Mano (海濱匯)

营业中

休息中

第三次嚟，今次係星期日約朋友食Brunch，仲順便為朋友慶祝生日。餐廳好貼心，當送上生日甜品時仲會播生日歌，氣氛即刻升溫，成個聚會好有儀式感。我哋一點半入座，大約三點半截單，但員工依然好體貼，讓我哋繼續坐低傾計，直到五點晚市開始預備先慢慢收枱。對於想悠閒食嘢又傾心事嘅朋友嚟講，呢度真係一個舒適嘅好地方。食物方面，叫咗**黑松露卡邦尼意粉**同**夏威夷薄餅**。卡邦尼意粉香氣四溢，黑松露味濃郁，意粉軟硬適中，忌廉汁掛麵好均勻，每一啖都充滿層次感；夏威夷薄餅薄批香脆，菠蘿甜香同芝士鹹香平衡得啱啱好，食落唔會膩。飲品方面，大家都點咗**凍檸茶**，茶底香濃，檸檬酸度恰到好處，幫整個餐點增添清新感。正餐之後，各自加咗**是日甜品**——今日係士多啤梨芝士蛋糕同雲呢嗱雪糕＋朱古力布朗尼。蛋糕酸甜平衡得好，雪糕同布朗尼熱冷交替嘅口感超治癒，完美收尾。總括嚟講，這唔單止食物同飲品水準高，環境同服務都令人好放鬆。無論係同朋友聚會，定係慶祝特別日子，都係好選擇！

第一次寫食評 因為期望落差太多 見到咁多好評 今日去試 同男朋友食dinner 一人一個dinner set揀左肉醬肉丸、凱撒沙拉、燒肉眼配薯條、龍蝦汁扁意粉個salad非常一般 之前都會係唔同西餐廳叫salad食 但尼間既質素係below average 菜加醬 加極少極麵包碎芝士碎同煙肉碎 應有既野佢係有 但就係冇其他餐廳咁好食跟住個肉醬肉丸 極一般 ikea嗰d好似好味過佢燒肉眼配薯條算係唔錯 但我叫五成熟 上到黎係7成甚至更熟 但塊扒本身唔差 都唔會太柴太硬 薯條好味 新鮮炸熱辣辣跟住個龍蝦汁意粉 係差到我男朋友食完一啖就唔食 ，好淡味 極寡 一d層次都冇 好似係倒左一pat醬撈意粉咁 唔知點解可以出d咁既野比人食，我自己落左好多鹽同pepper先勉強食得落，唔係因為肚餓都唔會食 我見評論讚得最多係pizza 不過西餐廳pizza普遍黎講都係好食 冇乜食過難食既 可能尼間餐廳得pizza好食啦 結論係唔會再試第二次2個人埋單$500 食到好冇癮

去開觀塘海濱匯附近，就同朋友一齊去「MANO」食飯，今次餐廳自家製嘅Pizza同Cake都好好味。*此餐廳收取全單10%服務費。意式辣肉腸薄餅（單點$158），表面鋪有番荽碎、黑椒，雖然薄餅為厚批，但因為廚師即叫即焗薄餅，造就到厚身的批邊食落口感煙韌、帶有焦香味道，辣肉腸好大片，味道鹹辣，配以Nduja辣味莎樂美香腸抹醬、San Marzano番茄、Mozzarella Cheese食用，味道更佳。蟹肉巴馬臣芝士蕃茄忌廉汁通粉（單點$158），表面鋪有巴馬臣芝士、豆苗、番荽碎，蟹肉份量多，味道鮮甜，連長通粉的空心位置內都有蟹肉，巴馬臣芝士番茄忌廉汁口感Creamy，芝士味道濃郁，番茄醬味道酸甜，令到忌廉汁食落不容易感覺膩。牛油烤蔬菜（單點$58），包括有甘筍、椰菜花、西蘭花、粟米、馬鈴薯，味道清甜，雖然只有牛油、海鹽、黑胡椒簡單的調味，但亦足以美味。自家製甜品（單點$78），藍莓芝士蛋糕，表面鋪有藍莓、藍莓果醬，芝士蛋糕口感幼滑，味道濃郁。

應友人邀約嚟觀塘海濱匯 1 樓「Mano」食晏，餐廳環境好 chill ，設計時尚，予人悠閒之感。店舖主打手工意粉同薄餅，點左兩個 Brunch Set，套餐附送汽水或茶，另外亦可以優惠價加配餐湯、沙律及自家製甜品等。葡式燒雞扒漢堡配薯條，雞扒外皮微脆，內裡嫩滑，入口好 juicy，帶微微辣勁，滋味又過癮。麵包鬆軟有彈性，薯條即炸，外脆內軟，唔使點茄汁都已經好好食！夏威夷薄餅，餅底厚薄適中，批邊好有咬口，茄醬甜度高又鮮香。配料有菠蘿、火腿、番茄同馬蘇里拉芝士等，入口鹹中帶甜，清香不膩。飲品點左凍 Mocha 同 汽水，mocha 水準唔錯，入口帶咖啡同朱古力香氣。甜品選了自家製 Tiramisu，手指餅浸得夠濕潤，面層灑滿可可粉，食落口感非常 Creamy。

《Mano》 觀塘時尚意大利餐廳，呢有個半開放試厨房，光線柔和，予人舒適温緩嘅感覺。我好多人都會嚟呢度食牛扒、Pizza之類。但呢度好美味嘅食物何止呢d，今次我就嚟食美味嘅青口。✨️香草白洒煮青口配黑松露薯條 1/2KG $268青口鮮甜，醬汁當中帶有香草和蒜蓉，美味又惹味。伴有一大碗黑松露薯條，黑松香味持久，薯條脆卜卜。✨️巴馬火腿伴烤菠蘿哈密瓜$118巴馬火煺柔軟，蔬菜翠綠新鮮，菠蘿咬落多汁。✨️Ginger Ale $28牌子Ginger Ale 加左檸檬和冰，醒晨又冰凍解渴。✨️Dan Pellegrino $38牌子有氣水，味道正常發揮。

💖$318脆皮乳豬西蘭花苗配黃薑蕃茄飯大約要等2️⃣0️⃣分鐘 ,即叫即製。上枱非帶熱辣辣💭皮薄脆肉嫩滑。size大件,見到隔籬枱都嗌咗,全枱share食。飯粒粒分明較硬身🍚💖$108芝士肉醬焗墨西哥脆片橙色🟠醬醬有少少辣，惹味可口🤤醬餡份量適中，用薄脆沾醬一啖一口真係食唔停呀😱不過要趁上枱嗱嗱臨食，擺耐咗薄脆會腍💖 $28 Canberra Juice唔太甜亦無藥水味，食完重口味嘢清清口腔一流🤗

MANO｜牛頭角｜平日晚餐｜海濱匯招牌葡式Peri Peri燒雞手工Pizza超正觀塘海濱匯的MANO意大利餐廳，以新鮮手工即搓即烤Pizza著稱，選料十足，餅底薄脆有咬口。推介如Margherita、Carbonara、四重芝士、黑松露蘑菇等經典口味，每一款均見真材實料，芝士、蕃茄醬新鮮味美。葡式香辣燒雞（Peri Peri Chicken）亦是主打，外皮金黃微脆，雞肉嫩滑多汁且入味，每一啖都有陣陣香辣感，酸辣平衡非常醒胃。燒雞常常配上即炸薯條或烤蔬菜，蔬菜同樣經過烤焗，甜美脆身，是不少Foodie推介的招牌菜式之一。📝 所點菜式🍟 Side — Truffle Fries新鮮炸起的薯條外脆內軟，帶有淡淡松露香氣。不會過分濃烈卻恰到好處，作為薯條控大滿足，私心給滿分推薦！🍕 Homemade Pizza 10” — Margherita薄餅皮介乎香脆與軟綿之間，完全不會過硬或太濕。使用新鮮蕃茄醬及大量芝士，簡單又極致的滋味，食出新鮮感和正宗意式風味。🍗 Roast Whole Peri Peri Spring Chicken春雞現烤色澤誘人，外皮香脆、肉質嫩滑。Peri Peri醬酸

朋友係依度返工，週未都要OT，就約左佢食個brunch 🫶 Mano 唔近地鐵站，不過附近好多office，近海濱，環境幾好既✨餐廳座位好多，一大班人去，或者有小朋友既，都會好適合 ❤️Lunch Menu 選擇唔少，夠大眾化，一定啱食 😋🍻蟹肉巴馬臣芝士蕃茄忌廉汁通粉蟹肉的新鮮度與巴馬臣芝士的濃郁好match，為整道菜帶來了豐富的層次感 ✨🌟 蕃茄淡淡的酸味，恰到好處地平衡了芝士的鹹香。通粉的口感很到位，煮得恰如其分🫶🏻🫶🏻🍻夏威夷薄餅 👍👍👍非常出色❗️上菜嘅時候， Pizza係冒煙嘅❗️菠蘿好大塊，菠蘿的甜味與火腿的鹹味相互交融，為薄餅增添了一抹清新 👍 薄餅的餅底烤得金黃酥脆，咬下去時的口感令人滿足 😋🍻自家製甜品：Tiramisu （+$35）我覺得依個甜品，係非常之出色❗️甚至可以媲美酒店質素❗️佢的甜度，可可粉嘅口感，全部嘢都夾得非常之好👍 係值得加錢嘅甜品 👍👍主菜，甜品，都展現了廚師的用心和創意。跟餐仲有野飲，讚👍食得好滿足，又唔貴。如果咁啱過去海濱果頭，真係可以來依間餐廳 👍👍

一直都想去Mano海濱滙食brunch💚。果然佢地既brunch set CP值高又好味🤗。🐮8安士肉眼扒配薯條 肉眼扒整到啱啱好，每啖都食到牛扒嘅油香🥩。肉質鮮嫩多汁🤩肉香濃郁😍 。薯條🍟熱辣辣🔥，份量好多👍🏻。🍝蟹肉芝士蕃茄忌廉汁通粉 🦀蟹肉好多而且充滿鮮味。🧀芝士濃郁又非常Creamy。通粉非常有嚼勁，一定要推介俾大家❤️。🍰 提拉米蘇甜度岩岩好，當中浸透咖啡酒香嘅蛋糕層特別出色，口感綿密。

今次同朋友去食主打意大利菜嘅「Mano」🇮🇹.⚠️此餐廳收取10%服務費💰.10安士肉眼扒配忌廉薯蓉🥩單點$268💰肉眼扒肉質軟腍Juicy😋帶少少炭燒味🔥點上醬汁食更佳👍🏻但略嫌脂肪較多🥺薯蓉亦Creamy🥔.巴馬火腿配烤菠蘿哈密瓜🥓單點$118💰巴馬火腿鹹香薄嫩，配上香甜多汁哈密瓜🍈配上黑醋火箭菜沙律🥗醃洋蔥🧅以及加上烤菠蘿🍍酸甜開胃又清新🤤.Blossom Lemonada🍹單點$58💰由荔枝、伯爵茶🫖檸檬水調製而成🍋

朋友係附近返工，介紹尼間高質觀塘海濱𣾀Mano ，主打手工意粉同即做薄餅的意大利小餐館 ，Open Kitchen 設計見到師傅整Pizza，而Cafe 環境設計幾木系，用了不同酒種作擺設，又型格風又時尚感覺，影相打卡幾chill 吓。🍴蟹肉巴馬臣芝士蕃茄忌廉汁通粉 $158蟹肉非常豐富又鮮甜，差唔多每一口都吃到蟹肉，長通粉煙煙韌韌配上Creamy 巴馬臣芝士蕃茄忌廉汁令層次更加分明。🍴新鮮黑松露蘑菇🍄‍🟫薄餅 $198 Pizza全部都係手工製造，即叫即做，熱辣辣上枱時已聞到一陣好香濃黑松露香氣，現刨新鮮黑松露薄片加上新鮮蘑菇，Pizza 邊鬆脆又脹卜卜又煙靭，加埋滿滿忌廉馬蘇里拉芝士的鹹香，真係好掂，喜歡黑松露同芝士的朋友推薦要試吓。🔸 巴馬火腿配烤菠蘿哈密瓜🔸 $118新鮮哈密瓜好甜，烤菠蘿🍍又多汁又甜，重有醃過酸酸的洋葱🧅條，配埋沙律菜同巴馬火腿一齊食，又清新又夾又好味😋。

今餐同阿女慶祝生日，經app book枱有半價, 但其實餐廳本身做緊晚市優惠, 計起上嚟價錢都差唔多。食物出品水準或以上， 最欣賞係嘅燒豬仔， 外脆內軟，肉汁豐富，其他菜式，好似意粉，薯條，pizza都好食。最可惜佢地點，唔近地鐵站，交通有啲唔方便。

🍳FLAMES特盛早餐 $138//烤煙肉 烤香腸 太陽蛋 炒雜菌 烤蕃茄 蒜蓉烤餅//呢個ADB最特別一定係佢配嘅唔係平時嘅烤多士而係蒜蓉naan烤餅蓬鬆柔軟咬落軟腍腍濃濃嘅蒜蓉香味又唔會太油😈🍔葡式燒雞扒漢堡配薯條 $128呢個漢堡包好高身 仲要係比雞肉墊高㗎！！雞扒燒到外皮金黃肉質鮮嫩厚肉麵包帶住淡淡牛油香味中間夾住嘅新鮮蕃茄同埋大量沙律菜 令整體更加清新中和返啲油膩感🌶️香辣炸雞 $88炸雞外皮酥脆炸粉好薄身 雞肉肉質鮮嫩多汁同炸皮中間有薄薄嘅脂肪 恰到好處嘅油香香辣炸雞嘅炸雞本身係原味配搭嘅醬汁甜甜辣辣好惹味！

今日同朋友聚會，來到發現原來呢間餐廳同佢對面嗰間係同一伙，Flames記憶中幾年前食過都OK，但係嗰陣時人流非常之少。今次再次嚟到兩間都係爆滿，仲要係平日夜晚，應該係比較多樓上返工或者附近返工Office啲人一大班嚟食，由於有折扣感覺會抵食好多，份量中規中矩，推介佢啲Pizza幾軟熟。招呼亦都好好同小朋友來，職員都會主動攞BB凳，又唔會催你夠鐘食完要走，有啲食肆即使係唔會做到下一轉，夠鐘都會催你埋單Bye Bye。所以都係傾偈好地方個芝士火腿拼盤叫咗大嘅，但係份量都偏細，不過有折扣就都係抵食嘅😂但係建議餐廳多啲菜式選擇會好啲，因為想叫多啲嘢食都諗唔到食乜好啦。酒精飲品比較淡，有啲失望。其餘都OK會再去

今日去觀塘海濱附近試咗依間意式餐廳😋🔸Dinner set for 1 $198🧀芝士肉醬焗墨西哥脆片墨西哥脆片上面鋪滿芝士同香辣肉醬，仲加咗洋蔥、青瓜粒同香草。橙色醬比較辣、惹味，係好正嘅香脆小食。不過可能係set for 1，所以份量唔算多。🐮美國頂級牛板腱 配蘑菇燒汁美國頂級牛板腱厚切多汁，外層少少焦，肉質嫩滑唔韌。🍄‍🟫蘑菇燒汁同牛味都好夾，蘑菇味唔係好突出，反而更食到牛味。配菜都好出色！🥕紅蘿蔔煮到好腍好好食；🥦西蘭花同椰菜花都好甜，不過我個人就中意煮得再腍啲。🔸新鮮黑松露薄餅 $198佢係我食過其中一個最好食嘅pizza👍🏻！上到枱温度啱啱好，餅底夠厚身又煙韌，邊位焗到少少脆。松露香味突出但唔會搶味，同芝士完美融合🤤🔸tiramisu $78入口綿密，帶微微酒香同咖啡香，酒味唔算好重，亦唔會太甜，不知不覺就食曬成杯～環境方面，平日夜晚都少少full。經openrice book咗枱都係坐出面嘅位，唔特別好坐，同埋咁啱撞正有一大班人係餐廳入面聚餐，環境有啲嘈。不過食物真係好出色，所以都唔係好介意。大推依間餐廳！