Mr. & Mrs. Cat & Dessert Cafe (已結業)

自問自己唔係一個貓痴，但係身邊嘅人都十分之鍾意貓，閑時都會陪佢哋去一啲貓貓Cafe，今次就嚟到銅鑼灣嘅呢間mr. & mrs. Cat and dessert cafe我哋坐落每人都嗌左一份嘢食，我自己就嗌左一份意粉，意粉唔算話特別好味，都係簡單幾片煙肉蘑菇整成嘅carbonara spaghetti，不過一般嘅meow cafe都唔會有嘢食提供，所以呢間野就算嘢食未必好好味但係都可以接受。嗰日去到啲貓貓都比較高竇，唔係點理人，多數都爬晒上架到瞓覺，有陣時會跳落嚟望下你，一入到去嘅時候餐廳枱面會有貓玩具俾你同貓貓玩，但係就算你有玩具同佢玩，啲貓貓都唔會點so你，不過嗰度有榻榻米座位，如果日頭時間去坐下都幾舒服嘅，但係我自己覺得meow Cafe來講就有其他更加好嘅選擇囉

之前去過一次食，果時係晚餐，貓貓都活躍會同你玩。今次食下午茶，多過一半都訓緊，但佢地都好乖會俾人摸，係夏天一路涼冷氣一路摸腦再細細聲同FD 吹水都幾chill 。我諗去得貓cafe都唔會太睇重食物質素，味道覺得ok接受到，但未去到好好食既程度，就係普通café味道，選擇都比較少，入場費包一杯野飲，我叫左果茶，飲開珍奶微糖既我會覺得好甜。$160一個TEA好值唔值真係見人見志，但身為一個無養貓又有得係度玩貓既人覺得環境OK，TATAMI坐得舒服，又多貓行埋黎係開心既，會再黎但唔會成日黎。

店員服務態度勁差 明明舖寫收11點（之前）好幾次7點左右去到話full booking 或者last order咗 就算入到去食 佢哋啲態度都係好差 當你透明 唔執枱 有次明明有好幾張枱未執但佢哋都係會照坐埋一枱喺度玩手機！有次啲貓全部group哂喺走廊 我都係去廁所行過摸咗啲貓10秒都冇就俾佢哋好惡咁鬧話唔好阻住走廊！感覺好難受！仲要好幾次7點幾去到明明鋪頭唔爆 或者冇人都會話last order咗或者full booking！係咪玩嘢！店員嘅態度仲要去到嘅時候好似係我哋打搞到佢哋咁 完全當我透明以前日為例 我上到去 見到有兩個男人入緊去我咪跟埋入去以為仲可以幫襯 點知入到去坐低埋都冇人理我同我女友 但明明店員係望到我哋㗎喎！好喇 到我出去問先知原來已經就快閂門 但店員嘅態度好似係覺得我阻住佢哋咁！咁既然就收舖 點解我之前果兩個男人又可以坐低食呢？🤷🏿‍♂️

兩個人食咗兩碟意粉 (下午茶size份量) + 兩杯嘢飲。Total $370 (入場費$85/head包一杯drink, ie, 意粉$200 兩碟). 銅鑼灣呢，本來this price唔叫乜好貴，但非常物非所值，所以好貴。碟蜆肉意粉全部蜆係有沙嘅，ie, 唔食得。意粉味呢，得香草加啲鹽。個凍latte直頭係一包三合一咖啡粉加一litre水咁淡。其他嘢ok：staff有禮貌，地方ok乾淨，貓都好得意嘅。其實絕對可以做好啲，等客番頭。

超適合愛撚貓之人，簡直係貓貓天堂😽😽好多貓咪係食客身邊穿插，貓奴受寵若驚今次黎係下午茶時間，兩杯飲品坐兩個鐘，不過最尾都坐左3個鐘😸好抵，因為貓貓好痴身試過其他貓cafe食嘢，雖然都好多貓，但啲貓唔會為你停留，只係不斷穿插😿尼間就唔同啦，下次黎要book定tatami 位，同啲貓貓玩得更舒服😌嗌左杯水果茶，正常味道。地點好就腳，行街行到攰攰地就上黎坐下，或者想係鬧市入面靜靜地hea下，同毛孩玩下就一定要黎！

食物和飲品不錯，但選擇比較少，貓很活潑，有睡覺的，有活動的，也看見貓追貓和貓喊貓叫，貓經理很有個性，獨來獨斷，最高的位置看似是牠的寶座，常在高位跳下，很有王者之氣，和另一隻起衝突，一爪就化解，霸氣！🤣服務員態度不錯，唯一覺得須要改進的地方是WhatsApp 留言了很多天都不看不回，感謝您們的服務，好評！

話說朋友生日，所以用佢website book星期六2:30。點知去到佢竟然話自己website 係壞的，book 唔到，叫我們一個鐘後來過但係其實 cafe 入面一個人都冇，唔知點解唔給我們入去！明知 website 懷就應該事先通知！好啦，一個鐘後再來過。一入到去就話入場費一個人 $85 包一杯嘢飲。飲品都係咖啡，茶等等基本嘢，冇乜特別。留意凍飲竟然 “唔可以少冰”, 而且勁多冰！好啦，念着同貓貓玩，但點知佢哋全部訓哂覺，冇訓覺果D就完全唔理人，有D好似想咬人！作為一間 cat cafe 應該至少訓練貓貓點同人溝通，這些是基本。 貓cafe竟然冇得同貓貓玩，而且食物偏貴，建議大家在銅鑼灣可以去其他有水準的 cafe！ 失望！

服務態度差都算，唔比玩猫，多限制，食物一般，價錢又合理舖頭無人趕人走，如果預坐得耐就唔使諗不如寵物店睇好個店舖優點，除左猫仔好得意，真係諗唔到真係愈諗愈嬲，無針對成份

First of all, good luck finding it and then paying $85 per person to play with some tired cats,never again! Don’t get me wrong, they were pretty adorable but it was hard to play with them when they were practically sleeping or maybe sedated!! Overall, serious waste of money but my kids seemed to enjoy it.

之前同事話呢間貓cafe d野食幾好味，話又有tatami位坐，佢話要坐tatami位要預早幾日打去訂，咁我一於早幾日打電話去book啦，好在仲book到！店員話得返一張tatami枱咋一去到見有隻貓周圍行，有一隻係到望街，有一隻係到訓緊覺，好得意呀！我同個fd一坐低就叫野食先，因為好肚餓我叫左最貴果個大蝦蕃茄意粉，同花茶，等既時候，緊係同d貓玩同影相，玩左陣就有野食喇，um..的確係幾好味，比起出面d cafe, 野食質素係幾高食緊野果陣，d貓會係你旁邊/枱底行過，超得意架

初寫食評，請多多指教作為一個家養3隻貓嘅貓奴，無貓不歡早幾日上網搵到呢間貓Cafe，用Facebook inbox訂咗今日下晝嘅位，好彩打完風第二日天氣即刻好好天一行兩人一入到去店員都要我們首先要換拖鞋，消毒雙手，保護貓貓措施做到足，讚！之後店員都向我地介紹呢度嘅貓貓，同埋規則等等。好，講返正題！啲意粉好好味！意粉十分之有口感，好 Al Dente！食得出煮意粉時間控制得好好 （本人好怕出面茶餐廳果啲勁軟嘅意粉）蒜香鮮海蜆意粉($128)- 必點！啲蜆一食就知唔係雪藏貨，意粉仲要好香蒜香加蜆味，媲美正式西餐廳！煙三文魚白汁意粉($118)- 白汁份量控制得剛剛好，冇浸住啲意粉，唔太鹹，食完都唔會好膩。果茶唔太甜($78)，有新鮮果肉，帶酸，好啱我口味朋友杯蘋果茉莉茶($78)果肉香甜，茶味夠香，絕對唔係出面啲顏色水環境方面地方冇異味，好清潔，之前去過一啲旺角嘅貓Cafe，完全兩回事。廁所清潔之餘聞到滴露味，令人好安心。我最鍾意呢隻女皇波波，好得意可愛！店員一有時間都好細心同所有客人交流愛貓心得，我同朋友都一齊傾咗好耐，咁就渡過咗好開心嘅兩小時！p.s. 我見到貓咪都係果度生活得好游閒，

只要叫一杯飲品就可以與貓咪共處一整個下午，對於身為貓奴的我簡直是便宜死了，貓咪很可愛，食物質素也不差。以往去其他貓cafe也會有種不好嗅的味道，但這裏並沒有員工也很友善跟我介紹了貓咪，一定會再來

一上到去開門，職員見到我都另轉頭。直至大聲叫佢地先有回應，然後安排座位。間野唔多人，但有5個職員，其中3個係廚房，2個係出面玩手機，完全冇人理會過客人既需要。座位都係污漬，感覺非常不衛生。當我地去睇貓貓時，期間職員不斷講唔該借借，玩貓貓地方超細，非常無癮。之後我地要去洗手間，咁岩又有隻貓貓係洗手間外的位置，所以係走廊停留左係貓貓面前3秒都冇，佢就已經話:走廊唔玩得貓，張紙咪寫左囉。 其實我都唔只見過一個客人為左玩貓而停留走廊，而我只係停左3秒都比人話，覺得好無辜。我之前一路係旺角 貓貓地cafe既常客，自從佢地結業我都冇去過貓cafe，最近搵到呢間，都見到評價好差，但冇諗過佢地完全冇改善過，咁樣仲點叫人去d自家創業既cafe呀！真係好差呀！

無論有冇叫意粉之類，每人都要嗌一杯飲品，飲品最平都75蚊，兼要加一。最氣頂係佢收服務費，但就要顧客自己行出去點餐。服務員冇乜禮貌。收費時會自動四捨五入，82.5會收你83。感覺唔太均真。think twice before u go.

環境不錯，沒有臭味，空調大，但食物及飲品貴，食物品質不是太好，果茶帶苦澀味，意粉要$95而份糧連一個人也不足夠，服務員態度也不見友善唯一好的是貓貓很可愛不會再光顧此店