Mimila (已結業)

雖然武漢肺炎好恐怖，但都要食飯，最多唔去咁遠。所以喺返住嗰區揾食。佢哋主打馬來西亞菜，所以今晚試咗喇沙，肉骨茶，美祿恐龍再加個小食拼盤。講下個喇沙先，湯底濃郁，啲配料都好多，有三隻大蝦而每隻蝦都好鮮味，好食。至於個肉骨茶，係星加坡口味，即係比較多白胡椒，你見到碗野都好多肉，有豬手又有豬軟骨，唔會好似其他地方剩係得堆湯無乜肉，所以又好味又飽。個小食拼盤，令我覺得最有印象嘅，就係個沙嗲醬，裏面有一粒粒嘅花生同出面食開嘅唔同，好值得試。至於杯美祿恐龍，其實一向我覺得自己沖嘅都係一樣味，完😂今次我冇食過嘅就係呢度嘅甜品，上次試過佢哋一個貓山王榴槤蛋糕，我覺得鍾意食榴槤嘅朋友應該要試吓，我覺得好好味😋

路過見這餐廳貌似幾專業做東南亞菜，但見價錢不菲; 可是本人是超级喇沙fans,決定一試。見菜牌上喇沙可選米粉、油麵又可配搭肥牛，已知不是正宗。喇沙通常是配類似米線的，更冇可能配肥牛。於是叫了份手撕雞喇沙，怎知雞是雪藏味的，湯也不是正宗喇沙，最多可叫咖喱，這是下午茶價錢less 20%,也要$79, 贵又唔好吃！

好多人等既黃店！同朋友等咗個半鐘先入到，嗌我地號碼既時候真係開心到大叫一聲yeah!店舖唔大，貼咗好多靚文宣💚👍店員態度都好好！佢地係用qr code落單我地好餓，所以叫咗馬來蝦湯配美國牛肉麵、馬來蝦湯配雞絲麵、喇沙湯海鮮麵、沙嗲魷魚翼、沙嗲牛肉同雞肉串😂😎蝦湯好香又唔咸，喇沙都好香濃，但唔夠辣份量都對得住價錢魷魚翼好修味，唔會好難咬，有嚼口沙嗲串就正常發揮，個沙嗲汁真係幾好味！如果有辣味仲好飲品我叫咗美綠暴龍可可，邪惡但好好飲，可可波係我早餐至愛！佢地就叫咗檳城特色鴛鴦同埋荔枝soda好滿足呀！

在亂世裡面都仍然堅持自我既一間小店唔係連鎖，亦唔係出名香港小數既馬來西亞菜👨🏾‍🦱因為心情勁好，所以要出街慶祝下突如其來的聚會就選擇左佢😋朝早book位，夜晚都有👍🏻.🔸馬拉拼盤 $128不過不失既拼盤，咩都有得食🔹白胡椒肉骨茶 $ 78胡椒味反而唔算好重,但就藥材味好足成餐覺得最好食既係呢個🔸沙沙撈魷魚翼 $48辣辣地,如果食唔到辣既人唔好試不過調味好足,食飯一流🔹三蝦蝦子撈麵 $98普普通通既蝦子撈麵🔸香脆單骨雞翼 $58貼心既單骨設計,女仔食落去好方便同麥當勞脆香雞翼好似🔹秘制香炆牛肋飯 $88以為限定一定好食點知..失望,牛肋好UM🔸馬來蝦湯麵配肥牛 $98蝦味十足,風味唔錯配合返香港人口味美中不足係最後無晒貓山王芝士蛋糕以呢個價錢黎講,絕對抵食😋

這間店真的很旺場！今日終於食到啦！店員真係好好人，十分有禮貌，而且很有效率！店舖和食物都乾淨整潔！在這個商場裡，接近是最多人幫襯的餐廳。我們二人點了沙嗲湯面、糊椒湯、串燒、時菜、馬拉奶茶和薑汁奶茶。沙嗲湯面和串燒也很好食，湯面有頗多送。在馬拉菜來說，不算是最重口味的，吃完不會有口喝的感覺，比較貼近香港人的口味。眼見有很多人點了蝦湯面，希望下次試下。馬拉奶茶很好飲，如果去過新加坡，就會發現味道很接近，值得一試。

網上介紹既新城市黃店，當然要去支持下。好多人排隊，足足等左45分鐘先有位。肉骨茶一直係我最愛之一。當然要試下依個白胡椒肉骨茶，可惜有點失望，有陣豬肉既臊味。手撕雞喇沙湯麵湯底好香，但食落有d稀，油麵加米粉既組合好有口感，麵好味，豆卜吸收左全部湯底，如果手撕雞再滑d就好了。馬拉拼盤最好食係雞翼，雲吞同蝦網春卷，雞串燒好一般，魚肉墨魚卷直情係麻麻。沙嗲魷魚翼今餐最好食係佢，有d辣又香，魷魚彈牙，唔會韌

自從知道新城市唯一一間良心餐廳後即刻黎左幫襯之前都有黎過 記得上次係食喇沙 幾有水準架不過今次同女女食 食吾到辣所以食左新加坡白胡椒肉骨茶 同埋 豬骨油麵配手撕雞 所以主要講下呢兩個菜今日大約6點半到 好好彩吾使等位 只係得返兩張吉台新加坡白胡椒肉骨茶吾辣 啱唒食吾到辣嘅人有好多肉 起碼4-5舊肉肉骨茶有分幾種味 呢個完全無中藥味 啱香港人口味另外 手撕雞配豬骨油麵都不過不失 手撕雞都好足料Staff好有禮貌 上菜都好快 食得滿意

與朋友慶生，想食新加坡菜，簡左位於新城市7樓的Mimila ⚠️食物：⭕️馬拉拼盤心試試想試小食 又簡唔到 可以叫拼盤一碟有曬豬牛雞，雞翼、蝦春卷、魚肉墨魚卷、炸蝦雲吞 幾鍾意佢個春卷，炸得好脆，配埋個酸辣汁，一個字 正！👍⭕️喇沙雞飯$88一啲都唔辣，咖喱汁香口，雞肉亦嫰滑，不算太多骨，份量適中。⭕️香炒肉碎飯 配扎肉$88😋好有風味的一道菜，水準不錯，肉碎炒得好香，失色既係，以為會係太陽蛋，但原來係熟蛋。⭕️秘製香炆牛肋飯 $88雖然賣相一般，但牛肋煮得好軟熟，一啲都唔銀，好食！⭕️荔枝梳打$38⭕️菠蘿梳打$38兩款分別不大，荔枝偏甜⚠️環境：地方唔大，得10檯左右，邊邊係水bar位。服務周到飯後切蛋糕，店員亦主動幫忙拍照。注意：沒有小朋友配套⚠️價錢：價錢合理，CP值高！下次黎可以再試湯面

難得出街食，要揀間啱心水既餐廳真係難。難得係地圖搵到間，又有我最愛喇沙，梗係要去試吓。友人嗌的豬骨雞湯手撕雞麵，湯濃得唻有陣清新感覺，用料十足，啲冬菇有過年的味道，豬肉丸非常彈牙，係啲雞略嫌鞋咗少少，份量十足，友人食到捧住個肚。我就嗌咗個海鮮喇沙，個湯底一樣好濃，有香辣有椰味，有三隻大蝦，再加上魷魚翼，魚片蟹棒等，份量十足，摻摻油麵有口感，米粉軟硬適足。總的來說我食得好滿足，位處新城市，價錢適中，絕對值得再幫襯！

見到啲人個寫食評好似唔係好差,咁現時過嚟試吓. 點知就真係中伏!首先講吓我叫左一個黑豚肉麵, 超級難食!仲難食過街市屋邨街市$20一碗嘅車仔麵, 完全係唔得! 豬肉就仲衰過富臨任食火鍋. 真係唔想講到咁差, 但係真係好難食.再講隻招牌雞翼. 首先就係凍野同埋有啲油益味, 啲油係感覺上好差, 完全就好似返炸油咁樣啲雞翼完全唔食得人, 大家千祈唔好叫呀.肉骨茶真係好難食, 就有啲似啲媽咪麵的味精加熱水。不過依個間餐廳有啲好處就係冇咩人, 所以如果係肚餓又唔介意難食嘅嘢嘅話, 就快啲入嚟幫襯下啦

放工出沙田買嘢，即興約埋住喺附近嘅朋友出新城市食飯，諗來諗去都唔知食咩好，咁岩經過呢間，令我回想起好多年前喺馬來西亞食過嘅摻摻，最後一致決定今晚食星加坡菜。好好彩，早到的鳥兒有蟲吃，今晚唔使等位侍應很好，安排左沙發座位俾我哋，地方唔算好大，但都幾骨子，職員亦都好有禮貌。商討完之後，我哋最後達成共識，兩人share一個面，然後叫多啲小食，滿足到我哋想食多啲但又唔怕多得滯嘅慾望荔枝梳打，唔太甜，仲有兩粒荔枝肉。呢個真係要推介下，香脆單骨雞翼，同個名一樣，好香脆，一咬開，入面熱辣辣，而且雞翼好滑。串燒牛，猪，個沙嗲汁教得幾好，如果可以辣啲就更好啦，牛肉燒得剛剛好，表面乾身，入面鎖住啲肉汁，咬落去好軟身。豬肉亦都唔錯，外面焦香，肉質都幾嫩。沙嗲魷魚，相比起頭先兩碟，呢味就稍為遜色左一啲，沙嗲味聞落去好香，但咬落冇乜味，魷魚都係新鮮嘅。最後主角出場，海鮮摻摻，摻摻其實係油麵加米粉，海鮮種類都幾多，有魷魚，蝦，墨魚仔，帶子。魷魚同頭先沙嗲魷魚一樣，不過呢個汁好味啲。墨魚仔同帶子都新鮮，但係蝦就唔多新鮮，個蝦頭就甩就甩咁，肉質梅梅地，個人覺得蝦喺呢碗麵入面佔好重要嘅角色，所以都有少少失望。不過除咗蝦

曾到過馬來西亞的檳城工作，很愛當地的蝦麵。在香港卻從沒吃過蝦麵。在沙田新城市廣場開左間蝦麵店，第一次去試試看。晚上約8pm去到，等候了大約15分鐘，便有坐位。侍應很友善，店舖很整潔，給我們好印象。湯麵價錢不便宜，接近100蚊一碗麵。但論價值，是絕對物有所值！我們點了一碗白毛豬大蝦湯麵，一碗海鮮大海蝦湯麵。湯底是非常非常濃的蝦湯，好好味！海鮮大海蝦湯麵價錢較高，蝦也較大隻。兩碗麵整體非常正！每碗都配有蔬菜，適合我們這些每餐都希望吃到蔬菜的人。喜愛海鮮濃蝦湯的味道，這是必食的好選擇！

今天星期六和老公到新城市，看到這間新加坡餐廳不用等位所以便試一試已是下午茶時間，但此餐廳沒有下午茶餐牌，只可散叫我們點餐後，五分鐘左右便上菜，效率很高手撕雞海蝦蝦湯麵 - 賣相一般，蝦是已剝皮，但蝦味不重。湯底都只是微微的蝦味，不算濃郁及鮮味。麵底是米粉混油麵，雙重口感。新加坡白胡椒肉骨茶 - 有排骨，豬手和豆卜。第一次食有豬手的肉骨茶，但沒有很多肉，還是排骨比較入味。湯底的白胡椒味都算濃，但白飯要另點。這個價錢這個食物質素，性價比不是很高，沒有什麼驚喜。如果有套餐才會考慮再來

牛助飯 $88餐廳較小蘿蔔太咸但「淋」不過不失無lunch set 有點貴薑汁奶茶 28口味幾特別，個人不太喜愛不差，但此價錢 沒有lunch set , 位置較少 ，有點失望朋友食海蝦，朋友推介的

同女友食晚餐，經open rice搵到呢間餐廳。點了馬來蝦場配牛肉麵及喇沙。蝦湯還不錯，喇沙有菜會更好。但牛肉真係好韌，同服務態度真心差。下次唔會再來。P.S. 點解要打80字？