Monster Kitchen

营业中

休息中

依間餐廳位於荔枝角工廈，位置比較難搵，但菜式同格調別具風格，值得一來！有提供多國菜同戶外用餐區，餐廳侍應同廚師以年輕人為主，感覺似係自家經營👩🏻‍🍳👨🏻‍🍳🥑🦀🍝 牛油果蟹肉明太子意粉 $108呢款意粉係一個大膽嘅組合，牛油果嘅綿滑同蟹肉嘅鮮甜交織出一種特別嘅口感。明太子帶嚟嘅微辣加上濃厚既忌廉汁，為整體味道增添一份層次。意粉煮得啱啱好，唔會太軟。唯一覺得可以改善嘅係蟹肉嘅比例有啲少。🐟🦐🥬 香煎海鱸魚蝦頭汁會煮蔬菜•羅勒油蘆筍 $158海鱸魚煎到魚肉嫩滑，蝦頭汁好鮮甜濃味，完美地提升咗菜式嘅海洋風味。配埋以紅蘿蔔為主既會煮蔬菜，色彩繽紛，食落口感豐富。羅勒油蘆筍都係一大亮點，清新嘅香氣同脆口嘅口感，為成道菜加分不少。🍟🧀🍄 芝士牛肝菌風味黑松露脆薯條 $68呢道薯條連皮炸起，外脆內軟，食落口感一流。芝士味濃郁，仲有黑松露嘅香氣，成個層次提升咗好多。牛肝菌味道唔算太搶，同薯條本身嘅鹹香融合得幾好。唯一覺得可以改進嘅係松露味可以再重啲，令嗅覺同味覺都更加震撼。 🍑🥜🍵 Pistachio Nut Cream Peach Oolong $42呢杯飲品真係充滿驚喜！開頭先係一陣濃郁嘅開心果

係荔枝角搵食，都係上網先發現Monster Kitchen冇諗過位處工廈之上，食物素質卻令人如此驚喜😍🍤香脆蝦多士 $58一碟足足有十件蝦多士，一大班朋友黎食都夠分蝦多士酥脆香口，厚厚一層蝦膠mix蝦肉，睇得到咁足料面頭鋪上一層密密芝麻，就咁食都好香脆美味配上辣味千島醬，甜甜辣辣十分惹味🥩澳洲M5和牛板腱・脆炸薯條・藤椒阿根廷青醬 $198賣相精美，和牛板腱一塊塊疊好，上面淋上藤椒阿根廷青醬仲有沙律菜＆薯條伴碟🥗和牛板腱Order左Medium，口感軟冧而唔韌表面煎封燒肉焦香，內裡肉質仍然鮮嫩，水準甚高藤椒阿根廷青醬帶有草本口感，微辣刺激薯條香脆厚實，本身已帶有椒鹽味道🍝牛油果蟹肉明太子醬忌廉意粉 $108意粉比較幼細，入口煙韌彈牙蟹肉+明太子+木魚絲，交織鹹香與鮮甜味道🤤忌廉汁口感超級creamy，滲出香濃奶油味道每啖都食到絲絲蟹肉，感覺滿足🦀間中咬一口牛油果，清新口感🥑真係一試難忘，值得再去試下其他多國菜式❤️

香工血拼購物眾所皆知平，血拼後前兩個街口有位於工厦入面既西餐充電一流。餐廳有戶外區同戶內區，地方雖然不是太大，勝在裝修企理，秋涼的時候有戶外享用下午茶到時都是一個不錯的選擇。平日午餐都有不少選擇，有幸與友人一邊於森林戶外區吃午餐，一邊日光浴，真是人生一大樂事。自家製鴨肉漢堡配布蕾芝士及雜莓醬•香脆薯條鴨肉漢堡真是第一次吃，不能吃牛的朋友真的可以考慮選擇這個，無論賣相和質感都做得很像牛肉，一點都不「鞋」口亦沒有油膩感，生熟程度剛好 。面包烤得很脆，亦塗了一點牛油，以很香。慢煮美國封門牛柳。菇菌芝士意粉牛柳有咬口得來亦很嫩 ， 牛味濃。本身餐牌是跟飯的，但無奈飯已沽清，唯有配意粉🍝。 菇味醬汁很開胃，不是想像中的「溜」，相信是新鮮的菇類帶出了醬汁的甜味。忌廉汁黏稠度剛剛好。是日餐湯及麵包正常發揮的餐湯，用料足，洋蔥味👍🏻沒有加太多化學調味料。面包香脆！冰凍果茶友人點的果茶，茶味多於果味，由於本人不太好茶，沒有太多評價。建議夏天中午如要到訪進餐請book位，由於室外帳篷壞了，否則會變燒豬。

同老公好耐冇二人世界嘆吓西餐，同事介紹荔枝角一間好高質嘅西餐，於是同佢一齊去試吓😀餐廳除咗室內仲有室外嘅空間，而室外嘅裝修好有特色，有一張好靚嘅藤椅，配合埋植物同埋燈光，啱晒我哋打卡，至於室內裝修，充滿文青風格，除咗一啲書籍仲有結他，牆壁仲畫咗好多可愛嘅公仔圖案，介紹餐廳嘅招牌菜，店員安排我們坐了一個很舒適嘅位置，坐下傾吓偈都幾舒服👍🏻芝士蕃茄焗自製意式肉丸配蒜蓉多士：自製意式肉丸充滿肉汁，配上酸酸甜甜嘅蕃茄醬同蕃茄肉味道好夾，加埋拉絲芝士，配埋香脆嘅蒜蓉多士食味道一流👍🏻澳洲M5和牛板鍵牛油慢煮大蒜青花椒阿根廷青醬：澳洲和牛嫩滑得來好有牛味，充滿肉汁，外層焦香內裏粉嫩，配菜牛油慢煮大蒜都好正，吸收晒和牛嘅香味，配埋青花椒阿根廷青醬，味道更上一層樓👍🏻牛油果蟹肉明太子意粉：明太子意粉軟滑而且彈牙，牛油果夠晒Creamy，配上鮮甜嘅蟹肉加埋濃郁嘅明太子忌廉汁好鮮味😊

每當有人叫我推薦荔枝角的美食，主打多國菜的monster kitchen 總是在我的心愛餐廳名單中。疫情前過來吃過幾次，質素一直不錯且價位相當親民，人均$1xx！今天難得來到荔枝角，就帶朋友來試試，看看能否保持水準(｡•̀ᴗ-)✧⟡‧₊ 慢煮法式油封鴨腿野菌燉飯 （$128）毫不猶豫就點了這道廚師推介的菜式試試果然有驚喜！鴨腿大大隻，外皮酥脆，腿肉鹹香可口野菌燉飯夠creamy雜菌的香氣十足飯粒微濕潤不算很硬符合香港人的口味 ♥⟡‧₊ 澳洲M5和牛板腱 （$198）和牛一片片堆疊得很漂亮五成熟的牛板腱肉質軟嫩咬下去感受到和牛獨有的油脂香不過，稍為有少少筋配搭青花椒阿根廷青醬令整道菜的味道更有層次𓃽⟡‧₊ 自家製鹹鱈魚醬多士/ 醋醃洋蔥/ 三文魚籽（$78）每件多士都餡料十足，誠意滿滿添加的三文魚籽更增添了鮮味但可能是鱈魚醬份量太多𓆝 𓆟 𓆞 𓆝 𓆟讓整體味道略顯鹹~

#monsterkitchen 近期好鍾意嘅餐廳 環境舒服 日頭採光度好好🙂‍↕️·蕃茄醬生赤蝦水牛芝士貓耳朵粉係真係新鮮的生赤蝦 好少見Cafe會用刺身級做意粉蕃茄醬同水牛芝士配搭好好 係比較清新 唔係漏個種貓耳朵粉都煮得啱啱好 仲係煙靭·黃金鹹蛋黃蝦多士．蒜香蛋黃醬蝦多士份量比我想像中多😳食落唔油 同埋好脆 感覺似係氣炸鍋炸不過鹹蛋黃個味唔重·慢煮法式油封鴨腿野菌燉飯燉飯好creamy 而且有好多菇菇鴨腿煮得好腍 用叉插入去已經可以將啲肉骨分離🥹成個飯上面再落咗少少海鹽 再令個燉飯冇咁漏·Tiramisu 最後仲嗌咗個甜品 味道唔錯不過因為佢個盤太淺 淨係做到一層 所以食落去口感冇咁好同埋個人覺得浸咗太多expresso 個餅嗰層會太淋·整體性價比都好高，而且啲主菜都係出邊比較少見絕對會再去！

我們試了一杯飲品係由開心果奶蓋組成也10分有驚喜整體上我們有一個美味的午餐星期日去完教會，一家大細想找個地方在附近吃午餐，喺OpenRice度見到呢一間餐廳，食評也不錯，而且見到相片也很好味，開頭我們找錯入口，所以我打電話再問一次才知道在永康街的入口，我們兩大兩小，叫了一個小食，兩個主菜及一個意粉，主菜係牛扒及豬面肉，小食就係一份多士，三款食物的賣相也不錯，另外一個橄欖油蒜蓉意粉味道也很出色，雖然是一道很平凡的菜式也做得不錯，我們試了一杯飲品係由開心果奶蓋組成也10分有驚喜，整體上我們有一個美味的午餐。

見咁多好評，所以lunch去試吓。首先選擇少，得六個選擇。同事叫左個軟殼蟹冬陰功飯，三個異口同聲話好咸好咸好咸。同埋個炸軟殼蟹炸漿好厚好老。另外叫左牛扒，overcook 既。熱情果果茶無咩味。總結係。。。下次唔會再嚟。。

前排有朋友搵咗一間工廈餐廳，位置都有啲隱蔽，去到門口我都唔知原來係餐廳😂行入多兩步先見到餐廳個牌。入到去有室內同室外座位，不過當日落大雨，所以坐係室內，室得幾張枱，唔係好大間。慢煮八爪魚牛油果藜麥沙律，$88，大八爪魚鬚切咗粒，易啲咬，幾鐘意佢加咗藜麥，感覺健康啲。蕃茄醬生赤蝦水牛芝士貓耳朵粉，$118，用生赤蝦配蕃茄醬又幾好食，食落又好似熱盤，但又有啲生冷嘢食，好似冷盤。澳洲M3和牛西冷扒 $258，會跟炸薯條，牛扒就比較一般，筋比較多，不過我鐘意佢個法式忌廉胡椒醬，味道好特別，而且配肉食好夾。Chocoholic抹茶焦糖燉蛋 $48，見到塊黑板寫呢款甜品，係點餐前已經想叫嚟食，同時食到抹茶味同蛋味。

抵食工廈Café西餐😋好耐無見朋友喇，放假朋友約左我地黎呢間餐廳，預早打電話book左，一齊食飯傾下計🤓慢煮法式油封鴨腿野菌燉飯 $128唔洗$150可以食到油封鴨腿! 價錢無可挑剔，鴨腿外皮乾脆，仲保留少許鴨油香，腿肉咸香。野菌燉飯正常發揮，好香野菌既味。呢個價錢食到咁既質素絕對抵食!澳洲M5和牛板鍵 $198我地叫左五成，岩岩好，牛板鍵有少少筋，但都夠牛味，配上青花椒阿根廷青醬，味道豐富左，配菜仲有火箭菜同牛油大蒜(大蒜白既部份)，大蒜食落好清甜，配上牛板鍵有解膩作用。芝士牛肝菌風味黑松露醬脆薯條 $68牛肝菌風味黑松露好味，幾濃郁，但唯獨個薯條，一上碟係唔脆既，應該係一開始火喉唔夠，未炸脆，而唔係放耐左唔脆，但配左黑松露醬係好味既，當佢焗薯咁食。芝士蕃茄焗自製意式肉丸 蒜蓉多士 $78蒜蓉多士焗得香脆，就咁食都好香口意式肉丸好大粒，有8粒肉丸，加埋酸甜既蕃茄醬同有唔少既番茄肉，配埋多士食口感豐富，必叫呀!野飲我地分別叫左開心果桃烏龍、青瓜薄荷梳打同芭樂烏龍梳打。Pistachio Nut Cream Peach Oolong (M)$42我叫左開心果烏龍，開心果cream味唔太濃

公司搬咗去荔枝角後，發現呢區都幾多臥虎藏龍嘅本地餐廳，可以話係係公司同事飯堂，啲位坐得幾舒服，有需要又可以去outdoor呼吸吓👍🏻鹹蛋黃蝦多士推薦，咬落去又脆又鬆，外層脆卜卜，鹹蛋黃咸甜交融口感幾豐富。香煎加拿大豬肉眼蓋 煮法特別，就咁睇外型會以為係order錯魚，外面煎到金黃香脆，仲有牛油味噌燒肉醬拌埋，加埋薯蓉，肉質嫩滑多汁，澳洲M5和牛板鍵 • 牛油慢煮大蒜 油脂分佈完美，肉質超juicy，5成熟perfect配搭牛油大蒜嘅香氣，仲有清爽青花椒阿根廷青醬平衡開心果奶蓋白挑烏龍，次次lunch都飲唔到今日終於試到，個茶底好清香，奶蓋滑開心果味幾濃，飲品同佢哋嘅嘢食好夾，會再encore，不過朋友杯青瓜薄荷梳打好似仲fresh。金不換芒果香辣脆炸，芒果嘅甜味，再加上香辣嘅醬汁係幾刺激味蕾，外層炸得金黃酥脆，內裡又保持肉汁慢煮法式油封鴨腿野菌燉飯有驚喜，鴨腿用慢煮法處理，外皮煎到香脆，肉質肥美配埋野菌燉飯，飯粒吸收晒菌菇香味，每一啖都係濃郁，加埋少少白酒同忌廉，呢個組合無得輸！

本著嘗試新食物 亦同時想為朋友慶祝生日故看到許多不錯的評鑑 亦想支持本地小店的經濟與生存但感受不愉快的經歷 一行11人的慶生會就著剛才的午餐安排 有點意見想發表及希望改善 我們得悉豬肉與魚肉製作需時 亦需要靜候三十分鐘 為為著好食物需要被等待底下 豬肉亦陸續被送抵。唯魚肉餐點經過我們數次查詢後 於一小時後才送達 面對緊絀的午餐時間 這不合理的拖延。實在不能接受 同事亦只能草草把午餐吃掉 故希望貴店需要正視送餐及回應詢問的應對及速度

📌荔枝角今次想同大家介紹返一間系工廈入面既高質西餐廳 一 *佢地除左餐廳之外，亦有系附近賣埋凍肉海產，可以參考下 🐮香煎澳洲西冷牛扒 脆炸薯條 田園沙律 $158牛扒煎得粉嫩 油脂感豐富之餘肉味濃 薯條亦炸得相當香脆😋👍🏻📍Monster Kitchen地址：荔枝角青山道688-690號嘉名工廠大廈H座7樓

見到OpenRice食評唔錯，行完香工過嚟試吓，入口少少難搵，因為d工廈座數黐埋一齊，估唔到閒日夜晚都幾多人🧐好彩有book位店員推介話開心果奶蓋係佢哋signature，對於唔鍾意飲甜嘢嘅我覺得非常正，茶底好清香，開心果奶蓋又唔膩👍🏻M5和牛板腱阿根廷青醬，超級推介👍🏻呢個價錢食到呢款牛扒性價比好高，5成熟啱啱好👍🏻好想叫多一份但真係食唔晒青檸柚子雞翼炸得好脆，d汁酸酸甜甜，不過啲雞翼有d太細。油封鴨髀野菌燴飯，呢個係十級推介，對於鍾意食重口味嘅我同朋友都覺得好正，飯有好濃松露味，油封鴨髀燒到好脆，勁香口有驚喜👍🏻炒田螺白菌好香口少少辣，反而唔似西餐有少少中菜感覺。卡邦尼風乾火腿稻庭烏冬，味道好又掛汁，但比較鍾意傳統意粉，烏冬個質地會有少少腍。慶祝生日個甜品就揀咗佢哋tiramisu,好抵食酒味夠濃。埋單四個人每人食咗$200左右，性價比幾高，算係一間好有heart餐廳。

偶爾經過見OpenRice comment 吾錯 ，便上去午餐，職員問有沒有訂位，又被告知話只會招待大廈員工，若果不是不能入座😡，言下之意好似被告知冇book 位、非會員，吾想做你生意咁😤我們見得一兩抬客仲有位，便答「是」後坐下。叫了一碟意大利飯和意粉，竟然雙雙咸到食吾落，沙律菜吾凍，湯又吾熱🥵兩杯野飲個杯細到兩啖飲完😳最後告訴員工味道👅太咸，希望佢地下次注意一下，得到回應係「哦」左一聲。樓上舖靠的是口碑，吾明呢間餐廳點做生意，就算半價都吾會再幫襯！