Miss Coffee

营业中

休息中

同朋友想搵一個靜靜又舒服嘅地方食晚餐去虹橋揾到Miss coffee！環境舒適，播着柔和嘅音樂！揀左All day breakfast，味道不錯！仲有咖啡，係一個新嘗試！

已經來過多次這間餐廳了有時只是tea time時間食件cake正式晚餐應該是第一次 多數去隔離舖的Cafe heato 之前看報導說是因cafe heato舖位太細客又多 所以加開了Miss Coffee兩間舖的佈置都很有特色 給人很舒服悠閒的感覺今次點了一個all day breakfast有菜 蛋 番茄 腸仔 煙三文魚 薯角和牛角包薯角上面的醬有點辣 但吃不到辣的我還可以接受另外點了一份意粉 menu上好似是牛但賣晒 就揀了雞肉 肉好嫰好正👍

週六難得自由，決定留番喺屯門區食個早午餐，喺新墟都多左唔少食店，以小型餐廳為主，小店要維持，都要靠口啤或者熟客相傳。Miss Coffee環境都ok，平日會供應連飲品嘅套餐，但週末就冇嘅，所以假日諗住悠悠閒食個早午餐，性價比就唔係太高喇。餐廳門面唔大，但原來實來實際面積頗大，位置不少，有面壁高枱高櫈、有二人枱、長枱等。裝潢都幾花心思，開放式廚房，工業風格局，水泥地、木枱櫈、擺設、漫畫書、手繪畫等。餐牌選擇唔多，主要供應意粉、全日早餐、班尼迪，價錢由$63-88。飲品單點，有咖啡、茶類、cocktail、手工啤等食物即時製作，需要時間等候，而客人亦都唔會催，始終入得來，都唔係想食快餐。見到一、兩位店員喺廚房密密做，就即管同身邊人利用等候時間傾下計吧。全日早餐 $68全日早餐有三款，有素食、亦有兩款比較豐富，揀左呢份68蚊，有腸、煙三文魚、炒蛋、牛角包、沙律菜、薯角，定價合理，屯門、元朗區嘅ADB都係咁上下價錢。質素無驚無喜，中規中矩，薯角現炸，都幾香脆。炒蛋夠滑，牛角包都係來貨。略嫌沙律菜唔係太新鮮，明顯擺左一段時間。煙花女意大利麵配牛柳粒 $75雖然落左唔少茄膏，茄味唔算好濃，比較普通

All Day Breakfast 同 Big Big Breakfast 分別， 前者炒蛋; 後者 Egg Benedict 還有火腿同大啡菇。 好好味道嘅 All day breakfast。 Sausage好好味。飲咗 Cappuccino Mocha。

週末下午落住絲絲細雨，不便出去市區。於是就近近地去屯門一間café 享受下午既寧靜時光。之前去開隔離間coffee shop 但同店員傾過計之後發現原來都係同一家店。今次一於試一下呢間miss Coffee。呢家店既店面空間大好多，但座位都係比較入既位置，而佈置就兩邊都各有特色。今次下午茶時間過去，冇咩胃口食小食，所以隨便叫左一杯Latte Macchiato 就算。因為怕咖啡味太濃，所以多數鐘意叫Latte。奶味會比較重，咖啡味道清淡，下午既時間稍微飲一下非常暖胃。店內仲會有自助水站，洗手間同免費wifi 供應。店內人客唔太多，想搵個地方近近地安靜咁嘆下咖啡絕對係不二之選

屯門嘅一間半隱蔽coffee shop開設於一個角落裏 ，如果唔係朋友遲到，想四圍行下，都未必會行到去嗰度。一早聽聞嗰度有好多好特別嘅咖啡，Life, 苦戀同埋失戀。 咁我就是但點咗杯Life， 好得意嘅味道同感覺～ 先冷後暖 先苦後甜。 正正真係好似人生咁樣 。 與其用筆錢去買四圍都一樣有得賣嘅咖啡，倒不如飲下呢度嘅咖啡 ，可能價錢上冇分別 ，但係我覺得依度能夠畀到你驚喜 ，我覺得如果有機會去到嗰度附近嘅話 ，不妨買一杯。我好鍾意咖語呢Part，能夠令我明白呢杯咖啡背後想帶畀人嘅意思。

放假想到屯門新墟的海圖Cafe，可是假日人流實在太多、座無虛席，卻又意外發現幾步之隔有家能坐在半露天位置的Cafe，於是轉戰到Miss Coffee。Miss Coffee位於行人路的盡頭，門口對外是一片小空地。門前沒有馬路也沒有轉角，是一個小空地，坐在店外的位置嘆下午茶份外寫意。店主在門外已寫清楚Cafe是以自助式運作，所以我便自己到內點餐。一看餐牌，發現價錢非常親民，一份特大的Big Big Breakfast只需$88，特別之處是他們的薯角是淋上蜜糖而非點茄汁，味道意想不到的好。而Flat White不但拉花精美，奶味亦香濃細滑。Cafe內的裝修偏向文藝風格，內有一張長身木製餐桌，牆上有結他、書櫃、Poster和一些小擺設。店內氣氛悠閒，當日亦有幾桌人在和朋友聚舊、上網、閱讀，感覺就像在台灣的偏慢生活節奏。店員更非常友善，在離開的時候會跟你說ByeBye，令人感覺更有親切感。

屯門紅橋一帶唔知由幾時開始變左個小美食天堂，除左出左名既章魚燒，仲多左好多間cafe，呢間miss coffee 好隱秘要行到最篤篤柳間花明既地方才見到，小小的門口，內裡別有洞天，是香港少見的雅緻的cafe，適合花一個下午放鬆的地方～有用電腦工作的人、派帖的姊妹聚會、用耳機睇戲的年青人...我點了一杯凍朱古力（hk$45)，本以為如斯小店可能會提供茶餐廳級凍朱古力，沒甚期望，但結果質素比想像中好很多，香濃厚而且唔會冰多過朱古力，還有美美的拉花～PS. 都話多街舖才有美食百花齊放的可能& 想再encore，食環境磨時間之選

意大利特濃蘑菇汁配蘑菇二重奏，菇的確吾少，醬汁係有蘑菇味但偏咸，朋友已經食得咸都覺得過份左d…意粉口感都滿意。煙花女義大利麵配牛柳粒 ……其實只係普通的 蕃茄 意粉，但已經比心目中好味，蕃茄醬味濃同有蕃茄肉，意粉有口感，牛肉吾太硬身。latta …偏淡和薄身，都係奶偏多左少少。mocha……朱古力 和 咖啡比例偏淡，感覺上牛奶用得過多。士多啤梨蛋糕…朋友生日專登叫，好失望，寫得極吾靚，總知吾好寫，味道吾得，底濕好輕微士多啤梨味,好似話有芝士味，但講真吾太覺得。這裡坐得都舒服又吾會比人趕，但地點就偏遠左少少。

屯門井財街近年成了自成一角的飲食地帶除了傳統幾家有名的舊店, 新增了爆紅等超久的即製章魚, 還有來自日本的沾麵店和魚生店最近更有台灣味道的文青cafe某天在新墟看完戲後到了Miss Coffee由年輕的老闆娘一手打造充滿簡約的台灣味見到店內的客人都人手一本書或電腦, 點杯飲料一直坐Egg Benedict with bread+portabello+parma hamEarl grey tea老實說, 食物味道一般賣的就是那一份寧靜和悠閒吃完店員不會趕客, 可以慢慢坐, 做著自己喜歡的事就像, 人生就是一本書, 一杯茶的感覺

 不是物有所值, 早餐由68-88, 不包飲品.  本人叫了一個Big Big Breakfast ($88) +  Vegetable breakfast ($68) + Earl Grey + Ice Chocolate , 共 $234, 酒店級價錢, 但味道十分普通.  環境卻十分好, 自成一角, 小店的design有品味.  不會再來.

素聞紅橋有間不錯的cafe，今日決定去試試。入到餐廳無人serve，自己揀位、自己出去買野食，店員會送到位上。唔係無禮貌無招呼，店主已係門口講明係自助式，大家不用怕羞去點菜。Bib Big Breakfast，比其他子餐廳的豐富，有蜜汁薯角、香草腸、蕃茄、煙肉、煙火腿、沙律菜、牛角包、蛋、厚火腿、大啡菇其實全部都係平價食品，至在以量取勝，味道不過不失，都係煎熟而爾Rose Latte，偏甜，但好重玫瑰味店內氣氛悠閑，有好多年青人睇書、上網，相信絕對係好hea處

繼續係屯門揾好坐Cafe 今次嚟到零評語的Miss Cafe位置：係輕鐵站 新墟站落車行5分鐘可到，剛好在海圖咖啡店的旁邊。因為裝潢類型相似 同樣餐牌展示模式，好奇一問兩店是否有關連。女店員好大反應 大大聲話 吓？似咩 算係一齊做嘅 但店內產品有些分別 你鐘意可以去隔離店㗎！ 其實店內當時都係得3枱人 果然好唔憂做啊店內：空間算寬敞 ，同樣是開放式廚房，所以煮食時油煙味好大 感覺全身all day breakfast 嘅味道 幸好唔多客 後面時間室內空氣好啲 可以坐耐啲靠牆位置都有插座 方便充電 平日來的話是可以hea耐啲食物：點咗cheese pizza 同latte 個pizza真係令人失望 可以講ok出品都仲cp值高一點 餅底好硬 食到牙較都軟埋 芝士俾其他配料搶晒 得個咸字咖啡不過不失重點：呢度真係只適合慢活人士 上餐時間最少要等45分鐘 即使店內只有3枱客同埋女店員講嘢好大聲好刺耳 超過音樂聲 厲害👍回頭指數：

雖然望落香辣蕃茄汁配八爪魚腸仔意粉好似簡簡單單咁，但係食落唔錯，意粉真係有少少辣，好似有啲胡椒香味? 我覺得都幾有風味。腸仔唔係平時魚蛋檔啲hea hea廚師腸，係脆皮果種😆overall呢碟意粉都係水準作，以cafe standard黎講。miss coffee 既☕咖啡選擇好多，我都用左幾分鐘揀飲乜🙊最後叫左mocha espresso。杯espresso好香醇，同埋我覺得幾岩一個怕苦咖啡既朋友飲，因為冇乜苦澀味，但又可以享受咖啡香。塊朱古力曲奇配呢杯espresso又好夾。太優閒，而家想訓覺😪

簡單的味道，平時食個all day大部分都過百，呢個只需$63，其實所有食材都好普通，只係用心去煮令客人覺得窩心。炒蛋唔太熟，都算滑，再快炒會更嫩滑。薯角外脆內軟，上面淋上蜜糖，出奇地夾，完全唔洗點茄汁。多士略為硬，其他就一般味道，價錢便宜。至於裝修同環境好文青feel。有啲似台灣Cafe, (等一下個人咖啡）的感覺，最啱我呢啲偽文青😂下晝四點幾無咩人，好靜，適合睇書愛hea嘅朋友仔。至於咖啡呢，一杯mocha 同一杯latte。兩杯個咖啡豆都好香，但嫌mocha略甜。最後個芝麻豆腐芝士凍餅，sorry 真仰要比個差字嚟形容，個底牛油味重，淋哂嘅，豆腐味得小小無芝士味，芝麻味完全唔覺有。總括嚟講可以話「無味」又硬，好似放咗好多照咁如果只係諗住hea足一個下晝呢度真係唔錯，叫杯咖啡慢慢坐。如果注重食物味道，um...一般啫