Mad for Garlic (已結業)

希望考慮食呢間野既你認真諗諗你想黎呢度食飯係享受定受氣由一入去個刻我地已經開始聽到個職員串緊我地事源我地比約定既時間遲左15分鐘入去之後個職員就話：「其實你地已經係遲左，要cancel張枱不過而家岩岩好15分鐘你地到左，照俾你地入啦！之後佢又話：「留意返你地用餐時間係90分鐘」咁我地仲有一位朋友未到咁就諗住係門口等多陣先點知個職員就話：「你地訂左18:00咁就由18:00開始計」咁我地無理咁多就入左去啦其實由一開始如果咁緊張啲位點解又唔打黎cfm booking? 客人遲左又唔會打黎問下？之後坐底落完單就黎左呢杯cocktail 先MFG ladies cocktails 呢杯野偏甜咁係我地影緊相既期間突然有位職員沖過黎話：「支野唔可以打斜擺」我地都呆左，本身支野落枱已經係咁🙄⋯⋯果刻我地仲要影緊相突然比佢夾硬嚟整返正支野超無禮貌囉食物方面我地order以下呢啲Arrabbiata呢個係西餐好常見既食物但係佢呢個意粉辣得好唔正常，搶曬蕃茄既味道！而且會辣到灼胃MFG特色彩椒蝦露筍炒牛油飯呢個飯乾到完全食唔出係有用牛油炒，而且無味Garlic Foryou steak呢個扒係最正常，五成

Gorgonzola cheese pizza $158Sauteed Baby Octopus & Clams $128Garlic Steak $288Garlic Tiramisu $68.-Gorgonzola cheese pizza: 係好香既藍芝士，薄脆批底，再另外配上蜜糖，好好味，係我回頭既原因😌. Sauteed Baby Octopus & Clams: 蒜頭蕃茄白酒汁炒八爪魚仔、蜆，有少少辣，好香，但味濃同好鹹🤭配法包片係可以，但跟本身只有4~5片包，完全唔夠，就咁食啲料會鹹到甩肺，最後另加$18，有多6片左右既法包片拼黎食.Garlic Steak: 鐵板上（睇片），平時食開5成熟，好彩店員提一提，如果叫5成熟，鐵板上到黎會更熟，所以最後果斷決定叫3成熟，上到黎剛剛好。呢碟係超香，啲蒜片蒜蓉洋蔥配料係食曬咁濟，但因為醬料配料味太濃，其實唔多食到牛味，似食配料醬料多過食牛，$288略貴.Garlic Tiramisu: 配埋小杯特濃咖啡呢個配搭幾細心，但蛋糕只有甜品，芝士味完全欠奉，唔難食，但好麻麻 .

去又一城睇戲前，選擇了Mad for Garlic吃晚餐。叫了兩道菜蝦、菠蘿、炸蒜片 MFG招牌意大利薄餅： 超級推薦！薄餅焗得剛剛好，香脆而不燶，而且芝士味很濃，加上啖啖的蒜香味，意想不到的夾，偶然還會吃到新鮮大蒜，驚喜！唯一敗筆是蝦沒有蝦味。第二道是特級海鮮意大利珍珠麵，麵的形狀看上去就像一粒粒的白飯，口感煙韌，頗特別。海鮮份量頗足，唯海鮮略嫌沒有鮮味，蝦更加是"梅"的。總括而言，雖然Mad for Garlic 定位為韓國餐廳，但其實並不太韓，很多菜式都十分西式。最初是因為餐廳裝修而被吸引，但一向不好韓國菜的我得悉它是韓國餐廳後便略為卻步，但看到菜式偏向西式風格便決定一試，想不到很有驚喜！

好耐無見既朋友，大家傾傾下計就揀左呢間，好出名之前又未試過食完之後都唔敢再講野，因為成口都超級蒜味德古拉殺手好味道前菜即刻黎個蒜味濃郁既德古拉殺手，焗蒜頭有olive oil調味，熱辣辣放係法包上一齊食，廳感覺幾特別，不過食落無想像中咁蒜味香濃同驚艷，不過不失鮮嫩菠菜煙肉碧根果仁沙律配脆蒜片及黑醋汁好味道沙律個人覺得比德古拉更好味，炸蒜片香脆可口，菠菜超級新鮮翠綠，加埋啲果仁香真心一個好好既配搭好快就食哂成個沙律香辣三重蒜味海鮮意粉好味道成餐飯最估唔到咁好食係呢個意粉！個人黎講真係覺得超級好味佢係韓式既辣味，但又超香蒜味，意粉炒到岩岩好，又彈牙又吸引到香辣味海鮮好多款，有蝦有青口有魷魚，樣樣都啖啖肉十級推介如果鐘意食辣同海鮮牛柳粒肉醬炒意大利闊條麵配蒜香忌廉好味道.5朋友就覺得呢個意粉係全餐最好味！佢覺得個蒜香忌廉同闊條麵好襯，佢本身好鐘意肉醬，所以覺得餐廳煮得唔錯，簡單但夠味我個人黎講就覺得還好，因為上一個意粉實在太岩我口味焗香脆蘋果金寶配糖漬蒜伴自家製雲呢拿雪糕好味道.5最後嗌個甜品做結尾，可能我同朋友仔都麻麻地個糖漬蒜頭，覺得蒜味加甜味好似有少少唔識點形容不過蘋果金寶同雪糕都好好

一向喜歡吃蒜我，來到九龍塘怎可以不試Mad for Garlic。這兒環境幽雅，人流不算太多，聊天聚會也舒服。前菜是特色蒜蓉包塔，服務員將特色炸蒜蓉塞進包内，包內在切開四件，服務貼心周到。茉莉花綠茶很香，侍應送上保溫壺，可以自己倒茶，有大約三杯的份量。蒜香忌廉汁蟹肉及龍蝦肉意粉，蟹味龍蝦味濃郁，蒜香忌廉汁跟海鮮很搭，意粉幼細，軟硬適中，沾上濃厚忌廉汁吃下去有很滿足的感覺！招牌肉眼扒配蒜頭山，咸度稍有失手，但是肉質軟䭃，整體還不錯。

適逢九龍塘又一城商場重開，帶朋友來逛一逛，經過餐廳Mad for Garlic，裝潢英式帶歌德風，與蒜主題相配，就來嚐一嚐。香脆魷魚圈炸得稍為乾身，配上香濃蒜香蛋黃醬，口感細滑，份量不少，作為餐前小吃不錯。前菜脆豬腩仔肥瘦適中，作為前菜不會太油膩，配上微辣蒜汁， 十分惹味，建議可以連配菜火箭菜一起吃，味道更可口。初嚐Mosato Giallo微甜白酒，帶點荔枝、柚子花香，容易入口，配蒜味菜式最適合不過了。熱板烤招牌美國肉眼扒配蒜頭山不容小覷，厚切肉眼把肉汁鎖住，連蒜吃能吃出正宗味道，洋蔥及菇吸收了肉汁精華，回味無窮。柚子芝士餅感覺新奇，以杯盛上，餐後小口品嚐，柚子味能蓋過蒜味，帶來清香。

Its not my first time to visit this restaurant and I cant tell you how much I love the garlic taste!!  Garlic is strong enough for that little excitement but not strong enough to make garlic breath. What an perfect balance.Like all combo, it starts with soup. It was nice tomato soup.And finally the snow flake pizza. Omg this is insanely good. The crust is so thin and so good. The some garlic and cheese on top. Serves with honey.... Yum! I like the cake but It doesnt taste like garlic at all.

自己本身唔太喜好食蒜頭，不過聽講呢間韓國餐廳都幾出名，去開又一城就試試佢啦！我哋兩個人叫咗四款食物:蒜頭番茄白酒汁炒八爪魚及蜆$108- 分量細細碗，雖然賣相唔太吸引，但係食落蕃茄汁酸酸地好開胃，蒜味唔太重，八爪魚口感彈牙。蝦、菠蘿、炸蒜片MFG招牌意大利薄餅$138- 薄餅幾特別，炸蒜片同其他材料嘅化學作用做得唔錯，帶出蒜頭嘅香味，不過略嫌菠蘿同蝦嘅份量比較少。蒜香帶子香草忌廉波菜麵$168- 蒜頭喺呢道菜嘅成份相對較多，帶子煎得香脆，本身都新鮮所以食落幾甜，建議加埋蒜片一齊食。賣相幾好。DIY提拉米蘇配意大利手指餅及咖啡甜酒$68- 唔知點解明明啲材料都係一樣，只不過額外加咗啲蒜頭粒，但係所有食材加埋又唔似食緊提拉米蘇，感覺有啲新奇有趣。

呢間來自韓國嘅過江龍餐廳，從佢嘅食物完全感受唔到佢同韓國嘅關係😂但一如其名，的確（我叫嘅）每道菜式，包括甜品，都加左蒜頭，係新奇嘅！連燈都係蒜頭🧄MFG特製蒜泥麵包塔上菜時待應會特地俾你影相，因為之後佢會將佢分解成份方便食用。食落好濃蒜蓉感，濃到帶點辛辣，麵包十分鬆脆，但淨食有啲dry，配湯可能會好啲。蝦、菠蘿、炸蒜片意大利薄餅見好多人推介就叫黎試試，係普通一個蒜頭+蒜片+芝士+菠蘿+蝦仁pizza😂都好食嘅都冇咩驚喜蒜香忌廉汁蟹肉及龍蝦肉意粉個汁幾creamy，好多蟹肉/龍蝦肉😋龍蝦肉都唔算細粒同彈牙，但整體有啲膩自家蒜頭雜莓奶凍去Storellet 做會員有奶凍做迎新禮物😛奶凍幾滑但偏甜整體食物中規中矩，唔算好好食但都值得一試嘅。神奇嘅係，就算佢每道菜式都加蒜頭，食落又唔會「一咬蒜臭味就炸開」嘅感覺，處理得唔錯。環境同服務都唔錯，收碟fill水算快，收哂主菜碟好快就上甜品，成個用餐經驗嚟講都幾滿意！7/10

很高興九龍塘又一城商場重開，約會家人到商場辦點兒年貨，順道在「Mad for Garlic」用膳。先來特色餐前小食，MFG特色蒜蓉包塔，蒜蓉包塔由女侍應為我們切開，只見她刀法俐落，將每件切開的蒜蓉包上的香蒜蓉都佈滿均勻，蒜蓉包塔除了外型獨特，包香脆、蒜蓉可口，沒有過量牛油也沒有油膩感！再來一客香脆魷魚圈配蒜香蛋黃醬，魷魚肉質比較結實，被薄薄的脆醬包裹著，和乾爽的火箭菜、金蒜片一起品嘗，別有風味。主菜之一是烤澳洲牛柳伴牛油餡角配蒜香忌廉汁及墨西哥辣椒醬，烤牛柳肉味濃郁，肉質鬆軟可口，我用牛油餡角佐熱的蒜香忌廉汁十分美味，嘗試少許墨西哥辣椒醬，不算太辣，整個烤蒜頭很綿糯帶微甜。另一款主菜是大蝦蒜蓉韓式炒牛油飯，啖啖肉的彈牙爽甜大蝦，吃得滋味無窮，韓式炒牛油飯，粒粒飯都很清香乾爽不油膩，很滿意！我們分享蒜頭香蕉朱古力醬薄餅配自家製雲呢嗱雪糕 ，薄餅上舖滿朱古力醬和蒜片、香蕉片，很有新鮮感的甜薄餅！今個晚餐由小食、主菜到甜品都離不開蒜頭、蒜蓉、金蒜片，的確是一個很新的體驗，飽餐後，沒有嚇人的口氣，如果有此擔心，可以櫃台上自取薄荷糖咀嚼。結帳時候，侍應送上利是一封，打開一看，原來是下次堂食薄餅半

從電視上看到九龍塘的又一城商場重開，今天下午便來到逛逛，看到Mad for Garlic ，順便吃個下午茶。蒜香牛油龍蝦法式濃湯扁意粉$238，龍蝦肉質鮮嫩彈牙，扁意粉帶點嚼勁，配合濃郁美味的醬汁，味道更上一層樓。香脆蘋果金寶配糖漬蒜伴雲呢嗱雪糕$78，鬆脆的金寶混合了香脆的蘋果，加上雲呢嗱雪糕，就更加甜美。值得一提，這個甜品的特色是用熱鍋盛著，與雪糕的凍，一冷一熱，形成了強烈的對比。跟餐Iced latte，奶味香濃，不需要加糖，已經十分滋味。自家製雲呢拿雪糕配糖漬蒜及藍莓醬$68，雲呢拿雪糕，甜度適中，混合漬蒜及藍莓醬 ，可以平衡雪糕的甜味。跟餐 Iced cappuccino ，加點糖漿，可以提升咖啡的香味，是個不錯的咖啡。

次次到mad for garlic 都會點招牌蒜片墨西哥辣椒銀雪魚炒意粉因為我真係超愛蒜片☺️ 唔好見佢個樣唔太辣咁 其實食落去都幾辣到噴火 我都灌咗唔少水覺食得哂 如果你係無辣不歡既人士 咁呢個意粉都幾岩你 不過呢個意粉冇咩其他配料 未免有點dry 純粹個辣道對我幾有挑戰性 同埋 個蒜片唔會帶有苦味 所以仲會encore xd 另外仲點了呢個pizza, topping 有雞肉 火箭菜 及辣燒烤醬 個火箭菜好清新 有點薄荷味但唔會太重味 正好跟辣味互相衝擊 相輔相成 唔錯！

顧名思義 mad for garlic 就梗係咩都有 garlic 你食架啦。睇睇個Menu先，其實除咗佢所有菜式都會有各式各樣嘅蒜頭之外，佢同一般西餐廳一樣，都會有各式各樣嘅starter, pasta, pizza, rice 同 steak 。仲有一d主打海鮮的菜色，蟹肉龍蝦意粉，香煎帶子，海鮮pizza，西班牙海鮮飯等等。其實都算係fusion菜。咁我哋就叫咗 Ragu steak Fettucine，Garlic steak，Stir fried triple mushrrom。個牛真係入口即溶好正再加埋蒜頭山真係不得了。另外個海鮮飯係其實就係飯粒咁嘅pasta嚟嘅，又有蝦又有青口，食得出仲係用高湯煮添。其實唔好諗話叫多幾個餸啊，佢嗰啲份量其實都幾多。反而可以諗下會唔會都食佢嗰啲那些好似都幾抵架，有頭盆有湯有main dish再加甜品添!鍾意食蒜頭嘅你唔使諗啦一於過嚟食啦。

鍾意食蒜蓉嘅朋友不妨去試吓！主打用唔同既蒜頭去製作菜式，果然同佢鋪頭嘅名十分好夾！我哋三個人總共叫咗三個餸包括有店內嘅重量級推介牛扒，青口配法包，同埋意粉。牛扒方面唔會好硬亦都有肉汁，而且亦都有好多炸蒜喺上面，認真唔錯。而我自己特別鍾意佢個青口配法包，白汁味道好濃，配埋法包就岩岩好。總括嚟講三道餸嘅味道都唔錯，份量適中，整體而言就偏濃味少少！但個人來講呢就唔係特別鍾意食個tiramisu ，味道一般。如果唔想食九龍塘嘅Food Court，又想近近地睇戲之前食嘢呢間餐廳都係唔錯嘅選擇，員工嘅服務態度亦都幾好。

呢間野用蒜蓉你做飲食嘅題材，但係佢捉到鹿就唔識脫覺，成間餐廳竟然一啲蒜蓉嘅香味都聞到，失敗我哋叫咗個蒜蓉塔嘅麵包但係竟然啲蒜蓉一啲都冇處理過正常我覺得最少都要焗下佢或者用油爆香佢咁少有蒜蓉嘅香味，佢剩係得一陣生蒜嘅辣味一啲都唔好食呢個意粉入邊一啲味都冇，唔講都唔知原來係用茄汁你煮嘅，上面嗰層忌廉好似水一樣，又係一啲味都冇嘅，非常失望，莫講話一啲蒜蓉味呢個Pizza可以話係算係最好食嗰樣嘢，我未基本上同喺超市買返嚟嗰啲即焗pizza差唔多，但起碼叫做有啲味道基本上成餐飯都冇食過嘢最後要轉場食其他嘢