Made in HK Restaurant (已結業)

朗豪坊內有間Made in HK既餐廳，平時經過都見到有唔少人食。完全係比佢地既酥皮湯吸引，一放工就決定黎食晚餐。甘筍湯 （轉酥皮湯+$20）一向好鍾意飲酥皮湯，見到當然要叫！平時跟既餐湯加$20就可轉酥皮湯！酥皮湯送上黎時飄來陣陣牛油香🤤 個賣相都幾靚仔！食落果然唔錯、塊酥皮好鬆化又充滿牛油香，而甘筍忌廉湯都唔錯。金沙黃金薯條 $58口痕叫左款鹹蛋黃小食，食落鹹蛋黃香係有既，不過略嫌薯條唔夠乾身，食落比較腍。焗鴛鴦炒飯 $128鴛鴦分別係肉醬牛柳同比較少食到既魚肉梅菜香檳忌廉汁既焗飯！佢地既焗飯焗得幾好，夠熱炒飯夠乾身，我主打食梅菜個款，食落真係個個味道架，好似中式味道由西式方法呈現，好特別！味道都唔錯架安格斯肉眼扒 $248鐵板餐仲會跟一份焗薯😍 肉眼扒要左三成熟，用鐵板上食個時大約五成，食落肉質唔會覺韌，肉味仲幾重添，淋上黑松露野菌汁，不錯吃。

今日去完朗豪坊睇完戲之後, 一出去就有餐廳呀, 食個晚飯先 呢間餐廳就有好多香港獨有嘅美食, 例如係鐵板雜扒餐, 鴛鴦焗飯, 西多士, 紅豆冰呀, 有豐富濃厚既香港嘅情懷我就點選咗鐵板牛柳絲炒意粉, 另外我朋友就食咗個鴛鴦焗炒飯我哋share一齊食, 分量都幾大, 都算抵食鴛鴦炒飯, 有魚肉忌廉汁啦, 好香濃忌廉汁, 好鬼邪惡, 另外再有肉醬牛柳, 肉醬牛柳有咬口, 炒飯吸收咗醬汁嘅香味, 十分滋味而炒牛柳意粉係我嘅最愛, 因為用鐵板 , keep住個溫度之餘, 意粉炒得爽身, 又Q彈, 香口, 不錯不錯

來到旺角朗豪坊行街，買完嘢就去咗呢到醫肚，環境都幾舒適，這間餐廳以香港情懷特式本土味道先點了這個小食併盤，有多款香口小食入面有有炸魷魚圈炸得夠薄脆香口雞翼，香脆薯條，德國肉腸鹹香味適中而蒜香牛柳粒很嫩帶少少咬口，整體好豐富又食得滿足而南瓜湯好清香，口味都不錯澳洲穀飼肉眼扒用鐵板上，好有舊香港情懷，牛扒都幾嫩滑惹味牛味香濃又有鐵板的獲氣，仲有烤焗薯仔及蔬菜伴邊最後叫了杯熱英式奶茶，茶香奶滑好有港式味道

有日去朗豪坊睇完戲, 一出去經過呢間餐廳寫住Made in HK, 原來係高級港式餐廳所以走入去試下 。呢間餐廳主要係食港式餐廳風味,Menu主要係港式小食,焗飯意粉同鐵板扒餐。我哋叫咗南乳炸雞翼,酥皮海鮮湯, 一個鐵板澳洲肉眼牛扒拼春雞餐同一個鐵板精選雜扒餐 。首先以環境來講餐廳環境唔錯, 座位寬闊又舒適, 食物中等價錢而且食物質素非常唔錯, 雞翼香脆可囗, 酥皮囗感好湯係熱騰騰, 鐵板肉質吾錯又大份而且又係大型商場入面, 我覺得係非常相宜。下次去朗豪坊商場行街同睇戲又想食港式食物我會再encore要試吉列流心奶黃西多士

呢間港式西餐廳，食過佢觀塘店，估唔到係戲院隔離開左旺角店，裝修風格大致相同，就一於係到開餐啦!餐牌上提供小食/沙律/飯/意粉/扒類/甜品等，價錢大眾化，食完仲可以落番4樓到入朗豪會員積分叫鐵板鋸扒/意粉/飯及主菜，另加$30就可以有餐湯/精選沙律及咖啡或茶，咁嘅價錢，好難唔加錢囉，單叫杯凍飲都要廿蚊啦!今晚餐湯係南瓜湯，清甜南瓜味道，唔係淡而無味，若然有多片脆多士伴食就好啦!而另一客係沙律，出品令人有D 驚喜，沙律菜上除左有粟米及粟米芯粒，仲有藜麥，淋上開胃沙律汁，好味喎!未上主菜前，先食下小食，鷄翼從來都係小食榜頭三位，呢客南乳炸鷄翼 ($58)，底層有沙律菜，上面擺滿炸香鷄翼每隻鷄翼都幾飽滿，外層炸至香脆，肉嫩唔乾，但南乳味偏淡，偏向似普通炸鷄翼食緊最後一隻鷄翼時，侍應送上呢客鐵板瑞士汁和牛粒意粉 ($138)，哇.......估唔到份量都幾大!  除左和牛粒，仲有洋蔥，甜椒及菇粒一齊炒，再灑上芝麻，增加香味!和牛粒入口鬆軟，好味; 而意粉就幾有口感，兩者一齊食有兩種唔同口感!見到枱上有呢客火焰鐵板豬手 ($238)嘅宣傳牌，應該係重點菜式，幾吸引咁喎!  侍應放底後就淋上燒著嘅酒

今日夜晚接近九點黎光顧 同朋友三個 都要等陣先有得入座 可見都幾受歡迎 餐廳嘅氣氛唔好 光線好暖和 坐位幾舒服晚市光顧加30蚊就有餐湯/沙津 同野飲 平時一杯野飲都廿幾蚊 所以俾多兩蚊冇叫餐湯 反而叫左沙津 不過不失 面頭有兩塊煙魚 腐乳炸雞翼 味道普通 腐乳味唔重 不過夠脆蒜香炒意粉 味道好好 紅椒搭配菇菌一齊炒 非常滿足😆😆最後一樣係板燒雜扒（牛要左五成熟，豬同雞）搭配黑椒汁 味道非常夾 牛嘅肉質好不過缺點多根 影響口感 另外雞過熟 質地過硬

到朗豪坊看電影，出來後已經很肚餓，就到最近的餐廳用餐. 由於已是下午時二時多，午市繁忙時段已過，客人不多，感覺寧靜舒適~ 午市套餐共有6款，定價由$78-$113，奉送餐湯/ 沙律、甜品及 $28以內飲品，也可補差額轉特飲. 羅宋湯 跟餐的羅宋湯熱度稍欠，但有不少蔬菜，唯獨味道偏淡，不夠濃味. 香煎海鱸魚柳意粉配蕃茄醬 ($93) 超大碟的海鱸魚柳意粉顏色繽紛，份量十足，很抵食. 兩大塊煎得香脆的魚柳，魚皮香脆、魚肉嫩滑，配以酸甜開胃的蕃茄醬意粉，令人食欲大增，而且意粉相當有嚼勁，這碟意粉的水準令我很驚喜!! 鐵板夏威夷豬扒 ($103) 鐵板餐的豬扒有2大件，肉質都幾軟身亦沒有over cook，配菜有西蘭花、翠玉瓜及香甜多汁的菠蘿，再配以有咬口的意粉，午餐都可以吃到鐵板餐很滿足~ 草莓熱情梳打 ($48)/ 紅莓伯爵茶 ($48) (跟餐特飲補差價 $28) 草莓熱情梳打夠氣又酸酸甜甜，口味幾好; 後者帶有淡淡的伯爵茶味，喜歡喝茶的應該會喜歡. 跟餐甜品 一小件Tiramisu, 蛋糕都幾濕潤富咖啡香. 法式焦糖燉蛋配意大利雪糕 ($58) 燉蛋的脆糖片薄薄一層，配以

係朗豪坊逛完，甘岩聽到讓人懷念既金曲，就比佢吸引住。【吉列豬扒青蘋果焗飯】$118豬扒炸得好乾爽又脆口，肉質厚實，豐富既蕃茄汁酸酸甜甜，加埋青蘋果既清新，仲有淡淡芝士香。【威靈頓牛柳伴松露蘑菇汁】$188酥皮包住牛柳一齊去烤焗，好酥脆，不過切開有蘑菇肉汁溢出黎濕潤哂啲酥皮，牛柳應該得五成熟，幾柔軟。【南乳炸雞翼】$58/5隻雞翼大小中規中矩，淡淡南乳味，外皮炸得有啲過火，但係內裡幾juicy又吾會老。

之前在觀塘試過這間餐廳，感覺不錯，雖然主打港式西餐扒餐和意粉，但混合不同風格變成別樹一格的fusion菜，挺有創意的。今天走到朗豪坊才發現原來開了分店，一直都不為意；便決定今晚晚餐就在此解決吧。最近吃得太多肉食，點了一份煙三文魚凱撒沙律中和下。沙律份量很多，撒上海量芝士粉，因為沙律菜沒有很多沙律醬作調味，所以味道剛剛好。煙三文很燻香，魚油甘香。點了一份羊架，一份有三隻，雖然職員沒有詢問熟成度，但感覺像七至八成熟，剛剛好，肉質很嫩，肉汁豐富。沒試過這家的威靈頓牛柳，便點了份試試。酥皮做到鬆脆口感，配上嫩滑多汁的牛肉；裡面還有很多蘑菇作配料，口感非常豐富。青瓜薄荷味道新鮮可口，甜度適中，為西餐的膩感作調和，剛剛好。

今天約了朋友到旺角聚舊，即興下便一致贊同去看電影，走出戲院沒多久就聞到很香的鐵板牛味，原來是這間Made in HK Restaurant傳出來的，我們忍不著要去填填肚子了。餐廳環境蠻舒適的，位與位之間有一定的空間，非常寬敞自在。裝修格局有點像café的，用白色的主調，令人有種放心舒暢的感覺。以西餐來算，這家食物款式不算太多，但每款都很吸引。我點了一份美國安格斯肉眼扒拼燒法國春雞，肉眼要medium rare，肉質非常軟稔，而且重牛香味，配上黑松露汁醬，味道更濃郁。燒春雞的份量不少，有半隻為一份，雞肉入味，皮脆肉嫩。另上有焗薯作配料，一個人吃的話真係非常滿足的。朋友點了威靈頓牛柳配意粉，用酥皮包著牛柳去焗成。酥皮香脆重香油香，牛柳亦不會焗得過老，但是肉質有點難咬；加上黑松露醬汁，味道很搭配。這餐非常滿足，員工服務態度亦友善，吃完剛剛好時間去看電影，如果看電影的你們也可以選擇這間餐廳喔！

餐廳正正喺戲院門口,坐去戲院部lift直達, 下次睇完戲食呢間最方便,lunch menu有鐵板,有意粉, 樣樣都想食, 餐湯有羅宋湯,蘑菇湯,or沙律, 甜品tiramisu,餐廳乾淨整理, 坐位舒服, 安靜傾計無問題,店員快手,一坐低即刻有水, 有MENU, 值得讚~我揀左蘑菇湯, 香濃, 熱爐魚蕃茄意粉好大碟, 蕃茄味酸酸地, 多汁, 爐魚煎得香脆, 魚大份, 肉質柔軟,意粉夠熱, 好味道~甜品係tiramisu唔係好甜, 岩哂香港人口味, 好似無咁肥,

係朗豪坊整完野成四點幾未食lunch，揾野食期間見到依間餐廳，感覺幾好坐又有下午茶，無諗太多就入左去。餐廳其實食港式茶記野，但裝修餐牌等就走西餐廳風格。價錢都係西餐價😂下午茶依個價其實幾貴，不過入左黎就算啦🙈反正都係貴，兩個人決定叫個港味三層下午茶，試多幾款。落單後等左十分鐘左右，上菜。賣相都唔錯既。由最底開始逐層講下。最底層係夏威夷薄餅、迷你熱狗。迷你熱狗幾好食，麵包軟熟、搽左牛油好香，加埋脆皮腸同滿滿既醬，正😋😋夏威夷薄餅其實係法包底，但就略嫌硬左啲。中間果層有炸雞翼、叉燒酥同肉醬焗薯皮。雞翼可能我地擺得耐左先食，食既時候稍涼。其餘兩款都不過不失啦。頂層就到我期待既甜品喇🥳有玉桂多士，紅豆椰汁糕同咖啡慕絲（？）個慕絲其實我地唔確定係咖啡味定鴛鴦味，因為店員無同我地講轉左，原先應該係焦糖燉蛋，但食落先知唔係。肉桂多士幾特別，係西多加肉桂既fusion，食落都幾夾！紅豆椰汁糕上層係紅豆，下面就係清甜椰汁糕，好似紅豆冰既固體版咁，不錯飲品就係普通奶茶檸茶果啲其實餐廳既整體食物都不錯，環境都舒適，但以食類近茶餐廳既食物來講價錢小貴，抵唔抵就見人見智喇🤣

Ordered a Wellington beef and a crab meat spaghetti and they were both very good! The beef‘s super juicy and tender and the gravy‘s tasty. I also liked the garlicky spaghetti though it’s not particularly special. The fries were also very crunchy and savoury. I absolutely loved them!However there’s room for improvement in terms of their service. The waiters were friendly and fast but they kept on asking if we needed water... Kinda annoying you know... 😅

一早黎朗豪坊睇早場，睇完就梗係要食番個brunch ，e吓個肚仔先再去濕平掃貨😆Made in HK 就係正戲院門口，餐廳環境怖置充滿香港情懷，每次經過都見有唔少人「幫趁」既。 一睇餐牌都有唔少選擇，雖然都係焗飯、鐵板餐個d ，但其實你見佢有少少fusion 味道既，好似「青蘋果焗豬扒飯」咁🍏🥩本身諗住揀焗飯既，最後都係忍唔住口揀左鐵板餐，好邪惡呀！🤣一睇到相你就知點解我會話好邪惡啦😎 因為佢真係超大份，一個男仔食應該都搞得掂，如果女仔就可能share 食會冇咁膩😚今次我叫左燒汁，哩到仲有黑松露汁俾你揀添，但友人麻麻地黑松露陣味就冇揀啦。哩個大蝦配魚柳鐵板餐真係份量十足，魚柳香脆肉滑，大蝦仲開邊燒唔會太老。大推大推❤️

同朋友行朗豪坊，經過見到呢間餐廳個名幾得意，就入去試試。以為係有d玩味既餐廳，原來係一間品味西餐廳。我地叫左一份蕃茄吉豬飯同一份rib。蕃茄吉豬飯 - 好味! 熱鍋上令到個炒飯底夠熱。吉豬炸得靚，又啖啖肉😋😋😋Rib - 燒得幾靚，幾香口。我反而欣賞d薯條，啖啖薯仔好正😋😋😋總括黎講，野食okay, 環境okay, 價錢合理。