MOS Burger

营业中

休息中

25-3-2017 (Sat)晚,同老公又食o左餐唔夠飽o既晚飯後,又要食多餐,呢頭唔知邊o度有o野食,冇理由去得龍o架?而夜晚又返風,老公著唔夠衫,唔好凍親佢,入商場吧.我o地求祁走入o黎,見到有Mos Burger,是但啦,可以唔一定叫兩個餐,於是走入o黎.店內唔多客人,我o地要o左$28.00o既蝦天婦羅櫻花蝦珍珠堡,$23.00o既金平牛蒡同$17.00o既熱奶茶.買完坐低等,等o左10分鐘,蝦天婦羅櫻花蝦珍珠堡同熱奶茶先到o黎,1分鐘後, 金平牛蒡都到,但細好多.又開餐喇,我先食蝦天婦羅櫻花蝦珍珠堡,蝦天婦羅脆,櫻花蝦正常唔突出,燒汁好甜,珍珠飯夠粘OK.味道: 4分之後同老公交換食金平牛蒡,呢個有塊紫菜o係入面,成個味道比蝦天婦羅櫻花蝦珍珠堡淡.味道: 3分最後杯熱奶茶,加o左一杯奶落去,冇落糖,只係一杯淡奶茶,算吧啦,o係呢o度飲奶茶,明知係o徙氣.味道: 0.5分抵食係1.33分題外話:食完呢餐晚飯,同老公搭車回家途中,女友人LL竟然貼圖o係得龍食蓮蓉西米布甸.

mos burger, 雖然都開左算耐, 但對burger 冇乜興趣, 所以唔常去. 附新吃早餐的選擇也不算少. 肯德基, 麥當勞, 翠華, 大家樂, 還有無數的茶記. 所以一直也輪不到mos burger , 而且總感覺只吃burger 太細份, 不是太飽足, 所以直至把附近都食厭左之後, 先過來一試今次離係食早餐, 雖然佢有burger 做早餐, 我就貪得意, 喊左個熱狗做早餐, 估唔到又幾好食. 個包烘到脆, 入面嘅腸仔脆而有肉感, 加埋各種茄醬芥末醬, 十分惹味. 唯一嘅遺憾, 就係杯咖啡麻麻地. 

心血來潮突然想食漢堡包，所以嚟咗呢間order呢兩款口味：和牛漢堡及鲽魚漢堡，可能太耐冇食呢d咁邪惡既東西，每啖牛肉都咁嫰滑，鲽魚炸得夠脆口，配合生菜及番茄，令人冇油腻既感覺，再加埋熱辣辣既炸薯條，一绝！

食早餐,想食下其他包，估唔5到 有牛蒡包食,本身牛蒡就系就系健康食品, 呢個包系全素的，里面有牛蒡,紅蘿蔔,海苔,紫菜，同兩塊米飯整成，食落去系好爽口，而且紅蘿蔔既甜品同牛蒡好夾，牛蒡系有d乾菜既口感，但佢本身冇咩味道，要靠其他食物提昇,加上紫菜配米飯系韓國人成日都食，呢度系紫菜同海苔好易口，而且食唔出海水味,所以成個配搭系好食！

由台灣食到黎香港既MOS BURGET，第一次食差唔多係10年前，係台灣食既。果陣食完已經對佢留左深深既好印象。黎到香港，質素依然KEEP到，同埋因為所有餐都係新鮮即整既關係，所以永遠黎到D枱面都係熱辣辣，又多汁，仲要係用飯代替左平時既麵包底，包住D餡，D汁入哂D飯到更惹味。仲有厚切既薯條，雖然一包份量唔多，但係條條又厚又長，相對於某知名既連鎖快餐店，呢到既薯條唔會因為擺左一陣，或者食完個包D薯條已經淋哂。雖然一個餐都唔平，一個包+汽水+大薯條都要 $5X，但係都係值得既。

平時貴價超市賣一塊和牛扒有幾貴大家都知，但係Mos Burger食個和牛包只需$30，所以立即去試下😋食得Mos burger都知唔可以用食老麥既心態去食，係冇得比，而價錢亦都係一樣。今日我地2個都揀左和牛漢堡，分別在於我果個有塊蛋，女仔黎講真係「好難食」難食唔係指味道，係指個包太厚，我呀到個口最大都未到隻蛋位😂想按扁佢又會唧晒d醬出黎，唯有就住按，再加強呀大個口（差d 2邊咀撕裂😂）當食第一啖之後已經忘記點「難食」（意思：難咬）一咬塊牛已經唧晒肉汁出黎，款扒煎到好脆，蛋同汁混埋好好味😭（好感動）生菜同番茄新鮮多汁，成件事令人好開心舒服👍平時覺得Mos burger一般般😂和牛漢堡改變左對佢既印象😅👍下午黎食好多人，証明香港地識食既人好多👍2個人$116，去超市一塊和牛都未必買到，而家2個人食飽飽又滿足咁走😂丫仲有，呢道分店既員工好有禮貌，去M記都唔會有呢種服務態度的👍

MosBurger 經常推出新口味，讓我經常有藉口到MosBurger，真好！Shabu-Shabu豚肉珍珠堡 － 豚肉份量不少，混合芝麻醬，味道其實還好，不過容易鬆散，好想要碗筷呀！特級和牛漢堡 － 必食之選，和牛漢堡厚厚的有濃濃的牛味，鬆軟麵包還夾著芝士、蕃茄和生菜，漢堡包要有的它都有齊，正！薯條 － 粗薯條幾時都是最好味～熱抹茶鮮奶 － 幾有抹茶味

年初四晚上，吃了好多日中菜和年糕後突然想食burger, 即刻去mikiki 間Mos burger, 好在有開門做生意。點了摩絲芝士漢堡，跟南瓜薯餅。漢堡一貫好吃，最喜歡它的肉醬，似在吃chilly dog,漢堡不乾，啖啖料，如果個包可以烘脆點更好。南瓜薯餅十分好吃，外面十分鬆脆，個炸漿好得，啱啱好，不會太厚，又不會太薄，有口感又不會油膩。內裏的南瓜甜甜的很好吃。

MOS Burger响2006年進駐香港，陸續開咗十幾間店，幫襯過幾次印象唔錯但形象唔算突出。今日去食和牛漢堡，居然好多汁又有牛肉味，薯條外表脆裡面粉好有薯香，杯Ginger Ale就淡咗啲，但比起某啲名店收百幾蚊但質素亦只係一般，呢度性價比絕對高。