影片
开饭介绍
Mezzo Grill 提供正宗美式佳餚，炭烤牛排及海鮮菜式為重點推介。
继续阅读
特色
浪漫情调
附加资料
無肉餐單詳情: 每天供應少量素食菜式
营业时间
星期一至日
12:00 - 15:00
18:00 - 23:00
以上资料只供参考，请与餐厅确认详情
招牌菜
3個女仔，唔知去邊食飯好，醒起上次wine dinner 去mezzo gill，食物唔錯，就黎試一試dinner ~頭盤要咗個哈密瓜併ham，ham咸咸地，哈密瓜又甜，正！野菌忌廉湯又香又濃味，好正~主菜點咗豬扒同龍蝦~豬鞍扒，又厚又夠juices，配埋個蘋果醬，好fresh，推介！！波士頓龍蝦，員工介紹的，新鮮龍蝦，即叫即劏，煮法我地揀咗燒，肉質爽口彈牙，超鮮甜，超級推介！！甜品揀咗兩款，青蘋果凍湯同Sherbet ~ 青蘋果凍湯好得意，酸酸甜甜又清，加埋個奶凍，好match~~青蘋果Sherbet 好fresh~~同員工吹水得知，原來呢度啱啱轉咗style同menu，頭盤同兩個甜品都係新嘢，下次可以再黎試吓其他~~
继续阅读
4月5日星期五,富豪酒店Mezzo Grill搞咗一個wine Dinner, 經朋友介紹去了試飲試食, 一去到坐低就見到枱上放了一排不同大小的紅酒杯好有氣派…good feeling!! 加上枱上放了當晚wine dinner menu + wine list, 清楚介紹當晚每道菜式配什麼紅酒及每支紅酒的特性, 方便我哋初學者更加容易明白及學習.終於上前菜喇,白酒Meursault 2007 +馬里蘭蟹餅, 支白酒可能較為fruity所以好容易入口…我like…而且同蟹餅好啱feel….yummy. 第二支都係白酒Chablis Les Opales 2010, 呢支白酒係用嚟配黑松露雞清湯,我都係第一次白酒配湯飲…好特別呢….呢支白酒可能用來配襯清湯,所以較第一支酒清淡啲…但飲起嚟又覺得同個湯好配合.食食吓有專人埋嚟簡單介紹當晚wine dinner menu內啲紅白酒,好professional,好有貴賓feel. 其實呢餐唔貴,有呢種服務好正.跟住就到紅酒出場,哈哈…本人較喜愛飲紅酒…好期待啊….Mercurey 2009 +低溫烹調三文魚, 以前成日認為海鮮配白酒,原來配魚都好好味架,雖然飲落有啲單寧感但好香好醇,越飲越飲有味道越好飲, 聽過介紹知道主菜跟的紅酒來頭不少, 就係呢支Grand Echezeaux Grand Gru 2008,杯酒好香帶有花香味,飲第一啖覺得好有口感帶點單寜…好飲. 我選擇了羊架配呢支酒, (本來是西冷牛扒的,因為我不吃牛所以要求換了羊架). 始終覺得紅酒配紅肉會好味啲, 哈哈….我選擇冇錯, 越飲就越覺得支酒越有深度,越來越醇厚有口感,好酒就係唔同啲既…最後還有甜品柑桔朱古力芝士蛋糕….真的完美的句號…..正正正!!!
继续阅读
早兩日去同老婆去開尖咀行街,老婆突然話想食扒,我就諗起個fd之前去富豪酒店Mezzo Grill食飯話幾抵兼好食,雖然不嬲對富豪酒店都無乜好感,但都即管去試下啦,反正個fd俾咗張coupon我有七折,無訂位12:30去到居然無乜人仲有window site俾我地坐,當日set lunch有5款main dish選擇,睇咗陣menu就有個大包送上枱,跟咗兩粒牛油同一小碟pesto醬,一粒係black truffle牛油(好好味,)另一粒係原味牛油,個包好熱好脆,正!!!今日老婆食rack of lamb,我就食salmon,頭盤係自助沙律吧,一般普通貨色無乜特別,食咗round就收手,跟住就飲湯( 湯係serve嘅 ),是日靚湯: 番茄雜菜湯,但無乜味,我要落好多pepper先食得落,但老婆就話幾好飲,可能我食得濃味啦~~fine~~等食main course,但等咗好耐.....因為個場開始多人啦,見d侍應好忙我都唔好意思吹佢哋,反正我有時間,由個湯飲完直至主菜上枱我哋等咗大慨十分鐘到,見到兩碟主菜賣相普普通通啦,先講我舊salmon,外表睇起嚟好似好dry咁,但食落又幾juice,廚帥煎到大慨半生熟等舊魚唔會太dry,唔錯!!老婆隻羊架要4成熟,外表燒到有d燶燶地好香,一切開d肉汁流哂出嚟,食落又唔會太"蘇",最緊要係肥瘦均勻(老婆最驚係肥膏多過肉),所以老婆都食到直樹拇指呀!!!到跟住到甜品係美式芝士餅,由於我唔食芝士,所以侍應問我要唔要fruit platter( 居然有得轉果碟,真係估唔到),咁我就要果碟,老婆就食cheese cake,生果都無乜好特別啦,咁我問老婆舊cheese cake味道如何,佢就話芝士味好濃,攪到好滯,早知都同我一齊食果碟算數~~總括嚟講呢餐都算係有驚喜囉,百零蚊一位有咁多野食仲要味道唔差,下次有機會就嚟試下佢個dinner先!!
继续阅读
今日一行十人和朋友慶祝相識紀念日，去了尖東富豪酒店mezzo grill 既扒房食西餐。裏面既裝修俾人有一種懷舊的感覺。坐位好濶，食野唔會好逼，唔會手爭撞手爭！坐低仲可以望住出面既既聖誕燈飾黎品嘗美味！好好氣氛！食物都俾我想像中好！當日我同朋友叫左法式藍蟹濃湯、美國T字骨牛扒配紅酒汁。值得推介就係蟹湯，而牛扒比起出面個啲仲更加淋。口感好好。飯後仲食左一個個芝士蛋糕，好好味！我地仲用左city bank黎埋單，有65折優惠，好扺食！我相信會再黎幫襯！staff is very nice!;)
继续阅读
十三號係我同我先生結婚週年紀念。突然間好想懷勉下當年拍拖時去西式扒房食牛扒情境。因現在香港酒店都好少設有扒房餐廳。經朋友介紹下知道尖東富豪酒店mezzo grill 扒房都幾好。就去試下。裝收比較懷舊。坐位都比較寛濶。食物想像中要好當日我同老公點選左煙鵝肝配炭燒鰻魚、法式藍蟹濃湯、美國T字骨牛扒配紅酒汁。湯好重蟹肉值得推薦。鵝肝同鰻魚都OK、牛扒比較軟淋。口感好好。埋單時部長還提醒我地有多種信用咭折扣優惠。我想信好快再黎幫襯。到時一定要影相比大家分享。
继续阅读