Mr Poggy

营业中

休息中

我媽咪好鍾意簿批底，唔喜歡芝士野的她都讚不絕口！我喜歡即時製作的pizza，因為永遠最新鮮熱辣出爐，雖然是要時間製作，不過手機落單再預準時間有不用等，我上次早到左，佢都好快咁加快我張單。感恩☺️

求其喺openrice睇下有咩食諗住買外賣啦見到呢間之前有bookmark過但未試嘅所以就喺openrice落咗單簡簡單單咁叫咗一個蘑菇飯加一個細薯條夾埋冇記錯係$41 真係幾抵食好耐冇食過蘑菇飯 好開心覺得好正呢個汁我好鍾意啲薯條拎到返屋企最後先食都唔會淋晒真係唔錯職員態度都好好 會再encore的我諗其他食物都可以一試

羊肉沙津- 羊肉醃得入味，很惹味，可惜肉質較韌，份量略為少了點。- 蔬菜新鮮，有車厘茄、青瓜、羅馬生菜等，份量足夠，沙律醬可再多點。- 跟餐選了薯條，可能外賣回家需時十多分鐘，薯條已經唔脆，但唔會油淋淋，薯肉好味，份量夠多，茄汁亦足夠。- 跟餐搭配罐裝飲品，吃完剛剛夠飽👍🏽，價錢合理。

今次已經唔知第幾次幫襯了，祗要openrice apps 點菜付款，到店自取真是超方便又化算，價格比walk in 更平，又不用等👍🏻套餐最經濟，又點了至愛的羊肉沙律，不過稍嫌今次肉質較碎及乾，希望店主留意下😐其他都合乎水準，是次pizza夠爐氣，不再白雪雪雞翼真的好好味，每次必點😋雞軟骨誠意推介，香酥卜脆，好味又大兜招牌漢堡芝士包肉嫩多汁，亦是非叫不可，不過唔知當日係未缺乏紅蘿蔔絲，沙律菜份量少咗,希望下次encore 份量可多返些。

時間加效率好重要，通常係屋企用openrice個外賣自取落單買餐唔洗浪費時間等外賣呢次見到間新店Mr Poggy，見到有好多款，餐牌有飯及意大利粉、燒肉配薯條、漢堡、薄餅、沙律及小食店內所選用的牛、羊、雞適合清真者食用。價錢比一般同類舖頭便宜，因為位置比較偏揀左雙層芝士漢堡($55)和細薯條($12)到取食品時見到老闆one man band，全部一個人搞一腳踢老闆話堅持有單至整唔想做定放係度影響質素講返個飽夠鬆軟肉夠汁，都算抵食

叫咗經典芝士漢堡加薯條，燒羊肉飯配沙律，香辣雞翼。芝士漢堡醬汁唔係好多，幾好食，漢堡牛肉食得出係真牛肉及牛肉纖維，比連鎖快餐店出色好多。 包比較細，但味道同質素幾好；加薯條或其他小食一定夠飽。燒羊肉飯配沙律，燒羊肉好好食，沙律用了沙律菜，食落新鮮爽脆，而且完全無草青味，very good。份量十足。睇佢menu，原來燒羊肉、燒雞肉同燒牛肉都係得到清真認證。香辣雞翼，一份6隻。雞翼入味，少少辣，香口美味。初試新店，食物即叫即整，新鮮熱辣，食物味道同質素都好好，價錢唔貴，好驚喜。

晚餐沒時間煮飯，又再幫襯此店，先在巴士回家途中經openrice下單，下車便到店自取外賣回家，超方便又化算👍🏻今次點了2人套餐$169 ，平過walk in 散叫好多好多。羊肉沙律，誠意推介，肉質羶嫩夠味，配菜又多PIZZA 12” 不過係薄皮，餅底香脆有炭味，上面的芝士好厚又濃味，味道不錯。小食雞亦蕃茄味，雞肉嫩滑又夠味，下次一定再點。蘑菇飯麻麻地，冇咩味，下次要改叫其他試吓。本人經驗先點套餐再加菜是至經濟及化算的👍🏻

星期日下午肚仔餓，打開openrice ，驚見此小店，其實平時出出入入都見過此店，今次姑且試一試外賣自取，下單後5分鐘都不用，就被通知可收order 了👍🏻芝士漢堡包，優惠價$35，另加配薯條$5包包略細，但沙律配菜份量足，有肉又有菜，好健康☺️包身及漢堡牛肉肉質皆鬆軟，又帶溫度，而芝士加醬汁混合流滑，餡料絕不柴口，好好味😋，唯一缺點係個包份量略少，唔夠喉。加配的薯條好大盒，不過被倒汗水整淋咗，可能改用紙袋不封口盛載會好些。下次可回頭再試其他食物，例如羊肉，因間店有好大陣羊蘇味，可能羊肉係暢銷食品。

收工返到屋企叫外賣，落單的時候無下雨，怎知道途中突然落大雨，送到家的時候pizza已經被雨水浸濕，店舖很好 立即再焗一個 送過來，加以膠袋包裝，服務態度一流。會再光顧芝士薄餅：薄餅底口感煙韌，芝士好足料，薄餅皮似係用大烤爐焗👍皮薄餡靚

Weekends懶得煮飯，所以去咗呢間pizza店買外賣😆😆門面有大大個廚師logo好易認！今次叫咗個2人餐，可以任揀一個12吋pizza、一款小食，一個焗飯/意粉/薯條，另外仲包兩罐嘢飲，combinations 都幾多🍽 我哋揀咗海鮮pizza、燒牛肉配薯條、香辣雞翼，原來12吋pizza都好大喎，兩個人真係食唔晒，臨時叫多個朋友一齊食！價錢咁抵，開頭估計佢味道應該一般，估唔到好有驚喜喎😍呢個海鮮pizza除咗有滿滿嘅cheese，仲有好多蝦同埋吞拿魚，配上番茄紅醬成個味道都好夾，比起厚切嘅pizza，我比較偏好薄脆crispyr嘅口感！燒牛肉配薯條份量都好多，淋上半溶化嘅芝士，勁邪惡！開頭以為係CP嘅香辣雞翼，原來唔係！味道有啲似乾身啲嘅水牛城雞翼，都好好食！

今日一早出屯門做嘢，攪掂已經差唔多兩點，諗住坐低食碗河粉，點知收到老闆call ，叫我幫佢買午餐。最後唯有一齊外賣，返公司同老闆邊食邊做。見到呢間外賣店大大個餐牌，有飯、意粉、pizza、burger 、沙律，相當不錯。店員仲好詳細向我說明店裡所選用的羊，牛，雞（只限飯及沙律用料）適合清真者食用。因為真係好肚餓，加上老闆食得下，所以最後點了一個六吋pizza、一個burger ，再加多兩個飯。6吋「芝士薄餅」（$42），Pizza充滿香濃茄醬及大量芝士，每一啖都食到芝士原汁原味，超香超愛。「經典芝士漢堡」（$39），配有少量新鮮沙律菜，個芝士漢堡需貌似普通，食落件漢堡牛肉十分多汁，真係好好味。「燒羊肉飯配沙律」（$56），羊肉是我最愛，燒得超級香口；「燒牛肉飯配沙律」（$58），牛肉較特別，有些彈牙，但非一般平常吃的口感，頗特別。所有沙律配菜既新鮮又多汁，車厘茄非常甜美。附上4款醬汁自由加配，認真要讚。平民價錢，不錯選擇。即叫即製，需等待約15分鐘。

天時暑熱完全唔想係街食野，最好就係買外賣再返屋企慢慢嘆，依日去左新墟果頭發現有間外賣小食店，我同老公分別叫左雞肉薯條餐同牛肉薯條再另外叫左洋蔥圈，老闆娘推介話左幾款醬汁比我地，我自己最鐘意就係蒜頭味，雞肉唔係果種厚肉，但燒得好野味，配埋cheese醬岩岩好，唔會話過份油膩，芝士迷可以加油叫extra添！ 至於牛肉老闆娘話來自清真寺，都幾好味份量都非常足！我地叫完先發現原來鋪頭仲有賣磨菇飯，勁想試！一於留返下一次再order啦！

Mr Poggy (屯門)屯門青山道新墟段45-77號幸福樓地下30號舖經常吃Pizza也是吃連鎖店的，終於比我搵到一間位於屯門的意粉小店，除了意粉和漢堡包之外，還有我最愛的薄餅。店面小小但是行近的時候已經聞到陣陣的芝士香氣。芝士焗雞肉丸肉醬意粉$68這個意粉的份量很多，我和女女吃都足夠，芝士的份量很多，而且遍布所有意粉，捲起上來的意粉條條都醮着芝士。肉醬酸酸甜甜的很開胃。而且意粉煮得軟硬度適中，焗完之後也不會太稔身。雞肉丸大大粒，經過老闆所說是Hala雞肉。燒雞翼六件$36燒雞翼香香甜甜，，燒得來不會乾身，而且醬料配合起來吃很好吃。雙層芝士煙肉漢堡$62不打緊是雙層芝士，還是雙層漢堡，漢堡肉口多汁，保羅將牛肉本身的水份，芝士呈拉絲狀，一啖咬落去不說規格的漢堡，但是這個漢堡價錢10分相宜，可謂物超所值。Whiskey cola $12 (跟餐加）甜香😜不同於一般的手工啤酒，這個醇香而甜，適合女士。

今日就去下 20年都未去過既何福堂搵野食😋遇到間食pizza既店 就試下啦😍🍕12” 超級食肉獸 + 芝士話到明食肉獸 就緊係食肉 唔食菜啦~岩哂我地🤭肉果方面 係舖片狀肉既~有火腿片+辣肉腸片+應該係漢堡肉片餅底有層茄汁因為另加左芝士 所以餅面多左一層算厚既芝士🤤 而餅底偏薄 所以食落真係啖啖肉+啖啖芝士味道above average嫁😋份量介乎喺1-2人中間啦~ 1人食會太飽 2人食未必夠飽 好事黎既 就係因為咁 我地叫多左個burger🤭🍔雙層芝士煙肉漢堡個厚度簡直係M記孖芝既double🥳漢堡肉好有肉汁 唔會乾爭爭嫁~有肉汁得黎 又唔會肥到係咁滴油額外想讚下廚房整野食既老細🙇🏼‍♀️本身我地叫左個薯條 但埋單前突然改變主意 skip左個薯條🫠因為怕食唔哂🙊但原來老細聽到我地落單 勁快手就開始整🙊真係唔好意思🥲我地最後冇order到 佢完全冇黑面🙇🏼‍♀️

優質外賣Mr Poggy (屯門)屯門青山道新墟段45-77號幸福樓地下30號舖今日謙哥想食Pizza，今日我哋試吓新嘢，公公婆婆散步拍拖出去買外賣🥡6”至尊薄餅 $62四塊Pizza Size剛剛好，絕對夠飽，芝士濃郁，茄汁調味好，辣肉腸濃味😋薄脆底好食，脆到cok cok 聲。燒雞肉配薯條$62份量夠大，足料，有茄汁同芥末醬做調味，我個人喜好就高推芥末醬，同燒雞好夾，好食😋椒鹽雞粒$30外賣嚟到都仲酥脆，雞柳大塊唔UN，食落有撕裂感，如果鍾意食鹹嘅人，一定要試，鹹香