Neighbor (已結業)

今日喺銅鑼灣附近行完街，去到邊寧頓街，一間唔係好起眼，附近有搭緊棚的滄海遺珠。地下係著名台式過江龍 - 「美好年代」，主打布蕾波波奶茶和各式各樣嘅水果茶。行上樓梯，就係今次要食嘅西餐 Neighbor! 行上一層發現另一個地方。小店雖然唔係好光猛，但係都係好有氣氛，都好多卡位。今日六點鐘去到，客人都未算好多，好在早左黎。兩個人都可以坐卡位，坐低同男朋友商量一陣就決定點左以下嘅食物。布蕾波波茶紅玉芝士奶蓋「美好年代」竟然開咗喺一條好多台式飲品的街道，不過在行遠少少嘅轉角位，實在可能未必咁多人見到。沒有鋪天蓋地嘅宣傳，唔代表冇質素嘅保證。咁啱台式飲品店同呢一間西餐廳都有合作，等你可以坐定定都可以嘆番一杯台式飲品。布蕾波波茶嘅黑糖炒得好香，有若隱若現嘅虎紋。而且黑糖珍珠好有咬口，叫咗半糖，甜到剛剛好。另外真係要讚下芝士奶蓋，唔講茶底住，飲落有淡淡的芝士味。而且好豐厚，亦唔會好快同茶融合，奶蓋嘅質感，絕對拍得住某內地網紅品牌。煙三文魚大蝦沙律配蘋果醋大蝦雖然得兩隻，但係煎得好香。沙律底係以火箭菜為主，唔食得苦嘅男朋友一啲都冇食。反而加咗蘋果醋之後幾清新，我好鍾意。芝士煙肉焗蠔焗蠔新鮮焗起，加上

《Neighbor》 #食在銅鑼灣📍銅鑼灣邊寧頓街5號地鋪-之前上網見到有人食呢間 有款原個南瓜海膽海鮮飯好吸引 點知去到賣哂😭 咁試下其他啦 食住西餐飲台式飲品你又試過未？ 樓下係賣台式飲品 個位置都幾唔起眼 唔係專登黎都未必會見到🔹凱薩沙律 $58比起平時食嘅凱薩沙律切得比較碎 沙律醬落左好多 會酸小小 如果鐘意酸嘅朋友就岩你啦🔹芝士煙肉焗蠔 $68熱辣辣焗起 芝士都幾多 煙肉唔會搶左蠔嘅味 不過呢個價錢得兩隻就偏貴小小🔹水牛城雞翼 $68有6隻 咸咸地小小辣 不錯🔹墨汁蟹肉意大利飯釀原隻墨魚 $128一份有兩大隻墨魚 岩哂同朋友share 已經預先切左部份 都好方便食用 墨魚幾爽口 但個墨汁飯就相對比平時嘅淡小小 呢個用黎打卡都ok🔹芝芝莓果雪沙 $34去到邊都會飲芝芝莓果 呢個芝士係偏咸同埋結身小小 藍莓味幾濃 但唔記得嗌小甜 有d太甜🔹Oreo波波茶 $30撈埋Oreo我覺得好飲過普通黑糖珍奶🤣

田園帶子沙律, ，新鮮沙律菜加入香甜帶子，配上特製汁料，清新醒胃青瓜芒果卷, 小青瓜墊底、再鋪上一層芒果, 清清甜甜，幾開胃呀BBQ蜜糖雞翼, 每一隻雞翼沾上甜甜的蜜糖，像BBQ中的雞翼，但不會燒焦，且香而不膩，咬下肉汁鮮嫩美好水果四季茶, 口感清新, 甜度剛好，不會膩嘴三文魚籽墨汁大蝦意粉, 意粉就食得多，但可能來來去去都只是肉醬意粉、煙肉配搭的意粉或白汁味配搭的意粉等等, 但今次配合墨魚汁既意粉，這個意粉味道濃鬱, 非常鮮味, 大蝦肉質又彈牙!配埋三文魚籽一齊食, 別有一番風味紐西蘭頂級西冷配松露燒汁, 切開大大塊西冷, 看到那帶點粉紅色的肉質，就帶著期待的心情, 一咬口, 在嘴裡嚐不到任何血腥味，反而是有股香濃的肉香味, 配上松露燒汁，香氣撲鼻, 令人欲罷不能

之前嚟過Neighbor已覺得不錯，聽講最近加入了台灣元素美好年代，台式飲品，西台共融，搞搞新意思，我也樂於再來。既然台灣飲品紅遍香江，無理由唔飲啫。點了杯美好紅柚，好大杯噢！味道清新，啜飲著紅柚粒粒有嚼口，清甜好飲。頭盤點了兩個，一個是巴馬火腿蜜瓜沙律，巴馬火腿夠甘香，脂香滿腔。不過份量就比較少了一點。另一款頭盤是酥炸軟殻蟹，不油不膩。原隻蟹還帶點蟹膏，酥脆香口。主菜店員推介了原個南瓜海膽海鮮飯，淨係賣相己拍手叫好。海鮮有青口，蝦和帶子。蝦隻好爽口，非常新鮮。帶子煎得剛好，中間部位剛熟透，好嫰滑，青口鮮嫩。隨了海膽，還加入了魚籽，混入忌廉飯內，鹹香甘香，口感豐富。熊本霜降牛西冷又是推介，達到要求的半熟，牛味濃厚，軟腍，淡淡滋味。甜品少不得，朱古力蛋糕我最愛，朱古力味濃郁又帶些少苦澀，軟綿可口，食到又愛又恨啊！

自從上次食完之後對佢仲係念念不忘咁岩上網見到轉左餐牌 又加左台式手搖飲品我梗係即刻過黎食啦平日夜晚黎入坐率都好高下我依然好喜歡呢度暗暗地又帶有田園ge裝修餐牌野食選擇依舊好多 仲有2人餐Tim 仲有同台灣美好年代cross over 野飲我地叫左煙三文魚大蝦沙律配蘋果醋美國安格期肉眼（10OZ)黑松露忌廉芝士巨啡菇意粉烤布蕾波波茶 芝芝桃桃煙三文魚大蝦沙律配蘋果醋二人份量岩岩好 大蝦彈牙 煙三文魚唔係死咸 加上酸酸甜甜蘋果醋好開胃美國安格斯肉眼（10oz)份量十足 肉眼煎到岩岩到 鎖住肉汁 一咬落去入邊仲係好juicy 牛味好濃底下仲有薯條 菜伴碟 薯條好好食黑松露忌廉芝士巨啡菇意粉意粉煮到岩岩好 唔會淋晒 仲好有口感 加上滑滑忌廉 絕配 大啡菇 焗到好juicy 最正係加上芝士調味 更加提升菇ge鮮味左烤布蕾波波茶即係黑糖珍珠鮮奶加芝士奶蓋黑糖珍珠好有Q彈 越咬越有味 珍珠入晒黑糖味 芝士奶蓋好rich好滑 加埋鮮奶 好match 好正右芝芝桃桃水蜜桃沙冰加上厚厚芝士奶蓋 濃而不膩 唔會飲到底就冇味👍🏻

今日我同朋友3個女仔嚟食，因為我地其中有人唔餓所以叫咗個2人set dinner share（$238/person). 2人set包starter沙律，前菜同湯, appetitzer四揀一,同主菜兩款（意粉或飯四揀一+肉類四揀一）+甜品同果汁。Appetizer我地揀咗和牛粒，然後主菜揀咗大蝦墨汁意粉同羊架。一開始前菜同湯，appetizer嚟得幾快，之後主菜嚟得好慢，起碼隔咗大半個鐘見勢色唔對就有催下，然後催完隔多10-15分鐘終於上咗個羊架。羊架完全暖都唔暖下，凍嘅。 之後意粉仲離譜，等大半個鐘, 催咗起碼4-5次都唔嚟。最終我地再開口叫佢唔該甜品都一齊上，驚唔知等到幾時。最終都係甜品上先至等到個意粉。個意粉唔熱都算，最激氣係大蝦係霉嘅！餐飯由8點食到10點幾，有個幾鐘都係等。中間佢地不停有人拎住啲菜會每張抬問，係咪你叫？證明咗佢地亂都到爆。平時我唔係個啲食野會反映不滿嘅人，最後我忍唔住都問咗句你地平時係咪都係咁慢？佢答我話今日星期五人多我完全唔buy。我肉眼見都唔係話完全full，可能7、8成？而且如果係人手問題，我覺得更加要改善，我想像唔到佢full哂會點。我仲有同佢話你應

見openrice評分不錯，平安夜去試試，結果係中伏。聖誕晚餐比平時貴實屬正常，但味道真係麻麻，魚子不新鮮，仲要野食唔熱，羊膝、海鮮risotto只暖不熱，sigh。第二，餐廳環境一般，燈光較暗但由於店內缺乏裝修及佈置，感覺殘舊。再者，我於二樓進食，該兩層樓梯又窄又舊，旁邊放置雜物/紙箱，又有一包包垃圾，衛生情況成疑。總而言之，呢間野食個快lunch/quick dinner 還可以（頂盡$100），但為慶祝到此就不了。

上年幫襯的時候...店員和食物質素也非常好...相隔一年職員及食物質素下降了很多....今晚點了熊本霜降牛扒，沒有上次點的肉眼扒煎得那麼香口...牛的油分亦不足...今次再幫襯全因為上一次的服務很周到..牛扒亦處理得十分美味...但對比今次這兩方面也令我失望😞其他點的食物還好...但水準相對以前下降不少.....飲品款式很多..轉了做台式飲料...味道很好..不過我還是喜歡以前的清新特飲....

擺盤精緻但野食凍冰冰，味道一般，portion非常精細亦高價。158嘅安格斯肉眼配菜少到男士們食完後仲需去M記食返個餐先至飽肚，極度適合減肥中嘅女仔去。Squid ink risotto塞咗兩羹喺兩舊squids度，兩啖食曬。另一位男士朋友嗌嘅175蚊羊架亦係凍冰冰，配菜夠裝落一個湯羹度。溫馨提示Neighbor：喺禮儀上通常都會等上齊先開食，野食上檯時間應差不多。但安格斯牛扒原本就唔係熱辣辣香煎出嚟，隔咗廿幾分鐘之後，再等到另外嗰位朋友的羊架上度嚟時，牛扒已凍曬...非常之失望。

三人行想揾個地方食餐好同吹下水， 見openrice 有很多好評又無咩心水之下揾到呢一間。餐廳在邊寧頓街， 有少少難找。地舖是一間賣茶飲嘅舖頭，跟餐廳是有聯繫， 在餐廳內可以order 茶飲店的茶飲。行樓梯上二樓餐廳， 叫了一個二人set再加一個黑松露pizza , 水牛城雞翼, 芝士煙肉薯條個餐收570 蚊， 包左龍蝦湯， 帶子沙律， 牛肉粒， 主食兩個， 飲品， 甜品。主食叫左個軟殼蟹海膽意大利飯同埋西冷牛扒。個飯勁硬勁乾唔入味， 個扒3 成熟但係完全咬唔到， 又無肉味跟餐嘅其他菜式都唔係好好食， 成晚除左個薯條同pizza 之外， 其它都有好大好大嘅進步空間。

呢間餐廳精益求精。兩年前幫襯未覺有出色之處; 今次再試,食物出品進步了很多! 抵讚! Lunch set今次將餐飲轉做pop up 既美好年華金鳳茶，。一飲都幾驚喜: 茶濃而香甜、奶蓋新鮮無化學感， 厚度亦剛剛好友人既海鮮意粉，整體個味都好夾。自己既risotto唔記得影相。只記得好creamy 又重菇味。仲要讚既係佢地既擺盤好靚!今次一行四人無人彈過一句 100分!員工都好有禮貌又快手。係銅鑼灣返工既我絕對會繼續幫襯!想快d試下佢地既 Burger

呢間西餐黑洞吾係第一次食西餐 價錢中等質素夠高黑洞特登揀黎同朋友食餐生日飯貪心仔黑洞叫左足足3款小食身為鵝肝控 必點鵝肝多士鵝油俾脆口既多士吸收晒 兩者完美配搭不過注意一客只有一件 有需要可能叫多1/2客法式白酒忌廉青口 酒味吾會好重反而幾香忌廉味 青口好鮮甜入口有咸水味炸軟殼蟹記住要趁熱食咬落吾止脆口 仲食到有蟹膏 正主菜方面 今次試芝士焗波士頓龍蝦伴帶子大大塊芝士放龍蝦表面 特別惹味帶子有2粒都吾錯香草羊架黑洞叫左7成熟有香草同ROSEMARY做調味 入口完全吾蘇羊肉都幾冧 不過食落無咩脂肪位飲品方面今次有驚喜係 原來台灣過江龍美好年代就開係佢下面試左杯烤布雷波皮茶 黑洞俾100分因為面頭烤布雷十分豐厚 飲落夠焦香同焦糖控黎講十分滿意底部珍珠夠冧 整體黑糖味好出

行過見到竟然發現到美好年代，佢係台灣很有名架，omg！就係Neighbor入面！好新的組合，可以take away或堂食！食到我喜歡的西餐，又可以飲到珍奶。美好年代menu齊全，有鮮奶波波茶、海鹽芝士奶蓋茶、水果茶、純茶、芝芝鮮水果雪沙。今日有d不幸，珍珠已賣完，要等到夜d先有，下次請早。巴馬火腿蜜瓜沙律油醋汁($88)份量很多，cp值很高！蜜瓜又大塊又甜，Parma ham都唔少，很soft，帶濃郁的咸香味，果然是perfect match。軟殼蟹牛油果漢堡($118)附闊身薯條和沙律菜軟殼蟹有成隻，好厚肉，而且炸得鬆脆，avocado醬可以再多些，加兩塊蕃茄和沙律菜，變成很健康的burger。美好水果四季春($42)，有好多水果，草莓、蘋果、百香果、橙，店家給的很大方，大大顆草莓。清香水果味很不錯，茶味可再重些。水牛城雞翼($58/6隻)很香，肉很嫩，少少酸，少少辣，但不會太辣，辣味像tabasco，酸酸辣辣很過癮。美國安格斯肉眼($178)配薯蓉和zucchini ，rib eye steak份量適中，不過稍為熟左d。美好甜品原味梳乎厘($58)，要等20mins，所以要預點時間

是日 臨急同朋友食慶生飯 見呢間風評唔錯就經openrive bk7：30 店舖有幾枱入座装修幾小品 行去坐低 腳底下地板已經感到痴笠笠唔太舒服叫左二人餐頭盤沙律 一大盤菜 配上醋汁 同二粒帶子菜太多 醋唔夠調味 食唔曬 浪費左之前有小食 可選一款 選左雞翼個樣ok 味道一般 但有隻中間唔熟主食 龍蝦 芝士忌廉汁意粉呢個一百萬個伏 意粉干 硬到一餅野咁真係食唔到 問店員拎汁 店員都好好人 俾汁我地但倒完個汁 仍然好難食 放棄西冷牛扒 味道一般 叫做有野落下肚cake跟二人餐送上一件 唔好食 埋下一個sad ending

原本約左同個fd食飯，諗唔到食咩，就係open rice碌到呢間野，見個樣好似幾好咁，啲價錢又唔算貴，仲有8折promotion，就book左呢間野試下。我地一上到去就見到個$238嘅餐(話包8樣野: 湯+餐包+沙律+小食+主食2樣+甜品+飲品)，咁諗住幾抵就叫黎試下，點知原來係伏黎🤢我地等野食已經等左起碼20分鐘，佢第一樣野就上左個好大碗嘅沙律，成碗淨係得菜同淋左啲醋落去，勁酸勁乾，食嘅時候覺得自己好似隻牛咁，然後佢碗沙律側邊係有4舊青瓜片夾巴馬火腿，就咁望落去已經見到有啲出水，一咬落去有陣青瓜變壞嘅味，好想嘔🤮然後我地試個湯，面頭係起哂一pat pat野，好𠍇，陣味又係怪怪地🙈小食我地叫左個芝士焗蠔，佢上菜嘅時候已經凍哂，因為太凍蠔嘅鯹味出哂黎🤢到主菜諗住會正常啲，我地叫左個海鮮芝士意大利飯，啲飯硬到好似狗糧咁，插支叉落去都唔會跌，個汁又係怪味嘅，唯一正常啲係個西冷牛扒，最後甜品同飲品都麻麻🙈最後埋單每人都要240蚊重點係隔離有兩個女仔又係叫左個餐，主菜叫左龍蝦忌廉汁意粉，佢地個意粉係冇汁架，乾到一個點，佢地都同啲員工反映左😂總結係食物質素好差，建議大家唔好去食啦🤢🤢🤢