MOS Burger

营业中

休息中

成日食麥當勞或者麵包舖早餐，今日趁住小朋友幼稚園適應週，佢提早放學仲食得切早餐，就去咗東涌富東邨MOS Burger，最平有$30.1個餐好經濟，最好嘅地方竟然有吞拿魚沙律牛角包，唔係剩係得漢堡包選擇，因為漢堡包有啲熱氣，揀牛角包多菜仲有多蕃茄小朋友都好啱食，不過杯奶茶就好一般，唔係心水嘅奶茶，只係一個茶包浸水，自己再加奶同埋糖，杯嘢飲就好一般，下次嗌返熱檸水或者熱檸茶比較穩陣。不過出餐效率超快唔使等5分鐘即刻有非常好。

由愉景灣行上老虎頭，再落返東涌，行左三個半鐘頭，梳洗完，又到左下午茶時間，見有啲肚餓，就行去東涌間Mos Burger 食下野坐下抖下。🤣🤣叫左個熱狗餐，加大薯條，upgrade 要冰抹茶鮮奶，再加多份摩斯雞塊，共$72。熱狗上有足夠嘅醬同埋洋蔥粒，好食。薯條新鮮炸起，夠熱辣辣🤤🤤🤤🤤摩斯雞塊都好食，唔會炸到好油，keep 到juicy😍😍😍😍冰抹茶鮮奶甜度啱啱好，抹茶味再濃一啲就會更加好。

摩斯漢堡店 🎵🎵🎵次次聽到都會先諗起首歌😆😆😆記得以前都好鐘意食 不過次次都要等買一送一先捨得食🤣趁住有下午茶優惠 一於入黎重回童年回憶😆嗌左吉列蝦漢堡走醬配即磨咖啡 $37減肥走醬可以少好多卡路里 多返quota 食其他野😆就算走醬都唔會好乾身 好味！茶餐唔跟薯條 想食薯條既話要揀返普通menu計一計 好似茶餐都唔係平左好多🥹

下午茶時間去到食，叫咗一個炸蝦漢堡，跟餐加咗大薯條同埋粟米湯🐵 跟餐加炸雞都只係需要另外加$12！大概等咗5分鐘個套餐就到咗，我就揀咗他他醬，同蝦餅嘅配搭真係好夾😈 每一次嚟到都最鍾意食呢一個漢堡🤘🏻 薯條都熱辣辣好大份，我都差少少食唔晒☺️ 我覺得呢度啲炸雞塊好食過麥當勞嘅麥樂雞，佢仲有燒烤醬，加埋熱辣辣嘅雞塊口感很好😁 粟米湯亦熱辣辣，每一啖都有粒粒粟米嘅口感，而且唔會好鹹，不過要加$3😁 整體都幾鍾意食mosburger

我叫左個魚柳包，雞塊+粟米湯。雞塊超級凍， 好似無煮過咁。 不過我係返到屋企先發現😐哩間店我印象中無咁差架，但格左段時間幫親，真係變成咁無質素。收銀勁唔helpful. 成間店完全無物生意， 都可以做得咁差。問店員野係完全唔想回答既反應。我覺得mos burger 其他分店是做得唔錯的， 例如觀塘， 屯門d staff 都nice, 會好友善幫你解答問題。所以公司對d 員工都係要有d 要求好。 本來係幾好食既一間burger 店， 無理由俾哩d 員工做差晒。我諗東涌店應該係無d 經理係度睇住先咁掛。

今日諗住去試吓食MOS Burger所以買左個外賣然後排隊嗰陣已經聽到前邊Reception嗰個人勁冇禮貌我以為前邊嗰啲人可能本身都冇禮貌所以先咁，點知我一去到佢即刻講咗句「我要整單先」然後都算，然後嗌到一半佢又話佢要整外賣單都算，俾錢嗰陣問佢有冇得比卡就開始態度唔好，真心bad trip

今晚諗住吃Mos,買左幾個餐，天氣咁熱梗系叫返D凍飲。成揪外賣拎返屋企，至發現凍飲做左熱飲，D雞塊落單時問我要咩醬，結果乜鬼醬都無比。打返比舖頭又無人聽兼留唔到言，真系火到嚟。大家如果喺度買外賣，要認真check左先。

OT收工晏咗，本來想食shake shack，但諗諗下都係食mos會輕盈啲，大概7點半嚟到都幾少人，前排上網見到個壽喜燒漢堡好似幾得意咁就試下啦！收到個下我嚇親，牛肉呢？原來因為隻蛋太大，其他配料跌曬去後面。都唔緊要，我手動擺翻好先食。擺個陣我已經摸到隻蛋係超凍，其他料食個陣都係會跌，我大概食咗半個麵包配水煮蛋（無味）。食完隻蛋，我得返啲生菜洋蔥配一小塊牛肉，可能因為隻蛋好凍，上面結咗一粒粒油脂。壽喜燒嘅精髓係蛋汁，我見有啲網友隻蛋會有汁，而我個隻係熟蛋，可能無汁嘅關係，超級鹹！出啲奇趣新產品的確可以引人去試，但呢啲咁失敗嘅產品只會趕客！雖然呢餐真係好輕盈，但我下次都係食返其他啦！

MOS Burger (東涌)📍東涌富東街6號富東廣場地下23號舖🍔好耐冇食過摩斯漢堡，今日唔知食乜嘢好，就嚟試吓。🍔本身想叫摩斯芝士漢堡，但係見到有一個特級和牛漢堡，店員話牛肉份量同摩斯芝士漢堡唔同，好似幾吸引，於是就叫咗一個套餐。🍔唔使5分鐘已經整好，賣相企理乾淨，但味道實在不敢恭維。食快餐店漢堡當然唔要求有肉汁，但係塊牛肉個口感非常彈，好假，唔會一咬落去自然分開，而且有一陣好奇怪嘅扮牛肉味，唔天然嘅感覺。🍔另外，個包嘅醬汁偏少，又冇咗阿摩斯漢堡最主要嘅特色——肉醬，食落去全部都係假牛肉味，都幾難食。🍟薯條外皮炸得唔夠脆，顏色都偏暗+黑。☕️奶茶是日式/西式路線，因為無淡奶所以完全無厚度，唔喜歡。總括嚟講應該好耐唔會再嚟。推薦指數：2/10

偶然一兩餐速食店都會選擇Mos Burger 因為食物質素保證☺️永遠唔會失望而且東涌呢間分店，位置都十分方便～吉列蝦堡$28每次都一定會簡蝦堡保證大大個，好足料～😋再配合埋他他醬，真係絕配👍🏻另外，再叫左個細薯條薯條係粗薯，好有質感啖啖薯仔👍🏻👍🏻

之前，旅發局再推出咗「賞你住」活動，有幸訂到東涌「富諾特酒店」嘅Staycation套票，可以慳番$500，淨付出$800就可以喇，趁老婆生日，就入到東涌來一趟小旅行。套票包一晚房、自助早餐及兩份野餐包，故入住前就晌「Mos Burger」食個輕怡午餐。雖然「Mos Burger」晌香港紮根都好一段日子，但真喺未幫襯過，反而晌札幌幫襯過一次。環境就唔講太多，典型快餐店格局，但勝在兩面都喺對街嘅落地大玻璃窗，視野開揚，樓底又過。我哋搵咗個柱後死角位，自成一角。一入門口就喺收銀位，個哥仔見佢又收銀、又執搭、又送餐。餐牌就一版睇晒，包類有成十多款，有漢堡、珍珠堡、熱狗，轉為套餐嘅組合亦多，更有不少升級優惠。落好單，埋位等食就得喇，因為，佢哋會俾個牌仔你，之後，由店員將食物送上。金平牛蒡珍珠堡 $24唯一素食嘅就喺呢一款金平牛蒡，珍珠堡亦好啱老婆食，咪睇佢細細個咁，拎上手都幾墜手。打開包裝，裡面勁塞滿牛蒡，調味唔錯，入口爽爽脆脆，好食；而個珍珠堡嘅飯粒軟綿，口感帶點黏糯，壓得實淨卻唔會死死實實。法式和牛漢堡 $30法式所指喺將法式燒汁入饌，配上和牛所做嘅漢堡，配有大量生菜絲及芝士。和牛肉果然好

行山前食飽再出發！！朝早黎到東涌，好多舖頭都未開門～快餐店係唔錯嘅選擇🤡黑醋炸雞漢堡💰27兩邊麵包烘得表面香脆，內裡鬆軟；雞扒香脆惹味，搭上酸酸甜甜的黑醋汁，非常開胃；而且有滿滿椰菜絲，清新解膩。輕輕按壓然後大咬一口，酸甜、清新、滿足。大厚切薯條+ 熱咖啡( +💰23)同我地一樣中意食粗薯條嘅就岩晒🤣外脆內軟👍🏻 吉列蝦漢堡(配他他醬）💰28蝦堡食落好香口，加埋他他醬好夾～他他醬配炸物係無得頂😏 雖然邪惡，但食上去又有清新不膩阿～北海道南瓜薯餅+熱檸茶 (+💰22)南瓜薯餅黎到熱辣辣、脆卜卜👀係岩岩炸好😻入面d南瓜茸好甜，啖啖南瓜香！Mos burger同其他連鎖快餐店相比，好有誠意！首先賣相已經贏左🤣仲有佢包裝設計好貼心～唔會整污糟手之餘，又唔會食到跌出黎！

最愛南瓜薯餅！❤️有時冧唔到食咩，就會間食mos burger，有飯堡同元氣漢堡，但最愛都係南瓜薯餅，有時下午茶都會買一塊南瓜薯餅就甘食！ 1️⃣雙層摩斯芝士漢堡一定係叫雙層！ 差少少錢有多一塊肉😋蕃茄有輕輕煎過 好好食 好juicy 一啖咬唔晒但比較少肉醬 多啲肉醬會開心啲😂2️⃣南瓜薯餅都係一如既往咁好食 好香濃南瓜 好滑 大推介！！⭐️⭐️⭐️⭐️⭐️3️⃣炸蝦堡（莎莎醬）少少失望，個包黎到淋左... 個炸蝦唔太熱...期望下次會更好4️⃣摩斯雞塊 調味好食 😋 有3/4隻手甘大 好滑有肉汁5️⃣炸薯條（大）外加$17 好失望 唔熱唔脆