Made in HK Restaurant (已結業)

平時都好少嚟apm行街， 諗住出嚟搵下睇下有乜嘢好食呀順便睇戲， 經過呢間好似裝修得好靚所以入去嘆個 tea ， 眼見真係full曬位 同女朋友 叫咗兩樣嘢一個係雞翼撈公仔麵 另一個係黑松露炒蛋burger仲有一個西多士其實我覺得真係唔好食，連一個簡單嘅撈雞翼叮都唔好食， 嚟到嘅時候個包公仔麵嘅 味精粉叫我哋自己撈落去 ， 係味精粉 唔知係咪佢嘅特色就係自己要將個味精粉撈落個公仔麵度個 burger 正正常常ok冇乜特別個多士 真係唔好食以上都係純粹個人意見

三月是我的生日月，姊妹一早約我食生日飯，原本我們是到駱駝漆工廈吃泰國菜的， 但因為太多人又限時， 所以我們臨時轉地點到APM的Made in HK Restaurant。 大約等位需時10分鐘， 一入到店內我們點了帶子蟹籽沙律配和風芝麻汁$68，法式焗田螺$68，肉眼扒鐵板餐$198，蒜香蟹肉意粉$98，熱檸蜜$28。跟餐的餐湯和餐包 ～ 餐包熱辣辣的， 餐湯味道普通。帶子蟹籽沙律配和風芝麻汁 ～ 新鮮的沙律菜好清新，鮮甜的帶子蟹籽，配芝麻汁好開胃。肉眼扒鐵板餐 ～ 跟餐湯和餐包還有一杯飲品， 凍飲加三蚊。 我們點了五成熟，烹調的時間剛剛好肉質鮮嫩， 鎖住香濃的肉汁， 相當美味！ 配菜還有焗薯仔，份量十足。蒜香蟹肉意粉 ～ 意粉煙韌， 除了有香濃的蒜香味和蟹肉的鮮甜味，還有雜菇，三色椒等配菜， 令到這碟意粉色香味俱全。法式焗田螺 ～ 每次見到一定會點的菜色， 因為而家已經好少餐廳做這個菜。 大大粒的焗田螺，還有牛油味濃郁的薯蓉， 真是有香港餐廳的風味。這一間餐廳我經常會到的，是一間性價比高的餐廳，所以值得推介！

又到左星期日夜晚，者係意味住第二朝又要早起身返工。。。所以決定食好d鼓勵下自己，叫自己努力工作！！係觀塘見到有餐廳可以食威靈頓牛柳，於是即刻入咗去食先有餐湯牛肝菌忌廉湯，一嚟到嘅時候已經好重牛肝菌味，見到上面仲有啲香草，飲落去嘅時候更加香，個湯一啲都唔稀，飲完成個人都暖晒之後到主角牛柳出場，比預期中細份，切開之後有濃烈既牛肉味漂出嚟，食落層次都幾豐富，因為外層有酥皮之外，裡面仲有一層蘑菇溶再包住牛肉。另外薯條都炸得相當唔錯，脆得黎唔太多油

最近趁假期同屋企人去行吓商場，嚟到APM食好西，屋企人鍾意食傳統港式菜式，我就鍾意食快餐，今日行行吓竟然見到一間港西fushion餐廳，就決定入去食返餐😎餐廳裝修會特別有心思，富有唐樓特色既室內佈置，又有西餐廳叫情調，難怪門外有咁多人排隊。聽聞呢度嘅扒類質素甚高，所以特別點左兩件威靈頓肉扒，三文魚同牛肉各一，同時提供兩款威靈頓肉扒嘅餐廳少見，似乎係拿手菜式喎。一上枱，酥皮的牛油香氣撲鼻來，加埋精緻嘅賣相，真係令人流晒口水。個人最怕酥皮菜式太油膩，點知一切開見到酥皮不但夠薄夠脆，而且牛油香味點到即止，廚師喺調較粉漿同烹調時間方便明顯有落過功夫。三文魚肉質夠嫩，因為有酥皮包圍着，成功鎖住肉汁，令到魚嘅鮮味好好保存係中間，調味簡簡單單就已經食到魚肉嘅真味道，配埋忌廉习草醬汁，整體配搭甚佳。雖然個人鍾意三文魚多啲，但威靈頓牛肉也不錯，雖然店員冇問我地想要幾成熟，但上枱見到牛肉中間仍然呈粉紅，咬落都幾軟熟，亦都幾juicy。威靈頓扒餐配送蒜蓉意粉，意粉質地彈牙，食完成個餐包你夠飽。最後以一個細細地嘅意大利芝士蛋糕作結，貴少少但係都有質素嘅，蛋糕質地濕潤，口感鬆軟，滲透咖啡香味，不妨一試。

今次同MY BOSS 一齊黎到觀塘終於一試 Made in HK Restaurant叫左一個鐵板Dinner Set A龍蝦及肉眼扒 ($258)龍蝦味道鮮甜 肉質爽彈肉眼扒肉質半熟Juicy 不破壞原有肉質質感、味道另外叫左個焗紙包蒜香香草白酒蜆意粉 ($108)蒜香和白酒味道 一食已籠絡我的胃🤤最後要左個火焰雪山 ($68)雪山外熱內凍 十分特別😳_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日放工約左個好耐冇見既朋友係觀塘APM食飯, 之前經過見到呢間餐廳既裝修格調都幾靚, 餐牌都好精美, 價錢合理, 所以就BOOK左星期五晚7點半去試下。可能星期五又放工時間都有人等位, 所以BOOK左位真係好輕鬆, 一去到就可以入去, 唔使等, 而且冇同我地講限時之類, 感覺很好。入去坐低睇左次MENU, 覺得DINNER SET係最抵, 而家佢好似MAIN MENU入面既MAIN都會出現係DINNER SET度, 唔會冇咩選擇!! VERY GOOD!!我地叫左2個SET SHARE食, 一份係T骨扒(黑椒汁), 另外佢仲配有焗薯同埋雜菜, 另外一份係大蝦扁意粉。DDINNER SET都可以揀湯或者沙律, 跟住仲有一杯FREE既COFFEE/紅茶，或者再加錢轉其他飲品, 我地好HEA咁揀左凍&熱紅茶就算。野食好快送到, 先黎餐湯, 係黑松露忌廉湯!! YUMMY!! 黑松露勁香, 湯又夠熱, 滑滑的, 很不錯!!!跟住主食都黎啦, 意粉勁大碟!!意料之外, 因為發覺而家好多西餐廳/CAFE都係百幾蚊一個意粉, 但碟大意粉小, 但佢呢個真係好大碟, 份量十足!!而味道很好!!!大蝦夠

我係新界人真係非常難得去觀塘😆次次都覺得好似大長征咁，不過今次比我發現有紅van返屋企附近🚗好開心！以後去觀塘就快好多啦😍-今次揀左間係apm入面，睇落幾好情調既餐廳🥂睇真啲餐牌，原來係食港式西餐，價錢又唔貴，可以一試🙌🏻-🔹焗酥皮威靈頓牛柳($178)最近已經成日同男朋友講好耐無食威靈頓牛，好想食🐮點知呢度有得食，即刻就叫！☝🏻一上枱酥皮焗得好靚，金黃色仲有少少焦😻一切開牛柳未至於全熟，仲有少少紅紅地，酥皮裡面都有齊巴馬火腿同菇，啲菇都幾大粒下🤣▫️晚餐跟餐有湯同飲品👍🏻-🔹焗紙包蒜香草白酒蜆意粉($108)上枱後店員先會幫我地用刀🔪𠝹開外層張紙同內層錫紙，之後啲蒜香湧出黎勁香😍呢個係意想不到咁好食，絕對係必食！雖然好似簡簡單單只有蜆同洋蔥，但個調味食落好ok😋-我自己叫左一杯mocktail🍸係我至愛既青瓜薄荷青檸，賣相味道都不錯👍🏻

24/2/2019 @觀塘made in hk初次見佢個名叫made in Hong kong以為係食廣東菜，行到去先知原來係西餐廳 見晚餐餐牌都幾吸引，於是就入咗去試下。晚餐有餐湯/沙律+主菜+餐飲今日嘅是日餐湯係牛肝菌忌廉濃湯， 個湯夠熱，牛肝菌味好重，忌廉湯唔會太"杰"或者太"稀"，飲落好滑，飲完成個人暖笠笠餐包好鬆軟亦都好夠熱，牛油一搽落去就溶曬男朋友食威靈頓牛柳$178， 一開始睇落牛柳覺得好細嚿，但係食落都好飽，威靈頓牛柳個酥皮非常之香！好重牛油味， 我哋都覺得個包嘅香味有少少蓋過咗牛柳嘅味道。 薯條香脆， 但係放耐左變得好硬。我就要咗個龍蝦汁大蝦闊條麵$128， 闊條麵吸曬龍蝦汁嘅味道非常入味， 大蝦煎得好香而且剪開咗啲殼，起肉非常之容易， 整個闊條麵都比龍蝦汁同香蒜味包圍住， 個人覺得非常好食

新年就係要同屋企人日日見面，爭取時間彼此陪伴，細妹鍾意食西餐，父母就鍾意食傳統港式嘢食，所以聽講APM有間fusion，就一齊嚟食餐午飯。先來一個沙律，腐乳同薯仔竟然可以一同存在，咩都係意想不到地夾，腐嘅黃豆香同蛋黃醬有種奇妙的化學作用，令到薯仔味道好豐富，配菜亦都好新鮮，不過腐乳突出啲就更加好啦。烤羊架真係無得輸，睇見個賣相已經流晒口水，非常厚身嘅羊肉上面鋪想一層脆蒜蓉粒，燒烤味道撲鼻而來。店員冇問我地要幾成熟，開頭有啲擔心會過熟，但一刀切落去，就知道肉質有幾軟熟，切開裏面呈粉紅色，肉汁流晒出嚟，可見烹調時間十分準確，羊肉亦都好新鮮，肉味好出，真係物有所值。雖然薯條係配菜，但一啲都唔馬虎，講真好食過平時快餐店嘅薯條好多，新鮮炸好，呈現金黃色，裏面嘅薯仔亦都好軟熟。新年流流，梗係要食下啲香口嘅甜品，平時喺茶餐廳食嘅西多喺呢間餐廳以全新面貌示人，一切開就見到大量紫薯流心，真係將傳統港式味道提升到另一個層次，值得留意嘅西多外面特別鋪想一層麵包糠，令到外層更加脆口！最後不得不提這一道有驚喜的甜品，唔好睇個樣普普通通，一切開個心太軟，竟然有傳統嘅奶醬多餡料流出，味道好豐富，熱辣辣嘅心太軟真係好

一向都最不喜歡在情人節正日慶祝，出去食飯又貴又多人又要食Set。所以今日放工就選擇左在APM的港式靚餐廳Make in HK。慶祝情人節當然吾小得食牛扒啦。所以我地兩個人就點了兩個主食。第一樣點左啱我地一對鴛鴦嘅焗鴛鴦炒飯。另外再點左一個應節的鐵板牛扒晚餐。當然慶祝要食好D，就點了龍蝦加肉眼扒餐。餐含沙拉／餐湯再加飲品。享受食物前，先可以享用這餐廳環境，燈光不錯的環境外也不是把桌擠滿的餐廳，這也是我選擇這餐廳的其一原因，另外今次還安排了我們坐窗邊位，環境再加分。第一道到的是焗鴛鴦炒飯，一半是肉醬牛柳粒飯，配上另一半是魚肉梅菜香檳忌廉汁炒飯，這樣的鴛鴦炒飯真係未試過，加上香濃焗芝士，真係男女都啱食，而且牛柳粒和魚柳的份量十足，每一啖都可享受到肉和飯。比例可說是剛剛好。吃完第一道菜後，第了一會就是今天的主打，龍蝦肉眼扒配上我們最愛的黑椒汁，龍蝦雖然不是很大隻，但兩人也可享受到兩三啖鮮甜的龍蝦肉。所謂貴精不貴多，因為肉質和味道真的都好好。而且如果太多，就吃不下比男生手掌大的肉眼扒。我們要的是五成熟，可看到廚師的功夫不錯，説五成真的給到我們五成（很多餐廳常過生或過熟)。肉質可達澳洲穀飼和牛質素

APM商場都幾多食物選擇，成日經過都冇機會試呢間，今晚就同三個朋友一齊食晚飯，試吓呢一間港式西餐廳，真正Made in HK話明係西餐廳，食物當然以西餐為主，例如晚餐套餐方面，主打有鐵板，當中都有多款唔同嘅鐵板選擇，除咗鐵板，亦有其他特色嘅粉麵飯㗎晚市套餐會包括餐湯或沙律，以及餐包小食拼盤，當中包括炸魷魚圈，雞翼，薯條，德國肉腸，同埋蒜香牛柳粒，作為餐前小食，同同枱嘅朋友分享，都唔錯鐵板龍蝦及肉眼扒，呢個我認為係鐵板當中最吸引嘅，大大隻既龍蝦上面鋪滿左芝士，芝士都經過輕輕一焗，面頭呈金黃色，雖然龍蝦嘅肉唔算多，不過味道就真係唔錯肉眼扒嘅肉質就夠林，大大塊，所以都幾有口感，絕對啱晒鍾意食牛及食肉嘅朋友吉列豬扒青蘋果焗飯呢個飯最特別之處，佢真係有啲青蘋果粒係入邊，雖然味道唔太強烈，但係食落嘅時候就幾有口感，如果以焗豬扒飯講，都確實係幾特別焗酥皮威靈頓牛柳伴薯菜，如果依照特別來講，我覺得就係邊個菜式，因為唔係好多地方都有呢個酥皮威靈頓牛柳食到，而且整體賣相都唔錯酥皮非常香脆，入面包住一大件威靈頓牛柳，肉汁豐富，肉質非常豐滿，整體食落口，外脆內軟，非常有口感，味道同樣都唔錯，確實幾有驚喜

次次黎apm 都未食過呢間餐廳，見唔使等就試下先。環境好大走簡約style, 坐起窗邊透出自然光都幾舒服。✨男友係個食肉獸，一黎就話要鋸扒，我就㨂左個意粉無咁heavy~~d 甜品都好吸引，見到都好想食✨草莓熱情梳打（$38): 顏色好靚， 淡淡既士多啤梨味好清新，鍾意佢味道唔會好甜，浸左汽水既士多啤梨肉甜得黎帶小小酸幾好味。✨香蒜蟹肉意粉（$98): 份量都幾多，呢個蒜味超香勁惹味，蟹肉都唔少。大啡菇切粒好juicy, 青紅黃椒都好爽甜。意粉有咬口，簡簡單單用蒜蓉同黑椒調味已經好好食。✨精選雜扒（$198): 有肉眼扒，豬扒，雞扒同德國肉腸，全部都大大件絕對啱晒食肉獸，我地㨂左黑松露野菌汁都唔錯。仲有勁多薯條鋪底，蔬菜就係超長既豆角，車厘茄超甜。✨肉眼叫左七成熟，開頭望落以為好韌，但食落都ok 牛味算幾濃。✨火焰雪山（$68): 個火焰唔算好勁xD, 面頭蛋白既酒香味好濃，我自己幾鍾意。下面鋪左蛋糕，蛋糕比較硬身，味道有d 似莎莉蛋糕。再下層就係雲呢嗱雪糕。因為個酒味都幾勁，所以整體味道唔會太甜，very nice~~~

今日同老公去觀塘apm行街街， 行完成個商場，時間已係晚上六點三十分，係時候醫肚，但觀塘apm食肆眾多， 有中西餐廳、泰菜館、拉麵店、pizza店等等，我兩口子正在苦惱之際，行經Made in HK Restaurant，見餐廳環境闊落及高格調之餘，當大部分餐廳用餐時間只有90分鐘，而這裡竟有120分鐘，這個實屬難能可貴，所以我倆也不作他想，就決定食呢間。服務殷勤嘅侍應安排我倆坐於窗口位置，這個正合老公心意，另外這裡也有室外座位，感覺寫意舒服，也是不錯嘅選擇。平時在茶餐廳既食物，這裡也有，但款式更多、更特別、更精緻，例如流心西多士、 焗鴛鴦炒飯、鐵板瑞士汁和牛意粉，所以menu上註明"港式味道、精緻製造"。鐵板晚餐實在好吸引，我倆要了一個龍蝦及肉眼扒餐($258)， 龍蝦肉質爽滑，汁多鮮甜，加上以芝士焗制，美味無窮 ; 肉眼扒選擇五成熟，大大塊之餘，肉腍味濃，加上酸忌廉焗薯，令人食指大動。是日餐湯~粟米火腿忌廉湯充滿牛油及忌廉嘅香氣，加上香甜既粟米及鹹鹹的火腿，一啖湯一啖餐包，超好味。餐飲~凍鮮奶咖啡(套餐升級優惠 加$8)面層覆滿細膩誘惑的鮮奶泡沫， 和醇香既咖啡調合，每一口都令人著

要係APM場內食到貼地西餐，呢間可算係排頭位昏暗柔和燈光配上工業風格調裝飾，又有誰想到食物價錢相當親民?!有圖有真相............相信除左香港，係第二度地方都幾難搵到鐵板晚餐，好貼合餐廳名字，今晚就黎個鐵板之夜!飲過餐湯(蘑菇湯)，味道偏淡，食到蘑菇粒，相當夠熱，配埋鬆軟熱餐飽，就等待我嘅肉仔出現首先出場係精選雜扒 : 肉眼扒、豬扒、鷄扒及德國肉腸 ($208)配蘑菇松露汁，份量之澎湃令人傻了眼即刻將醬汁淋上鐵板，除左發出"滋滋"聲外，仲有煙升起，有聲音有畫面!先食肉眼扒，點了五成熟，落望似七成，幸好肉質都鬆軟，配上蘑菇汁味道都唔錯!鷄扒超大件，唔想食皮都容易起走，肉質超嫩滑; 而豬扒就無咩肥膏，食落相當健康!另一客為肉眼扒 ($198)配黑胡椒汁，一客份量唔輸蝕比雜扒餐個人喜歡惹味一D，黑胡椒汁配上牛肉可謂絶配，淋上去聽到"滋滋"聲，咁先係食鐵板餐嘅亮點選擇七成熟，但切開見到肉色應該似五成熟，但加埋鐵板嘅熱度再加一成，肉質腍中帶少少嚼口，側邊帶有少少筋位，切走唔食會好D!每個鐵板晚餐都配以原個焗薯及雜菜，焗薯配以煙肉碎及酸忌廉調味，係鐵板上仍然保持熱度，幾棉薯感! 而個人好

源於香港的鐵板餐無疑是港人集體回憶的代表之一，上週日我就來到位於觀塘apm 的Made in HK Restaurant重溫鐵板鋸扒的本土味道。餐廳環境開揚，還有午間柔和的陽光滲入餐廳，使整體室內風格和諧溫暖。碰巧入座時正值下午茶時段，tea set 價錢更抵食。炸雞翼薯條 $58雞翼外皮略厚，不過炸得相當脆口，而且帶有南乳獨有的鹹香味。雞翼夠大隻厚肉，醃得入味又香脆，一咬開肉質嫩滑，肉汁豐富。厚切薯條炸得外層酥脆，但有點可惜的是略帶油膉味。野菌肉醬意粉 $68裡面混雜了多款野菌，配上鹹中帶酸的肉醬尤其開胃。意粉煮出Al dente輕微韌度的口感，濃郁的肉醬剛好掛在每條意粉上，調味亦不會過濃。芝士茄醬焗雞扒飯 $68經典的焗飯是不少香港人最愛的港式茶餐廳食物，特別是上面那層烤至金黃色的拉絲芝士，芝味無窮。番茄醬汁味道香濃醒胃，焗飯都是炒飯底，但蛋香味略顯不足。鐵板香草燒雞 $148鐵板與薯菜向來是天造地設的絕配，原來鐵板燒雞size相當巨型，份量可說是重量級。美中不足的是鐵板不夠熱，倒入黑椒汁時不見滋滋咋咋煙霧瀰漫的氣勢，幸好雞脾位夠啖啖肉，肉質嫩滑不鞋口。凍奶茶 $3加$3就可轉凍飲