Miss Coffee

营业中

休息中

朋友話好耐無去虹橋食嘢，呢日放假lunch 就一齊入左虹橋，揀左間未食過既cafe. 因為位置比較偏都搵左一陣先搵到。我地入到去只有兩張枱客人，我哋係第三枱。原本叫左個all day breakfast and 炒蛋 煙三文魚牛油果漢堡。但佢哋係跟住落order 既次序去整，到整晒前面兩枱客既單要整我哋時店員先同我哋講無晒包，要改其他。果陣已經等左20分鐘以上原本諗住終於到我哋先被告知無晒，果刻感覺唔太好🥲我哋最後轉左要蕃茄海鮮意粉，而係個意粉到之前all day breakfast 已經被我哋極速清晒😂唔知係咪肚餓關係覺得份量偏少，不過佢價錢比起其他鋪既all day breakfast 係抵啲既。 而個意粉都比想像中好食同多料，同埋唔太鍾意食茄汁既我都覺得佢好食，唔係好假既蕃茄味同埋鹹度適中，個意粉既質地都係我鍾意既有少少咬口果種，唔會太硬亦唔會太軟。所以都有8分。算唔錯👍🏻而兩杯飲品就普通，無咩驚喜。

自問係熟客～ 自從搬左入來屯門，呢間cafe 仔就係我嘅飯堂(住得非常近)。放假/唔想煮都會落Miss coffe。平均一個月都會食6-8次。So far都幾好食，性價比不錯。想支持小店。但今年，自從留白冰室換左老闆(同Miss coffee老闆同一人)，有幾次都撞過佢係新鋪幫手。Miss coffee就得返一班後生仔/part time(並非時常係鋪)，食物質素愈來愈差，求其。例如：以前老闆煮嘅雞肉芝士Panilli係用慢煮雞肉，嫩到出汁而且有薯角。但呢排食嘅係速煎雞肉⋯柴到咬唔爛⋯更加比再比薯角/配料。今日，買左個冬陰意粉外賣，無味之餘啲汁係比紙盒索哂。沙律菜有兩塊，多謝。倒不如唔好比，望落有啲寒酸。據我所食過，留白冰室都有冬陰意粉，價錢平一大截，料就自然少。而今日我食呢個意粉，水準同冰室差不多。果然係同一個老闆⋯但我比得貴啲，自然想要好啲質素！以前Miss coffee嘅冬陰意粉辣辣地，有creamy感。現在愈來愈hea，其求兜兩兜，失去信心。呢幾年多左人食Miss coffee，但咁樣落去，只會幾以往努力白廢。希望老闆正視下，唔好只顧新鋪。

早排某日去咗大西北「搵食」，本身其實係想試另一間cafe，但咁啱係落場時間😳雖然等多十分鐘左右就開返，但因為有啲餓，所以最尾轉咗去呢間cafe~店舖喺角落位置，細細間，去嘅時候坐滿人咁濟，連門口出面張檯都有人坐。叫咗杯熱 #Latte 、 #AvocadoBananaSmoothie +ice cream，仲叫咗小食 #忌廉白汁青口 。杯熱Latte味道ok，不過個smoothie啲香蕉味有啲生，我哋好似見到佢哋即時出去買香蕉返嚟🤣🤣 雖然加咗雪糕，但因為個蕉味有啲生，所以麻麻地🫢 個青口幾好食，個汁好夠creamy好香，如果份量再多啲就好喇～

小店位於屯門虹橋，附近有泊車位，平日去比較方便易搵到位。餐廳地點隱世，門口看起來以為地方很細小，但步進餐廳𥚃面，發現坐位都好闊落，環境幽靜舒適，地方也整潔。坐下來點了All day Breakfast，凍鮮奶咖啡。整個餐也不錯，尤其是香脆的牛角包和薯角均掃上微甜的蜜糖，非常香甜可口，滑蛋也用上松露炒，當然咖啡也是亮點。這間小店我不只一次來光顧，之前有試過他們做的green breakfast ，感覺更清新。偶然有時間都會平日都會來，可算是口袋裏的飯堂。

Miss coffee or Heato？都搞唔清楚究竟係咩名啦係洪橋附近的小巷內角落雖然不太寬落，但位置不少 Flat White latte 拉花同味道都唔錯，明治鮮奶所以醇厚感、甜感都在線～ 火腿芝士多士 火腿面油淋淋既，開始以為係油但原來係蜜糖，芝士片有點硬～吐司包不甜，烤完有啲脆卜卜

04.05.2023 星期四 Miss Coffee 這間cafe shop真的一點不起眼，不但在橫街的一角，而且門口很小，還在大門擺放了一部龐大的咖啡機，令餐廳看來又細又雜亂，但穿過長長窄窄的走廊，竟又是另一個景象。入到餐廳內，原來空間比預期中大得多，松木紋的牆身，配上木枱椅，牆上的掛畫和字句，都令人感到很舒適優閒的感覺。大家各有各空間，來到時下午五時多，已經有幾枱客人，大家正靜靜地享用美食，悠閑地嘆咖啡。素食早餐 $70包括蘑菇•粟米•蕃茄•炒蛋•薯角•牛角包·沙律，豐富抵食。大㫵菇鮮甜，薯角香脆，惟一沙律菜太少，牛角包淋了少許。忌廉白汁青口$68這個價錢想像不到份量如此多，青口細細隻，加上忌廉白汁，甜美得很。另外要讚讚，職員主動放下一隻大碟放青口殼，小舉動看出餐廳的細心，有時連大餐廳也未必做。Latte $20可以跟餐$20，抵飲，非常濃厚的咖啡底，奶偏少，果然是咖啡為主的cafe，不愧為「Miss Coffee」。餐後跟老闆閒聊幾句，才知道cafe原來已經經營十年，食物做得精緻美味，價錢卻又如此相宜，他說主要是街坊和熟客支持，所以便宜一點，以後真的要多些來幫襯和支持。

行完山過黎充飢，順便hea一hea。閒日下午時段，一入門口已經見到佢地吧枱入面炒緊豆，好有趣。成間鋪都充滿咖啡香氣。估唔到原來裡面空間都算寬敞，客人唔多，只有一個客人喺度邊飲咖啡邊用電腦。除咗吧枱少少工作嘅聲響，整體感覺環境幾靜，係可以專心做嘢，搞到我同朋友都壓低聲量傾計，怕破壞氣氛。😂因為運動完，唔想食太飽，免得消耗完的熱量過快地補充，於是揀咗煙三文魚沙律。清爽的沙律菜，極之適合讓運動完的身體降溫。調味剛剛好，唔會太濃亦唔會寡。我很喜歡💕朋友選擇煙三文魚炒蛋吐司，麵包鬆軟份量也剛好。唔知係咪因為睇到佢地炒豆，杯ice coffe都好似特別香咁。總結感覺唔錯，適合打發時間。

佢叫白汁蟹子意粉，本身少擔心係得忌廉味既白醬，點知個汁係滲滿蟹籽味，仲帶有蒜油香，勁入味但唔膩！忍唔住一啖食到尾，用左唔夠10分鐘！食到尾仲係見到每一滴汁都有滿滿蟹子係入面😂😂唔怪得咁濃味，咁足料得唔得架雞胸1d都唔孤寒，比四大舊雞（隔離桌見到咁多雞都嘩左出聲），慢煮雞咬開仲可以啜到汁

大大全日早餐+黑咖啡*Time : NOV 2022, Lunch Time*Price : $120-HKD *Place : Miss Coffee*Review : 繼續屯門虹橋的小店美食攻略，這家店位於一個角落，外觀上不起眼，不過內裏原來都不小，配上工業風的裝修，還有陣陣的咖啡香。- 大大全日早餐 ：內容有牛角包，煎大菇，沙律，煙肉，水波蛋，香腸，薯角，火腿，份量不小，牛角又熱又軟又香，煙肉，香腸，薯角也煎得剛剛好，上碟時熱辣辣，煎大菇多汁又保留到菇的香味整體是好評的，份量，質素，配這個價錢，是比較抵食的，食物配搭上不會太膩，滿腹度剛剛好，咖啡也不是一般貨色，值得一試Miss Coffee地址 ： 屯門青柏徑6號鹿苑地下18號舖

紅橋一帶有不少食肆,  miss coffee 店子小小的, 坐落在靜靜的一角, 坐位不多, 由於是平日, 客人不多, 不用等位, 小店提供咖啡, 輕食, 意粉等, 雖然坐位不多及店子不大, 但郤有一種休閒的感覺, 我們點了2個意粉, 什麼意粉已記不起了因已差不多2個月前, 但意粉做得不錯, 性價比較鄰近的BOYB高, 當然BOYB會坐得舒服D, 會再光顧, 支持本地小店

黎到虹橋小店，門口見到部咖啡☕️機 好吸睛 比佢吸左入去試下不過入到去太多紙皮箱📦📦📦📦📦📦叫左個大大all day breakfast 有蘑菇、火腿、粟米、蕃茄、水波蛋、薯角、牛角包、腸仔、煙肉及沙律🥗菜蘑菇好有口感，吸左啲煙肉好蛋汁薯角係脆口，十分欣賞。煙肉每片都金金黃黃邊，抵讚👍🏻沙律🥗菜有一條唔新鮮 變左色但整體都係滿意。因為夠飽😂咖啡☕️本身包左 加左錢叫朱古力咖啡還好開放式既廚房 抽油煙力不足 食完個身有油煙味不過環境舒適 打返和

餐廳除左有手調咖啡 ☕️仲有主食同輕食🍔好多種類揀呢度嘅氣氛好輕鬆可以坐底慢慢傾計👯‍♀️.🌟白汁慢煮雞肉意粉 $78白汁好濃稠🥛加埋紫棻碎調下味更香💓雞肉好嫩滑意粉硬度適中🍝同明太子一齊食口感好豐富🥰.🌟雙羅多士班尼迪蛋 配煙肉 薯角$78荷蘭醬好香濃🥚水波蛋有少少流心煙肉煎到好香🥓逼油份出黎滲落包到好邪惡😍加埋蛋汁食就好perfect💕薯角好好食!🍟.📍 Miss Coffee (屯門)屯門青柏徑6號鹿苑地下18號舖

14.04.2022 星期四Miss Coffee這間位於屯門虹橋的Miss Coffee，之前經過好幾回，因為店舖名字影響，總以為只是主要喝靚咖啡，自己又不懂，所以未試過光顧。直至最近多了用網上平台，才發現除了咖啡，原來還有其他選擇呀。除了多款意大利粉，有全日早餐、流心班尼迪蛋、沙律、多士、漢堡、小食……想不到有那麼多選擇。當然還有多款咖啡，但我相信要享受咖啡，還是親自到餐廳更佳。午餐：煙肉蘑菇沙律（另加牛柳粒、薯餅）這個沙律煙肉份量不少，除了沙律菜，還加了很多番茄；另加的牛柳粒好吃，薯餅很大塊，脆卜卜，很吸引呀。冰百香果紅茶（少冰少甜）不會太甜，不錯素食早餐（另加燒烤菇）蘑菇、粟米、蕃茄、炒蛋、薯角、牛角包及沙律因為做了外賣平台會員有七五折，這個餐只需要$58.5，真是很抵食，而且一點也不隨便，令人驚喜。賣相漂亮，份量不少，薯角甜甜的很好吃，牛角包也不錯呀。這個素食早餐雖然沒有常見的牛油果，但這個價錢實在物超所值，值得試試。帆立貝沙律餐單上有五款沙律，但帆立貝沙律真的比較少見；而且有四粒鮮甜的帆立貝，起初以為這個價錢期望不大，怎料質素如此高，值得推介給大家。拿鐵咖啡咖啡質素不用說，

大西北隱世朋友聚腳好去處 - Miss Coffee今次同大家介紹呢間位於屯門嘅Miss Coffee，CK住大西北咁多年都未試過，今次就突登帶埋姐妹們黎食，睇下係咪真係網上講多咁高分先一踏入Miss Coffee就感受到佢輕鬆嘅氣氛，唔係只係因為食客都放慢手腳食野係度吹水，係因為大家都好享受自己手上做緊嘅事 : 咖啡師專注沖咖啡、店員都敬業樂業咁工作，間中又閒談幾句，成個氣氛好舒服。餐廳裝修以歐陸風為主。牆上掛滿藝術家作品及一D珍藏。黎到Miss Coffee，食客就要適應番呢度嘅步調啦，由於佢地唔係啲連鎖快餐，食客點嘅每一樣菜佢地都要時間即時製作，要耐心等候 ! 不過佢地有刊物架可以俾食客閱讀，你亦都可以同朋友傾吓計、或者係度聽下歌、影吓相咁等野食到，但就唔好催單啦！老闆都留左訊息話要催就寧願唔做你生意！咁就講下重點推介叫既野啦 : 呢度all day breakfast最貴果款都只係賣88蚊，有肉有蛋有菜有麵包，好抵食 ! 而且SIZE仲比出面好多餐廳既都大，絕對唔慳皮架！CK最鐘意係佢切開個蛋黃用黎點多士既食法，多士又烤得岩岩好，脆卜卜好好味 ! 野飲就每杯飲品唔理你叫既係朱古

偶然間search到依間cafe，咁就諗住試下。跟住google map去搵依間餐廳，作為屯門🐽嘅我竟然差啲搵唔到路，佢個位置真係好角落，係「BYOB cafe」附近，隻眼擘大啲就睇到。坐落都幾舒服，依度嘅樓底夠高唔會太壓迫，位同位之間都唔係好埋，裝修都幾骨子。我地叫左3個主食+3杯野飲$349，價錢喺屯門依個都幾偏僻嘅位置黎講，算貴。係相對冇租金嘅壓力之下，會俾到質素較高嘅野食？ummm我又唔覺，有少少失望。蘑菇漢堡$68 + 流心漢堡扒$20 🤤Mcdull問「蘑菇漢堡會唔會剩係得塊蘑菇，但冇塊肉㗎？」我🤷‍♂️答「你真心🐽，唔係扮㗎喎」「麥當勞啲芝士漢堡唔通剩係得塊芝士？」我去俾錢落單，多口問問店員，結果，呢度嘅蘑菇漢堡真係得塊蘑菇冇肉。好彩我醒目🐽，如果唔係Mcdull就要食dry 漢堡。漢堡Present得幾靚，有隻太陽蛋係面，但係靚橫靚，食起上黎都幾唔方便，蛋黃點食都流到成碟係，除非你一開始就好有儀態咁啜晒啲蛋黃；蘑菇佢已經好細心咁切到一塊塊，正常味；塊+左$20嘅漢堡幾好，有肉味，流唔流心都冇咩所謂；塊包軟身偏甜，總之成個組合食起上黎感覺好好，加埋啲薯角，正。All day