MIRROR BURGER (寶榮大廈)

营业中

休息中

平時好少食Burger嘅我見到menu 有牛油果🥑三文魚仲有蛋我就入咗去！入到去order 完我就坐埋一邊等食我叫嘅時候又要走蕃茄走洋蔥但店員都好nice 見到Burger 出到嚟好大個我仲加咗Bacon 🥓我第一啖咬咗個包先，因為口唔夠大咬唔哂🤣包整得好香仲要係脆嘅！醬汁好夠！我呢個唔係好食burger嘅人搵到間可以唔洗啖啖肉嘅選擇表示高興🥳同埋佢個小食煙燻雞翼都好煙燻幾特別🤤食得好開心，一定會再去！

前個排經過炮台山路經呢間嘅漢堡店，膽粗粗入去睇下係咩料先。本身我對漢堡包嘅包本人都幾著緊嘅，而呢間漢堡店嘅包又真係畀到驚喜我喎！ 個包嘅麥味好香，再加上用左啲牛油煎香真係好正 塊patty都同個包好夾！剛好嘅焦香同個肉汁配埋個包好正！個side就嗌左份蕃薯條。食食下睇佢個menu先發現有蓮藕片，太飽就決定留番下次再黎過嘅時候嗌！ 野飲就嗌左杯凍齋啡。鋪面就細細，所以坐唔到太多人。但勝在環境乾淨同個vibe都好正

今次第一次黎食，叫左2個餐 成為$2011️⃣經典牛肉漢堡2️⃣大啡菇漢堡完全食落冇味，連簡單既牛冇味，菇冇味，包又一D都唔脆，真係好伏！套餐叫左蕃薯條 偏鹽但食黎食去都食唔到蕃薯味！仲有蓮藕片都係得個鹽字！連加杯朱古力奶 超甜， 牛油果燕麥沙冰得個凍字又係冇味！最後服務真係好差，叫服務員幫手切開個包一半，男服務員反白眼!真係冇下次！！！😡🤬😡🤬😡😞😠😞😣😞😣😞😣🤬😣😠😞😠😞😠😞😠😞😠😞😠😡😞😡😞😡😞😡😞😡😞😡😞😡😞😡😞😡😞😡

喺炮台山開工，近日發現咗呢間小店。老闆同老闆娘非常友善，食物好味。叫咗個經典芝士牛肉漢堡包，份量十分充足，蘑菇同埋生菜份量非常新鮮。朋友叫咗個三文魚漢堡，味道十分之正，成個包唔會太乾，配合得好好；啱晒唔食牛肉嘅人。sweet potato fries好味。好過餐餐都去食老麥或者五條友。下次會去試其他嘢！間舖真係一間小店！中午時間去通常滿座，唯有外賣！不過廚房手腳都好快，等一陣就可以攞走。

今日經過諗住試一試，雖然風評好似唔錯，但穩陣起見都係叫番d基本野先，叫左個classic burger ，望落個樣就唔錯，但食落個包唔脆、無彈性，牛無肉味、亦無脂香，又薄又乾，肉煎到焦黑但完全唔脆唔香，唔知點做到，基本上係食個汁醬同芝士。唯一優點應該係塊patty 夠瘦，一個burger 又唔juicy，又唔crispy，做到咁不如執左佢😊不過其實職員幾有禮貌，希望可以好好改善下食物質素，不過實在太伏，短期內都唔會再試。

話說約咗班好友一齊去港島行街街，行過見到有間裝修幾靚既漢堡包店，肚仔餓咁不如入去試下啦！我自己就鐘意食肉同芝士，所以就叫咗個3.2.1，佢個肉既味道係非常Juicy，咬一啖係會咇哂啲肉汁出黎，非常過癮。而朋友A就叫咗個牛油果軟殼蟹，根據返朋友A敘述，佢話個牛油果同埋軟殼蟹係一個非常完美既配搭，現場現炸既原隻軟殼蟹，熱辣辣勁好味，加上清新既牛油果，啱啱好中和咗軟殼蟹的油同膩，再加上個秘製既他他醬，真係冇得彈！另一個朋友B佢就叫咗個墨辣芝士牛肉，個飽既賣相非常靚仔，佢個墨西哥辣醬真係好辣，但又唔係淨係死辣咁簡單，我自己就唔食得辣既，試食咗一啖已經忍唔住要叫罐可樂嚟解辣，我諗鍾意食辣既朋友真係可以試下。老闆同老闆娘佢地好nice，叫完個飽仲會同我地吹水，食到人地10點收工先走，可惜間鋪唔算好大，容納唔到咁多人，不過勝在夠靜，真心推薦各位行過北角既就去試下啦！

今日星期五，難得唔使OT🤤，約埋幾個fd一齊去左炮台山食晚餐。餐廳位置係小巷之中，環境唔會好嘈雜，最岩就係三五知己飯局😻😻😻餐廳都非常之整潔乾淨。我地一行人叫左Burger薯條及飲品，價錢合理，味道又十分好，仲好夠飽，算係附近非常之高CP值既小店。🙌🏻🙌🏻服務方面，老闆同老闆娘service一流，非常之nice，睇得出係對食物好有要求。總結黎講，非常之推介俾大家❣️❣️ 喜歡食西餐既大家唔好錯過喇！😛😛

好耐冇食過咁好味嘅burger ，我係嗌外賣 但送到都仲好味，期待下次Walk in食！我叫左basic 嘅芝士漢堡，個包有諗法一啲都唔Soggy, 同時個醬都啱啱好！ 凍泡肉桂檸檬茶 ，配薯條，雞翼， Burger依啲咁油嘅食物一流！因為個肉桂，好似飲緊蘋果批咁😳雞翼大癲！肉有浸煙熏味🤣

呢個星期因為裝修住酒店對面有間新開burger ,所以叫左作地signature -新鏡，有吉烈啡菰，牛肉，芝士🧀同蔬菜配料，再加左蕃薯條同肉桂檸檬茶個包超厚呀，吉列啡菇超juicy ,佢既包體比較有彈性同偏甜，而芝士量都幾多，牛肉漢堡正常水準。物超所值啦❤️炸蕃薯條都係即整，超熱超新鮮，佢係粗條類，所以食得好開心，都夠乾身同食到一陣都keep 到脆度，已經好想今晚encore 了🤣🤣🤣🤣🤣🤣🤣🤣

煙三文魚牛油果煎蛋漢堡煙燻三文魚配搭濃郁牛油果，仲有流心煎蛋真係好驚喜，健康又好味，加上配料好豐富，份量比一般多，有脆生菜，紫洋蔥，蕃茄，口感豐富多層次。牛油果軟殼蟹漢堡見佢即叫即炸，原隻軟殼蟹上酥脆可口，外脆內軟，加上新鮮蔬菜同牛油果，增加清新感覺。套餐加$19有小食同野飲小食叫左煙燻脆香雞翼，煙燻味突出，值得試下。酥脆藕片真係非常脆口，好似食緊薯片咁，每枱都有蕃茄汁，可以按照自己需要添加醬汁。Burger 質素唔錯，見佢即叫即做，份量好足用料都非常新鮮，鋪面雖然唔大但乾淨企理坐得舒服，值得推介可以試試。

今日行過見到有間新張開既burger店見環境乾淨簡潔 店員親切就試下一次大致上menu同大部分burger店一樣 都係有牛有雞 所以見有軟殼蟹就試下都有驚喜 隻蟹成隻上 咬落去好有蟹味 有汁有蟹膏😂重有d牛油果墊底成件事冇咁油膩朋友就叫左cheese burger 牛肉唔會太乾 都算重牛味 包都唔會太油小食方面除左基本有薯條 之外 有樣叫煙燻雞翼既都唔錯 外表夠脆 入面都唔會太乾身 夠juicy 總括黎講 價錢合理 約$100/人會再幫襯😄