Mint & Basil (海堤灣畔)

营业中

休息中

今個週末又同屋企人去下街街。今次我哋揸車去咗東涌outlet，但又唔想成日喺outlet入面食嘢咁悶，咁我哋就去咗海堤灣畔啦，喺UNIQLO行出去幾分鐘就到，非常方便🚗 ♥︎ Nua Yang Takrai呢個炭燒香矛西冷牛肉，牛肉包住一整支香茅，牛肉好香炭燒味，有小量肥膏幾香口🥩。另外仲有啲生菜同米粉可以夾住一齊食，成個配搭都幾豐富🥬🍜♥︎ Goong Phaow燒大蝦成著手掌咁大隻🦐🫨，大蝦上面鋪滿蒜蓉，味道鮮甜，配埋泰式酸辣汁真係一流，酸酸辣辣好惹味，蝦肉仲好彈牙添！極度推薦鍾意食蝦嘅朋友仔🩷 ♥︎ Phad Pak Ruam炒雜菜清新爽口，蔬菜唔會煮得過熟，同埋太過油膩🥦🥕 ♥︎ Virgin Mojito呢杯Virgin Mojito好清新，有薄荷同青檸香🍹，唔飲酒嘅話呢個係perfect choice，解渴又refreshing！🌿🍋

“牛油咖喱雞”($128)“蒜蓉烤餅”($36)“泰式蝦炒河粉”($138)“沙爹串燒(雞肉/豬肉)”($138)“Mango Lassi”($58)“Gunner”($48)東涌除咗東薈城其實行遠少少去海堤灣畔都有唔少餐廳今次就嚟咗間食印度+泰國菜嘅餐廳咁就一於2款菜式都叫吓😜首先點咗我最愛嘅Butter Chicken🐔醬料味道濃郁,雞肉又多又入味😚配埋份garlic naan一齊食正呀😋泰式就點咗Pad Thai配上蝦🦐配料好豐富,有芽菜,雞蛋,花生,辣椒碎🌶食落酸酸辣辣夠哂開胃另外仲點咗沙嗲串燒一份6串,我地就點咗雞肉豬肉各3🐔🐷串燒燒得岩岩好,外焦內嫩加上沙嗲醬就更惹味🤤飲品方面點咗杯Gunner用上gingerale,ginger beer,青檸汁等飲落都幾清新食印度菜又點可以唔叫Mango Lassi🥭味道清清甜甜又順喉☺️

餐廳主打泰國及印度菜一次過可以品嚐東南亞菜～環境寫意舒適 適合家庭朋友聚餐 ⍢牛油咖喱雞 $128雖然是咖喱 但都接近不辣啖啖香濃惹味 雞件份量多且嫩滑份量夠2人分享牛油烤薄餅 $28薄餅煙韌 帶有淡淡牛油味建議蘸上咖喱一同進食泰式青木瓜海鮮沙律 $98非常新鮮 口感爽脆配有數隻彈牙蝦隻整體比想像中更辣 但很開胃炭燒豬頸肉 $118豬頸肉厚度適中燒得脆香 蘸上泰式醬汁更可口印度炒麵 $128在香港初嚐印度炒麵炒麵帶辣又帶點甜配合多種蔬果感覺很健康⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐Mint & Basil📍東涌東涌海濱路8號海堤灣畔地下K號舖

朋友帶我黎東涌shopping，呢度好多outlet岩晒行街之後佢話帶我去附近一間好chill既餐廳食泰國菜，呢度一入到黎就好有泰國風格入面有幅好靚既壁畫同埋全部sofa位座位舒適，我地叫左一碟炒河粉，入面有好多辣椒粉，花生碎，蛋，蔥，豆腐卜等等加入青檸汁好fresh好好味，又唔油膩。仲有一杯cocktail係有入口順滑既whisky同蜂蜜味，呢度飲品同酒品選擇都好多，燒牛肉好juicy同埋夾埋菜食好夾。

有地道的印度式美食，仲有泰式，好多選擇🥳傳統印度牛油雞，真係好美味，醬汁香濃鮮美，仲略帶甜甜地配合鬆軟的蒜香薄餅，真係會一試難忘。冬陰功海鮮金邊粉帶有奶油濃香，令到酸辣味好順滑，非常醒神惹味，喜歡冬陰功真係可以一試。燒魷魚非常嫩滑由香口。牛肉沙律配菜好出色，牛肉味香濃，好喜歡甜甜粟米和清新青瓜，配合酸辣又惹味的醬汁，係很好的前菜。整體食物質素良好，感到餐廳店員的熱情和用心製作美食，黎到東涌係一個美食的好選擇。

主打泰式及越南料理的 Mint & Basil 於東涌開設新分店，擁有環境清幽的戶外花園雅座，開揚雅緻，Happy Friday去左捧場。泰式凍海鮮玻璃面沙律開胃惹味的同時，非常清甜及低卡路里，啱哂想減肥的人！在浸軟的米紙上放上唐生菜、甘筍絲、青瓜絲、金不換、薄荷葉及蝦，捲起，，是輕盈又好吃的小食。瑪沙拉香料薄脆加入洋蔥蕃茄碎，微微酸辣的滋味十分開胃!羊肉烤薄餅每一口都能感受到羊肉的醇厚与鲜嫩，裹入薄餅内，讓口感更加飽滿。泰式香煎蟹肉餅最特別，蟹肉鮮嫩多汁，配上香濃嘅雞蛋同埋香草，成個蟹餅好好味。

今日嘅天氣幾好，就去東涌outlet行吓街，咁行完街就睇吓有乜好嘢食啦，平時食太多日本嘢依家都有啲熱熱哋，所以呢就揀咗一間印度同埋泰菜嘅餐廳。🍳黃咖喱蟹肉 Kari Kanum Pwng Nuae Poo $168蟹肉都算幾多，直接放喺咖喱面上邊！算係一個幾甜嘅嘢味嘅咖喱！🍳炭燒豬頸肉 Grilled pork neck $118大大塊豬頸肉，有成10幾塊，咬落幾爽脆完全冇根，值得一讚。🍳印度酥油薄餅 Roti Canai $40呢個薄餅熱辣辣用嚟點黃咖喱一流。🍳印式玫瑰露炸奶球 Gulab Jamun $68甜甜的椰絲甜品，喜歡食比較甜嘅朋友會好鍾意。🍹Fruit Float $58好香嘅橙汁同芒果味，食咖喱解渴一流！🍹Thai Colada $58第一次試到用椰奶溝嘅Cocktail，好大陣嘢油嘅香味，再加上少少酒精，值得一試。

平時黎東薈城行街，只會係商場入邊搵野食， 如果今次唔係朋友帶路，都唔知道外面原來有呢種異國風情既地方!!呢度唔似係香港，好似去左第二度國家旅遊， 店員係外藉人，但可以廣東話同英語溝通~呢度竟然可以一次點泰國菜!越南菜! 印度菜! 真的絕絕子~坐左一陣既食客都係外藉既， 感覺呢度應幾正宗的哈哈 沙爹串燒3串豬+3串雞, 應該係即烤的, 好香既肉味, 再配花生香既沙爹醬 !每人食3串好飽喔, 因為肉好大舊 ! 傳統羊肉咖哩+烤餅(NAAN) - 呢度既咖哩真係好香, 豐富香料味道留係口中揮之不去,配印度烤餅點咖哩食大推~ 無酒精雞尾酒因為有揸車過黎所以沒嗌有酒精既, 點左兩杯"MANGO BLAST"&"YELLOW SKY"  味道都好濃呀 , 唔太甜好好喝!!最後建議揸車黎既都係泊商場啦~因為附近屋苑停車場我見滿哂, 同埋唔知泊唔泊得呢~

放假同男朋友拍拖，諗起好耐都冇食過泰國嘅fusion嘢，上網搵咗呢間餐廳，感覺都好多好特色嘅食物，一於就嚟試吓！食得泰國嘢，一定就嚟唔開串燒，叫咗一個串燒拼盤，豬肉配雞肉串，豬肉同雞肉都好大串，豬肉食落去嘅感覺醃製得勁似豬頸肉咁嘅味道，食落非常Juicy，而雞肉呢都非常大串，平時食嘅雞肉都會好乾身，而呢間係完全唔會，串燒配上沙嗲汁，簡直係絕配！酸辣椰汁雞湯每次食泰國嘢,我最鍾意叫呢個湯呢度 嘅味道都唔錯,上枱非常熱個湯夠酸, 加咗好多香茅,正雞肉份量好多, 同埋比起係泰國飲嘅更加奶味濃郁！泰國嘢一定要食炒通菜，呢度嘅炒通菜味道好濃郁，唯獨係菜葉就比較少，纖維好夠🤭另外叫咗個蟹肉黃咖喱再配個印度薄餅，蟹肉和咖喱真係好多蟹肉粒！非常足料！基本每啖汁都會有蟹肉粒！非常值得推介！

[✨東涌Mint & Basil•假日悠閒好去處🌸]#東涌 #mintnbasil #泰國菜🌸牛油咖喱雞 $128咖喱唔辣，不過就好惹味，有濃郁嘅牛油味食落好creamy，雞肉份量亦好多，唔錯。🌸薄餅 $36比較薄身嘅烤餅，而且脆脆地，點咖喱食一流。🌸越式鮮蝦米紙卷 $98米紙卷有6件，外皮煙煙韌韌，點少少魚露食食落好fresh。🌸泰式柚子鮮蝦沙律 $88泰國風味滿滿嘅一份沙律，蝦球大大隻，肉質新鮮，結實有咬口，配上柚子同其他香料，非常惹味開胃。🌸芒果糯米飯 $108糯米飯熱辣辣，椰漿勁香濃，口感軟糯😍芒果好大份，微微酸甜嘅味道好好食————————♡♡♡♡♡♡————————✨總結感覺幾正宗嘅泰國菜，款式選擇多，而且價錢合理；員工態度好，座位舒適寬敞，環境亦佈置到好Chill嘅氣氛，黎開東涌嘅不妨一試。📍Mint & Basil🏠東涌東涌海濱路8號海堤灣畔地下K號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hon

行開東涌，想搵D特別D嘅餐廳，沿住東薈城天橋行左5分鐘去海堤灣畔果邊，發現左間幾chill嘅印度泰國餐廳Mint & Basil，裝修都幾colourful，掛左好多燈籠。Menu有兩本，一本印度、一本泰式，可以一間餐廳滿足兩個願望，另外仲有得飲Cocktail，選擇好多。今次兩派菜式都有試晒。印度果邊揀左羊肉配蒜香Naan，羊肉夠腍夠多，醬汁好濃但係唔會好鹹，點醬食真心唔錯，又唔會蓋過Naan嘅香味。泰國果邊就叫左燒豬頸肉，切得好薄之餘又燒得夠香，個醬幾惹味，幾好食。另外仲叫左泰式牛肉炒河，河粉滑得嚟仲炒得好惹味，加左香料一齊炒好有泰式feel。飲品叫左泰式奶茶，原壺上好有儀式感，而且自己加糖可以控制甜度，唔錯唔錯！朋友叫左杯Fruit Float，好濃厚嘅芒果味，都幾清新。整體野食都OK，環境幾清幽，又坐得舒服，感覺幾悠閒，去開東涌可以試下。

今天去咗海堤灣畔的Mint & Basil。中午時分，外面嘅天氣有啲熱，所以揀咗響室內用餐，餐廳環境相當舒適，簡約嘅裝潢讓人感到放鬆，餐牌上的選擇都好吸引。馬拉盞炒通菜嘅馬拉盞醬有啲微辣味道，配上新鮮的通菜，爽口惹味。炭燒豬頸肉表面有點燒烤嘅香味，肉質非常Juicy，搭配特製醬汁，味道一流！叫咗份黄咖哩蟹肉配搭印度薄餅，每次嚟都必試，蟹肉勁多，咖哩醬濃郁，汁料裡面有芹菜、紅椒、洋蔥，口感丰富。薄脆可口嘅薄餅沾蟹肉黄咖哩同食，非常惹味。兩杯mocktail非常好飲。一杯是fruit float，由芒果果肉、柳橙汁、鳳梨汁和石榴糖漿淋上椰子奶油製成，另一杯mango blast則是將芒果果肉、新鮮黃瓜、蜂蜜、新鮮酸橙汁和薑汁啤酒混合而成，特別適合這炎熱的夏日，喝下去讓人感覺格外解渴！

呢間餐廳提供印度和泰國菜的獨特組合，值得一試。首先，印度牛油咖喱雞$128，咖喱香濃滑溜，雞肉嫩滑，帶有濃郁的印度風味。食咖喱當然要配薄餅。Garlic naan$36，蒜香好正，外脆內軟，好食😋參巴魷魚乾$138，魷魚煮得入味，參巴醬辣中帶甜，仲有豆角。整個菜式都好香辣惹味。泰式雞炒河粉$138，河粉幼身煙韌，雞肉嫩滑，搭配泰式香料，味道鮮香可口。飲品方面，Apple juice$38。GUNNER$48，混合了Ginger Ale、Ginger Beer、Lime Juice和Angostura Bitter，帶有酸甜味。呢間餐廳的菜式多樣化，無論係印度定泰國菜，都有水準！

出黎逛東涌Outlet，行街前先醫下個肚先。呢間集齊越南菜，泰國菜同印度菜於一身嘅餐廳其實就係Outlet 隔離，Google大神指路話地鐵站過去要行12分鐘，其實唔使。Outlet入嘅 UNIQLO服裝店前面玻璃門出去，海堤灣畔商場方向，行2分鐘左右落電梯就到，好方便。VIRGIN MOJITO & YELLOW S：無論係cocktails 同 mocktail 都有好多選擇，揀兩杯VIRGIN MOJITO 同YELLOW SKY，老板即場係bar調製，好飲！越式畔蝦米艇卷（四件）$98 ：越式米卷，内加香草，佐以魚露同鮮檸制成嘅特別醬汁，係熱辣辣嘅夏天食好解薯羊肉串Lamb Seekh Kebab $168 ：如果睇相或未食過印度菜嘅應該仲唔到呢個係印度菜。呢款印度特色烤羊肉串，配上混合胡椒、檸檬同香菜的溫和香料，好味！泰式炒飯，份量足夠兩個人食，落料超足，有齊鮮蝦，魷魚，帶子，加上必備菠蘿，提子乾同栗米佐料，啖啖海鮮飯，好食！

Mint & Basil (海堤灣畔)📍：東涌東涌海濱路8號海堤灣畔地下K號舖🚗：東涌地鐵C出口 步行10分鐘📞：+852 2762-8077💲：~HKD280/head for dinnerFood quality✔️：Butter Chicken, Garlic Naan, Plain Lassi👌🏼：Green Curry, Tandorri Roti, Roti Banana, Young Coconut總結：😋OR寫係泰越餐廳 但入到嚟全部印巴裔員工真心似食印度或中東菜多啲 佢有兩本餐牌：泰國同印度🇮🇳本身諗住只叫印度菜 但朋友話OR主推泰國嘢多啲 最尾試咗一碟泰國咖哩 整體印度菜>泰國菜😋butter chicken🐓真係最基本 咖哩味濃但唔會太辣 迎合咗香港人口味 配naan/roti都唔錯😋Naan就食印度嘢無道理唔點 蒜🧄味唔係好出 主要係蘸嘅咖哩🍛太濃味完全蓋過哂 但呢塊餅都唔錯😋Plain Lassi都唔係好多地方有 主要都係整mango lassi多 不過plain嘅雖然味道寡啲 但食濃味嘅印度菜 一濃一淡反而幾平衡 而且lassi對腸胃都好啲 🤔朋友堅持