Mostaccioli Brothers

营业中

休息中

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️趁Dining City HK Restaurant Week，book咗呢間喺SOHO嘅「Mostaccioli Brothers」意大利餐廳，見佢個3-course lunch set 都係$148，每個course仲有2-3個選擇俾你揀😍 我地就試咗：⭕️ Prosciutto Cantaloupe - 鹹香嘅風乾火腿配上新鮮嘅哈密瓜，簡簡單單又好食嘅前菜😌⭕️ Seafood Risotto with Lobster Sauce - risotto煮得軟硬適中，龍蝦汁香濃而不膩又唔會過濕。⭕️ Mussel Bowl - 青口大隻過Frites ，個汁亦都調得啱啱好，攞嚟點配埋嘅蒜蓉包，正🙌🏻⭕️ Classic Tiramisu - 鍾意佢比較紮實唔會太runny，酒香同甜到啱啱好，我鍾意🤤⭕️ Signature Cannoli - 我第一次食呢一個甜品呢🙃酥脆嘅外皮一啲都唔油，裏面有ricotta cheese同埋杏脯肉粒，口感味道層次豐富，幾特別又好食。以呢個價錢我覺得都幾抵，餐廳裝修幾cozy，有意大利小店feel，

中環Soho食街行到大半，見到地下投射着餐廳名Mo Bros，穿過鐵閘就是往地庫的樓梯，充滿神秘感，沿樓梯落有戶外餐桌，落到底層就是充滿意大利風情的室內用餐🇮🇹區首次加入餐廳週的餐廳，我被它的環境吸引而book位📲，無論室外或室內用餐區都充滿歐洲風🌳，感覺像去了一回旅行，Restaurant Week提供三道菜晚餐($398)🍽足料蟹肉用香脆外皮包着的Crab cake🦀，伴牛油果蕃茄油醋沙律菜🥬，前菜已令人相當滿足❤️非常欣賞主菜「1/2 Lobster with Linguine🦞」的香辣蕃茄醬汁🍅🌶，伴有伴Parmesan芝士碎，令意粉非常惹味🔥「Grilled US Rib-eye Steak🥩」份量有10oz，Medium cooked烤得剛好，味道淋軟有質素😋甜品可選Caramel Cheesecake或Panna Cotta，歐洲菜甜品比較偏甜，賣相簡單😉 除甜品一般外，整體都有質素，加上特別的用餐環境，CP值評分高，值得去👍🏻

今次同大家黎到位於中環蘇豪區嘅Mo Bros，誠意推介餐廳嘅招牌主打意粉：Baked MostaccioliMostaccioli嘅層次感極佳，係灑上香草嘅芝士低下，係滿滿嘅意式肉腸及充分被蕃茄醬包裹嘅長通粉。芝士表面被烤焗致金黃，入口香濃且拉絲，每啖都好滿足！意式肉腸入口薰香柔軟，辣椒粉嘅調味，用切丁的方式，從而更提升口感，每一口都肉感十足，好實在！廚師對於用料毫不吝嗇，每一條長通粉都包裹着充裕嘅番茄醬，每一啖都恰到好處。長通粉Al dente，入口時充滿彈性。意粉用料及份量十足，絕對性價比超高！午市時份更送上餐湯；餐前亦會送上餐包。注意：如果想清靜啲，幾個朋友傾訴傾吓計，或者獨自享受美食，小編建議中午時份前往；如果想熱鬧啲嘅話，就可以晚上去，但係記得一定要攞位！晚上一定一定要攞位！價錢：$138（另加10%服務費）Mostaccioli Brothers地址：中環蘇豪伊利近街16號地下及地庫營業時間： 11:00-23:00電話：25255770#香港食好西 #意粉 #Pasta #香港 #野生代言人

Happy Friday同朋友相約收工後小酌一杯，最後決定試一試呢間位於SOHO嘅意大利餐廳。位置較隱蔽，喺街中心落一條小樓梯，如果唔仔細睇都唔為意。一坐低就感受到店員嘅熱情招待，主動斟水同奉上餐包；但揸住餐牌五分鐘追咗三次單，感覺有啲chur😂餐包已冷卻，口感不屬煙韌又唔鬆軟，似係放耐咗。附上嘅醬料蕃茄味濃，充滿義國特色。沙律價錢不貴，但同份量質素不成正比，沙律菜只有一小撮，無咩調味，亦不見蕃茄蹤影，好彩都仲有半個牛油果🥲蟹餅有2/3手掌大小，炸得乾身唔油膩，中間係絲絲蟹肉，口感頗佳，配上蕃茄莎莎更平衡到炸物嘅飽滯感；伴碟沙律比單點嘅更足料好食，要食沙律真係唔建議單嗌。隱藏餐牌嘅Pizza，問店員先至知餐廳有兩款（margarita & no2)。喺店員推薦下揀咗後者，配料豐富咩都有啲，包括橄欖、雞髀菇、蘑菇、蕃茄、芝士、salami；批底係薄脆底，脆卜卜👍🏻啖啖都係料，不過因係salami同橄欖，食多幾件就會覺得有啲鹹。Cocktail $60有交易，幾抵飲但唔好飲😂😂😂整體不過不失啦，兩人賣單五百幾，SOHO嚟講抵到爛。

Weekend終於有機會去試bookmark左好耐嘅意大利餐廳🥰當初比佢濃濃嘅意大利裝修吸引住🥶唔可以算得上係華麗裝橫，但佢低調中滲出嚟嗰種風味真係好似去左意大利咁😍🍝Truffle Spaghetti Scallops ($138)賣相已經好吸引同正宗，用橄欖油同蒜蓉炒過嘅意粉好惹味，但奈何黑松露味唔算出😐但勝在佢蒜味搭夠🤪帶子新鮮，兩邊都煎過無多餘嘅調味👌🏻最出色係意粉好煙韌有口感👍🏻🍝 Baked Mostaccioli ($138)叫左佢地嘅招牌意粉🤪紅汁捲意粉配上芝加歌style嘅肉腸🍝蕃茄蓉落得一啲都無手軟，好濃味🤣上面鋪上厚厚嘅芝士放入焗爐，造左溶芝效果，好邪惡🥶肉腸質感似meatball，奈何味道偏鹹，適宜配上意粉一同進食中和返👍🏻🍝 Tiramisu ($38)Tiramisu都係佢地必食單品，個個都好推薦🥶佢個texture唔係好入口即溶嘅感覺，而係偏紮實🤪味道方面就酒味偏重👍🏻而且同港色Tiramisu唔同嘅係佢好歐式有淡淡嘅杏仁味☺️可以話係好正宗🥳整體感覺真係似去左意大利咁，幾chill🥰而且價錢相宜，食物質素都唔錯😋可以近近地當去個短trip✈️

SOHO嘅餐廳大部份都會俾人一種高級又貴嘅感覺，但mos bros喺樓梯轉角下截然不同。分量充足價錢亦不太貴，自然成為我同喺中環返工嘅男朋友晚飯拍拖勝地🥰Chicken Parmesan將雞胸肉拍扁加上芝士粉炸香，然後再加入茄蓉和芝士一起再焗，成為這道超美味的菜。雞肉仍然非常juicy，加上酸甜的蕃茄，一點也不覺得漏！下面的配菜有小甘筍，意大利黃瓜等等，煎新薯也十分好食 Spaghetti Vongole又一我同男友的必食推薦！雖然價錢不平，但有滿滿的蜆！而且肉厚鮮甜同白酒汁好夾，意粉煮得剛剛好 al dente，仲有少少咬口。除咗食物，都好推薦大家八點前嚟食飯，因為The Happy Hour位真係好抵！大部份嘅紅白酒都只係$50-70 per glass，店員仲好號可以俾我八點前叫定飲完一杯再上👍🏼👍🏼 Tiramisu手指餅乾浸滿Kahlúa咖啡酒香氣撲鼻，係我偏愛夠濕潤的style。甜度亦剛剛好，為今晚作完美的總結。提提大家，怕熱嘅朋友記得book定位，因為娘親 indoor 加埋大概得20個位。outdoor會有風扇，但夏天都會比較熱。

相隔不夠一個月，禮拜五去完太平山行山後，再次去這間位於中環SOHO區的寵物friendly西餐廳，因為很少外出食燒雞會食到連鷄胸肉都又滑又juicy的品質，所有今次轉登拉埋行山友一齊來再食多次香草鷄。這次我們一行六個人去午餐，六個set lunch，一千蚊有找，係SOHO區食到如此高質量及如此合理價錢，真係好有驚喜，我帶去的朋友都大讚。另外，這裡的環境也十分舒適和獨特，相信晚上去晚餐飲返杯都會好寫意，所以一定要推薦給喜歡帶寵物去餐廳的朋友。

假日走在soho區的其中一條小街 經過見到有個凹入去的小角落 原來是間餐廳 見到它的假日brunch menu很多選擇 就不加思索入去了🤭餐廳大部份位都係outside seating 恰好天氣很涼快清爽 坐著很舒服🥰用上質地偏軟的ciabatta 鋪了煙三文魚做底 上面放滿了切粒的牛油果🥑紅洋蔥 蕃茄🍅 欣賞它為切粒食材的調味 加入香草和olive oil帶出鮮味 加上一刺即爆的流心蛋 面包完全吸滿蛋汁很滿足🍳伴碟還有鮮甜水果和微酸yogurt 食完飽到不行🙈十分推介的香草烤雞!🐓烤雞上碟熱到不斷噴煙 雞肉除了嫩滑 更醃得相當入味 有別一般餐廳提供檸檬汁自己後期加以調味 直接加入檸檬汁焗令味道很開胃🤤伴菜的小薯仔和豆角也煮得十份惹味 雖說只是半隻烤雞 但份量卻很大 整體份量和感覺就像食一個要三百多塊的晚餐😛Brunch set還包沙律/餐湯 沙律份量大得像正常size 想不到隨意走進的小店也很有驚喜🤩Soho區餐廳眾多 每間小店各有特色 亦有一定質素 推介平日可以去食lunch/ 假日去食brunch 性價比會比晚餐時段更高!這個weekend天氣實在太好 一定要外出走走 吸收新鮮空

Haven’t been there in ages because it’s one of those tucked away places you forget and it’s not super mainstream.So glad I popped in for dinner tonight 12 Dec.Food is and has always been delicious, fresh, real homemade taste.Staff is friendly and warm. To top it off, amazing value for money!

在半山居住多年的人如果説沒有吃過這家的店的人大概都沒有吧位於地庫的這家店説真的招牌也説不上是很起眼，所以如果沒有附近居民指點迷軍的話大概也有點難找最喜歡的是它們的意粉😍這次的中午精選是微辣帶子蒜蓉風味媽媽點的是烤鱸魚意粉稍微更出色因爲油分不多而且意粉的軟硬也是剛剛好而且味道也是很入味聼說他們的皇牌是龍蝦意粉要打電話預約，下次真的要試試呢😊

本來今晚係應該同開開心心同慶祝生日，同事介紹過下來左MOSTACCIOLI BROTHERS呢間係中環半山既意大利餐廳食野。食曬野最後叫人拎個生日蛋糕出來，蛋糕係一個雪糕蛋糕，半個月前已經開始整。一拎出來雪糕同個殼分開左成個溶曬，都心知出左事，成個蛋糕其實已經唔食得。唔開心一定咖啦，我地都無諗住叫佢地賠，純粹問左waitress一句點解會咁樣，因爲真係想了解清楚件事無諗住叫佢地賠或者點，waitress就同我地講話琴日我地打來個陣無同佢講系雪糕蛋糕。但問題係個蛋糕係今日下奏先送過來，我唔明白佢講我地琴日無講有咩關係？而且問清楚蛋糕師傅今日，即係生日當日同餐廳講好左係Ice cream cake要放freezer，老實講有腦都知點做啦，但waitress只係一味糾結我地［琴日］無講。之後我就講妳唔好成日話我琴日無講，妳有腦妳係咪應該知雪糕要放freezer！？本來都真心想知清就算，點知waitress一句其實你無叫我地放freezer係妳既［責任］，係妳既問題唔關我地事。後來我話我打番俾即刻師傅對質，佢唔敢，即刻同我講你打來都無用咖啦，個陣接cake既係我。總之個cake妳［琴日］無講系

好久冇嚟喇， 訂咗8點鐘 ，我哋早到餐廳都滿座呀 ， 要等人埋單， 喺蘇豪係好少見 ，可想而知幾受歡迎， 埋單之後仲有人喺度等。 因之前去過同區嘅意大利餐廳， 都覺得呢度有水準。insulate mista salad$110, 紅洋蔥 芝麻菜 菠菜等， 烤榛子， 車厘茄， 鹹芝士， 乾車厘子 唔係乾提子， 最重要有牛油果 ， 新鮮Orecchielle alla nduja $138, 看食評有五粒星 ， 真係唔錯 ，粒粒麵粉團似貓耳朵, 煙煙靭靭， 索咗意大利辣肉腸粒味同特別嘅醬汁，火箭菜及芝士碎灑面， 辣辣地， 少少咸 又有清新味， 口感 豐富linguine pesto $132 ， 新鮮嘅羅勒葉， 蒜蓉 ，好多榛子， 意粉係扁扁地㗎 ，有嚼勁， 夠分量冇比較點知你最好

Been here twice with friends.I would say this would be a good place for date night or romantic night given the ambiance. The food is great, portions are reasonable. Their pasta is flavourful but not too overwhelming. Would definitely come back here.

We had a birthday party here for 14 people last Sunday. The whole group felt the food and service was fantastic. I would definitely go back. This place is a hidden gem.  The price was very reasonable. The best dish of the night was the chicken parmesan. 

今日約咗閨蜜夜晚到中環蘇豪區一間唔起眼嘅意大利餐廳, 係閨蜜嘅朋友介紹畀佢。一去到除咗我哋張枱之外,其他都係full. 我哋嗌咗Crispy Squid,Truffle Risotto,1/2 chicken,Seafood linguine, 甜品有 tiramisu 同埋Mo Bro's Cannoli。整體嚟講味道都ok, 我哋最鍾意就係truffle risotto同埋 tiramisu. risotto juicy, tiramisu 夠酒味。我個人就覺得crispy squid 非常一般般, 炸麵粉多過魷魚。喺蘇豪區嚟講佢嘅環境比較靜, 對比起其他同區嘅餐廳價錢合理, 有機會再嚟。