Nakayo食堂

营业中

休息中

Nakayo是我飯堂之一，當想食日本菜，又不想排隊。Nakayo絕對是一個好選擇。我通常都是點Nakayo三代目, 丼飯包括了海鰻、牡丹蝦、吞拿魚茸、帶子、海膽、金槍魚、三文魚和玉子。如相片上展示的一樣，每款食材都十分新鮮，色彩鮮豔。食材每款都有兩件，令每一口都能品味到海鮮的鮮美風味。此外還附送濃郁的麵豉湯，這碗湯十分足料，裡面含有大根和三文魚，增添了豐富的口感和風味。另外一款必點的是明太子芥末四季豆。新鮮的四季豆搭配了獨特的明太子芥末醬微辣的風味，與四季豆的甜味和脆度完美融合。小總結❤️❤️❤️❤️❤️📌食材新鮮📌麵豉湯足料

之前嘅位置變咗日式燒肉店，令我好失望加念念不忘，好在佢原來開番响超市內，雖然已經開咗一排，但因為焗爐壞咗，只有魚生飯，老爸老媽盡量唔食魚生，5月15號終於整番好個爐，兩老急不及待去食，老爸慣食嘅鹽燒三文魚頭定食，老媽嘅西京燒比目魚定食，份量足夠個飽肚，味道亦保持水準，麵豉湯唔會好鹹又足料，好味，魚生飯材料新鮮，和風醬蒜芯味道好，但可惜比較老，會𡁻到有渣，整體嚟講係好味又抵食之選。

幾間較大的Aeon超市旁邊總有Nakayo食堂的踪影，就供應的刺身材料而言，估計跟壽司部的中島水產很有關係。餐牌上的丼飯款式琳瑯滿目，除了刺身，還有不少熟食選擇，也看了好一陣子才能決定下來。Nakayo丼．三代目 $189如果是兩位胃口小的女生，大概也能分著吃，可見有海膽、帶子、金槍魚、三文魚和玉子，這些材料基本上也有兩件，另外還有一條長長的海鰻、大蝦和吞拿魚茸。可以說坊面同樣份量的丼飯必定不止這個價位，而且食物也是頗新鮮，不會有粗製濫造之感。牛油醬燒日本蠔 $49純粹口痕之選，醬汁是帶點甜又帶點牛油香，錫紙烤盤像極了家中bbq做法，回家可參考參考。甲羅燒 $89（2個）看到食評有人推薦甲羅燒，躍躍欲試，想不到是真正不俗，蟹膏不會太鹹，蟹肉和蟹籽也鮮甜，伴白飯吃是很好的配搭。隨飯附送的味噌湯可以說是畫龍點睛，內含不少三文魚肉，明顯提鮮，還有清甜大根，一碗平平無奇的湯卻令人十分滿足。

塩燒三文魚頭定食 $59 Grilled Salmon Head Set白飯升級 +$10迷你井Upgrade Mini Seafood Bowl迷你長腳蟹肉丼Mini Snow Crab Meat Bowl付：味噌湯Set:Miso Soup好味指數 4 /5 🍭🍭🍭🍭{魚頭好大個 肉一d都唔少 食落新鮮 ＋$10可將白飯轉做長腳蟹肉飯 蟹肉鮮甜 份量都好適中｝伊勢龍蝦丼∙四季 $219Ise Ebi Bowl SHIKI付：味噌湯Set:Miso Soup好味指數 4.5/5 🍭🍭🍭🍭🍬{所以魚生都好新鮮 感覺整體好豐富 有5款刺身 2片甜蛋 半隻龍蝦🦞 值得一讚係海膽 好甜冇苦味 龍蝦既蝦膏較實身 都幾香口 肉都好厚 但不夠甜｝蒲燒特上海鰻 $39Grilled Sea Eel好味指數 3/5 🍭🍭🍭{海鰻肉質柔軟 入口好滑 細骨不多 但性價比不高 因為整體較幼細 肉不夠飽滿｝附帶一提：每個飯都有附送湯 湯好足料 味道好鮮甜 而且好大碗 👍

哩間喺屯門Aeon入面嘅食店我間唔中都會去，通常我都會食燒魚 （另有刺身丼），如果無記錯套餐價錢由$59起燒三文魚頭餐 $59套餐跟前菜，味噌湯，白飯（轉蟹肉丼飯加$10，另外仲有其他選擇），份量足夠，味道亦亦唔錯，性價比高，非常抵食三文魚頭燒得夠香口味噌湯大大碗，入面嘅料好足，有白蘿蔔、紅蘿蔔、三文魚、海苔同啲切咗粒粒嘅菇蟹肉丼飯，除蟹肉外仲有三文魚籽，差唔多每次都會加錢轉除咗燒三文魚頭外佢嘅比目魚都好好食另外提提大家，如果用餐完畢記得將餐盤放係回收處

-🦄ナカヨ食堂 @nakayoshokudou-四色丼 Hkd175Rating🌕🌕🌕🌑🌑甲羅燒 Hkd55Rating🌕🌕🌕🌕🌑-外賣自取有8折折後Total Hkd184-曾經我都有專登出去食黃埔分店嘅ナカヨ食堂然後近期佢終於進駐屯門Aeon 開咗間新分店ナカヨ食堂都算係方便嘅平民之選 款式又多~-一個套餐會包埋面豉湯 而呢一點係值得稱讚即使我係外賣 拎到返屋企碗面豉湯都係冒煙而且佢好足料 有好多紅/白蘿蔔同埋三文魚碎飲落唔會好油膩又唔會好鹹 而且係熱辣辣架!!對於一個面豉湯愛好者嚟講都真係覺得幾滿意四色丼我先叫咗少飯 呢個飯量我覺得剛剛好飯量大約有一碗左右 而飯粒軟糯適中都唔差佢哋好似係用新潟県嘅米 所以都有一定保證有時真係好怕啲壽司飯好難食 又硬又有咬口最期待嘅海膽質素真係好參差 真心唔太好食四大塊海膽入面有一至兩係苦嘅 其他就正常雖然個質地都叫Creamy 但係個味道就唔太好-赤蝦夠大條又新鮮 蝦肉鮮甜而且口感夠爽彈比較驚喜嘅係赤蝦竟然有好多蝦膏 幾意想不到-最愛嘅帆立貝就正正常常 無咩特別不過不失-三文魚有三大塊 就咁睇佢嘅色澤都幾靚仔不過其實切得有啲岩岩巉巉 雖然問題不大

🔖呢間日本快餐雖然話係AEON超市內，但屯門呢間成日比人Ignore左😅太古+紅磡既AEON入面都有。🍽三文魚雙色丼$89🍽炙燒·三文魚腩丼 $109一個魚生飯會有一碗湯附上，三文魚湯好大配，入面都有好多配料。三文魚其實都幾厚切，好有口感，其實一個人食哂我覺得有點膩🤣燒過既三文魚腩再配明太子醬，個口充滿住油分，咁樣送飯食真係好滿足！💡其實呢間係其他地去有時都要排隊先有得食，唔知點解屯門呢間真係無咩人坐底，佢真係太低調😂其實性價比都唔差丫！😋食物：️8/10🤵🏽‍♂️服務：7/10🍴環境：7/10💰人均消費：$90🤩性價比：8/10

行完超級市場好肚餓，見到日本嘢就俾佢吸引咗，點知係伏！$95 鰻魚飯非常之失望，唔係原條上不特止，仲要係薄切凍嘅🙄，好傷心，伴碟嘅雞蛋絲又薄又細條，仲要勁乾$109 Nakayo海鮮丼刺身望落唔算好新鮮，食落硬係覺得質素好差，吞拿魚茸同海膽少得可憐，帶子睇落好多，但薄到似係一開二再開二😑印象中得麵豉湯比較好，因為食到三文魚肉，仲覺得幾有誠意，點會估到啲野食令人咁失望😑加$10有可樂餅一塊，除咗好油，已經唔記得咩味🙄呢間嘢門口有雪櫃放有外賣壽司刺身，但原來唔俾拎入去堂食，早知買外賣返屋企食應該都冇咁嬲

屯門Aeon吉之島超級巿場內的刺身飯專門店記憶中是疫情之後才開張的性價比高刺身很新鮮份量也很多還送一大碗三文魚頭湯～～～【推 介】～～～▪️海膽帆立貝丼 $139兩格時令海膽加五片帆立貝帆立貝很新鮮 海膽大條不腥

第一次到訪，見OpenRice 無乜劣評，所以都幾有期望餐牌選擇：刺身丼飯選擇算多，如果得自己一個都一定會選擇困難。熟食相對之下似乎無咁多。麵豉湯：有三文魚，蘿蔔等湯料。但只係微暖，而且分得唔夠「公平」，叫三個餐，有一碗無三文魚。刺身：整體算是新鮮，但略嫌有少少過於薄切，不然口感會更豐富。試咗屋企人叫的海膽同蟹膏，都唔錯。火炙三文魚腩燒得唔夠，焦香味略嫌不足（比屋企人夾了一件，本身有三件）醋飯：不俗，每粒飯都好飽滿。份量屬於食完剛好夠飽，男士可能會有點不夠。熟食：叫了兩款，分別係清酒煮硯同燒味醂魚干，兩款都不夠熱。清酒煮硯完全吃不出酒味。燒味醂魚干即使是即叫即整，但其實都不熱，不過冷了都好吃。近近地又唔想煩食乜，呢度都ok但午市始終都有另一心水之選

新年期間，有些餐廳無營業，而AEON就有開，於是就穩穩陣陣，來這裡午餐吧。第一次吃這間，假期屯市很多餐廳都會排隊，但在這裡卻還有不少位。到底食物質素如何呢？店內以自助形式點餐取餐燒金槍魚魚鮫$109記得之前食過燒吞拿魚鮫很好吃，但坊間很少見，大多只是燒三文魚鮫，這裡的金槍魚鮫由它的大小來磅秤價錢，今天要$109。耐心等待製作後，見到成品是很大一件的魚，很厚很多肉，肉質滑嫩，點上有點酸的醬味，味道好夾，如果當中有蘿蔔蓉就更好了，但也附上新鮮檸檬片，算是不錯，唯一是有部分位置有我不喜歡孜然粉味，扣一點分數。湯是三文魚麵豉湯，不錯。雜錦海鮮丼$79圖中是吃了少許，但本身都很少很碎，很細粒，有點可憐的感覺。

位於屯市吉之島超市外，這家海鮮丼及燒魚定食是一個不錯的用餐地方。現時盡量少食魚生，所以都是選燒魚定食，幸好種類多，由$59西京燒比目魚定食，最貴$129西京燒海鱸魚定食，疫情關係外賣更有85折。每份定食除了大件的燒魚外，還有漬物、小菜、飯、非一般的味噌湯。食過比目魚也不差，今次來過最貴的海鱸，加$10升級迷你長腳蟹肉丼飯。海鱸肉質很幼滑，燒得剛好，蟹肉有鮮味，大大碗味噌湯，材料非常豐富 - 三文魚、紅白蘿蔔、海苔、菇粒。份量足，味道好，cp 值高，豐富的一餐。

Aeon裝修完之後多咗呢間專食日本嘢嘅舖頭，價錢都中上，不過用了應該會新鮮，好多都係日本直送行完超級市場見佢外賣有八折就買來試吓啦，Packing好整齊好靚個湯一啲都唔馬虎三文魚頭湯刺身很新鮮不過另外一個國切完生飯就揀錯咗啦剩係得三文魚魷魚同埋蛋粒但總算新鮮嘅，值得一試

今次AEON 屯門店裝修,有一間新的日本食堂取代之前夢見屋，依然都係食日本嘢，今次就試吓呢間海人食堂，主要食海鮮丼今次叫咗兩個餐，一個精選海鮮丼，有海膽有三文魚🐟有紅蝦🦐有帶子有吞拿魚同埋吞拿魚碎，個賣相就好吸引，啲魚生都算新鮮，最好味係吞拿魚，好有魚味，可能係多人幫襯關係，比較新鮮 帶子就冇乜特別，隻蝦都好味海膽就應該係來自加拿大, 味道就普通啲反而個飯比較酸，醋嘅份量比較多，如果可以冇咁酸就完美令一個餐就係熱食，鯖魚定食，個賣相又係好吸引，食落原來條魚好硬，乾爭爭，麻麻哋反而個跟餐魚湯就非常好味😋料又多，入面有魚肉丶蘿蔔總結，性價比好高，比同一商場日本料理價錢比較平，但係呢度座位比較窄，坐得比較唔舒服

星期五成功趕完個重要既Dealine，咁啱又撞正屯門AEON 重開，緊係要行下睇下有咩抵玩!抵食!抵買!既野獎勵一下自己啦!🥰重新開幕加上AEON推出開業限定優惠既原故，都吸引左好多人去解放一下🥳，當然大家都有嚴守防疫措施~ 今次試既呢間日本野亦都有響應開幕誌慶，有兩款足料海鮮丼都有優惠，我就揀左$129 金槍魚海鮮極丼套餐喇~魚生好新鮮，海膽味濃入囗即溶好好味~😋仲包埋大大碗既三文魚海鮮湯真係好滿足!唔知係咪行得耐，早左啲肚餓5點半食Dinner，定餐廳太好生意既原故，海鮮丼既壽司飯偏暖唔夠凍，唯一既美中不足~