M+會館

营业中

休息中

Weekday放工過嚟唞吓氣，上到嚟揀咗個望海景嘅位坐低。舊年佢哋啱啱開嗰陣時已經嚟食過幾次，了解到食物質素正常，所以今次上到嚟抱住食環境嘅心態，搵個靜靜地嘅地方放鬆一下。飲嘢絕對冇問題，叫咗rosé, happy hour 價錢，由於太肚餓，叫咗個紅咖喱蝦飯，食食吓後面大廳有人開始做座談會，title 係我鍾意嘅，我就靜靜地一路飲嘢一路旁聽，最後叫多個camomile tea，望住維港日落景, 聽住好有營養嘅藝術座談，體會另一個層次嘅享受。Staff 很有善，樂於解答問題。下次會揀星期五嚟，食完嘢落去睇埋展覽。

去完睇KUSAMA展好肚餓，立即去M+會館坐吓。由於要會員先可以入坐，所以環境係唔錯，起碼唔會一大班遊客勁嘈。食物係少貴，但質素比想像中好架喇。去到食個環境為主。Truffle Chips好味，新鮮炸熱辣辣！Truffle Sauce 都唔會太慳住，都夠食嘅。Fried Squid OK嘅，可以再香口啲，份量太少。KUSAMA Afternoon Tea三百蚊8件canepe 唔平，雖然掛名KUSAMA ，但都係加左一點點係甜點度~ 冇咩睇頭打卡。味道不過不失，食完唔太分到咩味，但唔難食嘅。SCONE 有四款醬超出我預期架喇~

環境優美、食物一般、部咖啡機好靚，不過杯咖啡完全唔掂，浪費左個地方。另外，人手不足，每一位員工都好忙，需要係Bar檯落order，然後等佢送過黎。快餐水準，酒店價錢。

先講坐位安排，二人後排窗口位置，窗口望海景，但個窗口十分汚糟，坐位十分不好坐，椅子深且矮和桌子一樣矮，食嘢時相當辛苦，要彎身俯伏於枱前，(如食cake可能無呢個問題，因為可以攞起碟食。)食完有點腰骨痛。為草間彌生特色下午茶而來，$330包一杯飲品，另加一服務費，價格偏貴，味道一般，份量是足夠的，除了頂層有一件波點甜點外，想唔到和草間有咩關係，唔食無損失。還點了壽喜燒和牛烏冬$195另加一，份量是足夠的，但和牛微暖，味道一般。可以不吃。第一次黎比較失望，環境，食物和服務都不似預期。

喺M+ Lounge 你可以一邊食嘢，一邊打卡，一邊睇書，一邊睇風景的好地方。為興祝M+ #草間彌生 開辦的展覧， M+ Lounge 特別推出的下午茶。提吓大家，現在只開放比M+會員。You can enjoy the view, enjoy the food, enjoy reading the books at M+ Lounge. Their new afternoon tea set is based on Yayoi Kusama. Daily Kusama Afternoon Tea set in celebrating of M+'s first Special Exhibition Yayoi Kusama:1945 to Now.P.S. M+ Lounge is for Members by booking only. please check on their details on the website.

食物種類選擇唔多，Lunch只有一個指定set，今日Daily set 係 咖哩羊，但因為我唔食羊，結果選擇只可是三文治或甜品。雖然食物選擇偏少，但作為一個傾偈，Hea，安靜，Me Time，就絕對係一個好地方。環境一流，空間感充足，裝修有玩味，玩香港本地情懷。暫時只招呼會員，上網申請就做到會員，年費HK$600一個會員可以帶3個朋友入去，感覺都幾做到貴賓feel，但係敗筆之處係要自己出counter俾錢買嘢食，好奇怪😅