Mahalo by Jlt

营业中

休息中

呢次買外賣，叫左鯖魚烏冬另加炸雞鎚小食。首先我欣賞炸雞鎚唔會太油，但雞肉又唔會乾身，炸得啱啱好。鯖魚就係無骨，係唔鍾意魚骨人士但又想食魚嘅最愛呀！鰹魚湯底烏冬都夠彈牙，成餐食完唔會覺得有油膩感覺。

雖然經常在這區吃午餐，這間拉麵小店卻一次也沒有試過，這一天，終於獨個兒來吃了個拉麵午餐。店舖地方細小，座位不多，幸好這天店內堂食客人同樣不多，我可以立刻被安排到一個面壁的座位用餐。點了「日式叉燒醬油拉麵」（$42），在三選二的配料中，就揀了「木耳絲」和「筍乾」。至於飲品，我就要了一瓶「日本Sangria無糖抹茶」（+$10）佐餐。實在很久沒吃過拉麵，特別是醬油湯底的拉麵了，這天一試，醬油湯的美味份外教人懷念。這麵的麵條是不錯的，彈力十足，但三塊薄身圓形的叉燒不算十分入味，質素只是普通，木耳絲和筍乾也下得不多，加上我沒叫的「溫泉蛋」要另加 $8，這拉麵雖然還算及格，但就不算出色。其實這小店也有一些日式炸物、甜品蛋糕等提供，下次要是再來，也可以試試呢！

之前食過呢一間都算一般，勉勉強強可以，因為附近冇日本拉麵食，又突然想食，今次就叫左個拉麵外賣，點知越嚟越差，湯底冇味難飲，仲要凍曬，拉麵太軟，淋曬咁既口感，炸物小食唔脆，啲嘢食都唔知放咗幾耐呢個質素黎講，個價錢都算貴，食對面既小排檔好過！！見佢哋d人懶懶閒，完全唔想做生意咁，黑口黑面，仲要疫情期間冇客堂食就唔帶口罩，真係有啲擔心衛生問題，唔怪得知平時見都冇乜人幫襯希望你地知道疫情期間都係注意返衛生好啲，不過我都唔會再有下次幫襯，太差

First try！ 價錢相宜、味道不錯的小店湯底味道正常水平，有醬油香味和少許甜味炸蝦有3條，炸得香脆亦有蝦味麵軟硬適中、配料份量（筍、蔥）足夠完成整碗麵只是份量雖能接受但仍算少。

其實我都唔知依間小店經營左幾耐，因為依個舖位成日都轉手。但肯定嘅就係佢同前面幾個舖位嘅「九龍堂」同一老闆/集團/姊妹店。因為係依間店order左野食，就可以拎張收據去「九龍堂」買台式飲品有折扣。以食論食，「九龍堂」真係認真麻麻。但依間又的確唔錯。湯底可以揀 1) 濃厚豬骨 2)鰹魚昆布 3)地獄辣湯配料可以揀 1)粟米粒 2)木耳絲 3)筍乾蔥可以揀 1)走蔥 2)正常蔥 3)多蔥飲品可以揀 1) 巨峰提子汁 2)蜂蜜綠茶 3)解茶 4)可樂 5)雪碧 6)忌廉如果唔飲野，係可以減$3 (定$5 我都唔太記得) 日式叉燒炭燒雞扒讚岐烏冬$48烏冬真係好彈牙，唔係噹噹個d質素，份量亦都好多，我要求筍乾亦都俾好多，咁嘅價錢真係性價比高。另一份就係吉列魚柳烏冬$45吉列魚柳非常好咁分開左，唔會浸到林晒。魚柳雖然唔係咩貴野，但佢炸得唔錯，外脆內軟，食落仲熱辣辣，都包埋飲品。依間小店真係幾好，但座位好少，可能只係5個座位。而且星期六唔開（有時星期日都唔開），因為唔夠人手掛。所以想食都要睇下好唔好彩～我試過外賣，唔駛加多一蚊，麵＆餸都會分開，真係唔錯，會繼續支持～

日式食物小店，沒有裝潢設計，只有禮貌笑容。地方雖小，物品尚算整齊。食店要放的物品很多，難得整齊，在天雨的日子都未覺反感，也不錯。老闆娘很好，主動比左學生餐阿仔，幫我慳左$3。而我地2個餐加埋都係$78 下午茶，我諗都抵。至少茶餐廳下午餐都要$35，唔想日日食，依到也不錯。老闆都好好，主動問阿仔讀書辛苦嗎。大家閒話，街坊小店就是賣人情味。食物方面，炸豪3隻，炸蝦3隻，還可以選多蔥，正。熱辣辣的炸物，yummy🥰。飯煮得綿又夠汁，粟米也很多。味道：🌕🌕🌕🌖份量：🌕🌕🌕🌕環境：🌕🌕🌕🌖性價比：🌕🌕🌕🌖整體：🌕🌕🌕🌖

今日放工太累，所以就去左一直好想試的小店啦！店主為左提供好味的日式拉麵及便當，都好俾心機學習當中的知識！而每份拉麵和便當都只係$3x-$4x 連飲品，係而家呢個年代都比較難搵到啦！講返野食，我就叫左一份日式叉燒&照燒雞扒便當。味道方面，叉燒與雞扒都好入味，比一些香港的拉麵店更有味道; 白飯也會夠霖，唔會有生飯的硬感; 但其他小配菜方面可以再努力一點的！另外我仲叫左個燒章魚餅！味道口感都夠彈口，但叫四塊會比較爽快同滿足！

工作關係,到附近午餐。看到這間餐廳食物款式特別,便入內試一試了!餐廳門口小小的,不留意便很容易錯過了!午餐款式不算多,但都很特別。我選取了Loco Maco漢堡扒煎蛋。因擔心兩球飯太多,故向店員查詢份量。店員建議可先上一球飯,如不夠才補多一球飯。不浪費!讚!漢堡扒是雞肉製,肉質較軟,好味道。飯可選燒汁或餐廳自家製水牛汁。最後我選了水牛汁,是茄汁底,味道不錯。這個餐有通粉沙律,有主食,有飯。整體味道清新好味,可以一試。

由於附近有攀石場，同朋友上訓練前打算搵啲快捷方便嘅嘢食，行吓行吓就喺Mahalo門前停低咗。見間舖頭冇人，座位不多⋯但店主好友善咁介紹menu，見食物搭配都好新鮮吸引～有菜有肉有飯咁，所以我地決定give it a try！—黃金Butterfly蝦 🍤 配兩球飯&沙律—香草Honey雞排 🐔🍯🌿配兩球飯&沙律兩樣都好好食，即叫即製作，價錢亦相宜⋯店主話可以叫少飯，多沙律咁搭配，好有彈性。 另外都好欣賞店主對環保嘅關注，雖然因人手不足同效率考慮，只能用外賣盒及即棄餐具，但店主為咗lesser evil揀質地好嘅再生環保物料餐具提供俾客人使用，唔係街上一般見到嘅劣質膠餐具同發泡膠盒。但愛護地球著想，推介大家自攜盒同餐具去幫襯會更好。附近嘅茶記都要$50以上，所以性價比、營養考慮同誠意加埋，都係超值的選擇！