Neko 熊穴

营业中

休息中

之前見到介紹覺得幾靚咁岩平日又去開西貢就去左試一去到都算多人，但好彩唔使等位始終係小店，鹹甜點選擇唔算多但我覺得都幾適合女仔口味😉-—卡邦尼烏冬—同流心溫泉蛋好配合唔算太濃味同咸—香煎帶子蝦味噌汁烏冬—帶子比較細粒，份量亦都比較少醬汁唔算濃，但都有少少蝦味嘅腥—火龍果梳打—梳打水唔夠，亦有啲似走咗氣有少少似火龍果加水有啲失望😅環境都算坐得舒服冷氣如果再大啲會好啲支持小店👍🏻努力改善

紅日遇上打風天，無咁多人入西貢，決定一嚐西貢新開左半年，內裡裝潢十分日式風情嘅cafe，漫活中午☕️魚白湯烏冬配日式雞肉丸子 $108雞肉丸子用竹籤串起，好有日式串燒感覺，即烤日本雞肉十分嫩滑鬆軟，而且鎖住左肉汁，十分juice ，好香雞味💯👍🏻湯底奶白，選用比目魚熬製而成，再加上菇菇同櫻花蝦，為奶白色湯增添色彩外，仲提供到菇同蝦乾鮮香味，所以特別鮮甜，但又完全無腥味，值得一讚👍🏻👍🏻好味到飲埋碗靚湯😋😋 粗烏冬口感煙un ，但就未到彈牙😌推薦度 4.5/5香煎帶子蝦味噌汁烏冬 $128三隻嫩滑帶子帶著微微鮮甜，蕃茄噌汁十分突出，微酸微甜的蕃茄汁依附在烏冬上，特別開胃😀推薦度4/5宇治之露（抹茶鮮奶紅豆熱飲）$48有驚喜，有驚喜🤩🤩抹茶奶打得十分幼滑，沒有粗鞋顆粒感，前調奶味香，然後喫下，後調餘韻就岀甘香抹茶味，幾正😍紅豆🫘軟熟香甜，爽😊推薦度 5/5煎茶玄米茶 每壼$68首先幾中意套茶具半透明玻璃幾有質感🤭糙米炒得好香，入口炒焙香，然後就係鮮甜微甘綠茶推薦度 4/5Neko 熊穴 (西貢)西貢海傍街2號地下B號舖

有日係西貢行街見到呢間cafe諗住試一試，叫了一份all day breakfast,一份抺茶紅豆班戟，一杯白核梳打，環境非常舒適，非常適合聊天或休息，班戟味道很好味，如果去開西貢，可以試下。

西貢一向是我最喜歡的後花園，山明水秀，無論看風景還是吃東西，都能滿足我這個酷愛自然，又饞嘴的人的願望。這一天來到西貢，我又在一間從裡到外，環境佈置都充滿日本味道，處身其中，彷如到了日本京都一樣的咖啡店，享受了一段美妙的悠閒時光。這間滿帶著日本風情的咖啡店，因為位置在海鮮街的盡頭處，跟其他餐廳食肆相比，距離西貢的中心區城來得遠一點，所以較為清靜，這天雖是周末，我在下午二時左右來到，店內的客人不是太多，我與太太竟然可以在店內兩個日式榻榻米座位的其中一個用餐，都算幸運。雖然這裡自家調配的茶看來應該不錯，但這天天氣炎熱，我倆在西貢又已閒逛了好一會，不約而同都不想再喝熱飲，就來兩杯梳打好了。兩杯凍飲先行送上，我的「香梨梳打」（$48）較為清澈，味道亦較為清甜；老婆仔的「蜜桃梳打」（$48），色澤沒有那麼清澈，味道亦沒有那麼清甜，在盛暑下喝杯清涼的凍飲，頓感心曠神怡。不常供應，價錢不便宜的「鮮拆蟹肉蟹味噌冷素麵」（$168）雖然份量不多，但賣相吸引，味道又好，清新味美，蟹肉、蟹味噌、三文魚子與冷素麵的配搭，本已清新怡人，加上散發著芳香的白松露油，更讓這主菜成為令我倆都十分滿意的美食。一客三件的「法

呢幾年都多左好有特色Cafe🤩喺西貢嘅一個唔算顯眼嘅位置竟然有一間咁有獨特嘅日式Cafe餐廳🍴睇門面入口已經好有裝飾，門口係木色系列，外牆就係白色，帶左一種輕鬆嘅感覺！食物嘅選擇都適中all day 有pancake都幾鬆軟，滑蛋都好香濃嘅蛋味另外兩款就係甜食嘅pancake，叫咗一個綠茶黑糖pancake，唔會太過甜，綠茶味就冇乜另一個芒果pancake同綠茶味其實差唔多食物嘅質素唔算差，不過唔係話有特色嘅食物最有特色係個環境室內，比較有心思嘅裝飾有幾張枱櫈都係用咗榻榻米，角落頭仲有一個位置非常適合打卡不過要提醒店主講話要消費滿$600就可以坐喺嗰個位，呢一個就可以自己衡量返…如果有四個人，每人一個餐，再叫嘢飲都差唔多室外都仲有枱可以提供，系一個唔錯嘅放假，可以慢條斯理食吓嘢傾吓計嘅地方💕

前幾日去西貢，諗著3點幾食個tea hea下入到去有個短髮呀嬸叫我隨便坐我揀咗角落嘅「打卡」梳化位呀嬸話：「呢張枱最低消費$450」但係當時舖頭坐得一半人唔明點解唔俾人坐·到叫野食睇openrice d pancake相都feel到好一般所以叫咗2壺$68既茶同朋友一人一壺阿嬸走埋嚟問會唔會叫pancake我話唔洗佢話禁因為假期，所以只可以坐40分鐘·成間餐廳有8-9張枱當時加埋我地得3-4枱人我完全唔明點解仲要限時同埋我出面未試過一間餐廳只可以坐40分鐘·雖然如果我哋過咗時佢都應該唔會趕走我哋但係一個非常差嘅體驗只可以話店主唔識做生意

走進cafe一刻感覺置身日本京都🌿用心的日式裝修、別緻的手工原木枱、塌塌米、友善的店主、高質的食物及茶飲🍵呷一口茶聽聽音樂令人好放鬆舒壓🤍💚魚白湯烏冬配雞肉丸子 $108烏冬口感Q彈，比目魚白湯配櫻花蝦很濃郁美味，雞肉丸子是即烤的，超好吃推薦推薦🤤💚和風抹茶班戟 $88配有紅豆、忌廉和黑蜜，不會太甜，但班戟略嫌沒有蛋香～💚凍抹茶鮮奶 $42💚凍煎茶玄米茶鮮奶 $42兩款也很順滑好喝，玄米茶更香濃！下次想來試試一壺壺的精品茶🤎

這天為了這特色cafe來了西貢一趟 位於海傍街的Neko Bear Cafe 店外店內都充滿悠閒的日系感覺令人近走時腳步呼吸也放輕鬆了 店内細節也盡見店主心思手工原木枱、塌塌米、小盆景配以出色的食物和茶飲精心打造了一個舒適溫暖的空間室外更有一個看海的🐶pet friendly 空間無論打卡影相、聽音樂、看書、放空都是個很好的選擇 到來這間Neko bear cafe 不能錯過它的自家手打烏冬 🍜聽說是店主每天早早親手打造的今次選了鯛魚白湯烏冬配日式雞肉丸子烏冬的口感果然很煙韌滑溜配上濃郁的鯛魚湯味和香軟的丸子讓我整碗連湯吃掉😋再來的法式芒果焦糖pancake 🥞一點也不膩表層有火槍燒過的香脆焦糖正合我心意喜歡特色茶香的朋友 相信會在這裡找到驚喜 🍵☕️跟朋友忍不住口試了很多款煎茶玄米茶、煙燻紅茶、伯爵茶、Matcha latte每款都很出色今次未有機會吃到口碑很好的鮮拆蟹肉冷素麵因為當天沒有新鮮靚蟹 🦀店主便不會賣這道麵食唯有留待下次再踫運氣🌿

今天中午同老婆行完山搵嘢食，喺小巷子遇見呢間供應新鮮烏冬嘅餐廳，於是一試。點了煎帶子烏冬配蝦味噌，同埋魚湯烏冬配雞肉串子。烏冬口感彈牙，店主話俾我哋知，佢用咗兩日嚟發酵麵糰，所以烏冬特別煙韌，帶子也鮮味；最後加了抹茶班㦸作為甜品，便完滿了。食得出店主是係用心製作食物，值得支持。除了食物外，也看得出餐廳經過悉心佈置，我們用餐時的心情也由於環境而變得愉悅，感受到店主有心做好。P.S.：下次會帶埋嘴刁的女兒一齊嚟食。

復活節假期去咗試呢間近期新開嘅西貢cafe, 睇上網介紹環境靚又有手打烏冬，一於嚟試下🎊去到要等一陣先可以入座😌因為咁岩撞正中段清潔時間好快有個老少少同事好有禮貌安排入去，當然點左呢度主打嘅烏冬同班戟當期待緊野食時，就聽到坐打卡位嗰兩個中年姐姐好大聲咁投訴，話冇味噌味又要叫老闆出嚟，之後店員攞咗盒日本味噌出嚟俾佢睇，但之後佢兩個都喺度繼續嘈，咁我諗，死啦，一定好垃圾，今次中伏點知野食嚟到，又幾好食喎😋我哋叫咗一個魚白湯烏冬，好味喎，連平時出街唔會飲湯底嘅朋友，都咕嚕飲晒😅另外叫左一個同兩位姐姐一樣嘅帶子烏冬，都好味，食得出個汁唔係現成野，好有心自己調味👍🏻我完全唔明白佢哋喺度咁嘈做乜，破壞晒我個假日氣氛🤬朋友話可能佢想R着數掛😅 最攪笑係佢哋兩個都清晒碗，汁都無滴😌好鬼異小店加油啊👍🏻👍🏻

係西貢碼頭行咗5-6分鐘終於搵到餐廳，簡潔風日式裝修，感覺明亮舒服，係平日下午入去坐咗7成滿，店員話可以隨便坐，入面有好適合打卡的榻榻米座位。坐低掃咗電子餐牌，叫咗卡邦尼烏冬、鯛魚白湯烏冬配日式雞肉串子、凍嘅煎茶玄米茶鮮奶、一壺焙茶，最後叫咗和風玄米茶班戟。我同朋友都覺得嘢食都唔錯，鯛魚白湯烏冬配日式雞肉串子味道適合我，唔太濃；朋友就覺得卡邦尼烏冬味道濃啲會更好。焙茶係原片茶葉沖，茶香味甜甜地；煎茶玄米茶鮮奶，聞到玄米茶味，入口先是鮮奶味道然後有啲茶味！和風玄米茶班戟是一個唔錯嘅甜品，有紅豆同cream，旁邊有糖漿，對我來説有點點太甜，朋友覺得ok。店員仲好好人幫我地壺焙茶添熱水。題外話：係户外座見到有客人帶住可愛嘅小狗同有一座客人帶埋貓咪都可以入去餐廳入面。

經過西貢見新開餐廳食日式料理，裝修好日式好靚，咁入去試下，雞肉丸子魚湯烏冬….價錢唔平，滿心期望，點知好失望…串肉丸ok… 果湯底冇乜鰹魚味好水….之後試卡邦尼烏冬我本身好鍾意卡邦尼，食完之後我會選擇食返卡邦尼意粉，因為果烏冬有啲黏住，食落去覺得意粉好食啲，最主要味道同外面普通西式卡邦尼冇乜分別，但配烏冬真係冇乜驚喜..甜品抹茶班戟Ok 冇乜特別，叫做比較滿意另外2個老人家態度就好有禮貌，呢度值得一讚，但廚房短髮話事態度就麻麻…裝修係靚，但食物就….唔會有嘢吸引我去第二次

今日星期日入西貢，所有餐廳都要大排長龍，見到呢間cafe 幾靚，就諗住排下隊都照食，點知排完入去，掃QR code 時才發現，8成食物已賣完，但因為實在唔想再搵另一間餐廳再排，諗住隨便叫兩個餐，兩杯野飲就算，烏冬只有蝦的那款，跟一位年長既店員溝通我們有人不可以食蝦，想轉其他汁之類，那位店員好像完全聽不明白我們的查詢，來來回回後我們決定放棄，因為咸點只有這款，無可奈何地照叫，但等了很耐一碟凍冰冰既烏冬才上場，其他食物，半小時都未上到枱，再問店員，原來所有食物都留單，一片混亂，好難再叫人再幫襯。

黎西貢一定要揾小店食先有旅行渡假的感覺。行到呢間店門前，見到有啲日本入温泉時嘅小石頭，即刻被吸睛👀👀入到去仲靚，有個日本🇯🇵和風佈置，影下相有種渡假的感覺☺️☺️☺️🧡魚白湯烏冬配日式雞肉丸子 $108我好鍾意食串燒咁嘅雞肉丸子🍢入口軟冧，唔似平時肉丸禁硬同實。魚湯好好飲，唔會係味精湯，有濃郁魚香味🐟🐟🐟烏冬彈牙，就算放咗一陣都唔會冧唒🧡法式焦糖班戟 $88班戟上面同焦糖布甸🍮一樣，一入口焦糖部分脆卜卜，班戟鬆軟，口感有強烈對比🧡煎茶玄米茶鮮奶 $36雖然細細一杯，但好足料味道濃。下次要試其他口味

一間日式佈置令人很舒服的地方。廚師很厲害，愛自家製的食物。焦糖班戟好特別，有一層脆脆焦糖在面加上自家製士多啤梨漿，有鮮芒果及cream，很好味。仲有自家製烏冬，好有口感，值得再去。