MOS Burger (已結業)

晚市買2個包加一包細薯條，等左十分鐘，出左成七八個包比其他客，竟然skip左我張單！廚房兩個後生仔hea做係度傾計，收銀員要提佢做包工序⋯⋯其中一個後生仔細細聲話睇漏左我張單，結果又再等多兩個字！收銀有講唔好意思，但係做漏野嘅後生仔完全冇反應！返到屋企發覺D薯條係又淋又凍，對呢間分店非常失望！

今日優閒下午茶就選了蝦堡!麵包起鬆軟外,鬆脆炸蝦堡!一面食見到入面細細隻蝦仁,口感豐富,而且好抵食!餐飲方面！就來個熱奶茶,雖然用茶包,仍感覺茶味香濃,而且奶夠滑!

摩斯漢堡是一家以日式漢堡為特色的連鎖餐廳，摩斯漢堡的菜單多樣，可能不適合選擇困難証人士,  它有適合各種口味的選擇。食物的質量和新鮮度值得稱讚，能夠品嚐到高品質的食材。而且餐廳的服務態度友好且迅速地送餐，讓用餐體驗更加愉快。再者灣仔這餐廳的位置便利，交通方便，非常適合快速用餐或外帶。🍤🍔招牌蝦堡:蝦堡的蝦肉鮮嫩多汁，蝦肉質量非常好，蝦味濃郁，口感十分不錯。麵包鬆軟，搭配上蝦肉剛剛好。招牌蝦堡的整體味道令人滿意，是一個不錯的選擇。🐮🍔特級和牛漢堡:特級和牛漢堡的牛肉質量極高，非常優質。牛肉入口即化，肉質鮮嫩多汁，極具風味。麵包蓬鬆，加上特級和牛肉，組合完美。特級和牛漢堡是一道精緻的漢堡，絕對值得品嚐。🐔摩斯雞塊:摩斯雞塊的外皮炸得酥脆，內裡肉質嫩滑。摩斯雞塊的調味恰到好處，不會過鹹或過淡。雞肉質量不錯，不帶有雞肉的腥味，吃起來非常美味。摩斯雞塊是一道經典的雞肉小食，特色的醬料搭配使得漢堡更加特別，增添了食物的風味。非常適合搭配漢堡或作為單獨的點心。總體而言，摩斯漢堡是一個值得推薦的餐廳，不單提供了美味多樣的漢堡和小食選擇，而且還提供高品質的服務和用餐體驗，適合快餐或輕鬆用餐的場合，價格合

招牌蝦堡週年紀念推出半價漢堡成個份量都好足又夠醬汁 同出嚟成品都好得完全唔會hea你入面真系啖啖蝦肉麵包皮都唔會軟軟地 依然好鬆化其他另外魷魚漢堡都有半價 可惜買晒了

MOS BURGER登陸香港16年，今年週年慶特意推出一系列優惠和新品，漢堡包愛好者梗係要去試下。咁啱經過灣仔英皇中心分店，決定入去買返個外賣。冇黎咁耐多咗好多款式。周年限定於週年紀念期間品嚐更可享半價優惠。包裝非常精美。吉列魷魚漢堡吉列外層酥脆，魷魚厚實彈牙，外脆內軟，啖啖滋味，配搭微酸他他醬及鹹甜南蠻醬，雙重醬汁令味道層次更豐富。薯條套餐$21就有薯條同飲品，薯條香脆粗身。咖啡咖啡味道香濃，超水準。

實不相瞞，雖然MOS Burger已經開到周圍都有(34間分店!)，但係自己今次都係第一次食🙈見到佢環境唔錯，burger多選擇之餘唔求其，性價比唔錯🌟Teriyaki chicken burger 照燒雞肉漢堡 💰27 雞肉嫩滑，而且幾大塊，個包食到尾都仲有😌呢款秘製照燒醬由赤味噌丶白味噌同醬油混合而成，有少少平時味噌湯嘅味道，同樣出色！值得加分係兩款漢堡入面嘅菜唔一樣(如圖)，都係一個幾有心思嘅地方👍🏻

MOS Burger相信大家都不陌生~❈午巿套餐❈{主菜}☞ 特級和牛漢堡 Wagyu Original 🍔 HK$31 | 評分：8.5/10餡料滿滿，有生菜、蕃茄、牛肉、芝士片，還有焦糖化的洋蔥~本身就有少許沙拉醬還有洋蔥，所以吃起來不會很乾本身已經覺得很美味了，但我還是把本身用來沾雞塊吃的BBQ醬加在了漢堡上，感覺也很相配，更好吃了❤ {追加小吃}☞ Set D 摩斯雞塊配BBQ醬 Nuggets w/ BBQ Sauce +HK$25 | 評分：7.5/10以前每次都是吃薯條(還滿喜歡他們店的薯條)，但想試試其他的所以選了雞塊~感覺跟麥當勞的麥樂雞差不多，而它的皮炸得更薄更香脆，還可以 {餐飲}☞ 野菜生活 KAGOME (轉飲+HK$3)換來一枝小小的菜汁，又有營養又好喝

Now burger既蝦堡好味有兩種醬可以揀 他他醬 或者介未醬咬落去好鬆 入面有好多蝦係😋包細細 一個都岩岩好粗薯新鮮熱辣辣兩樣加埋$45 女仔黎講都夠飽架喇快餐最緊要夠快食到😆

Mos burger 好味👍🏾今次第一次食take away，外賣都好快ready。雖然拎到番屋企已經凍左，但個burger都好好食。今次叫左set F 沙律，份量適中，沙律菜新鮮。Mos burger take away好多package，包有個盒，嘢飲都竟然有個紙袋。係幾細心嘅package，但係另一個角度睇就有少少唔環保。

MOS burger推出15週年紀念嘅Hello Kitty精品都有一段時間喇 今次去嘅分店並唔係MOS burger X Hello Kitty 聯乘主題店😮 不過依然見到Hello Kitty嘅蹤影今次我哋食嘅係3本蝦漢堡 再配set C 北海道南瓜薯餅 同埋zero 女朋友一見到Hello Kitty就好似發咗癲咁😂 拎住杯汽水自拍咗好多張先放手 好彩冇話要換啲精品 3本蝦漢堡 呢個係期間限定嘅漢堡 吉列蝦口感非常彈牙 咬開就見到有整隻蝦 而且size非常大隻 又有蝦味🦐 再配埋啲菜絲同吉列醬真係好夾 呢個漢堡真係好令人驚喜北海道南瓜薯餅 外脆內軟 熱辣辣嘅南瓜薯蓉甜甜地幾好食😋 size都幾大件 幾抵食

依家食個飯仲要比員工惡劣態度對待雖然是間快餐店但也不需用過重語氣對待客人吧客人也只是講出需求員工便以聽不到來回應拒絕回答客人外賣打電話來更是被掛線真的使人不想再光顧

1.1買完等外賣,因為熱同落雨係裏面等外賣跟住有位大叔話拎外賣,因安心出行要係出面等, 但貴 公司無列明等候位置仲有前幾個女生等外賣可以係店舖內等候店內亦有充足位置「試問係是否歧視」1.2 「執枱專員亅:多人要係出面等候前面女生拎完已經冇人,店內亦有充足位置1.3 等候時膠牌「執枱專員」出面等候如果出咗去店鋪出面範圍算盜竊仲有態度非常惡劣2.衞生執枱收拾檯面餐具餐盤之後無更換過手套直接觸碰外賣及其他食物「執枱專員」 唔係淨係負責收拾餐枱,每一次執枱後更換手套或消毒雙手3.「Mos 脆雞」 一次比一次差 「雞係乾到柴」

想喺灣仔食平價漢堡仲有mos burger，當然如果以正宗burger嘅準則嚟評，mos burger一定唔夠好，但以～$50（加埋set）可以有薯條有飲品嚟講，都有佢市場嘅。味道真係冇咩好講啦，附近200米內其實有好幾間更好食嘅burger，不過mos burger平得嚟近巴士站都算一個優點，試過幾次等車期間買外賣，好彩都買得切。呢間分店比較細係另一個缺點，本身位已經唔多，仲要好逼，lunch hour係冇咩可能搵到位，就算買外賣都可能要喺店外等，因為裡面實在太細了。

中午没吃饭，准备随便找一家店吃个下午茶。附近有一家 MOS BURGER ，看到里面有座位，就进去解决。他们的东西不算贵，套餐大概是40多元，下午茶餐很便宜，只是20多元，而且份量也不少。店內的座位不多，但这个时段人较少。落单时见到三杯鸡珍珠堡，应该是新出品，好奇心驱使下就试试看，没有买他们的下午茶餐上，再加了汽水和南瓜饼。三杯鸡珍珠堡有点失望，配菜是不少，但鸡肉不多。而且汁不够，米饭就有比较淡，个人评价是很一般，没有大惊喜。反而加配的南瓜饼做得不错，馅料是南瓜蓉，炸完就是外脆内软，咸中带甜，口感很不错，以食物质素而言，他们的牛肉汉堡会好吃很多。

今次試吓新出嘅吉列吞拿魚珍珠堡，佢有少少辣味，食落有少少韓式嘅感覺，因為佢嗰隻辣醬好似韓式辣醬，再加埋芝士（芝士都落得幾重手）大家記得要叫多醬，如果唔係個包會好乾身，個吉列吞拿魚就不過不失，唔知係咪因為炸過，冇乜吞拿魚味，但又唔係好似魚柳咁實淨，咬落去就好碎嘅感覺，就好似有個吉列嘅皮包住一堆魚肉碎咁，但你又食唔出嗰啲係吞拿魚😂😂大家想試嘅都可以試吓，不過就期望唔好太高，想好食嘅都係叫反海鮮珍珠堡