Makuma (已結業)

朋友聚會，地點就在這間提供和洋菜式的木系休閒咖啡店 MAKUMA。我吃的是在星期六、日和公眾假期供應的「早午市套餐」。這套餐由上午 11：30至下午 5：30供應，共有8款選擇，大部分都很健康，價錢由 $98至 $188不等，餐飲除「美式黑咖啡」和「冷熱日式茶」外，其他餐牌中的飲品可以半價享用。如果想吃得豐富些，客人也可另外加配「黑松露醬炸薯條」（+$28）、「炸蕃薯條」（+$28）或「是日精選蛋糕」（+$28）。我吃的是「醬油鰹魚湯煮花膠日本大根海鮮讚岐烏冬」（$148）。這湯烏冬雖然不算很大碗和飽肚，材料都算豐富。醬油鰹魚湯清甜、兩塊厚身花膠腍滑、中蝦新鮮彈牙、蜆肉鮮甜、日本大根腍甜、還有日本魚片和玉子蛋粒，健康又好味。實在喝得太多「美式黑咖啡」了，這天我想轉轉口味，餐飲我就揀了「咖啡湯力」（原價 $38，餐飲價 $19）。好一段間沒喝過的「咖啡湯力」，這天難得一喝，尚算滿意。這咖啡店位於荔枝角最大型商場 D2 Place 一期的背面，人流一定比正面少，不過網上評價卻好，這天光顧，我也覺得它的環境和食物質素都很不錯，是一個休閒用餐的好地方。

見到D2 place樓下有新居酒屋，放工一個人走入去試下～食物方面，嗌咗個迷你吞拿魚腩飯，細細個飯女仔夠晒食，仲可以嗌多啲小食試吓～吞拿魚腩比較淺色，味道有啲淡，不過都係新鮮嘅。🍚平時去居酒屋最鍾意食燒雞軟骨串，所以試咗呢度嘅雞軟骨丸子，推薦！入面夠多軟骨蛋黃好香濃，醬汁好味我埋黎撈飯~🤣搵咗店員幫手推薦冇咁勁酒精嘅sake~ 🍶易入口，配小食好夾。總結。推薦放工可以嚟小酌小酌，會想試埋其他食物🥳

在荔枝角轉角找到Makuma🇯🇵今日好肚餓，要叫返個咖喱吉列雞胸飯😂😂好感動係日本嘅味道！吉列雞揸得非常好，炸粉唔會太多啱啱好雞胸肉都幾嫩，配上日本珍珠米，完美的。🥹本來想食炸薯條，見到有炸淮山平日比較少見，一於試吓味道幾好又健康啲！醬油堅魚湯煮花膠．日本大根非常足料好多舊花膠，養顏之選！味道偏重，配埋飯食會好啲不過都幾好味🤤平日夜晚都幾多人除咗食飯，黎happy hour飲杯嘢傾吓計都幾好

位於荔枝角嘅文青Cafe☕️，裡面環境寬敞，裝修好有日式風格🇯🇵，又播住唔同風格嘅音樂🎶，感覺好Chill😙，而且食物高質，主打慢煮日本菜，十分推介👍🏻🤍灸燒慢煮24小時日式叉燒•月見冷鳥冬日式叉燒嘅豬肉經過長時間嘅慢燉，肉質會變得極為嫩滑多汁，而且經過炙燒，食落有種獨特嘅香氣。而月見冷鳥冬配上蛋黃，撈埋一齊口感好正！既食到豬肉嘅濃郁口感，又食到鳥冬嘅滑嫩清爽口感🤤🤍日式咖哩•吉列慢煮雞胸•珍珠米日式咖哩香氣濃郁，具有豐富嘅口感。而雞胸肉經過長時間慢煮，保持到嫩滑嘅質感，外皮又夠晒酥脆，而珍珠米質感Q彈飽滿。整個配搭層次分明，好有滿足感😋🤍月見日式免治雞肉丸子免治雞肉丸子質地細嫩，搭配了月見蛋漿，同時食到嫩滑嘅雞肉同蛋漿濃郁嘅口感，非常豐富😍🤍抹茶芒果梳打抹茶茶香濃厚，帶點微苦嘅口感，與芒果嘅鮮甜味好夾，飲落爽口解渴，令人愉悅嘅飲品選擇👍🏻🍚👨‍🍳 Makuma (荔枝角) 📍 荔枝角長義街9號D2 Place ONE 地下G03號舖#hkfoodie #hkfood #香港美食 #foodie #hkigfood #hkfoodstagram #foodporn #yummy#荔枝

大家又想食啲咩好嘢呢？我今次就幫大家搵到一間咖啡店，食物超正！👌 對醬烤飯團已經愛不釋口，啲三文魚籽pop pop嘅感覺，加上吻仔魚乾嘅香脆，真係令人一試難忘。再嚟講下，用心炙燒慢煮嘅日式叉燒真係腍滑得黎富有層次，搭配上冷烏冬同溏心蛋，微微涼意中帶出叉燒嘅溫暖，梗系好評價啦！😍湯品方面，醬油鰹魚湯煮花膠同日本大根鮮香惹味，飲落去感覺暖笠笠，仲有花膠嘅嫩滑同大根嘅清甜，真係好飲到停唔到口。對於甜品控嚟講，焙茶蒟蒻蘭王卷蛋簡直係完美配搭。糕點入面嘅焙茶香氣撲鼻，而卷蛋軟滑入口，結合埋做到甜而不膩，正喎！🍵咦，講咗咁多，相信大家都餓啦吧？記得去試下啦，好嘢唔好錯過！

Blue monday 完結前的小確幸～放工同男朋友去D2 place 行街，發現後面開左間新餐廳，日系裝修，睇落靚靚仔仔，仲有麻糬窩夫做招牌，決定入去一戰😋兩個人叫左一份玉子燒,，一份慢煮雞肉pasta，一份朱古力麻糬窩夫，同一杯 hojicha latte，已經飽到上太空🚀環境：日系裝修，餐廳內坐位唔密，坐得舒服，傾計都開心啲🗣️服務：Staffs 好貼心，有問窩夫要唔要後上👍🏻食物：前菜漬物 牛旁+蘿蔔 $0味道酸甜開胃，啱晒返工返到無晒胃口既我💀日式玉子燒伴明太子美乃滋 燒到外皮少少脆既玉子燒，入面軟得黎唔會濕身而且甜度適中，蛋香配上明太子美乃滋醬，十份好味！香烤本菇雞胸味增豆乳意大利粉 原本諗住呢間係主打甜品同埋coffee and bar 既居酒屋，估唔到主食都幾好👏🏻👏🏻帶茹香既味增豆乳汁同意粉好夾，而慢煮雞胸亦十份出色，全部食材味道很balance, 份量都唔少😋朱古力麻糬窩夫呢個真係超級無敵正！窩夫新鮮整，份量勁大，麻糬夠軟糯🤩🤩隨碟附送一份黑糖蒟蒻，都係好好味！

最近也興起這類和式的洋食店, 我和朋友也覺得很有特色, 於是特地去了這裡吃晚餐.餐廳裝修以簡潔清新為主, 讓人覺得很舒服.日式芝麻雞翼 ($78) : 雞翼很香口, 很好吃, 然後點了沙律醬後, 更加好吃, 雞翼香脆可口, 不錯.香煎大蝦明太子意大利麵 ($128) : 成個擺盤, 貌相真的很漂亮, 很吸引, 打卡一流.大蝦煎得好香, 好大隻, 幾好食. 明太子個味都不錯, 挺好吃.日式咖哩吉列雞胸珍珠米 ($128): 日式咖哩唔算好辣, 幾香. 而珍珠米食落都幾好食, 口感好好. 吉列雞胸, 肉質鮮嫩, 都幾好食, 吉列雞胸同咖哩個味又好夾. 同埋份量都夠多, 不錯.凍美式咖啡 ($30) :很香濃的咖啡, 很好飲.餐廳收取10%服務費後, 大約$400多元, 價錢合理, 食物質素和環境都好好, CP值高, 應該會再來吃.

週末係樓上行完市集，我就順便落去樓下呢間新新哋嘅日式居酒屋食嘢。居酒屋以木系拼白色的設計，簡約風格，也因為近聖誕，巳佈置好聖誕裝飾🎄餐牌上，大多是日式料理，但有驚喜的是，也有姊妹咖啡店 @ukiyo.hk 供應的咖啡、蛋糕和招牌麻糬窩夫，所以基本上這也是一間咖啡店😄 餐牌上也有Happy Hour，從3-7pm，以HK$88有一杯酒和一款小食，也太吸引了😍🥚 Tamagoyaki 日式玉子燒．一份有4件玉子燒，厚厚的，大小一致，咬落有淡淡蛋香味道，口感軟身、綿密，配搭明太子美乃滋醬，好好味呀😋🥃 Yuzu Chu-Hai 柚子酎ハイ．這是蒸餾酒類＋蘇打水＋柚子調味．比較低酒精度數，有清爽的氣泡感，好適合酒淺的我飲㗎😄📌提提你：此店堂食有加一服務費喔！

首先上枱嘅係灸燒牛油果呢碟前菜，牛油果嘅鮮嫩口感微微火炙過後更顯獨特，淡淡嘅焦香同濃郁嘅果味交織出美妙嘅滋味，上面仲有醬汁同配料，令層次更加豐富多彩。🥑🥑🥑我首推嘅係佢哋嘅灸燒慢煮日式叉燒烏冬，嫩滑嘅烏冬搭配著香氣四溢嘅叉燒，每一口都散發著濃郁嘅肉汁，旁邊仲有水汪汪嘅温泉蛋，拮開之後蛋黃流曬出黎，令人忍唔住讚嘆真係好好食。🍜🍜🍜另外，佢哋嘅角切油甘魚醬油漬三文魚籽椰我都好鍾意，魚生新鮮，切成粒，油甘魚嘅油脂剛好，伴隨住嘅醬油漬三文魚籽，味道濃郁，口中爆發出豐富嘅海水味，旁邊仲有青瓜同酸瓜伴碟。🍣🍣🍣最後，以抹茶麻糬蘭王卷蛋作為完美嘅結尾。卷蛋蛋皮細緻柔軟，麻糬嘅嚼勁同抹茶嘅香氣交融喺一齊，伴隨着甜甜嘅紅荳蓉，真係好好食。🍵🍵🍵

經過荔枝角，先知開左間Makuma, 上網再search 下先知原來係K11既Ukiya 名下，咁更加要試下啦。一入到去，感覺更正。 原來佢地話夜晚會開大k-pop music同較暗啲燈，會同日頭好唔同既感覺，坐底真係覺得好chill, 好舒服。睇左餐牌，推介玉子燒，一定要試下。 好欣賞佢地即叫即做，厚身到成件cake咁，咬落好香蛋味，蘭王果然就係正。 而上面既明太子美乃滋又同件蛋夾得啱啱好。因為好鍾意銀雪魚，所以主菜就簡西京燒銀雪魚。 燒得非常香，仲有少少酒香，而且煎到肉質勁juice, 好大件。佢既Espresso Tonic都好正，搞一下都會爆泡好搞笑。而最犯規係呢個綠茶紅豆窩夫，點解可以咁有口感，又唔會太乾，而旁邊既cream都好吸引，連我唔鍾意食cream都會食。再夾埋佢地既紅豆真係不得了。最重要係佢真係唔甜，所以忍唔住就要食晒，真係不得了。呢間Makuma 真係滿分，不能錯過。

一直都好想試尖沙咀人氣名店ukiyo，點知朋友機緣巧合下帶咗我嚟食佢哋係荔枝角嘅副線，同樣都有佢哋最最最人氣名物拉絲麻糬窩夫😍食甜品之前叫咗兩個主食做個晚餐先，最被驚艷到嘅係日式咖喱吉列雞胸，雞胸好嫩滑，外層超級酥脆，一啲都唔油膩，係我食過最好食嘅吉列！另外一份叫咗灸燒慢煮日式叉燒烏冬，叉燒肥瘦相間好高質，稻庭烏冬配溫泉蛋撈勻嚟食已經好好味，佢仲配埋冷麵汁，可以好似沾麵咁樣食，清爽解膩😛最後甜品當然唔少得主角抹茶窩夫！窩夫上面蓋上一層軟綿綿有Q彈彈的被，口感似係手打麻糬。隔離仲配咗好香濃嘅茶味奶蓋，仲有紅豆同埋脆餅等等，全部配搭埋一齊有幾重口感係口腔裏面爆發🤩下次肚餓啲，就要試吓佢嘅二人餐😍

作為人氣甜品店Ukiyo嘅姊妹店，主打多款創意洋食料理，有少少日西fusion嘅元素，款式唔多但勝在夠心思！小店行小清新Cafe路線，裏面有啲波波燈裝飾，打卡都唔錯！今次特登衝住佢個麻糬窩夫嚟，煙靭麻糬配上窩夫，真係超吸引！🤩------------------------------🐟◖角切油甘魚醬油漬三文魚子椰菜花米丼◗ $128有時想食丼飯但又唔想食碳水，椰菜花米丼係一個唔錯嘅選擇！醬油漬油甘魚微酸，充滿着魚油嘅香氣，仲有啲三文魚子，食落特別鮮甜；椰菜花米一粒粒頗有口感，多汁清甜，大大啖咁食都冇罪惡感！🐖◖BB豬肋骨山賊燒◗ $128豬肋骨有五條，已經切成一條條，即照即焗！外面燒得乾身少少焦脆，口感軟腍，但略嫌豬肋骨唔夠入味～🍵◖抹茶麻糬窩夫 $118呢個麻糬窩夫真係必試！麻糬大大片，好似被咁冚上窩夫到，可以拉到絲，而且窩夫都特別大塊，抹茶味特別濃郁，加上抹茶粉同黃豆粉，食落更加香！麻糬口感煙靭，就咁同窩夫一齊食，甜度啱啱好，口感超滿足，另外可以配上紅豆/黑糖醬/黃豆味忌廉，口感正超滿足！🌟Encore指數：8.7/10

朋友之前去食咗佢嘅lunch set 幾推介 不過上次冇食到佢嘅麻糬甜品 今晚就搵埋我同佢一齊食返😛我哋叫咗一個小食一個小菜一杯嘢飲同一個甜品分享😗日式芝士年糕總共有四舊 入口煙煙韌韌 外脆內軟 點埋附送嘅蛋黃醬非常惹味。灸燒慢煮24小時日式叉燒 月見冷烏冬慢煮系列係屋企好難做到 出街一定會試🤣 叉燒燜滑 冷烏冬非常清爽 相信係煮嘅過程落咗唔小心機 朱古力窩夫 麻糬 黑糖蒟蒻 海鹽焦糖醬主角黎了‼️麻糬覆蓋着朱古力窩夫 揭起時好似打開佢嘅神秘面紗 好有意境 而當中窩夫脆口、麻糬煙靭、蒟蒻彈牙 飽肚感十足‼️絕對需要二人分享熱焙茶鮮奶拉花好有心機係一隻牛仔 入口滿滿焙茶味 茶味香濃 賣相亦精緻同朋友享受左一個既打卡又飽肚的晚餐 去開D2 place不妨一試😁

早幾日荔枝角放工，同朋友去左D2 place 附近搵下有咩好野食。見到呢間日式居酒屋風格既餐廳，就入左去試下。我地叫左個二人餐一齊share。前菜就上左個鴨胸豆腐。一份細細碟，加上個酸酸地既汁，開胃又唔會太飽。之後仲有個牡丹蝦沙律。去殼牡丹蝦刺身，新鮮爽口，加上黑醋沙律，小食就上左個唐揚拼盤，分別有唐揚炸雞、吉列蠔、芝麻雞翼同玉子燒。炸物外層酥脆，但係肉質仍然鮮嫩，炸蠔仍然保持到creamy 既口感一品就食左店員推介嘅鰹魚湯煮花膠日本大根。花膠炆得十分入味，煙韌軟滑。大根吸收左鰹魚湯嘅味道，香甜爽口。終於到正餐，鐵板風蒜片牛柳粒。牛柳粒熟度剛剛好，食落口仍然有大量肉汁。肉食之後有鐵板炒野菜。將幾款菜加金菇炒埋一大碟。大大份好抵食主食最後仲有個黑松露蘆荀炒飯。炒飯粒粒分明，爽甜嘅蘆荀加上少少甘味嘅黑松露簡直係絕配。最後重有個甜品，抹茶麻糬窩夫。一大層厚厚嘅麻薯鋪係窩夫上面，又靚又好食。

難得過嚟荔枝角行街，梗係睇下附近有咩好嘢食，見Makuma裝修咁靚，個位又喺D2 Place咁方便，一於去試一試日式咖喱吉列慢煮雞胸珍珠米($128) - 咖喱係日本口味，有薯仔同蘿蔔，香濃而不膩，慢煮雞胸驚喜地好滑，點咖喱定沙律醬都一樣咁正，珍珠米粒粒分明，加咗芝麻更香口炙燒慢煮24小時日式叉燒月見冷烏冬($108) - 叉燒好高質，肥瘦比例均勻，口感軟腍，烏冬綿滑，配溫泉蛋、日本香蔥、木魚線同鏗魚汁，好快就清晒朱古力窩夫麻糬黑糖蒟蒻海鹽焦糖醬($128) - 賣相勁吸引，喺其他地方未見過，麻糬同窩夫呢個組口勁夾，勁煙韌，朱古力味又香又出，加埋海鹽焦糖醬、cream、焦糖餅碎同黑糖蒟蒻，口感同味道都勁豐富勁正，極高質選擇又多又吸引，款款都想試裝修好新，佈置同擺設都好靚好有品味同心思，有種置身日本旅行嘅感覺，環境又乾淨企理周圍都好靚，坐得又舒服門口好開揚，仲有室外座位，感覺好chill，Makuma服務一流，一班年輕侍應好用心，睇得出餐廳做得好有誠意，性價比高，大推