗四款菜，但兩個人食唔晒，真係有啲可惜，不過每樣都好好味，值得我哋慢慢品嚐。飲品方面，我哋冇特別叫酒，但呢度都

係尖東有間位置有小小隱蔽，但環境好闊落有feel 既泰菜，同媽咪2個人食左 3樣野，好好味😋好滿足☺️💕🌟泰式生蝦 6隻 👍🏻👍🏻👍🏻👍🏻👍🏻👍🏻一上檯好精緻，好靚，打卡able☺️生蝦有苦瓜、辣椒、蒜頭做配菜，裝住生蝦嘅杯底下仲有分別青色同埋紅色嘅泰式醬料🤤🤤🤤識就有啲似係泰式辣醬咁嘅味道酸酸甜甜，綠色呢就有啲清新青青地有啲芥末嘅味道👍🏻好食🤤🌟芒果蟹肉炒飯 👍🏻👍🏻👍🏻👍🏻👍🏻👍🏻如圖所示，芒果大大塊份量都多芒果又甜又新鮮🤤🤤蟹肉份量都好多，配埋個炒飯好好食，大大份抵食👍🏻👍🏻💕💕☺️☺️🤤🤤🌟泰式炒通菜 👍🏻👍🏻👍🏻👍🏻👍🏻泰式炒通菜，同樣都係份量好多，泰式醬唔會話太鹹，但又好惹味，炒到通菜好入味，好好食，用嚟送個蟹肉炒飯，一流🤤🤤💕💕🌟青咖喱牛配蒜蓉飽👍🏻👍🏻👍🏻👍🏻👍🏻👍🏻咖喱有得揀青咖喱黃咖喱定係紅咖喱，我哋揀咗青咖喱，亦都有得揀牛雞豬，我哋就揀咗牛，配埋3塊大大塊，烘到好香口脆口既麵包🥖，麵係好好食🤤🤤💕青咖喱唔會話太辣，但又有龍龍嘅咖喱味，牛肉都好滑，都好足料👍🏻👍🏻下次如果想食泰菜又係尖東，一定會再嚟試吓佢其他菜式，性價比都好高，大推👍🏻👍🏻🤤💕

朋友帶我嚟咗尖沙咀一間隱蔽嘅酒吧食泰菜，估唔到質素又幾好喎，場入面唱K掟鏢VIP房樣樣都有，啱晒一大班friend聚腳！諗住點個蝦餅做小食，點知件件又大又厚身，熱辣辣又彈牙，估佢唔到～串燒豬牛雞每樣都試吓，意外地一啲都唔乾身，咬開有肉汁而且香料味剛好唔會Over～黃咖喱雞配蒜蓉包都係100頭有找，仲配埋蒜蓉包，而且非常多雞肉，黃咖喱香甜唔辛口，啱我！估唔到喺酒吧會食芥蘭炒豬頸肉🤣，仲要有質素！芥蘭脆口仲帶豬頸肉油香～～Happy Hour有promote,唔飲酒嘅叫返杯泰式飲品一樣可以同朋友好chill咁傾計～

# 劣評某食店的經歷最近我造訪了一間名為的LUNA的食店，卻讓我感到非常失望。雖然這間餐廳在網上評價不錯，但我卻經歷了一次不太愉快的用餐體驗。首先，餐廳的音響系統實在讓人難以忍受。背景音樂音量過高，混雜著其他客人交談的聲音，讓我根本無法聽清朋友的對話。即使我們試圖提高聲音，也還是被刺耳的音樂淹沒。這種環境下，享受美食的心情大打折扣。其次，服務質素也非常不理想。我們的服務生似乎對餐廳的菜單不太熟悉，點餐時需要反覆查詢，浪費了不少時間。而在我們用餐過程中，服務生也並未主動關心我們的需求，甚至在我們要求加水時，等了將近十分鐘才送來。這樣的服務態度讓人感到失望，彷彿我們的存在並不重要。總結來說，LUNA的音響和服務都讓我難以推薦。如果你想要一個能夠輕鬆交流、享受美食的地方，我建議你尋找其他選擇。希望餐廳能夠改善這些問題，讓以後的客人有更好的用餐體驗。

📍 Luna Bar & Restaurant (尖沙咀)地址：尖沙咀麼地道41-43號地舖📞：63383963（Whatsapp)今日嚟到小編同朋友嚟到麼地道，發現咗呢間隱世高CP值嘅泰國🇹🇭餐廳，地方寬敞坐得舒服適合打卡之餘，食物質素亦都很好😁💎泰式牛油果🥑香芒沙津🥗 💸HKD98呢個係超fresh既配合！小編本身就好鍾意牛油果🥑無諗過配合香甜既芒果🥭同車厘茄🍅係咁Match! 真係好正！好好味🤤💎泰式明爐烏頭🐟 💸HKD198小編最鍾意食烏頭魚☺️配埋芫荽、洋蔥🧅、辣椒🌶️豬肉等配料再淋上湯，淡淡魚肉充滿濃濃鮮魚味🥴💎泰式肉碎海鮮粉絲湯🍜 💸HKD128熱辣辣既肉碎海鮮🦞湯加埋軟綿綿既粉絲，岩晒涼涼地既天氣🥶🤭💎泰式串燒牛🐮 💸HKD20串燒牛肉夠淋再點一點沙嗲醬唔錯👍🏻好滋味😙—————————————————————-Overall Performance:味道😋：5/5環境🍀：4/5服務👯：4/5衛生👀：5/5抵食💵：4/5

📍Luna Bar & Restaurant (尖沙咀)呢間餐廳位置非常方便，係地鐵出黎過條馬路就到。地下仲有個燈射嘅logo guide住你入去。當日去到仲有公司gathering 緊，氣氛好熱鬧。餐廳外面都有啲座位，啲人坐出面就飲酒🍻為主，比較chill 啲🙂‍↕️不過野食都相當唔錯🩵鮮椰肉沙冰 ($68)入面每淡都有細細地嘅椰汁絲🩵泰式肉碎生菜包 ($108)生菜包啲肉相對地會比較辣小小，唔食得辣嘅朋友仔就要主意下🩵泰式冬蔭公湯 ($138)佢有一大碗嘅，店員上完之後就會幫手分湯，成個湯都好足料都好夠味，係我今餐飯最鐘意嘅，有原隻大蝦，我個隻蝦仲有少少膏。🩵泰式串燒 ($20/串)小小地試左1串雞腎 1串豬肉個醬相當惹味🩵泰式青咖哩配蒜蓉包 ($118)蒜蓉包就應該即叫既焗，所以好脆由於朋友唔食得辣，所以就叫左青咖哩，入面仲好多我鐘意食嘅豆。牛嘅份量都多門面:入面都有卡拉ok唱，有飛鏢🎯玩

同老公聖誕去咗尖東打卡，經過附近見到有新開既酒吧餐廳，見都幾多好評，同埋地方幾闊落，就想去試下。泰式串燒：串燒6串都燒得好香口，同埋驚喜既位係有配埋唔同既醬汁，有清新既酸汁+沙嗲汁。泰式燒豬頸肉：呢個真係MVP!豬頸肉燒得外層焦脆得黎有肉汁，同埋豬頸肉肥瘦均勻，食落唔會油淋淋，點埋辣椒汁一齊食幾惹味。泰式蝦醬炒飯：呢個既份量真心大，3-4人都得，個人覺得如果可以乾身多少少就更好。海南雞：雞係比較結實的，廚師好有心思較咗蔥薑油+酸汁作搭配，令成件事多咗層次，但如果用多番油分既雞就更好個人覺得份量幾大，同埋地方都坐幾舒服，值得下次一班人黎share多少少野！

今次同朋友去咗位於尖沙咀麼地道一間新開張無耐嘅泰國菜餐廳Luna Bar & Restaurant，餐廳由泰國當地出名五星級酒店餐廳主廚主理，味道正宗。餐廳走泰國休閒風，營造出椰林樹影嘅感覺，充滿泰國風情，令我聯想起喺泰國清邁餐廳食飯嘅時光。餐廳設有室內外座位，休閒感十足，另外提供卡拉OK、掟飛鏢等多種娛樂設施，比食客多重享受。泰式大蝦金邊粉泰式金邊粉炒得乾身，好有鑊氣，金邊粉味道甜甜地，加上芽菜，食落爽口，可以伴以青檸、花生碎、棕櫚樹糖、辣椒碎，味道層次感豐富；上面大蝦經過酥炸，大蝦爽彈，可以連殻食，味道甜甜地，好惹味。泰式串燒泰式串燒有雞肉、牛肉同埋豬肉各2串，三款串燒嘅肉質都好高質，每一串都燒到恰到好處，外焦內嫩，而且仲保留肉汁。當中豬肉串肥瘦適中，口感彈牙，有兩款泰式醬料可以配搭，花生沙嗲醬同埋泰式酸辣汁，沙嗲醬沙嗲味濃郁，仲有花生粒可以食到，好有咬口，層次感豐富，另外伴有沙律菜，減少油膩感。泰式黃咖喱配蒜蓉包黃咖喱香氣濃厚，裏面嘅咖喱雞肉質嫩滑。黃咖喱味道偏甜，辣度低而且椰香味重，好適合配蒜蓉包，蒜蓉包焗至金黃色，外脆內軟，好味道。泰式香芒沙冰芒果沙冰入口透心涼，由新鮮芒果打

唱K唔一定要去K房呢間bar and restaurant 會有埋K房比大家盡興🤩有私隱同時又可以enjoy好味泰菜同bar而且好欣賞裝修好有熱帶風情又有啲工業風✨泰式酸辣鳳爪$88泰國菜必點前菜酸酸辣辣超開胃口味偏辣食落好刺激過癮✨香茅檸檬葉鹽燒大烏頭$198👍🏻非常推薦啲一道🤩唔係平時預先炸過/蒸過亦因為係即點即燒記住預返半個鐘時間上菜～魚身燒得岩岩好唔會乾好難得食到真鹽燒大推！✨泰式燒羊架（3件）$168擺盤好精緻羊肉唔會重羶味配埋兩款醬好惹味✨泰式燒茄子$68醬料偏甜、唔會辣茄子肉都燒軟稔又多汁✨泰式大蝦炒金邊炒$128大蝦先炸過再擺面金邊粉份量絕對唔細性價比高

今日嚟咗尖沙咀呢間超有feel嘅泰國菜酒吧，環境好chill，有得玩飛鏢同埋聽live Band，放工過嚟食飯鬆一鬆都唔錯。泰式生蝦 ($138/6隻)個生蝦刺身賣相幾靚，每一隻都用shot杯仔裝住。每杯分別有泰式辣醬同埋辣辣地嘅青醬，仲有蒜頭同埋紫蘇葉。生蝦食落新鮮彈牙，成個組合食落好Perfect。泰式肉碎生菜包 ($108)個泰式肉碎炒得超入味，酸酸辣辣咁。佢仲落咗辣椒仔、洋蔥喺入邊，side dish有脆皮豬皮。太好食了，反而覺得唔係幾夠生菜包。香茅檸檬葉鹽燒大烏頭 ($198)烏頭即叫即燒，魚肉非常嫩滑，切開之後入邊仲見到佢包咗檸檬葉，所以食落都有淡淡嘅香草味。佢分別俾咗有少少甜嘅魚露同埋泰式辣汁，個人就覺得佢同泰式辣汁夾啲。泰式珍多冰 ($48)椰奶味好重，食辣嘢送就最啱。

Located in the heart of Tsim Sha Tsui, Thai Spice offers an authentic Thai dining experience that captivates both locals and tourists. With its warm ambiance and friendly service, it’s a perfect place to enjoy a vibrant meal.One of the standout dishes is the **Lettuce Wraps**. These fresh and crunchy wraps are filled with a savory mix of minced chicken, vegetables, and a hint of Thai spices. Paired with a tangy dipping sauce, they provide a delightful balance of textures and flavors, making them