MAMA Bakery (啟朗苑)

营业中

休息中

趕時間買個腸仔包食，原本熱辣辣香噴噴好開心，覺得有啲貴$15都算，不過收銀阿姐一下子夾爛我個腸仔飽，然後照放入袋我同佢講：你夾爛咗我個包，佢靜咗2秒，先好不情願同我講：你包熱辣辣好容易夾爛，唔好意思其實每一朝都夾幾百上千麵包，明知所有麵包新鮮出爐，容易夾爛，就應該要小心啲今日係星期一，未開始返工，一整個星期儲落返工嘅勇氣已經隨之而逝，俾錢買難受響依家咩舖頭都執笠嘅情況下，已經盡量支持本地小店，但係響服務態度唔好嘅情況下，真係寧願去買啲急凍嘢或者去麥當勞

入個包都入唔好 拎多個袋又要收錢真係間“好好既面包舖”拎多個袋就係因為店員入得衰 唔想hi到其他野 唔想整污漕啲野竟然要收多一蚊？！hello？！ 真係好唔明喔 你衰左要個客去俾錢解決問題

嗱老實講一句啦。又到收工時間，啟德地鐵站口呢間MAMA BAKERY極多人，我來到時好多心水麵包已經賣曬，包括我的最愛冬甩。唯有選購其它啦。MAMA 嘅麻糬波波出我意料，竟然同A1 Bakery嘅可以相媲美。提子方包有著濃郁的提子香味和口感。MAMA全麥包，質地相對外面的麥包比較軟熟、不會太乾。注重營養的話，可以選擇全麥包，如果您更注重口感的話，可以選MAMA BAREKY的全麥包！

機緣巧合下經過呢間麵包店見有新鮮出爐蛋撻 仲有最愛嘅葡撻錢」等我買黎試下 開心share下覺得個外賣盒都幾靚幾吸睛🫣同埋盒兩邊都有個窿仔唞下氣唔怕啲撻會焗到淋哂👍🏻🥧一口超迷你葡撻見到層外皮都覺得鬆脆🤤表面好似布甸咁彈彈下嘅蛋蛋一口酥 二口嫰 仲要細細舊Tea Time小小地啱啱好🤌🏻因為食開平時啲葡撻都係好甜所以預咗佢都一定好甜啦~又唔係喎…..佢冇想像中咁甜 ok喎👌🏻🥧新鮮出爐酥皮蛋撻 (只有酥皮)睇佢外表平平無奇 冇葡撻咁吸引？咁你就錯啦！撻不可以貌相☝🏻熱辣辣香噴噴 仲買三送一外皮鬆化 入口香甜嫩滑甜度比起其他包店嘅淡唔太甜 更易食得出蛋香味

見佢話係手工咖啡就買咗枝黎試(買麵包 + $13就有枝)🚁🚁🚁伏到不得了完全飲唔到咖啡味之餘仲要勁甜雀巢罐裝咖啡好味過佢至於麵包今次買嘅係墨西哥奶王包 ($9)正正常常外層做唔到墨西哥包應該嘅口感同甜度，奶王味道ok，唔會太甜，份量亦適中因為呢間嘢近，附近又冇乜其他選擇所以平時要食包都係要幫襯佢眼見佢d腸仔包條腸愈黎愈縮水一個包應該只係落左半條腸😑😑初初開業嗰陣唔係咁味就正常嘅，但咁嘅價錢就偏貴囉

尋日mother day我樓下座頭位朋友特意說想買好味的葡撻仔想請我食(≧ω≦)/係咁開心嘅節日，有朋友請我食嘢，好感動～多謝多謝我打開個盒，嘩，好得意可愛，迷你的。我二話不說即刻放入焗爐整返熱佢先。迷你葡撻仔一啖可以入口，酥皮好多層，賣相好掂。咬落去入面好豐富，好正!睇返張單原來13元有3件，勝價比高呀。一啖仔一啖仔慢慢嘆，細細個，可以滿足我呢個健康人士😛😋等我下次有機會試埋佢其他bakery先～

9蚊個牛角包坊間唔算多地方有賣牛角包，價錢上落可以由8蚊去22蚊一個。當然22蚊果個係某法國牌子出品，而哩個係本土作品。脆4/5咸度適中牛油香 3/5鬆軟 3/5牛角包追求既氣孔，做得麻麻地。抵食度 4/5