影片
港铁中环站 A 出口, 港铁香港站 A2 出口
继续阅读
开饭介绍
Miso是喜歡日式料理愛好者的飯堂.客人在時尚設計的miso內輕鬆地享受他們的食物.餐牌上有一切各樣傳統日式菜式和新鮮的食品,例如天婦羅,鐵板燒,刺身和午餐都有供應。
继续阅读
特色
同客食饭
营业时间
*午市最後點餐：14：45
晚市最後點餐：22：00
星期一至日
11:30 - 15:00
18:00 - 22:30
以上资料只供参考，请与餐厅确认详情
又到週末，總要俾藉口犒賞一下自己；只要肯行少少路，中環區都可以搵到唔少有水準嘅餐廳嘅。Miso主打鐵板燒，一入內有條小梯，邊下樓邊可以俯瞰師傅認真烹調嘅過程。餐廳佔地面積不小，即使廚房為開放式，都唔會有局促感同油煙味。點咗$750午市二人鐵板燒套餐。沙律份量十足，猶如小山丘，表面鋪上滿滿蟹籽，入口爆汁充分提鮮；精萃沙拉醬加咗芥末，香甜之餘帶刺鼻感，令整體更清爽醒胃。餐牌上無標明邊六款刺身，由餐廳即日按貨源決定，保證質素新鮮鮮美。生魚片如相中肥厚，特愛帶子、吞拿魚同鯛魚；帶子厚嫩爽口，略帶鮮甜；中拖與鯛魚帶明顯油香，口感豐腴。餐廳給予自由用膳嘅時間值得一讚。每道菜上菜後約十至十五分鐘先再上下一味，一反中環區急促嘅節奏，俾客人真正享受午膳。鱈魚外皮香脆，魚皮與魚肉之間夾住適量脂肪，脂香十足，份量剛好，一人一件不至於過膩；帶子以牛油香煎，同刺身一樣爽彈，味道中規中矩。本日MVP，薄切肉眼外在焦脆、入口即化，加上包裹住嘅蔥花，辛香又中和肉膩，無諗過味道咁出色🤩蘸上燒肉汁突出返肉香，更香口惹味。炒飯加入蘿蔔、洋蔥、小蝦同蛋炒成，略微結團，偏油，味道一般。尾聲可選咖啡或甜品，餐廳所供應嘅雪糕居然係雪葩，香港鮮少有得食😍冰凍嘅刨冰口感刺激味蕾，同樣甜中帶酸嘅柚子同檸檬口味清涼解暑，為今餐帶嚟圓美尾聲～
继续阅读
今日去到中環做嘢，攰賴賴要食餐好嘅招呼自己😆，朋友介紹喺康樂大廈地牢有一間高級日本餐廳，於是就一齊去食。餐廳本身都好大，加埋限聚令嘅關係，坐得好闊落好舒服。我哋嗌左個雞泡魚乾、燒牛舌、滑蛋豬扒飯、薄燒牛肉、蘆筍炒雜菌。牛舌夠薄，燒得啱啱好，而且牛味香濃，讚👍🏼。滑蛋豬扒飯都幾特別，佢將啲豬扒切到細細舊來炸，方便入口，略嫌個飯比較濕。個薄燒牛肉要大讚，擺上碟已經好香，配埋個燒汁，點落去將個牛味更加提升，中間捲左啲蔥花，令到成舊牛肉都好香，連我本身唔鍾意食蔥嘅，都食到停唔到口，真係好好味😋蘆筍炒雜菌亦都好香，蘆筍夠鮮嫩，仲好爽口。總括嚟講所有嘢食都好食，價錢稍為偏貴，間中食下亦無妨😃
继续阅读
MISO是美心集團旗下的食肆之一, 但走的是高級路線。冷稻庭烏冬到庭烏冬的變得非常有韌性，吃了非常滑，湯汁也味道很好，好像一吃就會到達腸子內一樣。特上雜錦壽司不同的壽司都很美味，生魚片十分新鮮，配上硬軟適中的醋米飯，有高級手握壽司的感覺。法國鵝肝鮮果肉白酒汁底層有塊多士墊這，喜歡那件鵝肝本身不太多油，也很大件，入口即溶，好濃郁既的味道。廚師都好貼心知道鵝肝會膩所以放了鮮果製成的醬汁，兩者酸酸味味都能夠大大減低油膩感！最後我們還吃了一個甜品，為這美味的晚餐畫上了圓滿的句號。
继续阅读
這間位於中環傳統大廈「怡和大廈」地下的日本料理 Miso 。龍蝦🦞剌身，非常好味😋招呼服務態度真係好親切。午餐的菜牌，適合我哋在中環上班一族，價錢合理，款式眾多。
继续阅读
有日約咗長輩喺公司附近食飯，想揀間質素穩定啲，budget每位$200-300，坐落唔會太逼嘅餐廳，揀咗怡和大廈地庫嘅miso。我淨係影咗我自己份食物，請無視/原諒右手邊嘅雞翼骨😂煎雞扒芝麻汁冷烏冬雞扒肉好厚，煎得唔錯雞皮幾香，少少肥膩我係可以接受嘅冷烏冬份量正常，芝麻汁味道比想像中濃，可能因此有少少飽滯感，叫少汁可能可以減輕呢個缺點餐單上嘅都多元化同多選擇，有單點、套餐、小食、甜品食物有飯、麵、刺身各色各樣，價錢都豐儉由人嘅
继续阅读