MX (中華總商會大廈) (已結業)

喺香港島想搵間餐廳食平早餐，都幾難!唯有揀快餐店係明智之舉!以前不嬲都覺得美心質素好差，但從改為「MX」之後，又好似好左勁多!習慣食開港式早餐，見到近期「桂花香檸雞扒」賣行晒廣告，一於就試下!雞扒好似手掌心咁大，外皮好香脆。唔太覺得有桂花蜜嘅味，同平時煎雞扒嗰個汁一樣，塊青檸應該係整色整水😅可以將滑蛋轉做煎太陽蛋另外，加了$5試埋新飲品「杞子紅棗蜜」，因為沒有撈勻底下的紅棗肉，所以味道就不會太甜，淡淡地就啱了!本來食個廿十幾蚊嘅早餐，為左試新野，超左預算添!港式早餐係最抵吃，另外嗰啲快餐店或者茶餐廳，最多都係配兩件餸加多士，但美心竟然配兩條腸仔，抵讚

作為一個普通的上班一族，快餐店永遠是午餐的天堂。因為又快，又唔會話唔好食。當然衛生，乾淨也是令許多人考慮食快餐店多過茶餐廳的原因。這一天，來到了中環做事，一個人在中環的核心地帶，不會吃貴，不會迫小店，所以我目標了快餐店。而且為了幫手提電話充充電，我決定來《MX》食野。好多時，我都會選擇快餐店的咖喱餐，香港三間快餐店的出品都令人叫好的，是日身處的《MX》，他們標榜是原煲咖喱，亦的確，是一整煲滾熱辣上的。我點的是咖喱牛腩，最令人歡喜的就是咖喱汁濃濃香香，入口也不會太辣。牛腩的肉味濃，入口又夠腍，再加上多汁，送飯 ichiban。只是有一樣不歡，就是間間都有一半是薯仔而不是肉。天氣熱，不飲奶茶了，飲杯可樂消暑。《MX》的咖喱，我永遠都俾 good。

下午茶炸脾雪菜米在下層排隊order,排到的時收銀就說要到上層買,那便到上層重新排隊買啦！又排了一陣到叫order,又說無炸脾,我話樓下收銀叫我上上層買,上又話下層無call mic問,咁算店,要客人行上行落,無就一早出聲啦！只會推黎推去。錢就識不停加,服務就越來越差,如果無點解要客人行上行落??以後都唔會再食。

中環打工仔，lunch 最緊要快靚正平。有同事講開話美心出左隻新飯，就即刻想去試下。五香肉丁叉燒飯+豆腐，仲搭多幾條菜，$40來講算係幾足料，雖然你五香肉丁開一罐喺屋企可以食死你，不過lee 個飯配搭晒所有野都尚算幾好味。但就無大家最鍾意嘅燒味汁，但向好嘅方向諗，就係無咁肥，想扮晒食得健康少少可以考慮下。個人認為最大優點真係佢嘅創意，肯將唔同嘅食材放埋一齊，得閒換下餐牌，算係慰藉下打工仔嘅心靈!!!!

我不時都會幫襯MX，覺得佢比起n年前既美心快餐進步左唔少，而焗豬扒飯一向都係我既晚餐考慮之列之一。見到地鐵既很大唷焗豬扒飯廣告，覺得呢個豬扒飯都幾有gimmick既，所以搵日午餐就去買外賣試試啦！原來MX同一時間都供應正常版既焗豬扒飯外賣，如果要很大唷的話，就要上樓上點餐了。（如果有黎開呢間既中環仔女都應該知道樓上樓下既餐牌永遠都唔一樣，有時就算買外賣都要上樓上，好奇怪。）一揭開張鐵蓋，即刻睇睇塊豬扒係咪真係好大塊。嘩！原來真係有成吋幾厚，係超級厚！雖然大細同平時食開既無乜分別，但口感真係正好多。豬扒厚左，相對黎講飯真係少左Ｄ，岩哂我呢Ｄ鍾意食肉唔鍾意食飯既人喇。同平時一樣都係有幾片菠蘿同蓄茄，唔鍾意食酸既就有緣無份了。四十幾蚊，用埋報紙減五蚊優惠（係師奶呀，唔得咩？）三十幾蚊有咁既豬扒質素，真係抵食既。

身邊有不少人說美心快餐的海南雞飯好食，更有人話可媲美文華。今晚剛好到中環，就來美心試個究竟。這間MX有2層，地下設有自助落單機。但要吃海南雞飯，就要撐上一樓。一樓的選擇比地下還多，我們決定了吃海南雞就不作他選了。 Sir滑雞 $52 - ★☆☆☆☆  美心MX的海南雞是去骨的，方便又快捷，適合我這種又要快又要懶的人。柚子醬沙律蠻爽脆，還算新鮮。雞皮夠薄，泛起油調黃色，賣相吸引。一口咬下去，雞肉冰冰的。不嫩滑又無雞味，難吃得令人絕望。黃油飯碎濕濕的，飯粒又乾又硬，伴湯吃才能勉強吃幾口。 冬瓜湯味精蠻重。但這是意料中事，這湯在整個餐來說已是最好了⋯⋯ MX去骨海南燒雞飯 $52 - ★★☆☆☆  除了去骨海南雞，還有海南燒雞可選。 燒雞皮烤得有點脆，雞油比純海南雞少。雖仍然不嫩不滑溜，但肉質比sir滑雞好。 朋友說，他吃開的太古店真的很好吃，没想到中環店如此劣食。連銷店竟然質素差那麽遠，真的不敢札像。要black list Sir滑雞之前，先blacklist這家MX吧！

11月4日晚上，難得女友過來中環陪我食飯，所以近近地去左中環mx食飯，我點了一個扒餐，除左個湯比較好飲之外，飯同個扒都難以入口，扒無味道，白飯除左白之外，無味道同硬身，雖然無期望但也不會咁差吧，不會再食佢的扒餐

來到中環要食個快早餐，選擇都唔係好多，今次選擇左比較少食的美心MX😝五香肉丁米配腸仔煎蛋，其實一般呢啲餐廳既早餐分別不大，所以不多說了🙊兩個字：食得過😂今次主要講係杯要加$9既所謂'冰桶'原味奶茶😑首先，請問個冰桶係邊？我連一粒冰仔都見唔到😑冰桶係點解❓❓🤔奶味茶味都好一般。。同普通一杯凍奶茶有咩分別，點解值原價$20❔❔肥仔獸真係百思不解❓❔❓❔只有重重中伏的感覺😭😭 Facebook 小玩具大世界： https://www.facebook.com/Smalltoysinbigworld00/IG : smalltoysinbigworld00#smalltoysinbigworld00 #肥仔獸為食團

朋友有票到中環海濱聽HK Phil，因為趕著去霸個好位置，所以迫著要到快餐店吃晚飯，不想吃燒味，吃鐵板餐、火鍋又費時，只好隨便吃個雞排飯。雞排飯也可以選白汁或黑椒汁，重口味如我當然選了黑椒汁。皮煎得非常香脆，肉質卻鮮嫩不會乾。黑椒汁也濃郁味美，最驚喜的就是蔬菜也用醬汁煮過而不是白烚的，簡單的一頓也讓人滿足。

我在 9月尾經過中環干諾道中，<美心MX> 圍板裝修轉新 Look，令我也期待起來！  最近經過 <美心MX> 重開新形象煥然一新！星期六早上前來幫襯！供應：港式、中式、西式早餐，由 $23 ~ $31 不等。這裡佔地兩層，地下走入去那層好 full， 於是，我行樓梯走到上層！上層別有洞天，並非裝潢與別不同！而是「工人姐姐地頭」！有很多菲律賓籍工人姐姐，我好似走錯地方！ 設有 USB 充電插座，方便又週到！ 另外，桌上有溫馨提示 (以中英對照)，建議食客食完後，自律把托盤拿到托盤回收站！不過，相信很多食客不會這樣做囉！快餐店有的是效率， 缺乏的是服務態度及食物質素！這裡亦不例外！煙肉、炒滑蛋配麥包早餐 $27煙肉有兩塊，食落不算乾！不算太鹹！炒滑蛋的確幾滑而富蛋香！麥包烘得香脆！塗上牛油增添鹹香滋味！熱好立克通常在快餐店飲熱好立克都會有個共通點，由於時間關係，就是好立克粉未攪勻，形成一嚿粉糰！ 味道主要來自淡奶！奶味十足！

在中環完成手頭上的所有事務後，又到午飯時間，可惜的是中環人多，找餐廳和位子坐下，實是一個難題。幸好的是有著快餐茶記之類的食店，可滿足趕時間的人。每次去到美心MX，不知道因何對其燒味情有獨鍾，都要來一個燒味飯才滿足在下。叉燒肉躁飯是把台灣的肉躁飯加上粵式的叉燒，形成了港台的混合體。叉燒軟腍沒有多餘的脂肪，全是瘦叉燒，肉躁味帶甘香，肉粒濕潤，是送飯的良伴。凍在快餐店喝一杯凍奶茶，實是少有，一杯茶香奶滑的凍茶，是炎熱夏天的凍飲之一。在快餐店吃飯，講求的是快快趣趣，吃完便可走人。

我計過係中環食個早餐，唔知係唔係競爭大，竟然比其他地區平 ! 特別係美心，用埋coupon真係抵~ 每朝我都始終如一叫這個C3的火腿通粉餐，啲湯底都算好濃，雖然通粉都有啲淋了，但味道還是很好。不過我今日無一如以往叫多士，反而轉左件蘿白糕，以為美心的蘿白糕一定好就錯了~ 呢件蘿白糕証明佢係粉多過蘿白，唉~ 食完覺得自己肥左。其實我一直唔多滿意呢度嘅腸，唔覺得煎左，好似只係淥熟左咁，有時唔夠熱左好似生勾勾嘅感覺，不過今日溫度還是夠的，不過都係淥熟。而蛋就還可以，賣相可以話差，但吃下去還是與一般的雞蛋相同。不過杯熱檸茶倒是不錯，我鍾意佢唔太熱，否則好難入口，檸檬份量適中，係水唔夠囉~ 可以沖多杯都仲有味~ 

返工時間美心都算多人去買早餐～不過落單同出餐速度都算快～今朝想健康啲食麥皮～不過其實個餐都幾豐富，我將腸仔轉做火腿，比較健康d麥皮入面有蛋白，真係好淡味，可以要求佢加煉奶，口感甜d比較易入口不過麥皮份量比較少，好快就覺得餓成set連野飲$22，都算抵食～

今日手持一張$2蚊現金券去美心食早餐，無乜期望，所以唔會失望。牛扒煎蛋併蘿蔔糕配凍檸茶。蘿蔔糕偏硬，唔夠蘿蔔亦煎未夠香。喺快餐店叫牛扒做早餐，通常都係呢類貨式，汁先係精髓所在，個汁味道尚可但無洋蔥……連洋蔥絲、碎都無。凍檸茶無乜茶味。唯一可取係煎蛋，幾滑口，生熟程度控制剛好。

趁著時間尚早，下班後急急腳去吃個下午茶再去上課。 距離第一次吃美心的公司三文治已有7-8年的光景，那時20元就有一客公司三文治配薯條和飲品，真的便宜得不得了。 現在同一個套餐，價錢已經加至27.5元，到底這是通漲下的壓力還是財團的壟斷？因為公司三文治是即叫即製，所以一般都得等上5-10分鐘。 現在人人都有智能手機，隨便換一兩個遊戲打發時間，很快就等到食物了。三文治烘得剛好，有陣陣麵包香。 餡料非常豐富，有雞蛋、雞肉、生菜和蕃茄，拌以卡夫沙律醬，可以濕潤一下略為乾的麵包。 而師傳亦把三文治切得很漂亮，四件三文治整整齊齊的，每件都有齊所有配料，值得一讚。 即叫即製的只是三文治，薯條是預先做好的，放久了已經變涼和開始變稔，薯條還是剛做好的最好吃。